Përtej faktin që pjesa më e madhe e dosjes është thjesht përkthim i dosjes së UEFA-s, me anë të së cilës Skënderbeu u përjashtua për një vit nga kupat e Europës, bien në sy disa argumentime të çuditshme dhe kontradiktore.

Sipas Etikës, raportet e marra nga UEFA në lidhje me ndeshjet e Skënderbeut janë mbi 50, në harkun kohor 2010-2016.

Etika, në mënyrë të çuditshme, ka vendosur të heqë qafe gjithë ndeshjet deri në vitin 2015, duke arritur në përfundimin se duhen përjashtuar nga gjykimi ato raporte konkluzionet e të cilave nuk mbështeten nga prova shtesë të natyrës sportive, por përqendrohen vetëm tek aspekti i basteve!

Jo vetëm kaq, por edhe për ndeshjet e marra në shqyrtim, Etika argumenton se heqja e titullit të vjetshëm ndodhi “Për shkak të rëndësisë së shkeljes dhe shtrirjes së fenomenit për një pjesë të konsiderueshme të sezonit futbollistik 2015-2016”, çka do të thotë se ndeshjet e sezonit 2014/2015 nuk çojnë te dënimi i Skënderbeut, sepse ishin vetëm 2!

Ndeshjet e marra në analizë dhe të pranuara si të trukuara nga Etika janë

KF Elbasani vs. Skënderbeu 1:4 (25.01.2015) “Kategoria Superiore”

Skënderbeu vs. KS Flamurtari 3:1 (18.02.2015) “Kupa e Shqipërisë”

Skënderbeu vs. KF Tirana 2:1 (21.09.2015) “Kategoria Superiore”

Skënderbeu vs. Tërbuni Pukë 4:0 (22.11.2015) “Kategoria Superiore”

Skënderbeu vs. Tërbuni Pukë 4:0 (22.11.2015) “Kategoria Superiore”

 Skënderbeu vs. KF Laçi 2:1 (20.04.2016).

Në analizën e të gjithë faktorëve, Komisioni nuk arriti të provojë përfshirjen direkt apo indirekte të një lojtari a zyrtari të Skënderbeut në influencimin e rezultatit të një ndeshje në kundërshtim me etikën sportive. Pavarësisht nga kjo pengesë teknike, komisioni gjykon se ka vend për krijimin e një praktike të re përputhje me Nenin 134/2 të KDS, dispozitë e cila i lejon trupës gjykues të vendosë si “legjislator”, me qëllimin e vetëm respektimin e parimit gjyqësor se “Gjykata nuk mund të refuzojë të shqyrtojë dhe të japë vendime për çështjet që i paraqiten për shqyrtim, me arsyetim se ligji mungon, nuk është i plotë, ka kundërthënie ose është i paqartë.”.

Në analizën e të gjithë faktorëve, Komisioni nuk arriti të provojë përfshirjen direkt apo indirekte të një lojtari a zyrtari të Skënderbeut në influencimin e rezultatit të një ndeshje në kundërshtim me etikën sportive. Pavarësisht nga kjo pengesë teknike, komisioni gjykon se ka vend për krijimin e një praktike të re përputhje me Nenin 134/2 të KDS, dispozitë e cila i lejon trupës gjykues të vendosë si “legjislator”, me qëllimin e vetëm respektimin e parimit gjyqësor se “Gjykata nuk mund të refuzojë të shqyrtojë dhe të japë vendime për çështjet që i paraqiten për shqyrtim, me arsyetim se ligji mungon, nuk është i plotë, ka kundërthënie ose është i paqartë.”.

Gjatë hetimit Komisioni vlerësoi informacionin e ardhur nga raportet si provë të vlefshme e mjaft shteruese, fuqia provuese e të cilës është akoma më e madhe kur mbështetet nga faktorë të tjerë sportive dhe jo vetëm.

Komisioni analizoi pamje filmike nga ndeshjet, raportet e të cilave u gjykuan si të bazuara dhe konkludoi se kishte dyshime të arsyeshme se ndeshjet kishin mjaftueshëm indicje që vënë në dyshim integritetin e tyre sipas rastit duke mos shënuar kur ishte mundësia apo duke facilituar pësimin e golave kur ekzistonin të gjitha mundësitë për ndalimin e aksioneve.

Theksohet se raportet e Bet Fair Detection System përbëjnë një mjet solid në luftën kundër trukimeve dhe ndonëse mbetet hapësirë për përmirësime, ka një mundësi të lartë që një ndeshje e përshkallëzuar të jetë e trukuar. Kjo mundësi, i mjafton Komisionit për të krijuar bindjen se klubi është i përfshirë në këtë sjellje jo sportive të dënueshme.

Për sa më sipër, Trupa gjykuese e Komisionit te Etikës pranë Federatës Shqiptarë te Futbollit, është mjaftueshëm e bindur se K.F “Skënderbeu” është i përfshirë në trukimin e ndeshjeve në kundërshtim me etikën sportive. Për shkak të rëndësisë së shkeljes dhe shtrirjes së fenomenit për një pjesë të konsiderueshme të sezonit futbollistik 2015-2016, komisioni arrin në përfundimin se titulli “Kampion” i Kategorisë Superiore për këtë sezon duhet të zmbrapset në përputhje me Nenin 16 të Kodit të Disiplinës Sportive pasi është fituar si pasojë e manipulimit të rezultateve.

Në përputhje me Nenin 68/2 të Kodit të Disiplinës Sportive, Klubi i Futbollit Skënderbeu duhet të dënohet me gjobë në masën 2.000.000 (dymilion) lekë. Trupa Gjykuese e klasifikon shkeljen e “Skënderbeut” si një shkelje serioze siç ajo parashikohet nga paragrafi i dytë i dispozitës ndaj e çmon të domosdoshme të aplikojë si dënim suplementar atë të zbritjes së 12 (dymbëdhjetë) pikëve nga klasifikimi. Kjo masë do të gjejë zbatim për sezonin pasardhës, pra atë 2016-2017.

KOMISIONI I ETIKES

Ne bazë të nenit 17, 18 e vijues të Kodit të Etikës dhe Neneve 16, 68/2, 134 e vijues të Kodit të Disiplinës Sportive

VENDOSI:

– Deklarimin fajtor të Klubit i Futbollit Skënderbeu për komplotim në influencimin e rezultateve të ndeshjeve në kundërshtim me etikën sportive për sezonin 2015-2016;

– Heqjen e Titullit “Kampion” i Kategorisë Superiore të KF Skënderbeut për sezonin 2015-2016;

– Dënimin e KF Skënderbeu me gjobë në masën 2.000.000 (dy milion) lekë;

– Dënimin e KF Skënderbeu me zbritjen e 12 (dymbëdhjetë) pikëve nga klasifikimi për sezonin 2016-2017;

– Kundër këtij vendimi, lejohet ankim sipas nenit 18 të Kodit të Etikës.

VENDIMI I PLOTË

http://www.fshf.org/images/Vendim_i_Arsyetuar_Skenderbeu_23.06.2017.pdf

Në Tiranë më 23.06.2017

VENDIM

KOMISIONI I ETIKËS

I Përbërë nga

Fatmir BRAKA, Kryetar

Bejkush BIRÇE, N/Kryetar

Bashkim KOKA, Anëtar

Agron KULIÇAJ, Anëtar

Ardian LEKA, Anëtar

Një marrëveshje e shëmtuar, e publikuar prej kohësh së pari nga Sulejman Starova, por e pranuar qetësisht nga të gjithë aktorët.

“Mishi të piqet e helli të mos digjet”, a ka më bukur? Skënderbeut i hiqet një titull, plot ka fundja, renditja e sezonit aktual nuk ndryshon (12 pikë iu hoqën Skënderbeut, por edhe një analfabet e kupton tragjikomedinë e këtij vendimi), Skënderbeu vazhdon qetësisht punën. Po titujt e tjerë, nuk ishin po aq të akuzuar nga UEFA për ndeshje të dyshimta?

Prisni: Po Partizani? Të kuqtë presin titullin e vjetshëm, e tha vetë Starova që do i jepet Partizanit!

Etika nuk e shtoi te vendimi i sotëm, ia ka kaluar topin FSHF-së. Me nge, ka kohë. Pasi të kalojë mitingu elektoral pasdite, fishekzjarret e papara do të bëjnë të mos bjerë në sy që titulli do t’i jepet Partizanit në tavolinë.

Nëse nuk ndodh, do të jetë çudi e madhe, një vit do të mbetet pa titull në historinë e futbollit shqiptar dhe është absurditet më vete.

Nëse i jepet Partizanit, të ngrejë dorën ai që nuk mendon se ishte vetëm një qokë, një thelë e hedhur për të qetësuar urinë e të kuqve!

Cilat ndeshje, pse nuk nxirret lista? Çfarë mjeti dhe kriteri ka përdorur Etika për të vërtetuar që sezonin e shkuar Skënderbeu ka trukuar ndeshje? Po sezonet e mëparshëm, kur të gjithë akuzonin Skënderbeun, sidomos në vitin e titullit të parë, kur Flamurtarit i iku titulli nga duart në fund të një sezoni skandaloz në çdo drejtim?

Po 12 pikët e hequra për këtë sezon, që sapo u mbyll, kujt i hyjnë në punë? Ishte i treti, mbetet i treti, a nuk është tallje kjo? Nëse nuk ka trukuar asnjë ndeshje në sezonin aktual, pse i hiqen 12 pikë tani dhe jo për sezonin e ardhshëm, për shembull? Apo ashtu ishte marrëveshja?

Po gjobën modeste, ç’kuptim ka, 2 milionë lek (të reja), a thua se u fut një tifoz në fushë dhe u ndal një ndeshje.

Kjo Etikë e konfirmoi edhe një herë: ekziston kot, nuk ka asnjë lidhje me drejtësinë dhe etikën e vërtetë. Nëse pastaj ka edhe bekimin e FSHF-së, kot që llapim.

P.S.

Me siguri edhe Skënderbeu ka ditur gjithçka, pasi ky duket një kompromis i madh mes palëve dhe as ankimim në KAS ndoshta nuk do të ketë.

Pas shtyrjes së para disa ditëve, sot ka ardhur shtyrja e radhës, pasi vendimi për dosjen Skënderbeu është zhvendosur sërish.

Sipas njoftimit të FSHF-së, Komisioni i Etikës ka vendosur të shtyjë gjykimin e çështjes “Skënderbeu” për të përfshirë në proces edhe materiale të tjera të nevojshme për hetimin. Seanca e radhës është planifikuar për t`u zhvilluar në datën 23 Qershor, ora 13.00.

Se çfarë materialesh të tjera do të përfshihen në proces, askush nuk e merr vesh, por ndoshta UEFA paska harruar ndonje detaj me peshë, ose tek Etika kanë harruar ta përkthejnë.

Gjithsesi, urojmë që të mos përsëriten precedentët qesharakë të viteve të fundit, sepse përndryshe do ta hajë portieri rezervë Erjon Llapanji!

Leonard Trebicka

Ka muaj e muaj të tërë, që flitet për një vendim nga Komisioni i Etikës në FSHF, në lidhje me Skënderbeun. Sot është dita, kur ky vendim do të dalë zyrtarisht nga FSHF-ja dhe në qytetin e Korçës me të drejtë janë në ankth të madh për atë që do të ndodhë. Por te Skënderbeu janë të bindur se nuk ka për të ndodhur gjë. Verën e kaluar UEFA e përjashtoi skuadrën korçare për një vit nga Kupat e Europës dhe Skënderbeu e shleu këtë dënim. Më pas dosja mbërriti edhe në Federatën Shqiptare të Futbollit dhe me të është marrë Komisioni i Etikës, që ka hetuar për muaj me radhë. Para disa ditësh nuk mori një vendim, por e shtyu atë për më 8 qershor, pra për sot. Në Korçë kanë kohë që presin që kjo çështje të mbyllet sa më parë. Presidenti Ardjan Takaj, sa herë është pyetur në lidhje me vendimin e Etikës, ka deklaruar se është i qetë, sepse UEFA e ka dhënë dënimin e saj, duke u bazuar thjesht dhe vetëm në dyshime. Skënderbeu, sipas tij dhe gjithë korçarëve, është i pastër. Kohët e fundit është aluduar shumë, sidomos nga kundërshtarët e Skënderbeut, për një zbritje të korçarëve një kategori më poshtë apo edhe për heqje të titullit kampion të një sezoni më parë. Por edhe kjo situatë është kaluar me sportivitet nga drejtuesit e ekipit juglindor. Mund të ketë edhe heqje pikësh për kampionatin e ardhshëm, ndaj dhe në Korçë janë të shqetësuar, përderisa nuk e dinë ende vendimin zyrtar. Ka shumë që janë optimistë, duke u bazuar në faktin se masa e UEFA-s ndaj Skënderbeut u mor vetëm për dyshime. Madje, këta persona mendojnë se e gjitha kjo situatë është gatuar nga kundërshtarët e korçarëve. Në klubin “Skënderbeu” e presin me shumë qetësi vendimin e Etikës.

SNOBIMI – Korçarët madje janë aq të qetë për Etikën, sa në një farë mënyre e kanë snobuar atë. Ata nuk kanë pritur të mësojnë vendimin zyrtar, por që sot do të nisen drejt Sllovenisë. Po ashtu, kanë bërë edhe merkato, duke zyrtarizuar dy blerje, që do të thotë se nuk i bezdis shumë çfarë do të vendosë sot Komisioni i Etikës. Nëse do të ishte rreziku i një dënimi ekstrem, atëherë Skënderbeu nuk do të kishte bërë këto lëvizje. Skënderbeu ka bërë gati valixhet që dje dhe në klubin juglindor as që e diskutojnë se përgatitjet e tyre do të jenë krejtësisht normale edhe pas vendimit të sotëm. Në orën 14:30 është planifikuar nisja nga aeroporti “Nënë Tereza” për në Slloveni. Korçarët do të mbërrijnë në Roganska në mbrëmje dhe nesër do të nisin menjëherë me seancat stërvitore. Kështu, Skënderbeu e ka mendjen te faza përgatitore verore dhe jo te Komisioni i Etikës, që ka punën e vet.

Ndonëse u tha se sot ose nesër do të dilte një vendim final, tashmë duket se Etika nuk di ç’të bëjë, sepse ndonëse ka kohë që i ka ardhur dosja me arsyetimin e KAS-it në lidhje me aprovimin e dënimit të Skënderbeut nga UEFA, sërish në Shqipëri nuk ka asnjë qëndrim zyrtar.

FSHF njofton se Komisioni i Etikës në mbledhjen e realizuar ka administruar provat dhe ka diskutuar për çështjen në tërësi, por hetimi vijon dhe data e mbledhjes së radhës është vendosur nga anëtarët e këtij Komisioni të  zhvillohet në datën 8 qershor.

Ç’do të thotë kjo? Skënderbeu logjikisht regjistrohet nesër në Europa League, pasi FSHF duhet të dërgojë emrat në UEFA, ndërsa mbledhja e datës 8 qershor nuk dihet qartë çfarë do të prodhojë.