“Ardhja këtu është një mundësi shumë e mirë. Që nga dita e parë që fola me drejtorin sportiv pata një përshtypje të shkëlqyer. Është një klub, që po bën shumë mirë dhe kjo më ka pëlqyer mjaft. Mora shpejt vendimin për të nisur punën në vazhdimin e këtij projekti.”

“Krijimi i një grupi kompakt në fushë dhe në dhomat e zhveshjes është shumë i rëndësishëm në një kampionat të fortë si Serie A. Kështu vijnë rezultatet dhe rritja e klubit. Kam besim te ky ekip dhe ashtu si Atalanta do të rritemi si klub. Nuk e di sesa larg mund të shkoj. Duhet të përmirësohem në pikat e dobëta dhe të forta. Mendoj se mund ta rris akoma cilësinë time dhe SPAL është vendi i duhur për ta bërë këtë”, u shpreh Berisha.

Berisha ka kaluar te SPAL në formë huazimi me detyrim blerje, por nëse plotësohen disa kushte të rëndësishme. Kaq zbulon klubi italian në komunikatën e zyrtarizimit të tij.

Berisha në të shkuarën është aktivizuar te Kalmar në Suedi, për t’u transferuar më pas te Lacio në Serie A. Portieri ka spikatur me paraqitjet e tij shpesh herë. Vjet tek Atalanta dha kontributin e tij për të kapur zonën Champions, por në Bergamo menduan t’i besojnë të riut Golini.

Etrit #Berisha è un nuovo giocatore della SPAL!#Benvenuto #Etrit
Scopri di più https://t.co/tWBVImPzbC#ForzaSpal pic.twitter.com/5IBmPUJwEb

— SPAL (@spalferrara) July 6, 2019

“Sky Sports” raporton se 30-vjeçarit nga Prishtina do t’i bashkohet  SPAL-it. Të enjten Berisha do të udhëtojë drejt Ferrarës për të kryer vizitat mjekësore dhe më pas për t’u prezantuar si gardiani i ri i SPAL.

Në ditët në vijim pritet të mësohet më shumë rreth të ardhmes së Etritit. E sigurt është se sezoni i ardhshëm do të ketë më shumë angazhime për legjionarin, duke parë se do të jetë portieri i parë i SPAL.

Sigurisht që këtë vit do të jetë edhe më e vështirë. Gjithsesi interesim për të ka, madje edhe kanë nisur kontaktet e para. Gianluca Di Marzio raporton se skuadra tjetër e Serie A, ajo e SPAL, ka hedhur hapat e parë në drejtim të portierit të kombëtares sonë.

Atalanta shikon Golinin si zgjedhjen e parë, ndërkohë që nga ana tjetër SPAL kishte huazuar Vivianon nga Sportingu i Lisbonës dhe ai mund të rikthehet në Portugali. Vetëm nëse qëndron, atëherë do të hiqej dorë nga Berisha.

Për sa kohë e kanë kontaktuar, kjo do të thotë se ata duan ta zgjidhin sa më shpejt problemin e portës dhe “gardiani” shqiptar ofron garancitë e duhura për ta. Berisha luan prej vitesh në elitën e futbollit italian dhe më parë ka mbrojtur portën e Lacios.

“Atmosfera mund të them që është e mirë. Kemi një trajner me eksperiencë të madhe dhe është munduar që ekipi të ketë entuziasëm. Tani për tani jemi të lumtur se si po kalojmë edhe në stërvitje edhe jashtë saj.”

“Është e rëndësishme, por nuk duhet të kemi presion. Të gjithë ndeshjet janë të rëndësishme. Një rezultat pozitiv do të hapte shpresat për kualifikim. Jemi në një grup, ku diferencat janë të vogla.”

“Sigurisht që po, mbi të gjitha do të jetë edhe mirë për motivimin e ekipit. Luajmë ndaj një kundërshtari direkt për kualifikim dhe për moralin dhe vetëbesimin e ekipit do të thotë shumë. Do mundohemi ta përgatisim sa më mirë këtë ndeshje dhe të shohim. I kemi kualitetet e duhura për të marrë një rezultat pozitiv. Lojtarët janë entuziastë dhe duan të shkojnë përpara.”

“Të them të drejtën tani për tani kemi mundësi të mira në mbrojtje. Kemi shumë lojtarë që mund ta kryejnë këtë repart mjaft mirë. Kemi lojtarë me eksperiencë dhe lojtarë që luajnë në kampionate të rëndësishme. Mund të them që në këtë repart jemi të konsoliduar mirë dhe shpresoj mos të kemi probleme.”

“Të gjitha ndeshjet që kemi bërë, si në Nations League si tani, janë gati të të njëjtit nivel me ne dhe diferenca është bërë nga gabimet tona. Besoj se tani do t’i eleminojmë këto gabime që na kanë kushtuar. Nëse diçka e tillë ndodh do të kemi mundësi të marrim rezultate pozitive. Nuk dua të them do marrim gjashtë, katër apo tri pikë. Nëse dalim mirë në këtë ndeshje do të kemi dhe shumë vetëbesim për ndeshjet e ardhshme.”

“Mendoj që Islanda përveç lojës në ajër ka dhe kualitete të tjera. Gjithsesi, jemi në këtë periudhë ku e kemi në konsideratë këtë gjë. Po punojmë mjaft mirë për t’i bërë ballë Islandës.”

Etrit Berisha, portieri i kombëtares shqiptare, thekson se kuqezinjve u duhet një shkëndijë. “Duhet të fokusohemi në përgatitjen e ndeshjeve dhe të mundohemi të marrim një rezultat pozitiv me Islandën. Ndoshta na duhet një shkëndijë e vogël, që të ëndërrojmë më shumë për një kualifikim të mundshëm në Europian. Nuk duhet të jemi euforikë, por as të kemi presion. Thjesht duhet të punojmë mirë për të përgatitur ndeshjen e radhës”, ka deklaruar futbollisti i Atalantës për Supersport.

TRAJNERI REJA – “Eksperienca e tij është jashtëzakonisht e madhe dhe kjo na duhet shumë. Kjo pasi kemi shumë lojtarë të rinj në grup, që kanë nevojë për përvojë. Reja e ka këtë përvojë dhe mundohet ta përcjellë te grupi, duke kërkuar të jemi kompaktë dhe të mos pësojmë”.

ISLANDA – Shqipëria është përballur edhe në vitin 2013 me Islandën dhe Berisha e kujton atë përballje:  “E kemi filluar mirë ndeshjen dhe kaluam edhe në avantazh, por bëmë shumë gabime më pas. Duhet të jemi shumë kompaktë dhe të sigurt në lojën tonë. Fizikisht Islanda është shumë lart, por duhet të reagojmë mirë ndaj tyre për të tentuar një rezultat të mirë”.

ATALANTA – “Më i gëzuar jam për arritjet e ekipit, pasi kemi qenë të gjithë pjesë e suksesit. Në muajt e fundit ka ndodhur edhe ndryshimi, ndaj tani duhet t’i shikoj me shumë kujdes gjërat dhe pas disa javëve duhet të marr një vendim për të ardhmen. Ende tani është shumë herët dhe jam i përqendruar te Kombëtarja, pasi ka kohë për merkaton”.

Pista Çelis vazhdon të lakohet, ashtu sikurse edhe Mançester Junajtid. Sigurisht asnjë prej këtyre klubeve nuk paguan 50 milionë euro, aq sa shkodrani ka klauzolën. Aktualisht kartoni i mbrojtësit të djathtë vlerësohet në rreth 25 milionë euro. Presidenti Aurelio De Laurentis duhet të ndajë mendjen.

Një tjetër lojtar që pritet të ndryshojë ambient në verë është edhe portieri Etrit Berisha. Gardiani i Atalantës e ka humbur vendin e titullarit në skuadrën bergameske. Golini ka bindur Gasperinin dhe sipas asaj që raporton “Gazzetta dello Sport”, portieri i kombëtares mund të shitet këtë verë. Atalanta pret ofertën e duhur.

Thomas Strakosha do të jetë gardiani i bardhekaltërve, ndërsa terk Atalanta pritet ta nisë nga fillimi Berat Gjimshiti. Mbrojtësi po kalon një formë shumë të mirë. Kundër Xhenoas dhuroi asistin e golit të dytë, ndërsa Gasperini e ka provuar edhe si mesfushor i majtë.

26-vjeçari pritet të luajë si titullar në mbrojtjen me tre, ndërsa Etrit Berisha e ka humbur postin e titullarit që prej muajit mars. Atalanta nuk e fiton këtë trofe që prej 56 vitesh dhe do të kërkojë ta ngrejë në qiell për herë të dytë në histori, ndërsa Lacio do provojë ta veshë kupën bardhekaltër për herë të shtatë.

Gjimshiti dhe Berisha pas fitores së djeshme kanë mundësi reale për të luajtur në eventimentin më prestigjoz për klube në Evropë. Tifozët e zjarrtë bergamaskë nuk kishin sesi të mos e festonin këtë. Pas kësaj fitoreje, atmosfera e tyre ka qenë e mrekullueshme. Mijëra tifoze janë grumbulluar në rrugët e qytetit për të festuar fitoren. Këngët në kor, fishekzjarret dhe tymueset e bëjnë atmosferën të prekë kulmin.

 

View this post on Instagram

 

Atalanta fans welcoming their players at Bergamo Airport after their important win over Napoli yesterday!?? – @curvanordbergamo #atalantabc #bergamo #atalanta #ladea #napoli #bergamaschi #italia #ultras #ultrasliberi #acab #1312 #amf #nopyronoparty #corteo #calcio #againstmodernfootball #tifosi #tifo #ultrastifo #stadium #ultrasmentality #sostienilacurva #matchday #awaydays #football #casual #supporters #fans #sport #hooligan

A post shared by ULTRAS | AMF | 1312 (@ultrasbible) on Apr 23, 2019 at 5:24am PDT

“Gardiani” kuqezi beson se tekniku italian do fokusohet në aspektin e lojës mbrojtëse, por edhe atë psikologjik ku më e rëndësishmja është që rikthehet harmonia dhe vetëbesimi në skuadër.

EDI REJA – “Kam pasur rastin të punoj me Rejën rreth 6 ose 7 muaj kur ishte trajner te Lacio. Ka shumë kualitete në pjesën e mbrojtjes. Në ato 6 muaj kemi mësuar shumë, me ardhjen e tij ndryshuan shumë gjëra dhe u rikthyem te rezultatet pozitive”.

“Karakteristikë e tij është loja mbrojtëse, diçka që na shkon përshtat dhe ne pasi i kemi të gjitha karakteristikat e mundshme. Kam pasur mundësinë ta takoj para disa ditësh dhe më është shfaqur shumë optimist dhe ka pasur shumë dëshirë që të marrë kombëtaren tonë. Shpresoj të na ndihmojë në arritjen e objektivave tona”.

“Unë mendoj se me ardhjen e Rejës do të fokusohemi më shumë në fazën mbrojtëse. Në njëjtën kohë duhet të mendojmë dhe për fazën sulmuese, pasi nëse nuk shënon gola nuk mund të shkosh në Europian. Gjithsesi unë besoj se pikënisja është mbrojtja  më pas mund të punosh me repartet e tjera”.

“Na tha se e kishte të vështirë që të shikonte një ekip që ishte në vështirësi dhe nuk kishte reagim. Ndoshta është kjo arsyeja përse ai e ka marrë këtë post. Jo vetëm për të përgatitur lojën, por edhe të punojë nga ana psikologjike e të rikthejë harmoninë në ekip. Një fitore në ndeshjen e radhës do të na ndihmonte për moralin, por edhe për mundësitë tona për t’u kualifikuar në Europian”.

NDESHJA KUNDËR NAPOLIT – “Jemi përgatitur jashtëzakonisht mirë dhe e dimë rëndësinë e këtij takimi. Do të hyjmë për fitore. I dimë aftësitë tona dhe se përballë kemi një kundërshtar shumë të fortë. Besoj se nga  ana e motivimit jemi më të avantazhuar”, tha Berisha.

“Është e vështirë të thuhet, mirëpo menduam që e përgatitëm lojën mirë. Këto gabime, fatkeqësisht na ndëshkojnë shumë. Pas atij golit të dytë, gjithçka ishte e mbyllur.”

SHISHET NË FUSHË – “Fatkeqsisht, kemi lloj-lloj tifozi që vjen këtu. Nuk besoj se ai personi e ka përfaqësuar tifozerinë kuqezi. Nuk ishte një ndjenjë e mirë, pasi arbitri na tha që të heqim të gjitha shishet që ishin aty. Dëgjoja nga shikues që nuk duhen hequr, pastaj ndodhi ajo që ndodhi.

“Iu kërkua Xhakës dhe Abrashit të merrnin topin më lart, pasi ata vinin afër mbrojtësave dhe Turqia na bënte presion. Ashtu e pësuam dhe golin. Mirëpo, mendoj që dhe golin e dytë e pësuam shumë shpejt dhe nuk na dha mundësi për të zhvilluar lojën tonë.”

“Të them të drejtën, dhe sot nuk kemi bërë një ndeshje të keqe. Episodet na kanë ndëshkuar shumë. Një fitore me Andorrën do e rrisë moralin te skuadra. Kemi dhe shumë ndeshje dhe nëse do të fitojmë kundër Islandës ose Turqisë, aty mendoj se do të jetë një shans i mirë për ne që të luajmë të gjitha kartat”, tha Berisha.

Ëndrra e madhe është kualifikimi në Champions Ligë dhe diferenca me Milanin e vendit të katërt është gjashtë pikë. Gara është e fortë, por djemtë e Gasperinit do të japin gjithçka për objektivin e madh.

Drejtuesit e klubit kanë arritur të bëjnë një punë pozitive, pasi kontratat e kontingjentit aktual janë afatgjata. Mario Pashaliç është e vetmja çështje për t’u zgjidhur në fund të sezonit. Kartonin e mesfushorit e zotëron Çelsi dhe Atalanta do të vendosë në fund, nëse do të investojë për shërbimet e 24-vjeçarit.

Sa i përket lojtarëve të kombëtares tonë, Berisha dhe Gjimshiti duhet të qëndrojnë të qetë. Portierit i përfundon kontrata në verën e vitit 2021, ndërsa mbrojtësit një vit më pas. Për t’u zgjidhur mbeten rinovimet e tetë lojtarëve, të cilëve u përfundon kontrata në vitin 2020, ku bien në sy emra të rëndësishëm si: Zapata, Iliçiç, Toloi, Gosens dhe Hatebër, të gjithë titullarë të ekipit.

LISTA E LOJTARËVE SIPAS VITIT QË I PËRFUNDOJNË KONTRATAT

2019- Pashaliç

2020-Rosi, Palomino, Toloi, Kastanje, Gosens, Hatebër, Iliçiç, Zapata

2021-Berisha, Masielo, De Run

2022-Reca, Gjimshiti, Frojler, Pesina, Gomez

2023-Golini, Mançini, Ibanez, Varnier, Barrou

Në mediat italiane i është bërë jehonë e madhe fitores së Atalantës, teksa Gjimshiti ishte një ndër më të vlerësuarit e takimit. Mbrojtësi 25-vjeçar është cilësuar si një gjigant i vërtetë në qendrën e mbrojtjes, duke lënë gati totalisht në hije Kristiano Ronaldon.

Sipas një prej mediave të klubit të Atalantës, “Bergamo Post”, Gjimshiti vlerësohet me notën 9 në këtë takim. Ndërkohë, Etrit Berisha, nuk është se ka pasur shumë punë në këtë takim dhe është vlerësuar me notën 6.5, ku paraqitja e tij është vlerësuar si e kënaqshme.

Etrit Berisha nuk ishte i grumbulluar në këtë takim, duke u lënë pushim nga trajneri, Xhan Piero Gasperini. Ndërkohë, Berat Gjimshiti ishte titullar për 90 minuta, ku bëri një paraqitje të kënaqshme. Në minutën e 81-të gjithashtu, mbrojtësi i kombëtares sonë u ndëshkua me kartonin e verdhë.

Pikërisht, shtatë minuta pas ndëshkimit të Gjimshitit, ishte Duvan Zapata, i cili shënoi golin e avantazhit. Më pas, në shtesë autori ishte i njëjti, teksa sulmuesi kolumbian hipotekoi kualifikimin për ekipin e tij, ku në raundin tjetër e pret Juventusi.

29-vjeçari ka probleme në stomak dhe do të mungojë në ndeshjen kundër Kaljarit, ndërsa do të kthehet kundër Frozinones. Në një prononcim për mediat italiane, Berisha flet për objektivin e Atalantës, fillimit e tij në Serie A dhe eliminimin e dhimbshëm kundër Dortmundit në Europa Ligë.

Berisha zgjedh portierët më të mirë të momentit në Europë dhe Itali, ku nuk harron Strakoshën e Lacios, si dhe e mbyll me ëndrrat që ka dhe dëshirat e mëdha për të ardhmen.

ATALANTA – “Kemi humbur disa pikë, por Europa është e mundur. Mund të përballemi me çdo ekip, madje dhe me skuadrat e mëdha. Duhet të përmirësohemi në ndeshjet kundër ekipeve mesatare dhe të vogla. Gjithçka do të varet nga pjekuria jonë. Kemi 28 pikë, por na mungojnë 4-5 pikë për shkak të disa golave të evitueshëm që kemi pësuar. Megjithatë, renditja është e mirë dhe mund t’i arrijmë objektivat tonë.”

ARDHJA NË ITALI – “Kisha disa oferta kur luaja me Kalmarin në Suedi, por Tare u tregua deçiziv dhe e falënderoj. Ishte e pamundur të refuzoja Lacion, por doja të isha protagonist pas tre sezoneve si zëvendës i Marketit. Bergamo ishte një sfidë e re dhe shpresoja në një shans për të treguar vlerat e mia.”

BERISHA – “Eksperienca të ndihmon, ashtu si dhe gabimet. Eliminimi kundër Dortmundit na dhembi të gjithëve. Kam vuajtur, por ai episod në golin e Shmelcerit e forcoi karakterin tim. Sot jam i lumtur dhe e ardhmja ime është këtu. Klubi është ambicioz, nuk po luftohet më për qëndrimin në kategori, kështu që çfarë mund të kërkoj më shumë?”

ROLI I PORTIERIT – “Futbolli ka ndryshuar dhe këmbët vlejnë shumë dhe te portieri. Gasperini na kërkon që ta nisim aksionin nga porta. Golini? Ai është një djalë fantastik dhe një portier shumë i mirë. Ka një rivalitet të pastër mes nesh, gjithmonë kam punuar për të patur një mundësi dhe për t’i dhënë siguri shokëve të skuadrës.”

MË TË MIRËT – “Më të mirët për momentin janë Loris, Pikford, Handanoviç dhe Oblak. Në Itali, përveç Samirit (Handanoviç), zgjedh Donarumën dhe e ardhmja i përket tij. Më pas është Kranjo (portieri i Kaljarit), i cili ka reflekse të shkëlqyera. Nuk harroj as mikun tim Tomas Strakoshën.”

ËNDRRA – “Dua të luaj në Champions dhe të fitoj ndonjë trofe. Do të ishte maksimumi t’i arrija këto objektiva me Atalantën. Më pas dua të merrem me zbulimin e talenteve dhe shpresoj shumë që të hap një shkollë futbolli në Kosovë.”

Trajneri Kristian Panuçi duhet të shqetësohet më së shumti për Eros Grezdën. Sulmuesi anësor i kombëtares është dëmtuar gjatë një seance stërvitore me Rejnxhërs. Ende nuk është përcaktuar përfundimisht shkalla e dëmtimit, por mendohet se gjakovari do të rrijë për një kohë të konsiderueshme jashtë fushave të blerta.

SportEkspres.com mëson se dyshohet që Grezda të ketë probleme me thembrën e akilit. Kontrollet mjekësore do të zbulojnë gjithçka, por rreziku është i madh që sulmuesi anësor të mungojë për rreth 10 javë.

Duke bërë llogaritë, Grezda do të rrezikonte të humbiste ndeshjet që Shqipëria do të luajë kundër Turqisë dhe Andorës, të vlefshme për kualifikueset e Euro 2020. Me Turqinë është programuar të luhet më 22 mars, kurse tre ditë më pas është në plan takimi me Andorrën.

Gjithsesi duhet pritur fjala e mjekëve të Rejnxhers. Shpresohet që për Grezdën ta kalohet sa më shpejt kjo situatë. Dëmtimet e kanë penalizuar ndjeshëm sulmuesin, i cili në momentin që të gjithë presin të shpërthejë, ndalet. Pritej shumë që në pjesën e dytë të sezonit ai të tregonte vlerat e tij dhe pse Rejnxher pagoi për të rreth 3 milionë euro.

Gjimshiti ka shënuar një autogol në minutën e dytë të sfidës, teksa ka dërguar topin në rrjetën e tij në mënyrë të pavullnetshme. Berisha i gjendur i papërgatitur nuk ka mundur të reagojë për të evituar golin.
https://twitter.com/NicoSchira/status/1077928713583509506

Gjithsesi, pa 5 milionë euro Berisha nuk mund të largohej. Ai mbeti në Bergamo dhe kohët e fundit ka rifituar vendin e titullarit. Jo vetëm kaq, por po paraqitet mjaft mirë dhe javën e shkuar ka qenë portieri më i spikatur. Në ndeshjen me Lacion ai ndihmoi Atalantën të fitonte me rezultatin minimal 1-0.

Ndërkohë, tanimë emri i tij po lakohet edhe si dëshirë e Xhenoas, klub i cili në të shkuarën ka pasur në ekip një tjetër shqiptar: Samir Ujkanin. Gjithçka është në kuadrin e fjalëve dhe transferimi i Berishës nuk do të jetë i lehtë edhe nëse interesimi do të jetë konkret, pasi Atalanta nuk e lëshon pa një ofertë bindëse.

Etrit Berisha ishte deçiziv gjatë ndeshjes së mbrëmshe dhe kreu dy pritje të bukura përballë Imobiles dhe Milinkoviç-Saviç, duke mbajtur të paprekur portën e tij. Nga minuta e 57-të u fut në lojë dhe erat Gjimshiti për Atalantën, ndërsa Tomas Strakosha ishte titullar i Lacios.

“Gazzetta dello Sport” ka publikuar notat e ndeshjes së djeshme. Paraqitja pozitive e Berishës është vlerësuar me notën 7, të njëjtën që ka marrë dhe sulmuesi Zapata, i cili shënoi golin e fitores. Dy pritjet ndaj Imobiles dhe mesfushorit serb janë vlerësuar, ndërsa Strakosha ka marrë notën 5.5. Gardiani 23-vjeçar nuk kishte asnjë fjalë te goli i pësuar, ndërsa gaboi në një dalje të pasigurt.

Prej disa ndeshjes vazhdon të luajë si titullar me Peskarën dhe Elhan Kastrati. Portieri 21-vjeçar zhvilloi një takim pozitiv kundër Veronës në transfertë, pavarësisht se Peskara e tij dhe Memushajt u mposht me rezultatin 3-1. Gardiani, i cili është pjesë e Shqipërisë U21 dhe u grumbullua nga kombëtarja e madhe në miqësoren kundër Uellsit, ka marrë një vlerësim pozitiv për takimin ndaj Veronës, duke marrë notën 7.

“Pret gjithçka çfarë mundet të presë, duke dalë dhe si një portier hokeji. I pafajshëm në golat e pësuar dhe eviton një humbje më të thellë të Peskarës”, shkruhet në vlerësimin për Kastratin.

Etrit Berisha është rikthyer si titullar tek Atalanta, ndërsa po bën mirë dhe Berat Gjimshiti. Gardiani i kombëtares ka folur gjatë për sajtin zyrtar të klubit, duke u ndalur te ndeshja e sotme, përballjet me Napolin si dhe pritjet më të bukura të tij. Të cilat nuk vlejnë, nëse Atalanta nuk arrin rezultat pozitiv.

Vendasit vijnë nga humbja befasuese kundër Empolit pas avantazhit të dyfishtë, ndërsa Napoli fitoi përballë Cërvena Zvezdës në mesjavë, ndërkohë që kishte barazuar në shtëpi kundër Kievos në ndeshjen e fundit në kampionat.

MOMENTI – “Sigurisht që jemi të zhgënjyer me mënyrën se si shkoi ndeshja me Empolin. Pas avantazhit 0-2, u duk sikur morëm tre pikët e radhës, por më pas nuk e përballuam ndeshjen si në rastet e tjera. Hasëm vështirësi, por kur një ekip e dërgon ndeshjen në 0-2, do të thotë që skuadra është. Mund të kishim fituar me pak më shumë përqendrim. Kemi mësuar që nuk duhet të heqësh dorë kurrë, sepse ndeshjet ndryshojnë nga momenti në moment. Megjithatë, tani e kemi fshirë nga mendja atë ndeshje dhe po mendojmë për Napolin. Ky është një shans për ne dhe është gjithmonë bukur të luash sfida të tilla. Pothuajse e gjithë Italia do e shikojë ndeshjen, një gjë shumë e rëndësishme për të dyja ekipet. Si ne dhe Napoli ndodhemi në formë dhe do të jetë një duel i bukur.”

NAPOLI – “Deri më tani kemi bërë ndeshje të mira kundër Napolit. Kemi fituar dy herë në “San Paolo”: para dy vitesh në kampionat dhe sezonin e kaluar në kupë. E kemi humbur ndeshjen e fundit në shtëpi kundër tyre, por nuk ishte një takim i thjeshtë për të dy ekipet. Na duhet një ndeshje e madhe për të arritur te rezultati. E dimë se Napoli luan shumë mirë futboll, kanë lojtarë që godasin shumë mirë dhe duhet të jemi të kujdesshëm. Ka dhe raste të tjera kur përballesh me ekipe që kanë një tjetër stil loje. Luajnë me krosime, ose përdorin kundërsulmin. Kur përballesh me ekipe si Napoli, duhet të jesh i përgatitur për çdo lloj situate.”

PUBLIKU – “E ndjejmë shumë mbështetjen e tifozëve, si në stadium ashtu dhe kur takojmë ndonjë në rrugë. Ata na japin një shtysë të madhe. Ata dhe ne ëndërrojmë të rikthehemi në kupat e europës, por për momentin duhet të përqendrohemi vetëm te ndeshja e radhës. Nuk po luajmë çdo 3 ditë si sezonin e kaluar, kështu që mund të përgatitemi dhe stërvitemi edhe më mirë. Nëse bëjmë një ndeshje me Napolin si ajo kundër Interit shoqëruar me rezultat, mund të na rrisë besimin te vetja.”

ETRITI – “Kur ndodhem në fushë përpiqem të mos ndikohem nga emocionet. Nuk më pëlqen të festoj gjatë ndeshjes, sepse e di se në një çast mund të kalosh nga pozitivja në negative. Është kaq e rëndësishme për mua të jem i përqendruar gjatë 90 minutave, prandaj iu dukem si i ‘ftohtë’.”

PRITJET E BUKURA – “Pritja ndaj Palasios? Sipas këndvështrimit tim, një portier kënaqet kur pritjet e tij shoqërohen me fitore. Kjo është kënaqësia më e madhe. Në atë moment nuk mendova shumë, pashë drejtimin e topit dhe e vetmja mënyrë për ta pritur ishte të veproja në atë mënyrë. Nuk u mendova dy herë, u hodha dhe shkoi mbarë. Një rast i ngjashëm ishte dhe me Kaputon kundër Empolit. Ajo kundër Palasios ishte një ndër pritjet më të bukura që kam bërë, edhe pse ka dhe disa të tjera. Më kujtohet ajo kundër Napolit në të kaluarën. E përsëris, e rëndësishme është të shërbejë për të ndihmuar skuadrën të marrë rezultat pozitiv.”

Ndryshe situata për Berat Gjimshitin. Mbrojtësi u dëmtua gjatë grumbullimit me kombëtaren dhe nuk ishte as në ndeshje kundër Uellsit. Ai ka një problem në kofshë dhe është në dyshim për këtë ndeshjes. Gjithsesi ai do ta nisë nga stoli edhe nëse rikuperohet në kohë.

Gjimshiti u paraqit mjaft mirë në takimin e fundit me Interin, madje edhe arriti që të shënojë golin e tretë kundër zikaltërve. Tek Empoli është Frederik Veseli, i cili do të jetë në stol të takimin kundër Atalantës të dielën.

Spaleti duket se ka një grup të plotë dhe do t’i këtë thuajse të gjithë në dispozicion. Për kapitenin Mauro Ikardin, do të jetë një sfidë mjaft e veçantë, pasi argjentinasi nuk ka shënuar kurrë në vizitat e tij në “Stadio Atleti Azzurri d’Italia” dhe stadiumi i bergamaskëve është i vetmi nga stadiumet që nuk ka shënuar, pasi në stadiumin e Parmës, nuk ka luajtur prej katër vitesh.

Kapiteni zikaltër i ka shënuar plot gjashtë herë Atalantës, por gjithmonë e ka bërë në ndeshjet në shtëpi. Atalanta e Etrit Berishës e Xhimshitit, po kalon një moment të mirë ndërkohë, teksa kanë arritur tre fitore radhazi dhe kanë fituar terren në renditje. Në dy sfidat e fundit titullar i portës ka qenë portieri ynë, Etrit Berisha.

Por jo vetëm portieri do të jetë titullar. Edhe Berat Gjimshiti do ta nisë nga minuta e parë kundër Interit. Mbrojtësi qendror kishte luajtur titullar në tre ndeshjet e para të kampionatit dhe prej kohësh “ngrohte” stolin. Aktivizimi i tij gëzon edhe trajnerin Panuçi.

Po të dielën, titullar në takimin Sasuolo-Lacio (ora 18:00) do të jetë Thomas Strakosha. Portieri i kombëtares është titullar i padiskutueshëm te skuadra kryeqytetase. Një ditë më parë ai bëri paraqitje mjaft të mirë në Europa League, në ndeshjen që Lacio e fitoi 2-1 kundër Marsejës.

“Do të luajë Berisha”, shprehet shkurt Xhan Piero Gasperini, kur pyetet për balotazhin e portës Berisha-Golini. Ndeshja e dytë rresht në formacion me Atalantën për 29-vjeçarin e kombëtares kuqezi, i cili kishte humbur vendin e titullarit në fillimin e sezonit.

Berisha u aktivizua në fitoren 3-0 kundër Parmës, duke zhvilluar një ndeshje të mirë dhe mbajtur portën të paprekur. Një gjë e tillë është vlerësuar nga Gasperini, i cili ka vendosur të vazhdojë me shqiptarin në portë dhe në ndeshjen e radhës kundër Bolonjës.

Vetë trajneri Gasperini e kishte paralajmëruar në konferencë për shtyp se do t’i jepte mundësinë Berishës, pasi Golini luajti titullar në disa takime radhazi. Mbetet për t’u parë nëse Berisha do të vijojë të luajë në vazhdimësi.

Sa i takon Berat Gjimshitit, për të ndaj Parmës nuk pati asnjë minutë. Mbrojtësi 25-vjeçar nuk luan prej 2 shtatorit në kampionat. Ai është aktivizuar vetëm në tre ndeshje si titullar dhe tanimë po qëndron në stol duke pritur mundësinë e tij.

Gardiani i kombëtares shqiptare e ka humbur postin e titullarit në këtë sezon, me Gasperinin që ka preferuar Pierluixhi Golinin. Berisha është aktivizuar në katër ndeshje këtë sezon, dy në kampionat dhe dy në Europa League, ndërsa nesër do ta nisë nga fillimi sfidën me Parmën.

“Me shumë mundësi do të jetë Berisha titullari i portës kundër Parmës, sepse Golini ka patur shumë hapësira deri më tani”, është shprehur trajneri i Atalantës për portierin shqiptar.

Frederik Veseli ndërkohë nuk është rikuperuar ende, duke e humbur mundësinë të përballet me Juventusin nesër prej orës 18:00. Empoli i tij ka një përballje shumë të vështirë me bardhezinjtë në shtëpi. Mbrojtësi i kombëtares do ta ndjekë nga tribuna Ronaldon&Co.

Elseid Hysaj pushoi në mesjavë në ndeshjen kundër PSG-së, ndërkohë që është programuar titullar për ndeshjen e së dielës në kampionat ndaj Romës (ora 20:30). Shkodrani do të luajë në të majtë të mbrojtjes, pozicion që e ka mbuluar javët e fundit.

I paprekshëm Thomas Strakosha. Portieri i kombëtares do të presë të hënën për të luajtur. Lacio ka një përballje të vështirë me Interin në shtëpi. Ky takim nis prej orës 20:00, ndërkohë që veç Strakoshës titullar pritet edhe Valon Berisha.

Kuqezinjtë e Panuçit do të përballen me ekipin izraelit ditën e dielë në transfertë, ndërsa Berisha mendon se dhe një barazim në këtë ndeshje nuk është rezultat i keq.

KUALIFIKIMI – “Mundësitë janë reale, duke marrë parasysh dhe lojën e djeshme. E pamë se janë skuadër e fortë, por mundësitë janë reale që të marrim rezultat pozitiv. Po ashtu duke marrë parasysh që Izraeli fitoi dje, i bie që, nëse marrim rezultat pozitiv, ndeshja me Skocinë do të vlejë pak. Jemi të motivuar dhe e dimë rëndësinë e kësaj ndeshjeje.”

FORMA – “Jam i qetë dhe po punoj shumë. Kam vetëbesim dhe them se do të kthehem shpejt aty ku duhet të jem.”

KUNDËRSHTARI – “E kemi ndjekur të gjithë bashkë ndeshjen e Izraelit. Në pjesën e parë dominoi më tepër Skocia, ndërsa në pjesën e dytë Izraeli kishte kurajë dhe krijoi shumë raste dhe arriti që ta fitonte ndeshjen në fund. E njohim kundërshtarin se ka kualitet, por dhe ne po rritemi si skuadër dhe kjo ndeshje do të jetë një nga sfidat deçizive për të dalë të parët e grupit.”

OBJEKTIVI – “Barazimi nuk do të ishte i keq, por them se ndeshja deçizive do të jetë me Skocinë.”

ATALANTA – “Mendova se do të luanim në Europa League me Atalantën. Kemi një grup mjaft të mirë. Dua të bëj gjëra të mira dhe me Atalantën, por gjërat nuk kanë shkuar siç i kisha planifikuar. Jam i qetë dhe po punoj shumë për të arritur për t’u rikthyer aty ku duhet.”

PRURJET E REJA – “Është pak e vështirë dhe për ne që të kemi mundësi të flasim. Edhe lojtarët që vijnë duhet të inkuadrohen shpejt në ekip, pasi tani për tani kemi shumë pak miqësore dhe çdo sfidë është shumë e rëndësishme. Është pak e vështirë si për ta dhe për ne, por lojtarë e rinj u duhet të punojnë më tepër.”

Ndeshjen e fundit kundër Torinos Berisha u rikthye titullar. Portieri i kombëtares nuk pësoi gol, ndërkohë që vlerësimet për të ishin normale. Por një dalje duket se e ka penalizuar, edhe pse në atë moment shpëtoi.

Për ndeshjen e radhës që Atalanta luan në transfertë me Fiorentinën ka sërish lëvizje në formacion dhe trajneri Gasperini duket se do të preferojë sërish Golinin. Kështu Berishës do t’i duhet ta nisë nga stoli, ashtu si Gjimshitit.

Mbrojtësi i djathtë do të jetë titullar kundër Fiorentinës, në një ndeshje që zhvillohet prej orës 18:00. Një ditë më pas, në të njëjtin orar, luhet Empoli-Lacio. Nuk do të ketë një derbi shqiptarësh nga fillimi.

Thomas Strakosha mbetet numri një te Lacio, ndërkohë Veseli duhet të presë për të luajtur titullar me skuadrën e tij. Edhe pse i preferuar nga Panuçi në kombëtare, në Itali situata për mbrojtësin nuk është e mirë.

Të hënë është radha e Atalantës, që luan në transfertë kundër Spal. Në mbrëmje, pres orës 20:30, nis kjo përballje, të cilën Berat Gjimshiti dhe Etrit Berisha janë të detyruar ta ndjekin nga pankina në fillim, pasi Gasperini ka planifikuar të tjerë futbollistë në vend të tyre.

Gardiani i kombëtares ishte pranë largimit dhe Lila në Francë interesohej për shërbimet e tij, por asgjë nuk ndodhi dhe Berisha vazhdon me Atalantën. Trajneri Gasperini foli para ndeshjes me Frosinonen, ku deklaroi se do të përdorte rrotacionin midis dy portierëve, por akoma nuk ka ndodhur diçka e tillë. Ndoshta një përgjigje klasike për të rritur konkurrencën dhe për t’i mbajtur të dy të përqendruar, por për momentin kanë ndryshuar raportet.

Vjet ishte Etrit Berisha titullar dhe Golini zëvendësi i tij, ndërsa situata është ndryshe në fillimin e sezonit të ri. 29-vjeçari i kombëtares ka luajtur si titullar vetëm sfidën e kthimit kundër Sarajevos në Ligën e Europës, ndërsa ai pret për të shfrytëzuar shansin e tij dhe për t’u rikthyer në formacionin e Atalantës. Italianët u eliminuan nga Europa dhe tashmë mbeten vetëm ndeshjet e kampionatit dhe kupës. Atalanta pret Kaljarin të dielën dhe pritet me interes se cili nga të dy portierët do e nisë nga minuta e parë. Shpresojmë të jetë Etriti…

Trajneri Gasperini as këtë herë nuk do t’ia besojë portën Etrit Berishës. Mediet italiane raportojnë se titullar pritet të jetë Golini. Por ka lajme të mira përsa i përket Berat Gjimshitit. I lënë në stol në ndeshjen e Europës, lojtari i kombëtares sonë planifikohet të zbresë nga minuta e parë në fushë.

Në sfidën e parë të kampionatit bëri mirë dhe pati vlerësime të shumta për ta. Duket se Gasperini do t’i besojë shpesh këtë sezon Gjimshitit, i cili vjet në Seria A ishte pjesë e Beneventos dhe luajti rregullisht si titullar.

FORMACIONET E MUNDSHME
ROMA (4-3-3): Olsen; Florenzi, Manolas, Fazio, Kolarov; Kristante, De Rosi, Pastore; Under, Dzeko, El Sharaui.

ATALANTA (3-4-3): Golini; Toloi, Gjimshiti, Masielo; Hatebur, De Ron, Freuler, Gosens; Pasalicc, Barrou, Gomez.

Lila ka arritur ta bindë Berishën me ofertën e bërë. Problemi kryesor mbetet klubi italian, që nuk e lëshon portierin për më pak se 7 milionë euro. Klubi francez e ka çuar ofertën deri në 5 milionë euro. Në vazhdim mund të kemi ndonjë marrëveshje, por për momentin gjithçka është pezull.

Emra të tjerë ne listën e Lilës janë edhe: Stekelemburg dhe Karrasko. Ky i fundit, 36 vjeç tashmë është pa ekip. Gjithsesi, Berisha është dëshira e madhe e francezëve.

Francezët nga ana tjetër janë të gatshëm të ofrojnë deri në 5 milionë euro dhe nuk e kalojnë këtë shifër. Atalanta deri më tani nuk ka ndonjë ofertë më të mirë dhe ndoshta do i duhet të mendohet, por duhet kuptuar edhe diçka tjetër: kohën nuk e ka në favor.

Lilë po punon për të gjetur një zgjidhje dhe momentalisht i është rikthyer një tjetër piste. Sedrik Karraso, portieri 36-vjeçar është larguar nga Gallatasaraji, por ka pasur një sezon të dështuar. Gjithsesi ka eksperiencë në Ligue 1, pasi ka luajtur me Marsejën, Guingamp dhe Tuluzën.

Lila, klubi i njohur francez, kërkon të blejë portierin kuqezi dhe ka nisur bisedimet me Atalantën për transferimin e tij, raporton gazetari i njohur italian Alfredo Pedula.

Atalanta ka në organikë disa portierë dhe është në pozicion komod, sepse do ta shesë Berishën vetëm nëse merr ofertë serioze.

Nga ana tjetër, nuk dihet si do reagojë Berisha, por Lila i ofron vendin e titullarit dhe ndoshta një pagë më të lartë se Atalanta, për ta joshur.

Nga ana tjetër, kalimi në Ligën 1 nuk është ndonjë hap i madh përpara në karrierë dhe ndryshimi total i mënyrës së jetesës natyrisht që do të jetë një problem për portierin kuqezi.

Nuk është hera e parë që Lila kërkon portier shqiptar, sepse kur e drejtonte Rudi Garsia kërkoi të blinte Samir Ujkanin. Tani pjesë e Lilës është edhe mesfushori i talentuar Agim Zeka.