Eto

E thotë shoku i argjentinasit: Hazard është pranë nivelit të Mesit

Sport Ekspres — Sun, 28 Jul 2019 08:05:39 +0000

Kristiano Ronaldo u largua drejt Italisë dhe në një farë mënyre e la vetëm Leo Mesin. Argjentinasi vitin e kaluar nuk ka pasur një rival të denjë, që del paralel me cilësitë e tij. Megjithatë, këtë vit mund të themi se ka ardhur një konkurrent, që me pak punë mund ta rrezikojë “kurorën mbretërore” të Leos.
Eden Hazard është një nga futbollistët më të mirë të dekadës së fundit. Këtë sezon do të jetë në Madrid dhe ka të gjitha asetet në dispozicion për të konkuruar Mesin për fronin e më të mirit në Spanjë.

I këtij mendimi është edhe Samuel Eto, ish-shoku i argjentinasit në dhomat e zhveshjes. Kamerunasi shprehet se niveli i Hazard është pranë atij të Mesit dhe se belgu duhet të fitojë një ditë “Topin e Artë”.

“Hazard duhet të fitojë Topin e Artë. Ai nuk është vlerësuar mjaft, por tani është në një nga skuadrat më të mira në botë dhe të gjithë sytë do të jenë në të. Është afër nivelit të Mesit dhe shpresoj që kur ai të luajë ndaj Barcelonës, të mos jetë në maksimumin e formës së tij”, deklaroi kamerunasi.

Eto bëhet “hero”, një legjendë ndihmon një tjetër

Sport Ekspres — Thu, 30 Aug 2018 15:17:34 +0000

Jeta të përplas ndonjëherë në disa situata që askush nuk i mendon. Nuk thuhet kot që me fatin nuk mund të luash. Shumëkush nga ne vështirë se e mbajnë mend Norbert Ouona, i cili në vitet 1960-1970 ka qenë kapiten i përfaqësueses së Kamerunit. Normalisht, bëhet fjalë për një periudhë mjaft të largët nga sot, por historia nuk mund të ç’bëhet, por ajo mund të harrohet ose shmanget, siç po ndodh me 67-vjeçarin e sipërpërmendur.

Ouona sot nuk ka as një çati për të futur kokën dhe nuk bëhet fjalë për një shprehje figurative. Ish-kapiteni është në mëshirë të fatit dhe tanimë i sëmurë. Një sëmundje e rëndë e gruas së tij e shtyu që të shpenzonte të gjithë parat e tij për ta kuruar. Sot, çatia e shtëpisë së tij është rrëzuar dhe ai ndodhet në spital. Sëmundja nuk është e rëndë, por po mendonte se çdo të bënte në ditët me shi të dimrit.

Samuel Eto nuk mund të qëndronte pasiv nga kjo situatë, ku nuk mori as edhe një ndihmë nga drejtuesit e shtetit. Ish-lojtari i Barcelonës nuk është kursyer dhe i ka dhuruar një shifër të konsiderueshme për ushqipme. Eto nuk është ndalur me aq, pasi ai ka premtuar se do të ndërtojë një shtëpi të re për ish-kapitenin e Kamerunit. Shteti qëndori pasiv dhe u desh një legjendë si Eto për të ndihmuar një tjetër legjendë, por të harruar si “Ouona”.

Video mallëngjyese: 13 vite më parë Keita Balde merrte leksione nga Eto

Sport Ekspres — Fri, 17 Aug 2018 12:14:15 +0000

Keita Balde, blerja më e re e Interit është një produkt i akemisë së famshme të Barcelonës, “La Masia”. Sulmuesi 23-vjeçar ka jetuar që në fëmijëri në Katalonjë ku ka qenë një ndër talentët më premtues, por syri dinak i Igli Tares, si dhe mungesave e prespektivës në klubin ku u formua, bënë që Keita t’i thoshte lamtumirë kampionëve spanjollë.

Së fundmi në internet po qarkullon një video shumë e bukur, ku një Keita 10-vjeçar merr leksione, xhonglimi, driblimi dhe gjuajtjeje nga vetë sulmuesi me famë botore Samuel Eto, i cili asokohe luante me Barcelonën dhe më vonë do të shkruante historinë me skuadrën e Interit me fitimin e tripletës në vitin 2010. Në video Eto impresionohet nga aftësitë e Keitas, i cili në atë kohë cilësohej si lojtari më i mirë i asaj grupmoshe në akademinë e Barcelonës.

https://www.facebook.com/iloveim1908/videos/223913064940427/?hc_ref=ARTrb15y1e75VbIHmqc7gq5ggX7FeSy_-hXVR_ZT5tM30LI890rxJaKZIvRE3hbl4Qc