Espanjol

Oferta pafund për Balliun, ekipet e La Ligas dhe një angleze pas tij

Sport Ekspres — Fri, 19 Jul 2019 18:50:36 +0000

Ivan Balliu pas katër vitesh shumë të mira me francezët e Metz, ka vendosur të ndërpresë kontratën. Spanjollja “AS” raporton se për 27-vjeçarin interesohen një sërë klubesh nga La Liga, duke mos munguar edhe propozimet nga Anglia.
Espanjoli sapo largoi Mario Hermoson drejt Atletikos dhe ka nisur bisedimet me agjentin e Balliut si zëvendëues i mundshëm për spanjollin. Klubi katalanas nuk ka në plan të harxhojë shumë këtë merkato dhe Balliu do të ishte një afrim me kosto minimale.

Megjithatë, nuk përfundojnë këtu ofertat për yllin e kombëtares sonë. Leganes dhe Real Vajadolid gjithashtu do të bëjnë maksimumin për të sjellë Ivanin në gjirin e tyre. Kalojmë në Angli, ku Uest Brom ka treguar interes konkret, duke takuar agjentin e lojtarit.

Anglezët janë përballur me largime në mbrojtje dhe Balliu do të ishte një vlerë e shtuar, duke parë që mbulon të dy krahët. Për momentin ofertat nga La Liga janë më tunduese, me Uest Brom që aktivizohet në Championship.

Bajern gjen pasardhësin e Havi Martinez, gati oferta e parë

Sport Ekspres — Thu, 04 Jul 2019 20:59:59 +0000

Bajerni i Mynihut kërkon shërbimet e Mark Roka. Mesfushori spanjoll aktivizohet në La Liga me skuadrën e Espanjol. Me cilësitë e treguara, 22-vjeçari e ka futur veten në një nga më të mirët e skuadrës katalanase. I riu është titullar absolut, duke luajtur të gjitha ndeshjet ne La Liga dhe Kupën e Mbretit me Espanjolin.

Së fundmi Roka ishte pjesë e Spanjës U21, me të cilën u shpall kampion Evrope. Ka qenë pikërisht ky kompeticion reklama më e mirë për të treguar cilësitë e tij. Bajerni është skuadra e parë që e ka dalluar talentin e djaloshit. Rumenige ka bërë gati ofertën prej 40 milionë eurosh për ta rrëmbyer nga Spanja, me Espanjolin që tundohet nga kjo ofertë.

Goleadori i La Ligas zbarkon në Angli, e duan në “Merseyside”

Sport Ekspres — Sat, 29 Jun 2019 09:23:30 +0000

Everton është pranë firmosjes me bomberin e Espanjolit, Borja Iglezias. 26-vjeçari është një nga sulmuesit më produktiv në La Liga. Ai regjistron plot 17 gola dhe 3 asiste me katalanasit këtë sezon, duke qenë edhe goleadori i ekipit të tij.
Spanjolli ka një klauzolë largimi prej 28 milionë eurosh, me Evertonin që është gati ta paguajë dhe të sjellë lojtarin në ishull. Iglezias nga ana e tij i ka shprehur dëshirën e largimit klubit spanjoll.

Ardhja e sulmuesit më në fund pritet të zgjidhë problemet e vazhdueshme në sulm për Evertonin. Anglezët kanë shpenzuar shuma mjaft të mëdha për të sjellë Çenk Tosun dhe Sandro Ramirez. Përtej harxhimeve të dy lojtarët nuk kanë qenë në lartësinë e duhur.

Vazhdon kërkimi për pasuesin e Godin, Simeone veçon tre mbrojtës

Sport Ekspres — Mon, 24 Jun 2019 21:41:28 +0000

Atletiko e Madridit interesohet për Mario Hermozon. Spanjolli është një lojtar shumë interesant. Me paraqitjet e tij të mira ai ka tërhequr interesin e klubeve si Barcelona dhe Atletiko. Këta të fundit e kanë jetike ardhjen e një mbrojtësi me cilësitë e tij. 24-vjeçari arrin të mbulojë qendrën dhe krahun e majtë të mbrojtjes.
Çmimi i lartë që Espanjoli i ka caktuar yllit të saj i step disi drejtuesit madrilenë. Katalanasit e vlerësojnë plot 40 milionë euro, ndërkohë që kontrata e tij skadon vitin e ardhshëm dhe Simeone mund të presë për ta marrë falas. Për këtë Atletiko ka gati planin rezervë.

Nikolas Otamendi dhe Dalej Blind janë dy opsionet e tjera në rast të dështimit të operacionit “Hermozo”. Blind ashtu si Hermozo arrin të mbulojë qendrën dhe krahun e difensivës. Gjithsesi, shkëputja nga Ajaksi duket e vështirë. Nikolas Otamendi është mundësia më e arritshme. E vetmja pengesë këtu është paga e lartë që argjentinasi merr te Siti.

VIDEO | Barcelona zbavitet në derbi, spektakël i Leo Mesit

Sport Ekspres — Sat, 08 Dec 2018 21:37:42 +0000

Aspak probleme për Barcelonën për të fituar derbin kundër Espanjolit. Ekipi i Valverdes triumfoi përballë kushërinjve të vegjël me rezultatin e thellë 0-4. Një dygolësh i Leo Mesit, Dembele dhe Suarez i dhanë tre pikë ekipit katalanas, që tashmë i sheh të gjithë nga lart në La Liga.

Barcelona kryeson me 31 pikë, ndërsa Atletiko e Madridit dhe Sevilja e ndjekin me nga tre pikë më pak. Gjithçka mori fund në 45 minutat e para të takimit të sotëm. Një perlë e Mesit nga goditja e dënimit zhbllokoi rezultatin, ndërsa Dembele dhe Suarez vulosën fitimin e ndeshjes.

Në pjesën e dytë pati përsëri festë për Leo Mesin. Ylli dhe kapiteni i ekipit shënoi përsëri nga goditja e dënimit, duke u ngjitur në krye të renditjes së golashënuesve me 11 gola, aq sa ka dhe Stuani i Zhironës. Vendasit e Espanjolit nuk e përballuan dot furinë e Barçës dhe renditen në vendin e nëntë me 21 pikë.

Espanjol-Barcelona 0-4
(Mesi 17’, 65’, Dembele 26’, Suarez 45’)

Poçetino kujton Dani Zhark: Ishte i lodhur, i thashë të dilte për kafe, por…

Sport Ekspres — Sun, 28 Oct 2018 13:53:45 +0000

Ishte 8 gushti i vitit 2009 dhe Espanjoli ndodhej në Koverçiano për një minifazë përgatitore. Kapiteni i ekipit nga Barcelona, Dani Zhark, humbi jetën në mënyrë të pabesueshme në moshën 26-vjeçare, si pasojë e një ataku kardiak. Lot dhe dhimbje për familjen, shokët, klubin dhe gjithë tifozët e Espanjolit, por jo vetëm.

Zhark ishte një idhull i tifozërisë dhe humbja e tij pikëlloi shumë tifozë të ekipeve të tjera. Mauricio Poçetino, i cili drejton Totenhemin, ishte trajneri i Espanjolit dhe ka treguar historinë e ndodhur në librin e tij autobiografik “Një botë e re”.

Poçetino gjatë kohës kur drejtonte Espanjolin

“Pas drekës iu thashë lojtarëve që mund të shkonin në dhoma për të fjetur. Pastaj iu kisha dhënë lejen të dilnin një shëtitje në Firence. Ndërsa po flisja, Dani Zhark iu afrua doktorit të skuadrës dhe i kërkoi një ilaç për dhimbjen e kokës. Unë ndërhyra dhe i këshillova të dilte në Firence dhe për të pirë një kafe. Ai insistoi dhe më tha që nuk dëshironte të dilte, sepse ishte i lodhur dhe donte të pushonte. Këto ishin fjalët e fundit që kam dëgjuar nga goja e Danit.”

Mjekët bënë të pamundurën, por zemra e qendërmbrojtësit nuk mbante më. “Bënë të pamundurën për ta rikthyer në jetë dhe ishte një dramë e vërtetë. Ndiheshim të pafuqishëm përpara Danit që na la, sepse ai nuk ishte vetëm një futbollist, por një person me të cilin ke ndarë një pjesë të jetës tënde, kapitenin e ekipit. Dhimbja ishte shumë e madhe dhe vazhdon të jetë”, përfundon trajneri i Totenhemit.

Një vit më vonë, Spanja fitoi Kupën e Botës, duke mposhtur Holandën në kohën shtesë. Autori i golit ishte Andres Iniesta, i cili kishte një miqësi të madhe me Danin. Pasi shënoi golin historik, mesfushori i Barcelonës festoi duke hequr bluzën dhe nën të kishte shkruar një dedikim për kapitenin e pafat të Espanjolit. Goli dhe Kupa e Botës ishin për Danin, shokun e tij të ngushtë, ndërsa tifozët e Espanjolit nuk e harrojnë kurrë kapitenin e tyre. Në çdo ndeshje shtëpiake, në minutën e 21 të pjesës së parë, që përkon dhe me numrin që Zhark mbante në supe, ata ndalojnë, bëhen të gjithë bashkë dhe duartrokasin idhullin e tyre…

Pochettino y el drama de la muerte de Dani Jarque cuando entrenaba al Espanyol. pic.twitter.com/zB0dpS645U

— Diego Latorre (@dflatorre) October 23, 2018