Në lajmin e raportuar thuhet se Mala i është ofruar Beshiktashit dhe mbetet për t’u parë nëse mesfushori do të tërheqë vëmendjen e klubit turk. Momentalisht turqit po e ndjekin me vëmendje 20-vjeçarin, i cili po vëzhgohet edhe nga klube të tjera.

Sezoni i fundit në Superiore ka qenë mjaft i mirë për mesfushorin, i cili u shpall edhe kampion. Mesfushori i “demave të kuq” është aktivizuar këtë sezon në 32 ndeshje dhe ka arritur të shënojë katër gola, ndërkohë që së fundmi është aktivizuar titullar në ndeshjen që Shqipëria U21 barazoi me Turqi me rezultatin 2-2. Në stadium ishin disa menaxherë turq që e panë nga afër mesfushorin.

Praktikisht sezoni për Hebajn ka përfunduar dhe pritet që së shpejti të kthehet te Domzhale, klub nga ku Partizani e ka marrë në huazim. Sulmuesi shënoi gjatë kampionatit vetëm 4 gola, dygolësha ndaj Tiranës dhe Flamurtarit.

Ndërkohë, sipas RTSH Sport, trajneri Skënder Gega do të ketë të gatshëm për ndeshjen me Kukësin edhe lojtarët që janë ftuar në kombëtare. Kështu, Esat Mala, Lorenc Trashi dhe Alban Hoxha do të jenë në fushë kundër verilindorëve.

Thuhet se e njëjta gjë do të ndodhë edhe me Bruno Telushin, i cili do të duhet të shlyejë pezullimin e mbetur në gjobë. Pas sfidës me Laçin ai u pezullua me katër ndeshje dhe deri më tani ka shlyer tre prej tyre. Që të aktivizohet kundër Kukësit mjafton të depozitojë në FSHF gjobën prej 1 milion lekësh, sikurse edhe e parashikon rregullorja.

“Realisht kishim menduar për tre pikët, që të ishim më të qetë në vazhdim. Si shkoi ndeshja nuk është keq një pikë. Ishim edhe me një lojtar më pak. Normalisht tre pikë do ishin më mirë”, shtoi Mala.

“Paragjykim po të humbnim? Mendoj se paragjykimet do ekzistojnë gjithmonë. Ishim përgatitur. Po humbe lë vend për paragjykim. Tani nuk kanë çfarë paragjykojnë. Bëmë më të mirë, mund të fitonim me pak kujdes”.

“Diferenca na krijon komoditet, jemi më të qetë dhe shprehemi më lirshëm në fushë. Pozicioni? Ndoshta mund të luaj djathtas unë, luaj me qejf për ekipin kudo ka nevojë. E jap maksimumin tim edhe aty”.

Esat Mala nuk i bën dramë paraqitjet dhe rezultatet e fundit. Lodhja dhe ndonjë nënvlerësim i vogël kanë bërë të veten, por 20-vjeçari i bën thirrje shokëve të bashkohen dhe të rikthehen te fitorja kundër ekipit korçar.

Autori i katër golave në kampionat gjatë këtij sezoni nuk dëshiron të replikojë me Alban Bushin. Trajneri i Shqipërisë U21 “thumboi” lojtarin e kuq, duke deklaruar se me kombëtaren nuk bëhet shaka, ndërsa Mala ndihet krenar që vesh bluzën e kombit të tij.

Dëmtimin shpreson që ta ketë lënë pas, ndërsa mungesa e Telushit rëndon. Vlonjati mungon në fushën e blertë, por sidomos jashtë saj. Ai arrin të karikojë Partizanin si askush tjetër, ndërsa detyra e “Demave” është rikthimi te fitorja, çka do të thotë një hap më shumë drejt titullit kampion.

MOMENTI – “Këto ndeshjet e fundit është e vërtetë që rezultatet nuk kanë qenë sikurse i kemi pritur, por normalisht jemi një ekip që kemi treguar se dimë të reagojmë. Presim reagimin nga i gjithë ekipi. Ndoshta ka ndikuar lodhja, ndoshta ngarkesa psikologjike. Besoj se varet edhe si marrin ndeshjet. Ka qenë një moment i keq i joni këto ndeshjet e fundit. Do bashkohemi çunat siç dimë, pasi kjo është ajo që na ka mbajtur në këto nivele. Besoj se do ringrihemi, duke nisur nga nesër kundër Skënderbeut.”

DEKLARATA E BUSHIT – “Nuk është momenti për të folur për atë temë. Mund të jetë keqkuptuar ndonjë gjë. Nuk është në karakterin tim të bëj gjëra të tilla. Jam krenar që përfaqësoj kombin tim dhe e kam ndër që vesh fanellën e kombëtares.”

FORMA – “Kam kaluar një dëmtim të lehtë le të themi, që më mbajti jashtë fushave për disa kohë. Besoj se e kam lënë pas krahëve dëmtimin dhe do jem 100 për qind i gatshëm.”

Mungesat e Telushit? –  “Kuptohet, Telushi përveçse është një lojtar shumë i çmuar dhe i nevojshëm për ekipin, është po aq i nevojshëm edhe jashtë fushës me karakterin që ka. Fjalët e tij janë motivim për çunat.”

“Gjej rastin të bëj një qëndrim zyrtar në lidhje me deklaratën e fundit të trajnerit të Kombëtares U-21, Alban Bushi, sa i takon lojtarit që unë përfaqësoj, Esat Malën. Mala ka pësuar një dëmtim një ditë përpara ndeshjes ndaj Andorrës dhe, pas vëzhgimit nga ana e mjekëve të Kombëtares, u përcaktua inflamimi i tendinës së kuatricepsit dhe për arsye objektive, mjekët dhe lojtari vendosën që të mos rrezikojnë me situatën e krijuar.

Esat Mala është një lojtar, i cili e ndjen shumë fanellën e Kombëtares dhe ka këmbëngulur për të përfaqësuar ngjyrat kuqezi, pavarësisht se ka pasur opsione të tjera. Askush nuk mund të vërë në dyshim profesionalizimin e tij dhe ndjenjat e tij. Kombëtarja është gjëja më e shtrenjtë për Malën, por tani jemi të fokusuar tek ëndrra e madhe e quajtur Partizani”, shkruan menaxheri Cani.

ÇFARË THA BUSHI – “Mala ka qenë i dëmtuar në gju. Unë do ndjek atë dhe dy tre lojtarë të tjerë këtë javë nëse do të luajnë, pasi me ekipin kombëtar A ose U21 nuk mund të bësh shaka, kur vjen aty duhet të japësh maksimumin. Nëse një lojtarë është i dëmtuar me ekipin kombëtar gjatë ditës së martë e të mërkurë, ndërsa ditën e premte jep 100% e tij, atëherë është shumë e vështirë që të jetë përsëri pjesë e kombëtares.

Stafi mjekësor më tha se ka një tërheqje në ligament. Doktori më tha se do ishte e pamundur që të luajë për të paktën një javë. S’dua të përmend emra, por dy ose tre trajnerë marrin lojtarët e tyre duke u thënë mundohuni të luani 30 minuta në Andorra ose fare pasi kemi ndeshje në kampionat. Çdo lojtarë duhet ta dijë se fanella e kombëtares është e shtrenjtë, gjithsesi në grumbullimin e ardhshëm mund të kemi 2 ose 3 mungesa nga këto lojtarë që thashë”, deklaroi Bushi mes të tjerash në konferencë.

Sulm totalisht i ribërë. Shkurtaj titullar, ndërkohë që Valdet Rama dhe Uilliam Kordeiro do të luajnë nga krahët. Çyrbja është ulur në stol. Të njëjtin fat ka pasur edhe Vesel Limaj. Nga ana tjetër Partizani vjen me mungesa të rëndësishme në këtë përballje.

Atanda do të luajë në mbrojtje, pasi Rexhepi është i pezulluar. Në vend të Telushit Gega ka zgjedhur të riun Kristi Kote. Bardhi rikthehet titullar, ndërkohë që në nxehje u provua edhe Esat Mala, i cili nuk ia ka dalë të luajë. Çinari është titullar.

KATEGORIA SUPERIORE – JAVA 26
E premte, më 29 mars, ora 18:00
Stadiumi “Loro Boriçi”, Shkodër

KUKËSI-PARTIZANI
KUKËSI: Frashëri, Maliki, Krasniqi, Cuculi, Rrumbullaku, Teqja, Dzaria, Rroca, Rama, Kordeiro, Shkurtaj. Trajner: Ramadan Ndreu
PARTIZANI: Hoxha, Ibrahimi, Belica, Atanda, Trashi, Hila, Kote, Mensah, Asani, Çinari, Bardhi. Trajner: Skënder Gega
Gjyqtarë: Enea Jorgji, Ridiger Çokaj, Emigers Gançi; Gjyqtarë linje: Andi Koçi, Kreshnik Bajramaj

ANDORRA – “U bë një futbollit i pisët, një futboll jo Fair-Play nga lojtarët e Andorrës, gjithsesi kjo ishte strategjia e tyre. Në pjesën e parë pati një nënvlerësim nga ana e lojtarëve, për këtë u indinjova pak, pasi nuk e prisja që të mos jepnin maksimumin, ndërsa në të dytën morën në kontroll lojën, por pati një gabim individual”.

PËRGJEGJËSI – “Do të ndjeja përgjegjësi personale nëse ekipi nuk do të luante në futboll, ata shkuan vetëm dy herë në portë dhe shënuan dy gola, ne ishim gjatë gjithë kohës në portës së tyre dhe shënuam vetëm dy gola. Shpërdoruam shumë, gjithsesi barazimi me Andorrën është i pafalshëm”.

REZULTATE APO EVIDENTIMI I LOJTARËVE – “Unë kam evidentuar shumë lojtarë. Si rasti i Bajramit që luan te Birmingami. Objektivi jonë është që të çojmë lojtarë në ekipin e parë A. Besoj se 3 ose 4 lojtarë që luajnë me shpresat tani do të jenë së shpejti pjesë e ekipit të parë A. Sigurisht dhe rezultatet janë të rëndësishme”.

SHQIPTARËT E MAQEDONISË – “Personalisht unë kam marrë 4 lojtarë nga Maqedonia, ashtu si dhe U19. Do të punojmë akoma me skautët e federatës në Maqedoni, por është një proces që do pak kohë. Unë mendoj që Shqipëria ka lojtarë, por problem është eksperienca e vogël. Kemi probleme në repartin e mbrojtjes, të gjithë shqiptarët duan t’i bëjnë fëmijët mesfushorë ose sulmues”.

AKUZAT PËR QOKA –“Janë mendime individësh dhe mua nuk më interesojnë. Nuk e imagjinoj dot si mund të bësh një qokë në kombëtaren shqiptare. Ne mundohemi gjithmonë të marrim më të mirët, patjetër që mund të gabojmë kur na duhet të zgjedhim mes dy lojtarëve shumë të mirë”.

OBJEKTIVAT – “Objektivat e mi i vendosin disa njerëz të tjerë, nuk i vendosin as specialistët e as gazetarët. Nëse kemi bërë mirë ose kemi bërë keq, janë ata që e vlerësojnë punën tonë. Pavarësisht barazimin me Andorrën që është i papranueshëm, në ndeshje ndaj Turqisë luajtëm shumë mirë”.

DËMTIMI I MALËS – “Mala ka qenë të dëmtuar në gju. Unë do ndjek atë dhe dy tre lojtarë të tjerë këtë javë nëse do të luajnë, pasi me ekipin kombëtar A ose U21 nuk mund të bësh shaka, kur vjen aty duhet të japësh maksimumin. Nëse një lojtarë është i dëmtuar me ekipin kombëtar gjatë ditës së martë e të mërkurë, ndërsa ditën e premte je 100% e tij, atëherë është shumë e vështirë që të jetë përsëri pjesë e kombëtares. Stafi mjekësor më tha se ka një tërheqje në ligament. Doktori më tha se do ishte e pamundur që të luaj për të paktën një javë. S’dua të përmend emra, por dy ose tre trajnerë marrin lojtarët e tyre marrin lojtarët  e tyre duke i thënë mundohuni të luani 30 minuta në Andorra ose fare pasi kemi ndeshje në kampionat. Çdo lojtarë duhet ta dijë se fanella e kombëtares është e shtrenjtë, gjithsesi në grumbullimin e ardhshëm mund të kemi 2 ose 3 mungesa nga këto lojtarë që thashë”.

https://www.facebook.com/partizaniclub/videos/239489250272241/

Një nga miqtë e tij ka gjetur mundësinë ta ngacmojë mesfushorin shtatshkurtër. Sigurisht ai e ka marrë me sportivitet dhe videon gazmore e ka postuar edhe në llogarinë e tij në “Instagram”. Mala është kthyer në një nga lojtarët më të dashur për tifozët e kuq, pasi veç lojërave të mira ka treguar se di edhe të shënojë.

Mala u aktivizua në vend të Telushit në minutën e 46-të dhe që nga ajo ndeshje ka qenë një ndër lojtarët më të aktivizuar te skuadra kryeqytetase. Dëmtimi i vlonjatit hapi rrugën që tifozët e Partizanit dhe ndjekësit e kampionatit shqiptar të njiheshin me atë që më pas do të kthehej në beniaminin e popullit të kuq. Mala sot shihet me sy tjetër, por mbetet sërish ai djali i ndrojtur dhe që në fushë jep gjithçka ka.

ELOZHET – Elozhet për Malën kanë qenë të shumta gjatë këtij viti, me emrin e mesfushorit që ka bërë jehonë deri në Itali. 20-vjeçari është krahasuar me ish-lojtarin e Sampdorias dhe tashmë i Arsenalit, Lukas Torreira, më këtë të fundit që u shpall mesfushori më i mirë në Serie A sezonin e shkuar.

“Një talent në rritje, Esat Mala: Torreira i Kosovës!”, kështu shkruante “TuttoMercatoweb” muaj më parë, ndërkohë që për të riun kishte kërkuar informacion edhe Shtutgarti. Për sajtin italian fjalë të mira thoshte edhe ish-drejtori sportiv, Antonelo Preiti.

“Kemi shumë, për momentin talenti më i madh është Esat Mala, në muajt e fundit është rritur shumë dhe është i pazëvendësueshëm në mesfushë. Mund të luajë në një mesfushë me tre, ose me 2 para mbrojtjes. Ka cilësi e sasi, i pëlqen të depërtojë pa top. Prej pak kohësh është në xhiron e U-21 të Kosovës”, shprehej Preiti, ndërkohë që më pas Mala pranoi ftesën e Shqipërisë U21. Kombëtarja e madhe është ëndrra.

Në Shkodër kur “mallkojnë” dikë i thonë: “Të hyftë vetja në qejf”. Mala mbetet me këmbë në tokë dhe fjalët e mira veçse e motivojnë. Është në rrugë të mbarë dhe me këto ritme shumë shpejt do të transferohet jashtë vendit.

VRASËSI I TË MËDHAVE – Që nga debutimi i tij, kundër Kamzës sezonin e shkuar, Mala ka qenë një nga futbollistët më të mirë të Partizanit dhe të Superiores. Madje mund ta quajmë edhe “vrasësi i të mëdhave”. Mesfushori i ka shënuar Tiranës në derbi, verilindorëve të Kukësit, si dhe Skënderbeut. Plot nëntë pikë kanë vlejtur këto gola, ndërkohë Mala i ka shënuar edhe Luftëtarit në Gjirokastër.

ZBULIMI – Autori i katër golave këtë sezon është një produkt i Shkëndijës së Tiranës dhe pikërisht në një sfidë kundër Partizanit, ka rënë në sy të agjentit të tij, Denis Cani. Ky i fundit ka folur disa kohë më parë për “sportekspres.com”, ku tregoi sesi e kishte zbuluar mesfushorin, marrëdhëniet që ka me të dhe nuk ngurroi të thotë fjalët më të mira për 20-vjeçarin.

“Të them të drejtën e kam parë për herë të parë të Shkëndija me moshat. Ishte një ndeshje kundër Partizanit U19. Esati ra në sy, pasi ishte një nga më të mirët e ndeshjes”, thoshte Cani, i cili ka një raport të veçantë me shtatshkurtrin e mesfushës së Partizanit.

“Cilësi ka shumë, por mbi të tjerat janë qetësia dhe karakteri i tij.  Esati është nga ata që nuk dorëzohet, por ka edhe cilësi tekniko-taktike. Edhe si djalë është i mrekullueshëm. Kur dalim nuk flasim vetëm për sportin, por për gjithçka. Jemi shumë të lidhur dhe kam raportin im me të është si ta kem vëlla të vogël”, tregonte Cani.

VERONIK ISTREFAJ

Në një speciale për RTSH Sport ata flasin gjerë e gjatë dhe fillimisht tregojnë se si kuptohen mes tyre në fushën e blertë. Bardhi ia nis i pari: “Duke u parë në sy, unë për vete kështu i kuptoj”. Mala merr fjalën: “I kuptoj pa i parë fare”. Asani është në të njëjtën linjë. “Edhe unë njëjtë, pa i parë fare. E di se ku janë të dy”.

Duke qenë se luajnë në sulm e kanë provuar shijen e golit dhe në total numërojnë 10 rrjeta të tundura. “Pak gola mund të them se kemi shënuar”, thotë Bardhi, ndërkohë që edhe dy shokët e skuadrës ndajnë të njëjtin mendim. Të pyetur se si ndihen kur ekipi nuk shënon, fushë-krujasi i Partizanit pranon se e ndjen përgjegjësinë si sulmues.

“Unë për vete ndihem përgjegjës, pasi jam pika e parë e sulmit”, thotë i riu. Mala shton: “Normalisht që e ndjejmë përgjegjësinë. Pjesa kryesore është edhe e jona dhe duhet të kemi rendiment më të lartë”. Asani më tej shton: “Po nuk shënuam, do jetë më e vështirë për ekipin”.

Ndodh shpesh që sulmi ia hedh fajin mbrojtjes, por jo Bardhi. “Unë seriozisht ia hedh fajin vetes gjithmonë, jo lojtarëve të tjerë. Ata bëjnë në maksimum punën e tyre. Përgjegjësia bie te sulmuesi”. Për Malën përgjegjësia është e gjithë ekipit dhe nuk i vihet kujt gishti. Po kështu mendon edhe lojtari tjetër që plotëson treshen “BAM”.

Të tre e thonë njëzëri që Partizani futet gjithmonë për të fituar, ndërsa Asani është ai që thekson se kurrë nuk do të humbë. Por kush është më i shpejti prej tyre? “Se di, mua më thonë se jam më i shpejti. Unë jam i shpejtë në distanca, Mala në distanca të shkurtra. Asani është më i ngadalti”. Qeshin të tre dhe Mala shigjeton: “Pajtohem edhe unë me Bardhin, Asani është më i ngadalti”.

Lufta vijon për më të saktin. Bardhi mendon se dy shokët janë më mirë në këtë aspekt, ndërkohë që Mala aprovon dhe shton: “Them Asani. Nuk jep shumë, por jep pasa kualitativë”. Shqiptari i Maqedonisë mendon ndryshe: “Më i sakti mendoj se është… Alban Hoxha”. Bardhi do kish dashur të mos ishte aty kur flitet për lojtarin që pason më pak.

“Oj nënë e zezë. Bardhi? Jo, jo, Asani”, shton sulmuesi i formuar te të kuqtë. Mala e ka refrenin gati: “Pajtohem me Bardhin”. Ilaritet, ndërsa anësori i djathtë i zënë ngushtë përgjigjet: “Janë kundra meje, kuptohet. Unë mendoj se Bardhi nuk pason”.

Në fund flitet për titullin. Mala nuk dëshiron të flasë, Bardhi mendon se janë në rrugën e duhur për këtë dhe ka shumë besim se do ia arrijnë. Kurse për Asanin nuk ka dyshime. “E fiton Partizani, pasi jemi ekipi më i mirë në Superiore”.

“Realisht kjo pjesë e parë e sezonit ka qenë e mirë. Në ndeshjet e fundit donim të merrnim më shumë. jam i kënqur me aspektin personal. Do kisha dashur të ishte gol trepikshës. Shpresojmë të bëjmë më mirë në vazhdim”.

“Ndoshta në ndonjë ndeshje nuk kemi pasur fat, herë të tjera na ka vënë në vështirësi. Këto tre barazime nuk duhet të konsiderohen alarm. Tani duhet të mbushemi me energji gjatë pushimeve”.

“Dëshira jonë është ta fitojmë titullin. Do përpiqemi ta arrijmë këtë”.

“Mesfushorët golashënues? Mendoj që grupi ëshët ai që i fiton ndeshjet. Nuk veçoj individë, golashënues. Çdokush që shënon ka meritën e tij”, përfundoi Mala.

Dy ditët e fundit ai u stërvit i diferencuar për të mos rrezikuar dhe gjithçka po shkon sipas planit. Gjithsesi gjendja e Malës do të shihet deri në fund dhe më pas do të përcaktohet nëse do ta nisë nga minuta e parë apo nga stoli. Duhet thënë se gjendja e mesfushorit është më e mirë dhe dëshira për të luajtur në derbi është e madhe.

PLANI B – Në rast se Mala do të ketë sërish dhimbje në kavilje, atëherë trajneri Gega do të duhet të bëjë një ndryshim në formacionin e menduar. Në vend të mesfushorit mund të luajë Erald Çinari, shkodrani u blerë këtë verë nga Vllaznia për shumën e 40 mijë eurove.

Sulmuesi anësor do të pozicionohej në të majtë dhe së bashku me Asanin nga e djathta dhe Mensah, i cili do të luajë si sulmues i dytë, do të jetë në mbështetje të Jurgen Bardhit. Një katërshe sulmuese që garanton shpejtësi dhe zhdërvjelltësi.

“Nuk dua të drejtoj gishtin nga askush për humbjen në Vlore. Ju kërkoj vetëm të mos ndikoheni nga kritikat që bëjnë të tjerët, por të merrni pak kohë për vete dhe të reflektoni për atë që ka ndodhur, në mënyrë që të përmirësohemi dhe të mos përsërisim gabimet”, u ka thënë Gega mes të tjerave lojtarëve, sikurse mëson “SportEkspres.com”.

Gega u pa më pas të “ngacmohej” me batuta me Asanin dhe Atandën veçmas, sikurse edhe me Esat Malën. Ky i fundit nuk u stërvit, për shkak të një dëmtimi që ka pësuar. Në ndeshjen me Flamurtarin ai ishte në dyshim, por sakrifikoi dhe luajti.

Tanimë nuk rrezikohet me të, në mënyrë që të jetë gati për derbin me Tiranën. Mesfushori në fazën e parë ishte vendimtar, pasi edhe shënoi golin e vetëm për Partizanin. Mala është një nga lojtarët më të rëndësishëm, ndaj edhe prania e tij në derbi nuk duhet të vihet në dyshim.

Denis Cani, kështu quhet menaxheri i ri që e ka transferuar Malën te Partizani. Është në hapat e para të menaxhimit të lojtarëve dhe kryesisht punon me elementë të rinj nga e gjithë shqiptaria. Transferimet nuk i ka të shumta, por planet i ka për të bërë gjëra të mëdha.

Në një intervistë të dhënë për “Sport Ekspres”, Cani flet për Malën, cilësitë e tij si djalë dhe si futbollist, për të ardhmen e lojtarit të Partizanit dhe Shpresave, por edhe për ato që mendon të bëjë në vazhdim. Ku e zbuloi, besimi i madh te cilësitë e mesfushorit, interesimi i Shtutgartit dhe të tjera gjëra interesante të zbuluara nga Cani.

INTERVISTOI: VLADIMIR PRENGA

Denis, pas çdo lojtari shpesh “fshihet” një menaxher dhe ju përfaqësoni Esat Malën. Si e keni zbuluar atë?
–Gjithçka ndodhi përmes disa miqve të mi. Kisha dëgjuar për Esatin që kur ishte pjesë e Shkëndijës së Tiranës, por nuk kam pasur kontakte. Fati deshi të hyja në kontakte me të dhe atë periudhë ai luante në Therandë, qytetin e tij të lindjes, me Ballkanin.

Kur e keni parë për herë të parë të luante dhe çfarë ju tërhoqi më së shumti nga ai?
-Të them të drejtën e kam parë për herë të parë Shkëndija me moshat. Ishte një ndeshje kundër Partizanit U19. Esati ra në sy, pasi ishte një nga më të mirët e ndeshjes. Edhe unë isha në hapat e para të menaxhimit të lojtarëve.

Cilat ishin ato cilësi që të zgjuan interesin për të bashkëpunuar me të?
-Cilësi ka shumë, por mbi të tjerat janë qetësia dhe karakteri i tij.  Esati është nga ata që nuk dorëzohet, por ka edhe cilësi tekniko-taktike. Edhe si djalë është i mrekullueshëm. Kur dalim nuk flasim vetëm për sportin, por për gjithçka. Jemi shumë të lidhur dhe kam raportin im me të është si ta kem vëlla të vogël.

Transferimi te Partizani u ka dalë për mbarë, por a menduat në ndonjë moment që do të dështonte? Si i ri që është, ka nevojë për hapësira dhe nuk është e lehtë te 15 herë kampionët e vendit…
-Dështimin se kemi menduar kurrë, Esati ka pasur gjithmonë besim në vetvete.

Paraqitjet e mira kanë bërë që Mala të jetë në qendër të vëmendjes. Ka shenja euforie tek ai dhe si e ndihmoni ju për të qëndruar me këmbë në tokë?
–Unë kam patur shumë besim te paraqitjet e Esatit. Nuk i vija në dyshim kurrë aftësitë e tij, euforia nuk ka qenë në karakterin e Esatit. Ai gjithmonë do jetë me këmbë në tokë. Ne flasim çdo ditë dhe kurrë nuk ka treguar shenja euforie. Është shembull për çdo lojtar i ri në Shqipëri.

Çfarë ka ndryshuar tek Esati gjatë kësaj periudhe dhe si ka mundësi që luan aq mirë në disa pozicione?
-Nuk është se ka ndryshuar shumë. Sa i takon pozicioneve në fushë që po mban te Partizani, nuk është se habitem. Ka luajtur kudo edhe te Shkëndija, por te Partizani i ka perfeksionuar më shumë edhe për  vetë faktin e emrit të madh që mban Partizani.

Besojmë se ofertat edhe nuk i kanë munguar….
–Oferta nuk është se kemi zyrtare, por interesim ka pasur nga disa klube në Europë. Gjithçka është në fazën e kërkimit të informacionit.

U përfol vjet se Shtutgarti po e vëzhgon. Sa e vërtetë është dhe si veproni ju me Malën, i tregoni kur në stadium ka njerëz që kanë mbërritur për të?
-Është e vërtetë, edhe ata deshën më shumë informacion për të. Një ekip nga Bundesliga nuk është se merr lojtarë pa informacionin e duhur. Nga ana jonë u është dhënë gjithçka kanë kërkuar. Me Esatin, por edhe me babanë e tij z.Reshat, që është një njeri po aq i mrekullueshëm, nuk mbajmë asgjë të fshehtë. Ne bisedojmë dhe konsultohemi të tre.

Cilat janë planet e tua në përgjithësi? Duket se jeni të fokusuar kryesisht me elementët e rinj…|
-Në planet e mia, flas për një të ardhme jo shumë të largët, është një agjenci menaxhimi lojtarësh. Do të bashkëpunoj me disa miq të mi dhe do të jetë me seli në Zyrih. Po punoj shumë me lojtarë të rinj në trevat shqiptare, në Kosovë, Maqedoni e Malësi. Sigurisht edhe në Shqipëri. Jemi disa miq që po bashkëpunojmë dhe shpresoj të kemi sukses në vazhdim.

Do të ketë nga ju të tjerë “Mala” për Superioren?
-Shpresojmë shumë dhe besoj se shumë shpejt do të kemi edhe disa lëvizje të tjera. Po punoj në disa pista, me disa klube me emër në Shqipëri dhe në Europë.

Trajneri Gega e përdor kudo në fushë, por për të nuk është aspak problem: “Për mua është me rëndësi është që të jem në fushë. Unë luaj aty vendos profesori dhe unë mundohem të jap më të mirën”.

Mala nuk është nga ata që u shmanget përgjegjësive: “Normalisht kur luan ke përgjegjësi, nuk ka rëndësi mosha. Çdo lëvizje që e bën duhet ta bësh me përgjegjësi dhe vlerësim maksimal. Respektoj çdo minutë që më jepet dhe mundohem të jap më të mirë”.

Më tej mesfushori thekson se mbështetja e tifozëve do të jetë një plus për ta. “Rikthimi i tifozëve nuk na vendos aspak në presion. Është një motiv shumë për ne, pasi gjithmonë kanë qenë pranë nesh dhe vazhdojnë të jenë”, shtoi mesfushori, i cili kërkon tre pikur ndaj Flamurtarit.

“Ky Partizan ka një grup të mirë, të gjithë djemtë janë të bashkuar. Ka harmoni. Në çdo ndeshje futemi për tre pikët, ky është objektivi ynë çdo ndeshje”, thotë Mala, i cili është gati të mbulojë Bathën nëse ia kërkon trajneri.

“Mbulimi i ish-kapitenit? Normalisht që po, do të pranoja. Detyrat janë detyra, sidomos kur jepen nga profesori”, përfundoi Esat Mala.