E kërkoi Skënderbeu, mesfushori huazohet në… Meksikë

Sport Ekspres — Sat, 29 Dec 2018 09:54:27 +0000

Skënderbeu kërkoi me ngulm një mesfushor qendror në verë, por nuk e mori dot për shkak se ishte nën kontratë. Bëhej fjalë për një lojtar që kish veshur edhe më parë fanellën e korçarëve. Ai është mesfushori Eskerdinja, 28-vjeçar që ka luajtur edhe në grupet e Europa League me fanellën bardhekuqe.

Ferroviário, klubi që e kishte nën kontratë mesfushorin, ka arritur marrëveshjen për ta huazuar atë në Meksikë te Alebrijes de Oaxaca. Nga 1 janari Eskerdinja mund t’i bashkohet skuadrës së re, që garon në ligën e dytë meksikane, ku merr pjesë e ekipi i Maradonës, Dorado.

Siguen llegando los refuerzos para el #Clausura2019
le damos la bienvenida al brasileño.
??? Francisco Lisvaldo Duarte "Esquerdinha"???#Clausura2019 #AlebrijesDePrimera??? pic.twitter.com/QDWM1Lksa8

— Alebrijes Oaxaca (@AlebrijesOaxaca) December 23, 2018

Eskerdinja te Skënderbeu është aktivizuar në sezonin 2015-2016. Në kampionat ai luajti 31 ndeshje (15 si titullar) dhe arriti të shënonte dy gola në një fitore 6-1 të arritur kundër Laçit. mesfushori numëron 11 ndeshje në kupat e Europës dhe ka arritur t’i shënojë edhe Dinamos së Zagrebit me fanellën e korçarëve.

Shehi pret përgjigjen, “Mister X” është një brazilian?

Sport Ekspres — Mon, 27 Aug 2018 07:17:55 +0000

Orges Shehi, trajneri i Skënderbeut, pas ndeshjes me Kastriotin zbuloi se janë në bisedime me një ish-lojtar të tyre. Durrsaku nuk zbuloi më tepër, por sikurse edhe dihet, ai kërkon një mesfushor qendre. Lilaj, Nimaga, Osmani dhe Vila janë larguar dhe kështu që ka boshllëk.

Por kush është “Mister X”-i që Shehi pret? Menjëherë në rrjetet sociale kanë vërshuar komentet nga tifozët e shumtë dhe emri më i lakuar është ai i Eskerdinjës, brazilianit që në sezonin 2015-2016 ka luajtur në Superiore.

31 ndeshje, 15 si titullar dhe dy gola, këto janë shifrat në kampionat për mesfushorin. Ajo çka nxit Skënderbeun për ta afruar këtë futbollist është fakti që luan jo vetëm në mesfushë, por edhe në të majtë të mbrojtjes. Në rast emergjence ai mund të luajë edhe në atë pozicion, në mënyrë që Aliti mos të zhvendoset në krah. Eskerdinja në prill i është bashkuar skuadrës së Ferroviario në Serinë D, ku ka luajtur rregullisht.

Gjithashtu për stafin teknik shtohen edhe alternativat. Por drejtuesit e Skënderbeut nuk po punojnë vetëm për një afrim, pasi deri në fund do tentohet edhe një lëvizje tjetër, në mënyrë që grupi të jetë sa më i plotë për të përballuar sezonin e ri futbollistik.