Çmimi i biletës është 2500 lekë. Të gjithë të interesuarit mund të pajisen me bileta nëpërmjet blerjes online në faqen zyrtare të “FSHF”-së, ose në ambientet  e dyqanit zyrtar të FSHF-së në rrugën “Themistokli Germenji”, Tiranë.

Vendet për tifozët shqiptarë janë në seksionet B5, B6, B7 dhe B8, të cilat ndodhen në pjesën jugore të stadiumit në tribunën e katit të parë.

Sulmuesi i Napolit ka gjetur rrjetën në minutën e 49-të. Krosim shumë i bukur i Bernardeskit nga goditja e këndit dhe koordinim perfekt i Insinjes. Portieri mik në vend, topi në rrjetë dhe tifozët e pranishëm në festë. Kryevepër e Insinjes, ndërsa Itali do tentojë deri në fund fitimin e ndeshjes.

I’m just recording this hit from Insigne off my tv because this is next level pic.twitter.com/BtZqNuGnNi

— Wayne Girard (@WayneinRome) June 11, 2019

Stanisllav Lobotka hapi serinë e golave në minutën e tetë. Mesfushori i Selta Vigos ndërmori një inkursion shumë të bukur dhe mposhti portierin vendas me një goditje të bukur nga jashtë zonës.

Miqtë dyfishuan në minutën e 27-të me anë të Jiraj Kuçkës. Mesfushori i Parmës qëndisi një perlë të vërtetë nga goditja e dënimit, duke shënuar një gol të mrekullueshëm.

Ishin minuta intensive, ndërsa vendasit shkurtuan rezultatin pas dy minutash. Shejdajev lëvizi bukur në zonë dhe lëshoi një predhë, duke rihapur shpresat e Azerbajxhanit. Megjithatë, spektakli sllovak nuk ishte mbyllur.

Marek Hamshik gjeti golin një minutë më vonë. Sërish goditje nga larg, sërish eurogol. Kapiteni sllovak mori një pasim nga Kuçka, shmangu bukur me trup mbrojtësin kundërshtar dhe me të majtën dërgoi topin në trekëndësh.

Sllovakët shënuan edhe dy herë të tjera në pjesën e dytë. Hamshik gjeti përsëri rrugën e rrjetës me një goditje të saktë nga jashtë zone, ndërsa Hanko vulosi “manitën” pesë minuta përpara fundit.

Azerbajxhan-Sllovaki 1-5
(Shejdajev 29′ / Lobotka 8′, Kuçka 27′, Hamshik 30′, 57′, Hanko 85′)

Dilema më e madhe në mbrojtje është Mërgim Mavraj. Kapiteni ka pasur një problem në gju para ndeshjes me Islandën dhe pritet të shihet nëse e nis nga fillimi sot. Pjesa tjetër në prapavijë mbetet e pandryshueshme.

Në mesfushë risia pritet që të jetë Ergys Kaçe. Trajneri Reja me shumë mundësi do të sakrifikojë Migjen Bashën, kurse në sulm mund të bëhet surpriza e madhe, duke ulur në stol Cikallesin e Balajn, për t’i lënë vendin Sadikut dhe Uzunit.

EUROPEAN QUALIFIERS 2020– GRUPI H
E martë, më 11 qershor 2019, ora 20:45
Stadiumi “Elbasan Arena”, Elbasan

SHQIPËRIA: Berisha – Ismajli, Mavraj, Veseli – Hysaj, Xhaka, Kaçe, Abrashi, Lenjani – Uzuni, Sadiku. Trajner: Edi Reja

Kjo fitore e ngjit kombëtaren axurre në kuotën e 9 pikëve pas tre ndeshjes, ndërsa të martën do të presë Bosnje Hercegovinën, në një duel të zjarrtë që duhet fituar me çdo mënyrë.

“Gjëja më e rëndësishme është fakti që po përmirësohemi ndeshje pas ndeshje. U treguam të aftë që nga minuta e parë dhe e drejtuam ndeshjen aty ku donim ne. Duhet të sulmonim më shumë në pjesën e dytë, por e menaxhuam më shumë se ç’duhet situatën. Duhet të përmirësohemi në këtë aspekt. Nuk pësojmë gol prej gjashtë ndeshjes dhe kjo po ndodh edhe falë presingut të bërë lart”, thekson Roberto Mançini.

Si të mos mjaftonte fakti që ekipi nuk po koordinohej siç duhet, lojtarët francezë nuk dolën të bënin diferencën as në aspektin individual. Lojtari që zhgënjeu më shumë ishte 20-vjeçari Kilian Mbape, i cili regjistroi një statistikë të frikshme.

Mbape humbi topin plot 20 herë në këtë takim, më shumë se në çdo ndeshje tjetër me kombëtaren franceze. Mbrojtësit Hasan Ali Kaldirim dhe Merih Demiral u kthyen në një makth për sulmuesit e PSG-së.

Pjesa e parë do të mbyllej me rezultatin 2-0 në favor të vendasve. Në pjesën e dytë, trajneri Deshamp u mundua të ndryshojë diçka, por Franca nuk ia doli që të gjente të paktën një gol, ndërsa Turqia mbrojti me fanatizëm avantazhin dhe mori tri pikë shumë të vyera dhe kreun e Grupi H.

Kualifikuese, Euro 2020

Turqi – Francë  2-0
Kan 30’, Ynder 40′

Kur kishte presionin e dy futbollistëve, Nojer nuk u shqetësua aspak, dribloi të dy (madje duke e rrëzuar njërin në tokë) dhe më pas pasoi saktë te shokët e skuadrës.

Video e tij po bën xhiron në rrjet dhe gardiani i Bajernit vazhdon të tregojë se nuk është i aftë vetëm me duar…

Manuel Neuer ? pic.twitter.com/NTMclNwsvw

— Florian Hollenbach (@fhollenbach) June 8, 2019

Formacionet nuk kanë shumë surpriza. Roberto Mançini ka në dizpozicion të gjithë skuadrën, në përjashtim të Donarumës. Surpriza e vetme është mungesa e golashënuesit më të mirë të kampionatit italian, Fabio Kualjarela.

Në vend të tij do të zbresë Beloti, Duhet të themi se sulmuesi i Torinos është një pikë kyçe e formacionit. Edhe të Greqia nuk ka surpriza. Trajneri ka zgjedhur më të mirët, ndërsa skema taktike do të jetë 3-4-3.

Greqi-Itali

Kualifikiueset, Euro 2020

Greqia (3-4-3): Vasilis Barkas, Sokratis, Manolas, Dimitros Siovas, Samaris, Zeka, Kurbelis, Stafidhis, Fortunis, Kolovos, Masuras. Trajner, Angelos Anastasiadhis

Italia (4-3-3): Sirigu, Emerson Palmieri, Kielini, Bonuçi, Florenci, Verrati, Zhorzhinjo, Nikolo Barela, Insinje, Beloti, Kieza. Trajner: Roberto Mançini.

Që në momentin e parë, u vu re se dëmtimi i Zenelit ishte i rëndë dhe numri 10 i “Dardanëve” u largua me barelë nga fusha e lojës. Pas ndeshjes, dyshohej për një këputjeve të ligamenteve në gju dhe pas analizave të sotme, kjo gjë është konfirmuar.

Mungesa nga një dëmtim i tillë është rreth 6-9 muaj dhe mesa duket, Zenelit do t’i duhet koha maksimale për t’u rikuperuar. I pafat mesfushori anësor, pasi këtë vit bëri sezonin e tij më të mirë në karrierë.

Në fillimin e pjesës së dytë, Perisiç shënon golin e dytë për Kroacinë, duke zhvlerësuar golin e shënuar nga Bruks në minutën e 77’. Uellsi bëri një ndeshje shumë të mirë, por nuk ia doli që të marrë të paktën një pikë. Blerja e re e Junajtid, Xhejms, bëri një paraqitje dinjitoze.

Por ajo që ra më shumë në sy në këtë takim, ishte një aksion i çmendur i Gareth Bejl. Ylli i Realit të Madridit merr një top nga rivënia anësore dhe jep një pasim me duar plot 40 metra për shokun e tij të skuadrës, që e sheh veten përballë portierit, por nuk arrin të godasë.

GOLI –  “Kaloi 3-4 lojtarë, mund të evitohej, ishte meritë e tij. Ndoshta duhet të bënim një faull jashtë rregullave të “Fair-Play”. Bëri lëvizje shumë të bukur. Moduli? Kemi shkuar mirë, pati mirëkuptim me skemën e re. Është fillimi dhe mundtë përmirësohemi.  Tërheqja e mbrojtjes? E bëmë diçka të tillë se ata u vunë në kundërsulm”.

E ardhmja? “Kam edhe dy vite kontratë me Empolin. Shpresoj që nëse vjen ndonjë ofertë më e mirë, në Serie A apo ndonjë kampionat tjetër i rëndësishëm, do kisha bërë një ndryshim për më mirë”.

Islandë më të dobët Shqipëria nuk mund të gjejë në një moment tjetër. Statistikat flasin vetë, teksa në 17 ndeshjet e fundit kanë fituar vetëm një herë. Tashmë u shtohet edhe një triumf tjetër në shifrat e tyre. Vendasit fituan dhe e bënë diçka të tillë edhe pa luajtur më mirë se ne, pavarësisht se duhet thënë se në disa momente ishin të rrezikshëm.

Freskia e tyre fizike u shërbyer për të ndërprerë shumicën e aksioneve tona dhe duke na mbajtur larg portës. Ia arritën qëllimit dhe në fund iu gëzuan tre pikëve, kurse Shqipëria duhet të mendojë për ndeshjen e radhës, atë me Moldavinë në Elbasan.

EUROPEAN QUALIFIERS 2020 – GRUPI H
E shtunë, më 8 qershor 2019, ora 15:00
Stadiumi “Laugardalsvollur”, Rejkjavik

ISLANDË-SHQIPËRI 1-0
Shënues: Gudmundson 22′

ISLANDA: Halldorsson, Hermannsson, Arnason, R. Sigurdsson, Skulason, Gudmundsson (Traustason 56′), Gunnarsson, Bjarnason, Sigurjonsson, G. Sigurdsson, Kjartansson

SHQIPËRIA: Berisha – Ismajli, Dermaku, Veseli – Hysaj, Xhaka (Ndoj 72′), Basha (Kaçe 67′), Abrashi, Lenjani – Balaj, Cikalleshi (Sadiku 80′). Trajner: Edi Reja

Gjyqtarë: Bobby Madden (SCO), Douglas Ross (SCO), David Roome (SCO), Donald Robertson (SCO)

EPISODET

94′ – Berisha shpëtoi Shqipërinë nga një gol tjetër, pasi devijoi gjuajtjen e Sigurdson në dy kohë.

82′ – Ndoj, në hyrje të zonës, provon me një goditje të fortë. Topi i goditur prej mesfushorit të Breshias shkoi pak mbi traun e portës.

80′ – Armando Sadiku ishte lëvizja e fundit e trajneri Edi Reja, i cili nxori nga fusha sulmuesin Sokol Cikalleshi.

67′ – Migjen Basha lë fushën e lojës dhe në vend të tij aktivizohet mesfushori Ergys Kaçe. Reja do më shumë fantazi dhe freski.

66′ –  Arnason mund ta ndëshkonte Shqipërinë pas një krosi në që anësori e arrin dhe e devijon jashtë porte.

45-60′ Shqipëria është më kërkuese, por i mungon qartësia për të shkuar te porta e Islandës. Vendasit janë agresivë dhe ndërpresin shumicën e aksioneve

PUSHIMI I NDESHJES – Humbasim me rezultat, por jo me lojë. Kuqezinjtë kanë luajtur shumë mirë, kanë qenë të barabartë në zotërim topi e kanë tentuar më shumë goditje drejt portës, por falëm një gol në mënyrë naive dhe në fund arbitri nuk pa një penallti në favorin tonë.

45′ – Shqipëria proteston për një penallti, me pretendimin se lojtari i Islandës prek një top me dorë në zonë. Pamjet tregojnë që ka një përkulje të mbrojtësit islandez, duke penallti e qartë, por arbitri ishte shumë pranë dhe nuk e ndali lojën, mes protestave të lojtarëve tanë.

28′ goditje këndi e krosuar në zonë nga Lenjani, topi mbetet në zonë dhe Dermaku gjuan drejt portës. Topi shkon pak mbi traun e portës.

22′ GOOOL Gudmundson “hedh valle” në zonën e kombëtares shqiptare dhe më pas mposht edhe portierin Etrit Berisha

4′ – Shqipëria i afrohet golit me anë të mbrojtësit Elseid Hysaj, i cili me të majtën goditi në kuadrat dhe portieri vendas shmangu golin.

]]> https://sportekspres.com/video-shqiperi-bujare-islanda-i-prish-debutimin-rejes/feed/ 0 https://sportekspres.com/shqiperi-me-shume-muskuj-reja-zgjedh-formacionin/ https://sportekspres.com/shqiperi-me-shume-muskuj-reja-zgjedh-formacionin/#respond Sat, 08 Jun 2019 11:43:47 +0000 http://sportekspres.com/?p=271872 Edi Reja është gati të debutojë në krye të Shqipërisë, teksa prej orës 15:00 kuqezinjtë përballen me Islandën. Tekniku italian ka përzgjedhur edhe formacionin dhe Berisha do të mbrojë katërkëndëshin, kurse në qendër të mbrojtjes risia është Dermaku. Krah tij do të aktivizohen Ismajli dhe Veseli., kurse Hysaj dhe Lenjani luajnë nga krahët.

Në mesfushë “truri” do të jetë Migjen Basha, kurse krah tij janë përzgjedhur Taulant Xhaka dhe Amir Abrashi. Në sulm do të kemi një dyshë të gjatë, Balaj-Cikalleshi. Një zgjedhje e bërë edhe për aspektin mbrojtës, pasi të dy këta lojtarë në goditjet standarde do të duhet të ndihmojnë skuadrën me shtatlartësinë e tyre. Edhe Islanda ka përcaktuar formacionin e saj.

EUROPEAN QUALIFIERS 2020– GRUPI H

E shtunë, më 8 qershor 2019, ora 15:00
Stadiumi “Laugardalsvollur”, Rejkjavik

ISLANDA: Halldorsson, Hermannsson, Arnason, R. Sigurdsson, Skulason, Gudmundsson, Gunnarsson, Bjarnason, Sigurjonsson, G. Sigurdsson, Kjartansson

SHQIPËRIA: Berisha – Ismajli, Dermaku, Veseli – Hysaj, Xhaka, Basha, Abrashi, Lenjani – Balaj, Cikalleshi. Trajner: Edi Reja

Gjyqtarë: Bobby Madden (SCO), Douglas Ross (SCO), David Roome (SCO), Donald Robertson (SCO)

Sot është me shumë rëndësi që kuqezinjtë të mos mposhten. Reja ka bërë gati kurthin, teksa në fushë do të zbresë një formacion me 5 mbrojtës. Edhe pse thuhet që do të luajmë me modulin 3-5-2, dy anësorët janë Aliji dhe Hysaj, mbrojtës tipikë.

Për të mbetur te formacioni, Berisha do të mbrojë katërkëndëshin, kurse në qendër të mbrojtjes risia është Dermaku. Krah tij do të aktivizohen Ismajli dhe Veseli. Në mesfushë “truri” do të jetë Migjen Basha, kurse krah tij priten Taulant Xhaka dhe Ergys Kaçe.

Në sulm do të kemi një dyshë të gjatë, Balaj-Cikalleshi. Një zgjedhje e bërë edhe për aspektin mbrojtës, pasi të dy këta lojtarë në goditjet standarde do të duhet të ndihmojnë skuadrën me shtatlartësinë e tyre.

EUROPEAN QUALIFIERS 2020– GRUPI H

E shtunë, më 8 qershor 2019, ora 15:00
Stadiumi “Laugardalsvollur”, Rejkjavik

SHQIPËRIA: Berisha – Ismajli, Dermaku, Veseli – Hysaj, Xhaka, Basha, Kaçe, Aliji – Balaj, Cikalleshi. Trajner: Edi Reja

Në Grupin D, Danimarka u ndal në një barazim me Irlandën, ndërsa Gjeorgjia nuk i diskutoi tri pikët me modestët e Gjibraltarit. Grupi F nuk rezervoi surpriza. Spanja dhe Suedia fituan ndeshjet respektive ndaj Ishujve Faroe dhe Maltës, ndërsa Norvegjia dhe Rumania u ndalën në një barazim 2 – 2.

Në Grupin G Maqedonia e Veriut u mund në Shkup nga Polonia. Përfaqësuesja polake mori tri pikët falë golit të vetëm Kristof Piatek. Izraeli mposhti 3 – 0 Letonin me Eran Zahavin protagonist absolut me tripletën e tij. Austria mori fitoren e parë duke mposhtur 1 – 0 Sllovenin.

Grupi B
Ukrainë 5 – 0 Serbi
Shënues: Tsigankov 26’, 28’, Konoplianka 46’, 75’, Jaremçuk 59’

Lituani 1 – 1 Luksemburg
Shënues: Novikovas 74’ / Rodrigez 20’

GRUPI D
Gjeorgji 3 – 0 Gjibraltar
Shënues: Gviilia 30’, Papunashvili 69’, Arveladze 76’ (pen)

Danimarkë 1 – 1 Irlandë
Shënues: Hojbjerg 76’ / Dafi 85’

GRUPI F
Ishujt Faroe 1 – 4 Spanjë
Shënues: Olsen 30’ / Ramos 5’, Navas 19’, Gestson 33’ (aug), Gaja 71’

 Norvegji 2 – 2 Rumani
Shënues: T.Eljonuzi 56’, Odegard 70’ / Kesheru 76’, 90+2’

Suedi 3 – 0 Maltë
Shënues: Kuaison 2’, Klaeson 50’, Isak 80’

GRUPI G
Austri 1 – 0 Slloveni
Shënues: Burshtaler 74’

Letoni 0 – 3 Izrael
Shënues: Zahavi 10’, 60’, 80’

Maqedonia e Veriut 0 – 1 Poloni
Shënues: Piatek 47’

EDI REJA – “Trajneri i ri më duket shumë mirë, kemi bërë stërvitje me intensitet. Atmosfera me lojtarët dhe stafin është shumë mirë. Një gjë e tillë mungonte prej kohësh”.

PRAPAVIJA – “Nuk kam përgjigje, nuk e di pse ishte ashtu. Ne mundohemi të japim maksimumin, pavarësisht trajnerit ne luajmë për kombin tonë. Ka ndeshje që nuk luajmë mirë, por jemi të gjithë fajtorë, shpresoj në ndeshjen e radhës të përmirësohemi”.

FORCA – “Forca jonë është të luajmë me zemër, me mbrojtje të mirë dhe trajneri i ri na ka dhënë disa gjëra ekstra. Do mundohemi të përcjellim ato çfarë do trajneri”.

28-vjeçari i Akhisarspor tregon emocionet e rikthimit, ka një koment për trajnerin e ri dhe analizon transfertën vikinge kundër Islandës.

“Të jesh është pjesë e Kombëtares është kënaqësi dhe kontributi për të është një nder. Kështu do jetë gjithnjë, ndjehemi mirë dhe po punojmë me intensitet të lartë. Me ardhjen e trajnerit të ri punojmë shumë mirë, uroj që këtë punë ta shfaqim në ndeshjen kundër Islandës.

Në dy grumbullimet e fundit kam qenë i dëmtuar, ftesa më ka ardhur, por kam qenë i dëmtuar. Tashmë jemi në kapitull të ri dhe është më mirë ta lëmë pas të shkuarën”.

“Duke iu referuar sistemit të ri, duket se sulmuesit janë më të avantazhuar për të luajtur. Nga katër që jemi luajnë dy, por nuk është përfundimtare. Nuk kemi probleme kush luan, kushdo që ka luajtur e kemi mbështetur. Kur ka luajtur Balaj, Sadiku apo Uzuni, kanë pasur mbështetje. Ajo që është më e rëndësishme, është që kjo harmoni e re që është krijuar do të na ndihmojë në ndeshjet e radhës. Edhe pse futbolli nuk është matematikë, por ndihet diçka e re, një fillimi i ri. Shpresoj ta konkretizojmë me Islandën dhe Moldavinë.

Unë kam shënuar 2 gola dhe shumë shtylla, por nuk kam ngelur asnjëherë i pakënaqur. Më kënaq rezultati, duke qenë se luajmë me dy sulmues, shanset janë më të mëdha për të shënuar. Qëllimi kryesor është rezultati pozitiv, pavarësisht kush shënon.”

Lojtarët u pyetën edhe për sa i përket periudhës që do të luhen ndeshjet, pasi shumica e kampionateve janë mbyllur dhe ndoshta kjo do të jetë problem. Lidhur me këtë çështje Lenjani e Mavraj ndanin mendime të kundërta, pasi fillimisht anësori i Sionit deklaroi:

“Normalisht që është fundi i sezonit dhe ndoshta nuk jemi të gjithë të freskët. Gjithsesi, nuk besoj se do të jetë problem i madh.”

Më pas fjalën e mori Mërgim Mavraj, i cili tha se mund të jetë problem, por në fund të dy lojtarët kuqezi deklaruan njëzëri se do të japin maksimumin dhe do të mundohem me shpirt të gëzojnë shqiptarët.
“Unë mendoj se ka dallim të madh. Jo vetëm nga aspekti që jemi të lodhur nga kampionatet, por në fund të kampionatit duket sikur dera mbyllet dhe është një luftë brenda vetes. Sidoqoftë, ne jemi profesionistë dhe jemi të lumtur që jemi të grumbulluar. Mbaj mend që shumica e ndeshjeve që kemi luajtur në qershor kanë qenë katastrofë. Ajo që duam të themi dhe premtojmë për tifozët është që do mundohemi me shpirt për t’i gëzuar shqiptarët dhe të japim maksimumin.”

Mavraj ndalet edhe te trajneri i ri. Edi Rejën po e zbulon, por ai i pëlqen. Transmeton qetësinë e një kryefamiljari dhe është simpatik. Eksperienca në Greqi me Arisin nuk është për t’u hedhur poshtë.

Ka njohur shumë shqiptarë me të cilët ka kaluar shumë mirë, ndërsa në fushë nuk ndodhi ajo përshtatja. Kundër Islandës nuk do të luajë si pasojë e pezullimit, por do të jetë tifozi numër një i shokëve të tij.

NDRYSHIMET -“Ka ndryshime shumë të rëndësishme. Mua më duhet edhe pak kohë t’i analizoj të gjitha këto ndryshime. Tani kam 20 orë këtu dhe nuk mund të jap një opinion, më duhet edhe pak kohë. Gjëja e parë që bëri përshtypje? Grupi i madh, që jemi shumë lojtarë. Vendin tim nuk e gjeta bosh (qesh).”

SITUATA – “Para ndeshjes me Skocinë kemi qenë maksimalisht të fokusuar, tani kemi ardhur nga kampionatet dhe nuk e kemi përqendrimin për Islandën. Gjithsesi, me udhëtimin në Gjermani do ndryshojë edhe atmosfera dhe fokusimi për të qenë gati.”

REJA – “Kemi biseduar pak dje dhe më duket shumë i qetë dhe simpatik. Si babai jonë. Është i buzëqeshur dhe shumë simpatik. Për pjesën taktike nuk mund të them ende asgjë.”

ARIS – “Ka kaluar shumë kohë dhe i kam lënë pas përshtypjet e Greqisë. Ka qenë shumë eksperiencë e bukur. Jashtë futbollit kam pasur kohë të mira, kam njohur shumë shqiptarë. Sa i përket futbollit ka pasur shumë dallim mes futbollit grek dhe atij gjerman. Nuk ishte identiteti im me mënyrën si luanin atje. Për mua nuk kishte zgjedhje tjetër veçse largimit.”

MAVRAJ – “Mërgimi do të jetë krejtësisht i motivuar dhe i fokusuar. Kjo është e rëndësishme. Edhe fatkeqësia që ndodhi para dy ditësh do mundohem ta kaloj dhe kam shumë besim.”

INGOLSHTADI – “Rezultati nuk ka qenë i mirë, duke pasur parasysh që erdha në janar për të shpëtuar ekipin. Gjashtë muajt e mi atje nuk kanë qenë të këqinj, pasi kanë qenë disa objektiva që i kemi arritur. Për mua nuk ka rëndësi se çfarë ka ndodhur, ka rëndësi se si i bëra ballë kësaj situate.”

OBJEKTIVAT – “Liga e Kombeve na eci shumë keq, për çdo gjë, si në rezultate si në lojë. Nuk kemi qenë të kënaqur. Duhet të përmirësohemi. Nëse ndodh diçka e tillë do vijnë dhe rezultatet. Kemi pasur shumë ndryshime si skuadër dhe duhet të afrohemi të jemi një grup më i afërt dhe më i fortë. Rezultatet nuk i kemi pasur, pavarësisht se mundësitë dhe cilësitë i kemi. Është momenti të punojmë për të ardhmen. Kemi trajner të ri dhe staf të ri dhe nuk duhet të shohim në gabimet që kemi bërë më parë, por të shohim të bëjmë mirë për të ardhmen.”

LIDERI – “Gjithmonë e kam thënë që në kohën e Lorikut kemi qenë një ekip i fortë dhe me luftëtarë në fushë. Dallimin e bën grupi dhe jo Mërgimi apo Loriku. Unë si Mërgim nuk do jem në fushë ndeshjen e parë, por do mundohem t’i jap sa më shumë besim lojtarëve. Kjo gjë duhet të na shërbejë për grupin, sidomos në sfidën ndaj Islandës. Ne kemi 11 liderë në ekip.”

Bomberi nga Elbasani zbulon trajnerin e ri dhe atë që i pëlqen më shumë prej tij. Dëshira për të luajtur dhe shënuar është e madhe, ndërsa nuk mungon një koment për kundërshtarin viking.

Në fund e ardhmja. Kartonin e 28-vjeçarit e zotëron Levante dhe në verë ai do të rikthehet përsëri në ekipin spanjoll.

TRAJNERI I RI – “Normal që misteri ka punuar dje në stërvitje skemën që do ta praktikojë në ndeshjen me Islanën, 3-5-2. Ka qenë një stërvitje intensive dhe duket që i pëlqen të rri në fushë dhe të japë këshilla për çdo lojtar. Gjithashtu i dëgjon edhe opinionet tona dhe kjo është diçka pozitive për ne.”

PËRGATITJA E NDESHJES ME ISLANDËN – “Fatmirësisht kemi kohë deri në ndeshjen me Islandën dhe çdokush duhet ta përgatisë veten. Është gjë pozitive që kemi kohë. Titullar? Nuk e di, dje ishte dita e parë, sot dita e dytë, nuk mund të them diçka për këtë pjesë.”

FORMA E SADIKUT – “Gjithmonë jam munduar të jap më të mirën time, si në klub ashtu edhe në Kombëtare. Kur më është dhënë rasti jam munduar të shënoj, siç bëra ndaj Andorrës, pavarësisht se nuk isha në formën time optimale. Do të më pëlqente shumë të isha deçiziv edhe në këto dy ndeshje, ashtu siç kam qenë edhe më parë.”

NDRYSHIMI -“Ka qenë një ndryshim brezi. Pas Francës kanë ardhur shumë prurje të reja. Edhe ju e dini që kemi pasur probleme në klubet tona dhe shumica nuk kanë luajtur. Me rregullat që kishte Panuçi në fillim krijuam raport të mirë me të, por te ne forca më e madhe ishte grupi. Kjo gjë duhet përmirësuar, të jemi një grup i vetëm si në Europian. Me trajnerin e ri atmosfera është shumë e mirë dhe besoj se do të rikthehet ai grupi që me Panuçin mungoi.”

KUNDËRSHTARI – “Kam luajtur vetëm një ndeshje ndaj Islandës dhe është një ekip shumë i fortë në ajër. Kanë shkuar në Europian dhe Botëror dhe janë bërë një ekip me shumë ekpseriencë tashmë. Do të mundohemi t’i harrojmë dy prezencat që kemi bërë më para dhe të mendojmë për këtë ndeshje. Të shkojmë atje dhe të marrim rezultatin maksimal, pasi shoh edhe ndryshim në atmosferën në kombëtare.”

“Më pëlqen shumë që të jem i lirshëm. Kjo ka qenë forca jonë, të jemi bashkë dhe të krijojmë grupin. Vetëm kjo gjë na bën të ecim para. Ambjenti që ka krijuar trajneri i ri është shumë pozitiv.”

REJA – “Gjëja e mirë që kam parë te trajneri është që flet me të gjithë lojtarët dhe çdokush ndihet i rëndësishëm. Ai po mundohet ta mbajë grupin të karikuar dhe t’i shpjegojë skemat që do të përdorën. Edhe në stërvitje po e praktikojmë skemën 5-3-2 dhe shpresojmë ta praktikojmë sa më mirë dhe ndaj Islandës të marrim pikët maksimale.”

E ARDHMJA – “Kam akoma dy vite kontratë me Levanten. Isha në huazim te Lugano dhe tani do të kthehem në Levante. Në korrik e kam programin dhe do të vazhdoj atje kontratën.”

I vetmi emër që bie në sy në listën e Moldavisë është mesfushori i Kaljarit, Artur Ionita, i cili prej disa sezonesh ka qenë një ndër lojtarët kyç të skuadrës nga Sardenja. Pjesa dërrmuese e futbollistëve luajnë në kampionatin moldav.

Në dy ndeshjet e para të fazës së grupeve, Moldavia mori humbje të thella ndaj Francës (4 – 1) dhe Turqisë (4 – 0).

Portierë: Aleksei Koshelev (Fortuna Sitard), Stanislav Namashko (Zeta, Muntenegru), Dumitru Çeleadnik (Sheriff Tiraspol)

Mbrojtës: Veaceslav Posmak (Sheriff Tiraspol), Artiom Rozgoniuk (Sfîntul Gheorghe Suruceni), Igor Armash (FC Voluntari), Dinu Graur (Milsami), Sergiu Platika (Milsami), Oleg Reabkiuk (Porto B), Ion Jardan (Petrocub-Hînceshti)

Mesfushorë: Catalin Carp (FC Ufa), Eugen Çebotaru (Sibir), Gheorghe Anton (Sheriff Tiraspol), Artur Ionita (Kaljari), Iaser Turcan (Petrocub-Hinceshti), Evgheni Oankea (Sheriff Tiraspol), Aleksandru Antoniuk (Milsami Orhei), Radu Ginsari (Hapoel Haifa), Eugeniu Çociuk (Sabail), Aleksandr Suvorov (Sfintul Gheorghe Suruceni)

Sulmues: Vitalie Damashkan (Torino), Vladimir Ambros (Petrocub-Hinceshti), Alexandru Boiciuc (Sfintul Gheorghe Suruceni)

Bie në sy lënia jashtë e emrave si sulmuesi Aleksandër Lakazet dhe mbrojtësi i Mançester Sitit, Aimerik Laport, ndërsa është rikthyer mesfushor i Totenhem Musa Sisoko dhe sulmuesi i Sevijës, Uizam Ben Jeder. Një ftesë e parë ka ardhur për qendërmbrojtësin e Barcelonës, Klement Longle.

PORTIERË: Hugo Loris (Totenhem), Benzhamin Lekomt (Montpelie), Alfons Areola (PSG), Majk Menjan (Lil)

MBROJTËS: Ferland Mendi (Lion), Lukas Dinj (Everton), Klement Longle (Barcelona), Samuel Umtiti (Barcelona), Rafael Varan (Real Madrid), Kurt Zuma (Everton), Leo Dubua (Lion), Benzhamin Pavard (Bajern Mynih)

MESFUSHORË – Pol Pogba (Man Utd), Tangi Ndombele (Lion), Ngolo Kante (Çelsi), Blez Matuidi (Juventus), Musa Sisoko (Totenhem)

SULMUES – Olivier Zhiru (Çelsi), Kilian Mbape (PSG), Kingsli Koman (Bajern Mynih), Antuan Grizman (Atletiko Madrid), Florian Tovin (Marsej), Uizam Ben Jeder (Sevija), Tomas Lemar (Atletiko Madrid)

Trajneri i ri e ka nisur me një grumbullim ndryshe nga herët e tjera. Sot ka filluar etapa e parë e përgatitjes së këtyre dy ndeshjeve tepër të rëndësishme. Italiani ka vendosur të grumbullojë 10 lojtarë, të cilët kanë përfunduar sezonin me ekipet përkatëse.

Trashi, Telushi, Mala dhe Hoxha janë ftesat nga Superiorja, ndërsa stërvitja e parë do të zhvillohet sot në orën 17:00. Një javë do të punojë trajneri me këta lojtarë në kompleksin Tropikal në Durrës, ndërsa grupi do të plotësohet nga 12 futbollistë të ekipit U21.

Sipas lajmërimit të FSHF-së, stërvitja e fundit do të zhvillohet të shtunën paradite dhe Reja do të dalë të hënën e 27 majit në konferencë për shtyp, aty ku do të bëjë publike edhe listën zyrtare të lojtarëve të grumbulluar për dy sfidat kundër Islandës dhe Moldavisë.

Për sfidën kundër Moldavisë, janë publikuar dhe çmimet e biletave. Çmimet janë më të ulëta se në dy takimet e fundit. Në çdo tribunë, çmimet janë 1 mijë lekë (të reja) më lirë. Një biletë në tribunat G2 dhe C2, kushton 500 lekë.

Në tribunat G1, G3, C1 dhe C3, një biletë kushton 1000 lekë, ndërsa në tribunat F dhe D, 1500 lekë. Në tribunat kryesore, atë VIP dhe VIP2, biletat kushtojnë 12000 lekë dhe 10000 lekë respektivisht. Më poshtë, do të mësoni dhe çmimet e plota të tribunave:

“Nuk ndryshoi gjë, rezultati ishte ai që kërkuam. Kanë ndryshuar djemtë në fushë, treguan kualitetin. Janë të bashkuar dhe fituam një ndeshje të rëndësishme për ne”.

Duhet të dimë që kam qenë njeriu më i afërt me Panuçin. Nuk hidhen njerëzit kaq shpejt poshtë. Kemi menduar më shumë për ndeshjen me Turqinë. Kemi diskutuar pak për Turqinë. Me rëndësi kanë pikët.

Prisni mesazh nga Panuçi? Kur të shikoj në hotel do shoh telefonin.

Ishte një fitore morali, por edhe pikët janë të rëndësishme. Nuk kishim bërë ndeshje të mira. Kundërshtari ishte i dobët, por Andorra në fushën e vet ishte mundur vetëm nga Islanda. Ndeshjet e tjera i ka barazuar me gola.

Dihet që ne në ndeshje të këtij niveli kemi gabuar në të shkuarën. U kërkova djemve që të fitojmë, pasi ishim të detyruar. Do ishte në dëmin tonë nëse nuk ndodhte.

Padiskutim ishte një fitore shumë e rëndësishme, duke parë që vinim nga disa rezultate jo të mira. Jemi mësuar që kaulfikueset t’i fillojmë me fitore dhe ajo humbje me Turqinë e bëri disi situatën të zymtë. Megjithatë, ne u rikthyem dhe tani të shikojmë që të shkojmë në Europian.

Duhet pyetur dikush tjetër për trajnerin. Mua më kërkuan të drejtoj në këtë ndeshje dhe bëra punën time. Pastaj, nuk e di. Sot, duhet të aktivizoja lojtarët më në formë dhe Balaj e Sadiku janë në një formë të mirë, prandaj ishin në fushë të dy. Provova dy skema dhe të dyja funksionuan, prandaj arritëm dhe te fitorja. Kjo fitore vlen, por ngelet për t’u parë.

Kundërshtarët tanë nuk kanë luajtur ende kundër Andorrës. Këtë terren që e patë vetë, edhe kundërshtarin e patë vetë, janë një ekip shumë i konsoliduar. Çdo pikë që Andorra do t’i marrë rivalëve tanë, do të jetë një pikë e shtuar për ne”.

Mungesa e festës? Të them të drejtën golat i përjetoj në bazë të emocioneve. Në atë moment nuk kisha shumë. Normalisht e doja shumë, pasi më mungonte prej kohësh. Uroj të shënoj sa më shumë në të ardhmen.

Të gjithë lojtarët shfrytëzojnë minutat që u jep trajneri. U mundova të jap më të mirën në ato minuta.

Nuk jam i kënaqur me aq sa kam shënuar me Shqipërinë. Jam sulmues dhe detyra është të shënoj. Golat janë ndihmë për kombëtaren.”

“Shyqyr që fituam, duhej shumë për moralin e djemve dhe njerëzve që na ndjekin. Tani duhet të mendojmë për ndeshjet në vijim. Punuam shumë mirë në topin e dytë si skuadër. Ekipit i jap kurajo, bashkë i kalojmë të gjitha. Uroj të mos na vijnë më momente të këqija.

Patëm shumë hapësira në pjesën e parë dhe i shfrytëzuam. Nuk patëm fat t’i shënonim dy golat shpejt. E patëm lojën në kontroll. Fituam dhe duhet ta gëzojmë këtë moment.

Goditja në kokë? Jam shumë mirë, ishte një goditje e momentit dhe jam shumë mirë dhe i gëzuar që fituam. Ishte një lojë shumë e vëshirë, ata bënë një lojë të ashpër. Çunat meritojnë komplimente, pasi ishin të qetë dhe morëm një fitore të rëndësishme. Kjo ndeshje duhej fituar që të rrinim në garë për t’u kualifikuar.

Besimin për kualifikim e kemi gjithmonë, kjo ndeshje sot vlen shumë për moralin. Morëm shumë kritika të padrejta dhe erdhëm këtu vetëm për të fituar. Trajnerin e ri e zgjedh presidenti. Për ne çunat, kemi nevojë për një trajner që na kupton. Unë shpresoj që të jetë një trajner italian, pasi ata kuptojnë shumë nga futbolli. Kushdo që të vijë, shpresoj të na japë një dorë të mirë.”

Sfida ka nisur e luftuar nga të dyja ekipet, me Kosovën që po bënte një lojë mjaft të mirë. Pikërisht, në momentin më të mirë të Dardanëve, miqtë kanë arritur të gjejnë golin. Në minutën e 39-të Bozhikov, ka kaluar në avantazh Bullgarinë.

Pjesa e dytë ka nisur në mënyrën më të mirë të mundshme për Kosovën. Në minutën e 61-të, pas përpjekjeve të shumta, Arbër Zeneli ka arritur të shënojë një perlë të vërtetë, duke vënë baraspeshën dhe duket çuar në festë tifozët e pranishëm në “Fadil Vokrri”.

KUALIFIKUESET E EURO 2020 – GRUPI A

E hënë, më 25 mars 2019, ora 20:45
Stadiumi “Fadil Vokrri”, Prishtinë
Kosovë 1-1 Bullgari
Shënues: Zeneli 61′ / Bozhikov 39′

Kosova: Muric, Vojvoda, Rrahmani, Aliti, Kololli, Shala, Kryeziu (C), Celina, Rashica, Zeneli, Muriqi
Bullgaria: Mihaylov (GK), Popov, Bodurov, Slavchev, Kostadinov, Nedelev, Delev, Popov (C), Nedyalkov, Bozhikov, Malinov

Gjyqtarë: Gediminas Mažeika, Vytautas Šimkus, Vytenis Kazlauskas, Manfredas Lukjancukas (Lituani)

Ky gol ishte dhe një rekord më vete i malazezëve, të cilët i shënojnë për të katërtën ndeshje radhazi kombëtares së “3 Luanëve”, duke u konfirmuar një makth i vërtetë për ta. Konsiderohet si rekord, pasi dihet diferenca e madhe mes dy përfaqësueseve.

Fillimisht ishte mbrojtësi, Hasan Ali Kaldirim, i cili shënoi në minutën e 24-të pas nëj aksioni të gjatë. Një tentativë e Çalhanoglu për të shënuar me roveshatë, u kthye në asist për Kaldirim, i cili nuk fali përpara portës.

Dy minuta më vonë, ishte sulmuesi Çenk Tosun, i cili shfrytëzoi në maksimum një zbritje në kundërsulm të të tijve, duke shënuar edhe golin e dytë.

Pjesa e dytë nisi përsëri e vrullshme për vendasit, të cilët fillimisht fituan të drejtën e një 11-metërshi me anë të Burak Jilmaz. Ishte po ky i fundit që e mori përsipër, por që gaboi, duke u ndalur nga portieri mik.

Gjithsesi, shënjestrën e korrigjoi Çenk Tosun, i cili shënoi golin e dytë personal dhe të tretin e takimit për kombëtaren e tij në minutën e 53-të.

Në minutën e 70-të pati vend për festë edhe për mbrojtësin Ajhan, i cili kërceu mbi të gjithë me kokë dhe shënoi golin e katërt.

17 vite janë një përjetësi në futboll dhe shumë prej jush mund të mendoni se të gjithë futbollistët e asaj ndeshje kanë varur këpucët në gozhdë prej shumë vitesh. Nëse mendoni kështu, gaboheni.

Ildefons Lima është kapiteni i përfaqësueses së Andorrës. Edhe pse 39 vjeç, Lima vazhdon të mbetet një titullar i padiskutueshëm në kombëtare. Debutoi në vitin 1997, kur ishte vetëm 17 vjeç. Prej 22 vitesh nuk njeh pushim. Në rang klubesh ka ndërtuar një karrierë interesante, duke luajtur në Spanjë, Meksikë, Greqi, Itali e Zvicër.

Disa vite më parë fitoi famë pas një video nga “BBC”, ku zbuloi koleksionin prej 600 fanellash që kishte ndërruar në rang klubesh dhe kombëtaresh. Përgjatë 22 viteve karrierë është ndeshur me emra si Maldini, Terri, Kristiano Ronaldo, por ndër ta veçon vetëm një: Ronaldo Nazario de Lima, futbollistin brazilian të cilin e pati përballë në vitin 1998, kur ishte vetëm 18 vjeç. Në një intervistë për “MARCA”, Lima u shpreh se një ndër paraqitjet e tij më të mira ishte pikërisht ajo ndaj Brazilit në atë miqësore ku Andorra u mund 3 – 0 dhe Ronaldo ishte autori i një prej golave.

“Janë një kombëtare që të befason me shpejtësinë që kanë lojtarët e krahut, por edhe me fuqinë e madhe që kanë qendërsulmuesit e tyre si Bekim Balaj ose si Armando Sadiku, që është një lojtar me karakteristika të tjera”.

SHKARKIMI I PANUÇIT – “Ndryshimi i trajnerit mund të rrisë motivimin në skuadër, gjithsesi është një situatë që ne do të mundohemi ta përdorim në favorin tonë”.

Kapiteni Ildefons Lima vlerësoi ekipin tonë përfaqësues duke vlerësuar cilësinë e lojtarëve tanë. “Nuk është një skuadër më e lehtë se Islanda. Shqipëria ka lojtarë që luajnë në skuadra të mira dha kanë pasur shumë suksese gjatë viteve të fundit”.

Duhet të theksojmë se në atë periudhe ekipi ynë, merrte pjesë në kompeticione të çuditshme siç ishte Turneu i Kryeministrit të Bahrein !!!!, ku morën pjesë ekipe si Shqipëria, Maqedonia, Finlanda dhe Bahrain. Turne që rezultoi një dështim i vërtetë, ku në 3 ndeshje koleksionuam 2 barazime dhe një humbje poshtëruese 3-0 përballë vendasve.

Më 5 mars 2002, Asambleja e FSHF zgjedh Armand Dukën në krye të FSHF. Edhe pse Duka preferonte një trajner të huaj në krye të ekipit, vendosi të konfirmonte Demollari-n.

Futbolli shqiptar kishte filluar të ndryshonte, por kombëtarja jo. Kuqezinjtë udhëtuan deri në Dallas, për të organizuar një miqësore me Meksikën, e humbur me rezultatin 4-0. Demollari nuk e pa të arsyeshme të udhëtonte, ku në vendin e tij ekipin e drejtoi asistenti Mirel Josa. Edhe pse krisja e marrëdhënieve nisi që në këtë ndeshje, miqësorja me Andorrën do të rezultonte fatale.

Me humbjen 2-0 ndaj Andorrës, kombëtarja jonë shkroi faqen më të zezë të historisë së saj. Një kombëtare e shpërfytyruar i dha mundësinë vendit prej 77 mijë banorësh që të festonte një nga ngjarjet më të mëdha të asaj kohe, një fitore në arenën ndërkombëtare që mungonte prej kohësh.

Andorra e vogël, me madhësi dhe densitet banorësh sa një lagje e Tiranës, arriti të fitonte krejtësisht pastër, me nga një gol në çdo pjesë. Të nesërmen, Duka duke ushtruar pushtetin që i jep funksioni, shkarkoi Demollarin dhe tërë stafin e tij, si përgjegjës për këtë humbje të turpshme. Vendin e tij do ta zinte italiani Dossena.

Por pikërisht në atë periudhë, një djalosh i ri sapo kishte nisur karrierën me kombëtaren kuqezi. Quhej Ervin Bulku dhe aktivizohej me ekipin e Tiranës. Binte në sy për teknikën dhe dëshirën që të shkëlqente me ngjyrat kuqezi. Përkushtimi dhe dëshira bënë që të koleksiononte 56 ndeshje me Shqipërinë, duke u tërhequr në vitin 2014. Si për ironi të fatit 17 vjet më vonë, do të jetë përsëri Andorra debutimi i tij i parë, kësaj here në një tjetër drejtim, atë të trajnerit. Debutimi i parë i solli fat….

ANDORRA-SHQIPËRIA 2-0

Shënues: 1:0 (34′) Emiliano González (pen.), 2:0 (58′) Manolo Jiménez

ANDORRA: Koldo , Francisco Ramírez, Txema García (90′ Jordi Escura), Juli Fernández, Toni Lima, Ildefons Lima, Emiliano González (69′ Fernando Silva), Juli Sánchez (90′ Marc Pujol),Manolo Jiménez (61′ Roberto Jonás ) ,Justo Ruiz (89′ Agusti Pol), Óscar Sonejee. Trajner: David Rodrigo (Spanja)

SHQIPËRIA: Arjan Beqaj (46′ Blendi Nallbani), Altin Lala, Nevil Dede, Arjan Xhumba, Ervin Fakaj Besnik Hasi (80′ Elvin Beqiri), Edvin Murati, Redi Jupi ( 60′ Enkeleid Dobi), Klodian Duro ( 70′ Florian Myrtaj) ,Altin Rraklli (54′ Ervin Bulku), Igli Tare (59′ Indrit Fortuzi). Trajner: Sulejman Demollari

Mendrit Shehu

“Pjesa e parë ishte e mrekullueshme, e kishim lojën totalisht në kontroll. Në pjesën e dytë ata shënuan shumë shpejt dhe fituan shumë vetëbesim. Këtë ndeshje patëm fatin që na ka munguar në takimet e fundit. Të fitosh në Holandë në ndeshjen e parë është një fillim shumë i mirë. Kemi  ende shumë punë për të bërë, kjo u pa gjatë pjesës së dytë. Duhet ta menaxhojmë më mirë ndeshjen”.

GOLI I PARË – “Pasi i Nikos (Shulc) nga jashtë zone ishte i jashtëzakonshëm. Për këtë jemi stërvitur gjatë kësaj jave, duam që ta luajmë topin poshtë. Sigurisht goditja e  Sanes ishte diçka e veçantë”.

PJESA E DYTË – “Ishte qartë që holandezët do të vinin ndryshe. S’kishin asgjë për të humbur, u hodhën menjëherë në sulm. Humbëm qetësinë, s’po arrinim ta mbanim topin. Gjithsesi skuadra nuk humbi besimin se ndeshje mund të fitohej. Bëmë një kundërsulm të mirë që rezultoi vendimtar”, përfundoi Lëv.

Golin e vetëm për norvegjezët e shënoi Xhoshua King, i cili mposhti De Gean nga pika e bardhë e penalltisë. Sulmuesi foli pas ndeshjes për mediat, ku ajo që tërhoqi më së shumti vëmendjen ishte komenti që bëri për mbrojtësin Serxhio Ramos.

Sipas sulmuesit të Bornmuth, Ramos pavarësisht se ka një reputacion si lojtar i pisët, është një ndër mbrojtësit më miqësor që ai ka luajtur. “Serxhio Ramos ka një reputacion si lojtar i pistë dhe i ashpër, por nuk mbaj mend të kem luajtur më parë ndaj një mbrojtësi aq ‘miqësor’. Tregoi vlera të vërteta dhe të mira sportive”, përfundoi King.

Kroacia e nisi mjaft mirë ndeshjen, teksa vetëm pas 13 minutash kaloi në avantazh me anë të Ante Rebiç, i cili shfrytëzoi mjaft mirë një rrëmujë në zonën e vendasve.

Gjithsesi, Hungaria arriti të reagonte në minutën e 34-të, ku Adam Szalai mposhti portierin Subashiç me një diagonale të bukur.

Në pjesën e dytë, ishin përsëri vendasit, të cilët shtangën ballkanasit, duke përmbysur gjithçka me anë të mesfushorit Patkai në minutën e 76-të.

KUALIFIKUESE EURO 2020
GRUPI E

Hungari – Kroaci      2-1
Shënues: Szalai 34’, Patkai 76’ / Rebiç 13’

Ndërkohë në Grupin G, Izraeli ka befasuar Austrinë në shtëpi, teksa e ka mposhtur me shifrat 4-2, ku Eran Zahavi dhuroi spektakël me një tripletë.

Austria e nisi mirë takimin, pasi në minutën e tetë gjeti avantazhin me anë të Marko Arnautoviç, i cili shrytëzoi në maksimum një pasim të Zulj, duke u treguar i saktë përballë portierit.

Vendasit arritën të reagonin në minutën e 34-të, me sulmuesin Eran Zahavi, i cili “dogji” mbrojtësit austriak pasi kërceu mbi ata, duke goditur me kokë dhe baraspeshuar shifrat.

Në fundin e pjesës së parë, Izraeli përmbysi gjithçka dhe autor i golit ishte përsëri Zahavi, i cili shënoi në zhvillimet e një goditje dënimi.

Në fraksionin e dytë, Zahavi e vijoi spektaklin e tij, pasi shënoi një supergol, duke i dhënë qetësi kombëtares së tij dhe duke plotësuar tripletën personale.

Në minutën e 66-të ishte radha e Munes Dabur, i cili fundosi akoma më tej Austrinë, duke e thelluar rezultatin në 4-1.

Nëntë minuta më vonë, ishte Austria që shënoi golin e dytë, me autor përsëri Marko Arnautoviç.

KUALIFIKUESE EURO 2020
GRUPI G

Izrael – Austri      4-2
Shënues: Zahavi 34’, 45’, 55’, Dabur 66’ / Arnautoviç 8’, 75’

KUALIFIKUESE EURO 2020
GRUPI I

San Marino – Skoci      0-2
Shënues: MekLin 4’, Rasëll 74’

TRAJNER I RI – “Duke qenë pranë skuadrës gjithmonë, mendoj se duhet harruar ndeshja kundër Turqisë dhe fjalët e shumta nuk kanë vlerë. Duhet ta fitojmë këtë ndeshje dhe të vazhdojmë rrugën tonë për në këto kualifikuese”.

PËRGJEGJËSI – “Jam ngarkuar me një përgjegjësi të madhe nga FSHF dhe presidenti Duka. Duhet të bëjmë maksimumin në këtë ndeshje, lojtarët duhet të jenë në 100%, pasi pavarësisht se si e përgatisim ne një ndeshje, janë ata që zbresin në fushë dhe vrapojnë”.

HISTORIKU – “Ndryshimi i vetëm është që kjo ndeshjet duhet fituar me patjetër. Jam i bindur që do të fitojmë dhe historia e para 17 viteve nuk do të përsëritet”.

BALAJ DHE SADIKU – “Mbetet për t’u parë si është gjendja e tyre fizike dhe nëse do të luajmë me dy sulmues apo jo. Kemi dhe një seancë stërvitore dhe më pas do të vendosim”.

GJENDJA E LOJTARËVE – “Jemi munduar ta harrojmë sa më shpejt humbjen kundër Turqisë. Gjendja është shumë e mirë dhe jemi të fokusuar vetëm te fitimi i kësaj ndeshjeje”.

CILËSITË E LOJTARËVE – “Këto janë lojtarët. Këto janë ata lojtarë që bënë të lumtur gjithë shqiptarët kur shkuan në Francë, 70% e tyre është ende baza e formacionit. Janë çuna që dinë të dalin nga situatat e vështirë dhe shpresoj që nesër të rikthehen te rezultatet pozitive dhe të mposhtim Andorrën”.

ROLI I TRAJNERIT – “Mendoj që unë jam trajner i ekipit në këto momente që po flasim. Më kanë ngarkuar një detyrë dhe do të mundohem të bëjë maksimumin në këtë dëtyrë shumë të rëndësishme. Unë jam i ri dhe fati e Zoti më dhanë mundësinë të jem trajner i kombëtares, çka shumë trajner më me shumë eksperiencë se unë e ëndërrojnë. Shpresoj ta fitoj ndeshjen e parë si trajner”, përfundoi Bulku.

LARGIMI I PANUÇIT – “Një ndeshje që duhet ta fitojmë me doemos, për moralin tonë, për moralin e tifozëve. Na duhen vetëm tri pikët dhe nuk duhet të mendojmë gjë tjetër, as për trajnerin që largua. Nuk e di se çfarë thoshte Panuçi për ne, pasi çdokush ka mendimet e veta. Unë që jam pjesë e grupit jam i bindur që kemi shumë kualitet dhe shumë besim në vetvete. Po t’i pyesni të gjithë lojtarë kuqezi, asnjë nuk thotë që nuk mund të kualifikohemi. Panuçi e ka pasur gabim kur tha që këto lojtarë jemi, pasi ne kemi shumë kualitet dhe cilësi!”.

NDESHJA KUNDËR ANDORRËS – “Besoj që jemi të gjithë me mendimin se kjo ndeshje duhet fituar me doemos, edhe pse do të jetë një ndeshje e vështirë. Nuk duhet të mendojmë për gjërat që kanë ndodhur më përpara, por vetëm të shohim përpëra. Besoj se jemi të gjithë gati për ndeshjen kundër Andorrës.

SITUATA BRENDA GRUPIT – “Siç e kemi parë dhe ne dhe Bulku, sitata është shumë e mirë. Nuk është se humbëm një ndeshje dhe jemi të dënuar për ndeshjet e ardshme. Nesër është një ndeshje shumë e rëndësishme dhe po të mendojmë me pozitivitet, mund të rikthehemi aty ku duhet. Edhe nga ana psikologjike, çunat janë mirë dhe do të arrijmë te objektivi kundër Andorrës”.

LOT NGA LARGIMI I PANUÇIT – “Ky është futbolli, një trajner largohet, një tjetër vjen. Nuk mund të rrimë të mendojmë për këtë gjëra, por të shohim përpara. Duhet vazhdimësi, të bëjmë më mirë në ndeshjet e radhës. Ka pasur lot? Normal, jemi mërzitur, pasi kemi kaluar një periudhë pozitive me Panuçin, por duhet ta kalojmë këtë moment”.

ANDORRA – “Andorra është një ekip i fortë, pasi të gjitha skuadrat që vijnë këtu e kanë të vështirë të fitojnë, siç ishte rasti me Islandën. Megjithatë, ne e kemi studiuar mirë dhe shpresoj që me trajnerin tonë, të arrijmë të marrim tri pikët”.

SHIRITI I KAPITENIT – “Unë besoj që me votimet që kemi bërë më përpara, besoj se po. Edhe në veten time, e ndjej që jam një lider dhe çunat më kanë zgjedhur. Shpresoj të jem i denjë për të qenë kapiteni i kombëtares dhe për shumë vite të tjera”, përfundoi Hysaj.

Thuajse 17 vite më vonë, takohemi sërish, kësaj radhe në një ndeshje zyrtare. Si për ironi të fatët trajnerët aktual të të dy përfaqësueseve kanë qenë 17 vite më parë përballë njerit-tjetrit në fushën e lojës.

Ervin Bulku u aktivizua në atë ndeshje si rezervë, ndërsa homologu i tij Koldo ishte ai që mbajti të paprekur portën e Andorrës përgjatë 90 minutave. Sot takohen sërish, por kësaj radhe të veshur me kostumin e trajnerit.

Andorra drejtohet që prej vitit 2010 nga Koldo. Progresi është mbresëlënës, sidomos gjatë viteve të fundit. Në 2017-ën mundën Hungarinë me rezultat 1 – 0, ndërsa pësuan një humbje dinjitoze 2 – 0 ndaj Portugalisë së “Kristiano Ronaldos&Co”.

Të nesërmen është e sigurt se nuk do ta kemi fare të thjeshtë. Kombëtarja nga vendi me rreth 70 mijë banorë është kthyer në një kockë të fortë në shtëpi dhe këtë e dëshmon fakti që në nuk u mundën në asnjë takim në tri ndeshjet e zhvilluara në “Nations League”.