NDESHJA – “Normalisht që ishte një kualifikim i vështirë. Apolonia na nxori punë dhe na e bëri shumë të vështirë, si në Fier, si këtu. Atje na mposhtën 2-1 dhe këtu u mbrojtën shumë mirë. Gjithsesi ia dolëm që të shënon dy golat që na duheshin dhe të kualifikohemi.

GOLI – “Shënimi i golit është një ndjesi e bukur, të motivon, të bën të punosh me shumë. Nuk kemi bërë ndeshje të mira, por rëndësi kanë pikët. Pak e nga pak shpresoj të dalim edhe te loja e mirë e të vazhdojmë të marrim pikë.”

KONKURRENCA – “Çdo lojtar që vjen, vjen në të mirë të ekipit. 25 lojtarët që stërvitemi jemi këtu për të dhënë më të mirën dhe të ndihmojmë skuadrën. Konkurrenca na bën mirë dhe na bën të punojmë më shumë dhe të marrim atë që meritojmë.”

KUPA – “Siç e dini, Kukësi i shpall objektivat në fillim të sezonit. Objektivi ynë është të shpallemi kampionë dhe të fitojmë titullin, por dhe Kupa nuk mbetet pas. Do t’i synojmë të dyja kompeticionet bashkë”,- përfundoi sulmuesi.

Intervistuesi është mesfushori Et’hemi, ndërsa Rroca dhe Limaj janë pas tij, duke ngacmuar herë pas here mbrojtësin e verilindorëve. Rrumbullaku qëndroi mirë kundrejt ngacmimeve dhe u tregua profesionist, pavarësisht se provokimet nga shokët e skuadrës ishin të shumtë. Video më poshtë flet vetë…

Te Kukësi, Donjet Shkodra ka shfaqur probleme fizike, si pasojë e goditjeve të marra në ndeshjen me Flamurtarin. Mesfushori është në diskutim për ndeshjen e nesërme, por duket shumë e vështirë që të jetë në fushë. Do të ishte një hall shumë i madh për Cungun, nëse nuk do e kishte të gatshëm për këtë sfidë. Arsyeja është e thjeshtë, në stol nuk është askush i gatshëm për ta zëvendësuar 29-vjeçarin.
Edhe pse rikthehet Irakli Dzaria, problem mbete numri i të huajve në fushë dhe aktualisht nuk është asnjë mesfushor qendre me pasaportë shqiptare i gatshëm për teknikun Shkodra. Në të tilla kushte mundësitë janë vetëm dy.

Kukësi ose do të ndryshojë modul loje, duke aplikuar një skemë tjetër ku Cungu të ketë mundësinë që të aktivizojë vetëm 4 lojtarë të huaj, ose do të improvizohet një futbollit krahu që të luajë si mesfushor qendre. Mundësia e tretë është që të aktivizohet ndonjë futbollist nga të rinjtë, por kjo duket një mundësi gati e pamundur, duke ditur rëndësinë e kësja sfide.

Situata te verilindorët është jo e mirë, pasi Musolli, Rrumbullaku dhe tani Shkodra janë të dëmtuar. Po ashtu edhe Çyrbja është dërguar te ekipi B. Cungu duhet të gjejë një zgjidhje, por nuk e ka aspak të lehtë, pasi duhet rikujtuar që Limaj, ndonëse është shqiptar, posedon vetëm pasaportë gjermane, çka e privon nga mundësia për t’u pajisur me pasaportë tjetër.

“Sa u përket problemeve të vizave, mund të veçojmë rastin e Malokut, i cili ka pasaportë kosovare dhe siç dihet Kosova nuk njihet nga Gjeorgjia. Pas ndërhyrjes së klubit dhe kjo situatë u zgjidh. Një problem i tillë ekziston dhe për lojtarin nga Mozambiku”.

“Sa për lojtarët me pasaportë maqedonase, nuk ishin në listën origjinale dhe u informuam rreth kësaj situate vetëm një ditë para se merreshin vizat. Për këtë arsye Maliki, Rexhinaldo dhe Ethemi nuk u pajisen dot me vizë”.

“Për këtë arsye pala shqiptare donte të shtynte ndeshjen, por u refuzua kategorikisht nga UEFA. Torpedo nuk është e kërcënuar aspak, sepse i ka përmbushur të gjitha kërkesat e UEFA-s”.

“Klubi ynë i ka marrë ë gjitha vizat dhe do të udhëtojë i plotë për në Shqipëri”.

Valon Ethemi, Rexhinaldo dhe Edis Malik nuk kanë udhëtuar mbrëmjen e djeshme me ekipin. Situatë aspak e mirë dhe e tensionuar, pasi verilindorët kanë kërkuar shtyrjen e takimit.

Problemin më të madh duket se e ka tekniku Armando Cungu, i cili duhet dhe një herë të ideojë formacionin e Kukësit nga e para. Maliki ishte programuar titullar, por dhe Rexhinaldo kishte fituar terren për një fanellë titullari. Nëse ne sulm ka mjaftueshëm alternativa, ndryshon situata në repartet e tjera.

Në mungesë të Malikit, braziliani Uilliam është i detyruar që të spostohe nga krahu i majtë i mesfushës në pozicionin e tij natyral. Në të majtë të mesfushës qëndron dhe problemi kryesor, pasi vetëm Vangjel Zguro mund të përshtatet në këtë pozitë dhe nuk do të ketë asnjë alternativë tjetër, pasi as Ethemi nuk është i disponueshëm. Sikur të mos mjaftonte dhe Dino Shpehar është i dëmtuar.

Një situatë vërtetë e vështirë për Cungun që në këtë rast është i cunguar për të bërë zgjedhjet e tij me një organikë të vakët. Lajmi i vetëm i mirë është bashkimi me skuadrën i portierit Faton Maloku.

Jurgen Zela

Mund të konsiderohet pa frikë zbulimi i Kukësit në këtë fazë të parë. Në verë u afrua pa zhurmë, por me kalimin e javëve është shndërruar në një lojtar titullar dhe mjaft i rëndësishëm për skuadrën e trajnerit Mlladen Milinkoviç. Valon Ethemi është vetëm 20 vjeç, por me një potencial për t’u admiruar. Pas një sezoni në Kategorinë e Parë me Mamurrasin, po bën mjaft mirë te kampionët. Ai është aktivizuar në 8 ndeshje, në 5 që nga minuta e parë dhe ka shënuar një gol. Për “Sport Ekspres” Ethemi flet për aventurën e tij si “kuksian”, për eksperiencën te Mamurrasi, objektivat me Kukësin dhe ndeshjen e ardhshme.

– Valon, nga Mamurrasi te Kukësi, një hap i madh për ju. E kishit menduar më parë?

– Të them të drejtën, nuk e kisha imagjinuar. E konsideroj një hap mjaft të madh, pasi të kalosh nga Kategoria e Parë te skuadra kampione e Shqipërisë, nuk është e lehtë, aq më tepër për një lojtar që është ende i ri. Jam shumë i lumtur që bëra këtë lëvizje, që deri më tani po rezulton e suksesshme.

– E njihnit Kategorinë e Parë, pse zgjodhe të bëje këtë lëvizje?

– Po, e kisha ndjekur më parë kampionatin shqiptar, por jo Kategorinë e Parë. I ndiqja shpesh ndeshjet e Superiores dhe vendosa të shkoja në Kategorinë e Parë, pasi është e rëndësishme që një lojtar të ketë minuta, të luajë. Po ashtu, kisha dhe fatin që të kisha dhe trajnerin Rezart Maho, i cili më ka ndihmuar shumë dhe dua ta falënderoj.

– Si ishin kushtet dhe infrastruktura apo pagat në Mamurras? I zhgënjyer nga eksperienca aty apo ia vlejti?

– Për kushtet mund të them se ishin të pranueshme. Për mua ishte një eksperiencë pozitive, por më vjen keq që në fund ramë nga kategoria.

– Si erdhi kalimi te Kukësi?

– Te Kukësi u afrova për t’u provuar. Stafi teknik më pas vendosi që të bashkohesha me ekipin dhe në fazën përgatitore. Në fund vendosën të më ofronin kontratë.

– Sa ndryshon niveli i Superiores me atë të Kategorisë së Parë?

– Të jem i sinqertë, kanë shumë ndryshim me njëra-tjetrën. Në Superiore është tjetër standard dhe kjo duhet pranuar se duhet ende shumë punë në Kategorinë e Parë.

– Jeni u kthyet në një titullar fiks te Kukësi, e prisnit këtë ecuri?

– Punoj shumë, mundohem të jap maksimumin, si në stërvitje, ashtu edhe në ndeshje sa herë më kërkohet. Kukësi është kampion në fuqi dhe të them të drejtën, nuk e prisja që të më jepej kaq shumë besim. Ishte disi e pabesueshme për mua.

– Synime madhore, por 7 pikë pas Skënderbeut. Mendon se mund të arrihet titulli kampion?

– Ne kemi objektivat tona. Punojmë çdo ditë për t’i përmbushur. Është luajtur vetëm faza e parë dhe duhen dhe të tre të tjera. Edhe sezonin e shkuar Kukësi ishte në të tilla kushte, por në fund arriti që të shpallej kampion. Ne ecim me ambicie dhe besojmë te skuadra që kemi.

– Vetëm 20 vjeç dhe protagonist te skuadra kampione, cilat janë ambiciet tuaja?

– Primare për të gjithë ne është arritja e objektivave të ekipit. Jam shumë i fokusuar të jap maksimumin te skuadra e Kukësit. Nëse ekipi ecën mirë, atëherë dhe ne do të kemi një paraqitje të mirë. E theksoj se skuadra është mbi të gjitha.

– Ndeshja me Kamzën duket vendimtare, pasi keni marrë dy barazime radhazi. Ka presion ne skuadër për të marrë me çdo kusht fitoren?

– Nuk mund të them se ka presion. Po punojmë shumë që të kthehemi te fitorja. Ne synojmë të marrim titullin dhe do të kërkojmë fitoren në çdo ndeshje. Duhet t’i marrim ndeshjet një e nga një.

Një emër interesant që ka shkëlqyer në këto javë kampionati është ai i talentit 20-vjeçar të Kukësit, shqiptaro-maqedonasit, Valon Ethemi, i cili nuk është marrë në konsideratë. Ai ka zbritur në fushë në shtatë raste, duke shënuar edhe një gol, në suksesin 4-2 përballë Teutës, ndaj për moshën që ka është ndoshta lojtari i ri më i aktivizuar në Superiore.

Kampionët e Shqipërisë, madje, kur e morën në provë nga skuadra e Mamurrasit, ku ai sezonin e shkuar luajti 22 ndeshje duke shënuar edhe 4 gola, nuk e prisnin që djaloshi do të shkëlqente deri në atë pikë sa të bëhej titullar. Madje, nga lojtarët në provë, ishte i vetmi që bindi drejtuesit dhe stafin teknik dhe nuk u trumbetua si përforcim nga klubi, duke e bashkuar pa zhurmë me ekipin.

Tani, pas dy muajsh kampionat, Ethemi ka statistika impresionuese: 8 ndeshje të luajtura në kampionat, titullar në 5 ndeshjet e fundit, ku Kukësi nuk ka pësuar humbje dhe ka shënuar gjithnjë. Mesfushori ka luajtur mjaft mirë dhe ka shënuar, përveçse ka vrapuar pa fund, duke qenë shumë aktiv, si në fazë mbrojtëse, ashtu edhe në atë sulmuese.

Me siguri do të kujtohemi kur ta grumbullojë Maqedonia U-21, edhe pse Ethemi zor se do të pranojë, por një shans i duhet dhënë, qoftë edhe për ta pasur në fokus për të ardhmen, sepse nuk i dihet, nga “ferra e vogël del lepuri i madh”.

Për “Sport Ekspres”, mes emocionesh të mëdha, mesfushori i ri tha: “Jam shumë i lumtur që arrita ta ndihmoj skuadrën time. Po ashtu, jam mjaft i lumtur që arrita të gjeja golin e parë. Ishte shumë e rëndësishme të shpërbleja besimin që më dha stafi teknik, pasi isha në vend të Alijevit. Në radhë të parë, është e rëndësishme të ketë sukses ekipi dhe më pas vijnë sukseset individuale. Dua të luaj futboll, të jap maksimumin për skuadrën dhe të shënoj sa më shumë. Te ne pak rëndësi ka kush shënon. Nëse arrihet suksesi, gjithçka është në rregull. Golin ia dedikoj babait tim”.

Mbështetje edhe nga Tetova

Nuk ka munguar tifozeria speciale në ndeshjen e djeshme mes Kukësit dhe Teutës. Me flamuj kuqezi, një numër jo i vogël tifozësh kishin udhëtuar drekt Kukësit për të mbështetur kampionët. Valon Ethemi kishte mbështetjen e miqve të tij dhe familjarëve që kishin vendosur ta mbështesnin nga shkallët e stadiumit. Nuk ka zhgënjyer Ethemi mr golin e shënuar dhe festën që e ndau me ta.