Futbollistët më të fundit që i bashkohet Erzenit janë mesfushori Xhynejt Çutra dhe sulmuesi Ermir Rezi. Mesfushori kryeqytetas është një lojtarë me shumë eksperiencë në Kategorinë e Parë. 30-vjeçari është prej 7 vitesh një lojtar i rregullt i këtij kampionati ku ka luajtur me skuadra të ndryshme.

  Durrsaku Rezi rikthehet te Erzeni pas tri vitesh. Sulmuesi 25-vjeçar ruan kujtime të bukura nga përvoja e mëparshme me shijakasit, ku në sezonin 2015/2016 shënoi 22 gola.

Troplini e shikon si sfidë këtë detyrë të vështirë, pasi do t’i duhet të mbledhë skuadrën, e cila duhet thënë se ka shumë ndryshime nga sezonet e fundit. Në një prononcim për “Sport Ekspres”, Troplini shprehet:

“Fillimisht dua të falënderoj drejtuesit, tifozët dhe shokët e skuadrës që votuan për mua. Është e vështirë të jesh kapiten, pasi merr përgjegjësi më të mëdha dhe padyshim do jap maksimumin këtë sezon, që akoma pa nisur, duket se do të jetë i vështirë, por besoj edhe më i bukur”.

“Sezoni i ri do të nisë me të njëjtin objektiv, ngjitjen në Superligë. Sfidë e madhe dhe e vështirë, pasi po shohim shumë  skuadra që po përforcohen. Padyshim, ne kemi bërë afrimet tona dhe po krijojmë një grup të shkëlqyer”.

“Mendoj se ky është viti i duhur për të tentuar deri në fund e për të mos u dorëzuar, siç ka ndodhur në sezonet e fundit që prej rikthimit në Kategorinë e Parë”.

“Tifozët tanë na kanë mbështetur shumë dhe jo pak herë në transferta të largërta na dukej sikur ishim në shtëpi, vetëm falë prezencës së tyre. Kështu që do të synojmë t’ia shpërblejmë dhe të festojmë bashkë një objektiv madhor, si ai i ngjitjes në Superligë”.

Në të shkuarën Hima ka qenë pjesë e skuadrës së Burrelit si dhe ka pasur dy eksperienca  në Itali me dy ekipe të Serie D. Kontrata e sulmuesit me klubin e Erzenit është e vlefshme për një sezon.

Shijakasit kanë arritur të triumfojnë me rezultatin 2-1. Golat për vendasit janë shënuar në fundin e pjesës së parë nga Xhixhiua dhe Fatjon Sefa. Kaq ka mjaftuar për të siguruar fitoren. Në pjesën e dytë Teqja ka ngushtuar diferencën për Lushnjen, por pa patur energjinë e duhur për të barazuar dopietën e kundërshtarit.

Miqësore

Erzeni-Lushnja 2-1

Xhixhiua ’41, Sefa ‘45+2\ Teqja ‘75

Këtë lajm e hedh poshtë administratori i Erzenit, Altin Keçi, i cili për SportEkspres.com deklaron se nuk ka asnjë bisedë me ta. “Me gjithë respektin për Kukën e Boçin, por nuk kanë qenë në planet e Erzenit. Në këtë periudhë ne jemi të përqendruar vetëm te pista nigeriane. Jemi në pritje të tre futbollistëve, me të cilët në parim kemi arritur akordin. Emrat e tjerë janë pjesë e thashethemeve të merkatos”.

Për fillimin e përgatitjeve të sezonit të ri, Keçi thekson: “Pas datës 15 korrik do ta mbledhim skuadrën, me ata futbollistë që e mbyllën sezonin kaluar, si dhe me tre afrimet që kemi bërë gjatë kësaj vere: Idakvo, Dikson e Zuna. Përgatitjet do t’i nisim në Shijak, më pas do shohim ku mund të zhvendosemi. Edhe në merkato do jemi aktivë”.

AGRON KAJA

“Momentalisht jam lojtar i Erzenit, por gjatë kësaj periudhe kam patur dy oferta nga skuadra në Kategorinë Superiore. Njëra prej tyre më ka tërhequr më shumë, jo për anën financiare, sepse këtu në Shijak ajo është normale, por për kategorinë e lartë. Për mua do jetë një hap i mirë për karrierën dhe këtë fundjavë do bisedoj me drejtuesit e klubit. Besoj se do ta gjej mirëkuptimin”, u shpreh mbrojtësi Dragoshi.

“Ditën e hënë besoj se do të jem sistemuar në skuadrën time të re”, përfundoi Dragoshi, i cili vetë nuk dëshiron të zbulojë skuadrat që e duan. Zëra të shumtë e lidhin atë me Flamurtarin dhe Luftëtarin, skuadra nga ku janë shumë titullarë të sezonit të kaluar. Për të riun me rëndësi është aktivizimi dhe ai pritet të mendohet mirë para se të vendosë për të ardhmen.

AGRON KAJA

“Këto ditë kam në provë Jurgen Peqinin, i cili ka luajtur sezonin e kaluar me Erzenin. Për mua vlerat e tij janë të mira dhe pres që të tregojë cilësitë e tij më të mira si sulmues. Janë vetëm ditët e para dhe nuk mund të jap një konkluzion përfundimtar. Shikoj se deri tani ka gjendje të mirë fizike”, theksoi fillimisht Mezani.

Tekniku vlonjat pret edhe të tjerë futbollistë te kjo skuadër, që në sezonin e kaluar kaloi vështirësi për mbijetesë. “Gjilani pret të tjerë futbollistë nga Shqipëria. Me drejtuesit kemi si objektiv hyrjen në grupin e skuadrave që synojnë Europën. Te Gjilani janë edhe portieri Shkëlzen Ruçi, mbrojtësit Erlis Frashëri e Oltion Rapa, si dhe mesfushori anësor Bedri Greca”, përfundoi Mezani.

AGRON KAJA

“Sot paradite kam mbyllur bisedimet me dy lojtarë cilësorë të Dinamos, mbrojtësin Marlind Nuriu dhe mesfushorin Rei Nuriu. Të dy lojtarët parimisht janë dakord që të luajnë me fanellën e Erzenit. Këtë lëvizje e miratuan edhe familjarët e tyre. Janë dy futbollistë, të cilët i shërbejnë planeve të skuadrës sonë. Superiorja mbetet synimi kryesor”, u shpreh administratori Keçi.

AGRON KAJA

Trajneri Gentian Begeja, në një bisedë për SportEkspres.com deklaron se do bëhen të tjera përforcime brenda e jashtë Shqipërisë, dhe se në Shijak nuk ndikojnë zgjedhjet e datës 30 qershor.  “Cili do që të zgjidhet më 30 qershor në drejtimin e Bashkisë, ndikimi te skuadra do jetë pozitiv, sepse në Shijak janë shumë dashamirës me futbollin”, delaron fillimisht tekniku durrsak.

Më tej Begeja flet për përgatijet: “Në datën 15 korrik kemi menduar që të nisim fazën përgatitore. Dy javë do përgatitemi në Shijak dhe më pas për tre javë do të shkojmë në Pogradec, për të mbyllur më pas gjithçka po në Shijak”.

Në lidhje me merkaton, tekniku durrsak deklaron: “Ne do ta mbajmë pjesën më të madhe të skuadrës së sezonit të kaluar, por merkaton e quajmë të domosdoshme. Këtë sezon mendojmë që skuadra ta pretendojë fort ngjitjen në Kategorinë Superiore. Kemi afruar Dikson e Bibën nga Besa, si dhe Zunën nga Iliria. Presim më 10 korrik tre nigerianë, ndërsa këto ditë i mbyllim bisedat me dy futbollistë shqiptarë”.

AGRON KAJA

I rikonfirmuar për sezonin e ri është mbrojtësi i majtë Ermal Vathi, i cili në ndeshjen e fazës së 3-të me Korabin u dënua nga Komisioni i Disiplinës me 8 ndeshje pezullim nga aktiviteti. Vathi deklaron se ky dënim nuk e ka penguar klubin e Erzenit që t’i besojë atij edhe për sezonin e ri.

Për SportEkspres.com ai deklaron: “Drejtuesit e klubit po punojnë seriozisht për sezonin e ri. Këto ditë pushimesh ata kanë afruar disa futbollistët cilësorë. Unë e respektoj vendimin e klubit për rinovimin e kontratës me mua dhe besoj se sezonin tjetër do të jap më shumë. Natyrisht që nuk do të jem më objekt i dënimeve të Disiplinës”.

Sulmuesi Jurgen Peqini shprehet se largimi erdhi pasi ai ishte i huazuar nga Teuta teh Erzeni, ndërkohë që kontrata me klubin durrsak i ka përfunduar. “E mbylla huazimin tek Erzeni dhe tani jam lojtar i lirë. Në këtë periudhë kam patur oferta nga dy klube, njëri në Maqedoninë e Veriut e tjetri në Kosovë. Javën e ardhshme unë do të bisedoj me të dy klubet dhe aty ku do biem dakord do të vazhdoj karrierën”.

AGRON KAJA

Për Sportekspres.com, drejtori teknik i Erzenit, Altin Keçi, deklaron se përforcimi me lojtarë të huaj do bëhet vetëm me individë cilësorë. “Jo vetëm lojtarë afrikanë, por Erzeni këtë merkato e ka nisur edhe me futbollistë shqiptarë të njohur në Kategorinë e Parë dhe në Superiore. Ne jemi në bisedë me një futbollist tjetër të Besës që ka luajtur më parë me Erzenin dhe besoj se këtë javë edhe mund ta mbyllim marrëveshjen”.

Por Keçi tregon edhe një tjetër mundësi në këtë merkato: “Në fundin e muajit qershor, tek Erzeni vijnë tre lojtarë afrikanë. Unë i kam bërë gati dokumentat e tyre, dy prej të cilëve janë gati brenda 10 ditëve, ndërkohë që njeri prej tyre është duke i mbyllur ato. Këta i mendojmë përforcime cilësore, pasi CV-ja e tyre tregon se i shërbejnë synimeve tona për sezonin e ri”.

AGRON KAJA

Sekretari i Fk Erzeni, Altin Keçi, e konfirmon këtë lajm për SportEkspres.com, duke theksuar se nigeriani është vetëm fillimi i merkatos për sezonin e ri. “Erzeni ka menduar të ndërtojë një skuadër më pretendente nga kjo që sapo mbylli këtë sezon. Kemi filluar me mbrojtjen dhe sot (të martën) në mbrëmje, e mbyllëm kontratën me nigerianin Eçe Dikson Idakuo, i cili sezonin e kaluar e mbylli te Besa”, theksoi sekretari i klubit të futbollit shijakase.

Ndërkohë që për vazhdimësinë, Keçi deklaron se këtë muaj mbyllin gjithçka me detyrimet e këtij sezoni, ku do ketë edhe lëvizje të tjera futbollistësh: “Është normale që për ndërtimin e një skuadre të re të ketë edhe lëvizje. Deri tani nuk kemi asgjë zyrtare për largime, apo afrime të tjera, por do të ketë lëvizje. Unë ju përmenda më sipër, se do ndërtojmë një skuadër me futbollistë cilësorë, pasi synojmë rikthimin e Erzenit në elitë”.

AGRON KAJA

Ja vendimi i KD në FSHF: “Zyrtari i KF “Erzeni”, Arjan Hoxha, për goditje ndaj zyrtarit të ndeshjes, në bazë të Nenit 49/2/b) të KDS, dënohet me 12 (dymbëdhjetë) muaj pezullim nga çdo aktivitet futbollistik. Në bazë të Nenit 20 të KDS, zyrtarit i ndalohet qëndrimi në dhomat e zhveshjes, stolin e rezervave dhe qëndrimi në territorin përreth fushës së lojës”.

Të tre golat u shënuan në 15 minutat e fundit të ndeshjes. Braziliani Zhunior hapi serinë e golave në minutën e 76’, ndërsa Tafili dyfishoi pas dy minutash.

Në fund pati momente feste edhe për Zeqajn, i cili shënoi golin e tretë për ekipin kruysues. Kjo fitore e dërgon në 12 pikë diferencën e Vllaznisë me vendin e dytë, që mbahet nga Besëlidhja e Lezhës.

ERZENI- VLLAZNIA 0-3
(Junior 76′, Tafili ’78, Zeqaj 90′)

Takime interesante ka pasur dhe në grupet e pjesës së poshtme të tabelës. Në Grupin A Vora ka barazuar 1 – 1 me Shënkollin në transfertë. Turhani zhbllokoi takimin në minutat e kohës shtesë, por e menjëhershme ka qenë përgjigja e vendasve që barazuan pak sekonda më vonë, duke shmangur “parakalimin” nga skuadra e vendit të fundit të tabelës.

Në Grupin B, Tomori është mundur nga Turbina e vendit të fundit. Pas kësaj humbje beratasit i bashkohen skuadrës cërrikase dhe Elbasanit në luftën e mbijetesës.

KATEGORIA E PARË – JAVA 22

Grupi A | Play-off

E shtunë, më 6 prill, ora 15:00

Dinamo-Erzeni 2-0
Shënues: Kolgega 8’, Ndreu 63’

E shtunë, më 6 prill, ora 16:00

Korabi-Besëlidhja 0-0

Vllaznia pushim

Grupi A | Play-out

E shtunë, më 6 prill, ora 16:00

Burreli-Veleçiku 1 – 0
Shënues: Kurbneshi 22’

Shënkolli 1-1 Vora
Shënues: Pelinku 91’ / Turhani 91’

Iliria pushim

GRUPI B | Play-off

E shtunë, më 6 prill, ora 16:00

Oriku-Besa 0 – 1
Shënues: Çelhaka 26’

Lushnja-Egnatia 2 – 2
Shënues: Sefa 41’, 47’ / Branica 48’, Ibrahimllari 83’

Bylis pushim

Grupi B | Play-out

E shtunë, më 6 prill, ora 16:00

Tomori-Turbina 0- 2
Shënues: Roshi 72′ (pen), Hasa 90′

Apolonia – Pogradeci 4 – 0
Shënues: Vladisavljeviç 33’, 69′, Mihana 48′, Gjata 70′

Elbasani pushim

Gentian Begeja, trajneri i Erzenit, për “SportEkspres.com” deklaron: “Gara në Grupin A duket e përfunduar, por Erzeni nuk e mendon kështu. Jemi në garë me veten, sepse kemi deklaruar hapur synimin për vendin e dytë. Do të jetë një rivalitet i fortë mes nesh, Dinamos e Korabit. Por pse jo edhe Besëlidhjes. Kjo besojmë se do ta bëjë edhe më të bukur garën, që mendohet si e zbehur me shkëputjen e Vllaznisë në krye”.

Për ndeshjen me Dinamon, Begeja deklaron se tri pikët janë në lojë për të dyja skuadrat. “Përballemi me një kundërshtar të fortë, të vështirë dhe me një emër të madh në futbollin shqiptar. Ndaj edhe vlerësimi ynë është maksimal. Tri pikët nuk i mendojmë të lehta, por do t’i synojmë gjatë gjithë 90 minutave. Ato janë në lojë për të dyja skuadrat”, përfundon Begeja.

AGRON KAJA

“Ne e vazhdojmë garën me seriozitet, edhe pse nga Vllaznia e vendit të parë jemi 14 pikë larg. Matematika na mban në lojë dhe në çdo ndeshje Erzeni do të luftojë të marrë maksimumin. Nuk do jemi pjesë e aleancave që mund të shfaqen në këtë situatë të kampionatit. Ky Erzen është skuadër për Superiore”.

Për ndeshjen e javës së 22-të me Dinamon, Keçi deklaron se shkojnë vetëm për të marrë tri pikët: “Natyrisht që Dinamo është skuadër e fortë dhe e denjë në Kategorinë e Parë, por ne përfaqësojmë Erzenin dhe do shkojmë në këtë përballje vetëm për të marrë tri pikët. Skuadra shkon me besimin se i ka të gjitha mundësitë për t’ia dalë me sukses”.

AGRON KAJA

Reagimi i kurbinasve ishte i menjëhershëm, teksa baraspeshën e vendosi sulmuesi Malik Mane. Laçi arriti ta kthente rezultatin në favor që në 45 minutat e para. Okpotu ishte ai që mposhti për herë të dytë Erzenin.

Pjesën e dytë pati edhe zëvendësime, me Starovën që lëvizi më pak. Kjo edhe për shkak të mungesave të alternativave, pasi disa prej lojtarëve janë të grumbulluar me kombëtaret.

Miqësore – E shtunë, më 23 mars 2019

ERZENI – LAÇI 1-2

Shënues: Peqini / Mane, Okpotu

Erzeni: Mema; Dragashit, Duka, Teqja, Vathi; Lajthia, Rramilli, Xhemalaj, R.Troplini; Peqini,  Mahmutaj. (U aktivizuan: A.Mara; Konduri, Kacmoli, Lika, E.Mara, Bregu, E.Troplini). Trajner: Gentian Begeja

Laçi: Sali, Fangaj, Gjoni, Domgjoni, Sefgjini, Eller, Jonuzi, Lushkja, Shtubina, Mane, Okpotu. (U aktivizuan: Toro, Çokaj, Najdenov). Trajner: Sulejman Starova

Java e 20-të u rezervon Korabin si kundërshtar dhe shijakasit duan fitoren dhe ruajtjen e vendit të dytë në pesëshen e parë të grupit A. Gjithsesi trajneri Gentjan Begeja sheh më lard dhe mendon për sezonin e ardhshëm, edhe pse ende gara për vendin e parë është e hapur. Të paktën matematikisht, pasi Vllaznia zor të gabojë aq shumë.

“Java e 20-të për ne është si një ndeshje transferte, sepse ndaj Korabit luajmë në fushë asnjanëse, konkretisht në Lezhë. Për ne është një sfidë e vlerësuar për tri pikët. Do kemi mungesat e Dukës dhe të Dragoshit”, tregon tekniku durrsak fillimisht për “SportEkspres.com”.

Më tej Begeja flet edhe në lidhje me synimet e Erzenit. “Matematika na lejon të shpresojmë edhe për kreun e grupit, por duke qenë se Erzeni ka dalë nga objektivi kryesor, realisht ka nisur një projekt për sezonin e ardhshëm”, përfundoi Begeja deklaratën e tij.

AGRON KAJA

Në grupin B Bylisi e Besa do duelojnë në distancë. Lushnja, që dy javë më parë mposhti kavajasit, këtë herë do tentojë të ndalojë ballshiotët. Ndërkohë verdhezinjtë luajnë në transfertë. Besa ka disa mungesa, por edhe tek Egnatia do të shohim sot një “revolucion” në formacion. Problemet financiare mbeten prezente dhe lojtarët kanë bojkotuar sërish stërvitjen. Mbetet të shihet se kush do ta ketë shëtitje sot. Në pesëshen e dytë Elbasani pret Pogradecin dhe do synojë tre pikët, për të tentuar lënien e vendit të parafundit në vazhdimësi.

KATEGORIA E PARË – Java 19

GRUPI A / PLAY-OFF
Datë 3 mars 2019
Besëlidhja-Erzeni        15:00

GRUPI B / PLAY-OFF
Datë 3 mars 2019
Lushnja-Bylis              15:00
Egnatia-Besa               15:00

GRUPI B / PLAY-OUT
Datë 3 mars 2019
Elbasani-Pogradeci     15:00

Të dielën Erzeni luan me Besëlidhjen, një transfertë me një rival të fortë në renditjen e zonës Play-off. Për SportEkspres.com, trajneri i Erzenit, Gentjan Begeja deklaroi se kjo do të jetë një transfertë e vështirë, madje e konsideron finalen e parë të fazës së tretë.

“Ndeshja në Lezhë është një transfertë për t’u vlerësuar dhe mendoj se kjo është finalja jonë e parë në fazën e tretë, për të arritur synimin tonë. Faza e tretë ka hapur çdo mundësi, që edhe Erzeni të synojë kreun e Grupit A. Besimi na bën më të vendosur që t’i fitojmë të gjitha betejat e kësaj faze”, deklaroi Begeja.

Në fazën e parë Erzeni fitoi 2-1 në Shijak, ndërsa në të dytën në Lezhë barazoi 1-1. “Skuadra ka bërë shumë ndryshime. Ka rritje nga dy fazat e para dhe rezultatet që janë arritur mes Erzenit e Besëlidhjes nuk do të ndikojnë për synimin tonë. Gjithsesi, lezhjanët janë skuadra më e vështirë e zonës së ‘Play-off’-it në grupin tonë”, u shpreh trajneri i Erzenit, Gentjan Begeja.

AGRON KAJA

Numri një i pankinës së Erzenit do të jetë Gentian Begeja, një trajner i njohur i futbollit shqiptar. Begeja drejtoi këtë sezon skuadrën e Besës deri në muajin dhjetor të vitit të shkuar dhe tashmë do të nisë një aventurë të re në krye të Erzenit.

Objektivat e skuadrës shijakase dihen, ngjitja me patjetër në Superiore, por Vllaznia duket larg dhe Begeja do të ketë dëtyrën e vështirë të ngushtojë diferencën prej 10 pikësh me skuadrën shkodrane, që vazhdon të udhëheqë e vetme renditjen në Grupin A.

Igli Dakavelli aktivizohet me Erzenin prej katër vitesh, por ai është detyruar të ndërpresë kontratën me klubin. 26-vjeçari është larguar drejt Gjermanisë për shkaqe personale, ndërsa klubi i Kategorisë së Parë ka bërë publik lajmin në faqen zyrtare të klubit në rrjetet sociale, duke e falenderuar mesfushorin për kontributin e dhënë.

Kavajasi është aktivizuar me Apoloninë më parë, ndërsa në verën e vitit 2015 kaloi tek Erzeni. Gjatë këtij sezoni, Dakavelli ka shënuar një gol me ekipin, ndërsa tashmë e ka mbyllur sezonin e tij para kohe.

“Fitoren me Vllazninë e prisja, sepse skuadra është e konsoliduar dhe e aftë për të tilla rezultate. Përforcimet që kemi bërë në merkaton e janarit e kanë ritur më shumë besimin në skuadër që të synojmë kreun në Grupin A. Tashmë ky nuk mund të quhet një mision i pamundur për ne, jo vetëm se mundëm rivalen direkte për këtë vend që të ngjit direkt në Kategorinë Superiore”, kështu theksoi fillimisht në deklarimin e tij tekniku i Erzenit.

Ndërsa për 13 ndeshjet e mbetura, 3 në fazën e dytë dhe 10 në fazën e tretë, Stojku deklaron se Erzeni nuk do të lëshojë në asnjerën prej tyre. “Lufta sportive do të jetë e fortë dhe gara kështu mbetet më e hapur për të gjitha vendet në renditje. Ne nuk do të lëshojmë  në asnjerën prej tyre, do të shikoni Erzenin më të mirë të këtij sezoni, pretendent serioz për kreun e Grupit A”. Skuadra shijakase renditet në vendin e 2-të në Grupin A me 31 pikë, 4 pikë më pak nga Vllaznia e vendit të 1-rë dhe sfida e radhës në Koplik do të jetë një tjetër provë për kreun e grupit.

AGRON KAJA

Korabi u ngjit në vendin e tretë, pasi mundi Veleçikun me golat e Skukës, autor i një tregolëshi. Në Shënkoll Besëlidhja mposhti me përmbysje vendasit. Vora e vendit të fundit ka marrë një fitore me vlera kundër Dinamos dhe shpreson të qëndrojë në të Parën.

KATEGORIA E PARË – Java e 15-të
GRUPI A
E shtunë, 2 shkurt 2019
Vora-Dinamo              1-0
Shënues: Ezike 37′
Shënkolli-Besëlidhja  1-2
Shënues: R. Danaj 28′ / Kamara 58′, Soumah 89′
Erzeni-Vllaznia            2-0
Shënues: Xhemalaj 2′, Marku 52′ (aut.)
Korabi-Veleçiku          3-1
Shënues: Skuka 11′, 44′, 57′ / Ujkaj 91′ (pen.)

E mërkurë, 6 shkurt 2019
Iliria-Burreli                14:00

Bylisi në grupin B vijon serinë e rezultateve potivive. Lushnja nuk ia ka dalë të rezistojë përballë ballshiotëve, që me “tris” morën pikët e plota. Kundërpërgjigjet edhe Besa, që 0-3 fitoi në transfertë kundër Elbasanit.

Verdheblutë gjithsesi mbeten të parafundit, pasi edhe Turbina është mundur në shtëpi nga Tomori me shifrat 0-2. Apolonia ka marrë një fitore me vlera dhe ka qenë i riu Mihana ai i cili ka nderuar fierakët me golin e shënuar.

GRUPI B
E shtunë, 2 shkurt 2019
Apolonia-Pogradeci    1-0
Shënues: Mihana 69′
Turbina-Tomori           0-2
Shënues: Sharavolli 2′, Dervishi 70′
Bylis-Lushnja               3-0
Shënues: Shyti 23′, Bytyçi 41′ (pen.), Bajramaj 66′
Elbasani-Besa              0-3
Shënues: Çelhaka 45′, Çekiçi 45+1′, Onuh 81′

E diel, 3 shkurt 2019
Egnatia-Oriku             14:00 (Luhet në Peqin)

Për SportEkspres.com trajneri i Erzenit, Gentjan Stojku deklaron se kjo është një ndeshje e rëndësishme për skuadrën që ai drejton, jo vetëm për t’iu afruar Vllaznisë në kreun e renditjes. “Ndaj Vllaznisë luajmë për vendin e parë në grup dhe në Peqin do të luajmë vetëm për tri pikët. Barazimi nuk na bën punë në synimet tona, por edhe fusha asnjëanëse nuk na penalizon. Në Peqin presim që stadiumi të ‘pushtohet’ nga tifozeria shijakase, e cila do të jetë pjesë e suksesit në këtë sfidë delikate”.

Sot në këtë përballje ndaj Vllaznisë, Stojku do të aktivizojë në sulm dy të afruarit e merkatos së janarit, Mahmutaj e Peqini. Erzeni renditet në vendin e 2-të në Grupin A me 28 pikë, 7 pikë më pak nga Vllaznia kryesuese në këtë grup.

AGRON KAJA

Për këtë arsye ka rreth katër ditë që vazhdojnë debatet mes tyre, madje edhe me ndërmjetës për ti qetësuar palët. Por burime zyrtare pranë Bashkisë konfirmuan sot për SportEkspres.com, se nuk ka dalë “tym i bardhë”. Astrit Hoxha nuk e ka duruar këtë sjellje të kryebashkiakut dhe ka menduar largimin, një formë e moderuar kjo, kur kujtojmë se mes tyre debatet kanë qenë shumë të forta.

Burimi në fjalë konfirmon se në vazhdim nuk do të ketë njeri tjetër në krye të sporteve në Bashkinë e Shijakut, ndërsa kryetari Kokomani ka caktuar shefin e klubit Altin Keçi që ta zëvendësojë Astrit Hoxhën. Erzeni renditet në vendin e 2-të në Grupin A të Kategorisë së Parë me 28 pikë, 7 pikë larg Vllaznisë të vendit të parë, të cilën e pret në Shijak më 2 shkurt, në sfidën e javës së 15-të.

AGRON KAJA

Për kuqezinjtë U-19, golat u shënuan nga Gashi dhe Prenga, ndërsa golat për Erzenin mbajnë firmën e Mahmutaj dhe Vathit. Kjo sfidë ishte një mundësi shumë e mirë për të dyja ekipet për të parë nivelin dhe gjendjen e tyre fizike, në këtë periudhë pushimi.

Miqësore, 21 janar 2019
“Olympic Park, Durrës

Shqipëri U-19 – Erzeni   2-2
Shënues: Gashi, Prenga / Mahmutaj, Vathi

Sot, edhe skuadra e Besës ka luajtur një miqësore përballë ekipit nga Mitrovica, Trepça ’89. Skuadra kavajase është mposhtur me rezultatin e pastër 0-3, ndeshje kjo që ka folur vetëm për ekipin kosovar.

Miqësore, 23 janar 2019

Besa – Trepça ’89   0-3

Edhe Martinena gjeti rrjetën, ndërsa Rezi dhe Peçi plotësuan listën e golashënuesve për Kamzën. Objektivi i Gjokës dhe skuadrës periferike të kryeqytetit është të jenë në formë sa më optimale për të përballuar gjysmën e dytë të sezonit, ky synojnë me doemos qëndrimin në Superiore.

Miqësore
E shtunë, 19 janar 2019

Erzeni – Kamza  3-5
Shënues: Izazola x2, Martinena, Rezi, Peçi

Shënkolli fiton miqësoren me Spartakun, një sfidë që bindi trajnerin Kruja, i cili vlerësoi ndryshimin në skuadër. Sot në mesditë, Shënkolli luajti një miqësore me Spartakun e Kategorisë së Dytë, skuadër të cilën e mposhti me rezultatin 2-1, një ndeshje që sipas trajnerit Alket Kruja, tregoi ndryshim pozitiv te skuadra e tij.

“Në pjesën e parë u aktivizuan lojtarët titullarë dhe loja që zhvilloi skuadra kishte ndryshim pozitiv nga miqësoret e kaluara. Në pjesën e dytë skuadra ndryshoi, pasi aktivizova të gjithë lojtarët rezervë”,- tha trajneri i Shënkolli.

Miqësore
E shtunë, 19 janar 2019, ora 12:00

Shënkolli – Spartak  2-0
Shënues: Përgjini, R. Danaj

Erzeni u mposht nga Tërbuni me rezultatin 4-3, një ndeshje spektakolare. Golat për Tërbunin u shënuan nga Teqa, Xhemalaj dhe Mahmutaj dy herë. Trajneri i Erzenit, Gentian Stojku e quajti këtë miqësore si një ndeshje e ekuilibruar, me të dyja skuadrat që kanë shumë pak diferencë mes njëra-tjetrës.

Miqësore

Erzeni-Tërbuni 3-4
Shënues: Teqaj 30′, Xhemalaj 41′. Peqini 60′ / Sejdini 16′ 24′,  Mezini 38′ 46′

Ndeshja tjetër miqësore u zhvillua mes Dinamos dhe Shqipërisë U-19, me kryeqytetasit që triumfuan pastër 3-0. Golat nga Çema, Vrapi dhe Topalli i dhanë fitoren djemve të Igli Allmuçës përballë ekipit të moshave kuqezi.

Miqësore

Dinamo – Shqipëri U-19  3-0
Shënues: Çema, Vrapi, Topalli

Laçi dhe Tirana do të zhvillojnë një ndeshje miqësore, ku futbollisti durrsak do të ketë mundësinë të provojë veten para trajnerit të 24 herë kampionëve të vendit.

Goxha aktivizohet prej dy vitesh me skuadrën e Erzenit, ku në sezonin e tanishëm ka spikatur me golat e tij, teksa ka shënuar shtatë herë përgjatë 12 ndeshjeve.

SportEkspres.com mëson se tekniku i Erzenit është paraqitur sot në stërvitje dhe ka kërkuar që të largohet nga drejtimi i skuadrës. Arsyet e këtij vendimi nuk dihen dhe vetëm Stojku mund t’i sqarojë. Gjithsesi duhet pritur se çfarë do të bëjnë drejtuesit e klubit, do e pranojnë apo dorëheqjen.

Stojku deri më tani ka bërë punë të mirë në krye të Erzenit, duke arritur të renditet në vendin e dytë dhe duke vënë në vështirësi Vllazninë kryesuse. Largimi i tij do t;i vinte drejtuesit para një detyre të vështirë për të gjetur trajnerin e duhur.

Raporti i teknikut nga Elbasani me lojtarët ka qenë mjaft i mirë gjatë kësaj periudhe dhe puna e bërë deri më tani në njëfarë mënyre do të shkonte dëm.

Burime zyrtare pranë klubit shijakas e konfirmojnë diçka të tillë për SportEkspres.com. Goxha ka spikatur këtë sezon, pasi ka arritur të realizojë 7 gola në 12 ndeshje. Edhe pse luan si qendërmbrojtës, trajneri Gentian Stojku e ka zhvendosur në sulm dhe ia ka dalë të tregohet vendimtar për skuadrën e tij.

Goxha nuk ka luajtur asnjëherë në Superiore, por ka spikatur me paraqitjet e tij në të Parën. Fillimisht me Ilirinë e Fushë-Krujës dhe më pas me Erzenin. Besëlidhja dhe Shënkolli kanë qenë stacionet e radhës për mbrojtësin 26-vjeçar.

Sigurisht që tifozët bardheblu presin emra të njohur, por Goxha do t’i ngrohë për një fakt: i ka shënuar Partizanit me fanellën e Besëlidhjes, duke bërë që edhe të kuqtë të eliminoheshin nga Kupa e Shqipërisë në sezonin 2016-2017.

Prej ditësh SportEkspres.com kishte njoftuar se në Shijak prisnin një sulmues brazilian dhe ai ka mbërritur sot, madje jashtë parashikimeve. Braziliani Douglas Almeida është shfaqur që sot pasdite dhe ka zhvilluar një seancë stërvitore të diferencuar fillimisht.

Më pas ai është bashkuar me grupin dhe ka lënë përshtypje të mira për stafin teknik. Trajneri Gentian Stojku, deklaroi për SportEkspres.com se nesër në miqësoren me Teutën do të shikohet gjendja e tij.

“E prisnim nesër brazilianin Douglas dhe sot ishte një prezantim i shkurtër i tij. Nesër në miqësoren me Teutën do ta shoh më mirë, por deri në fund të javë ai do të jetë në test tek Erzeni”, deklaroi trajneri Stojku.

Ndeshja e fundit miqësore mes Erzenit dhe Teutës është luajtur më 13 tetor 2018, e cila ka dalë në barazim 1-1. Takimi me durrsakët konsiderohet shumë i rëndësishme për gjendjen e skuadrës në këtë periudhë dhe për testimin e lojtarëve të afruar gjatë këtij muaji.

AGRON KAJA

“Menaxherët tanë e kanë prezantuar si një sulmues cilësor, dhe në tri ditët në vazhdim do ta shohim. Nisur nga cv-ja e tij, presim te kemi lojtarin e duhur për golin”,- kështu theksoi trajneri Stojku për përforcimin e ri te Erzeni.

Skuadra shijakase renditet në vendin e dytë në Grupin A të Kategorisë së Parë, me synim rivalitetin me Vllazninë për kreun e tabelës.

Agron Kaja

Futbollisti nga Elbasani do të kalojë tek Erzeni, aty ku në verë u huazua edhe mesfushori Jonatan Lajthia. Peqini, vetëm 20 vjecc, do të ketë mundësinë të luajë dhe të rritet, për t’u rikthyer në verë sërish te Teuta.

Tashmë klubi durrsak edhe e ka sinjalizuar këtë lëvizje, teksa njofton: “Klubi i Teutës zyrtarizon marrëveshjen me KF Erzenin për sulmuesin 20-vjeçar Jurgen Peqini, i cili është huazuar për gjysmën e mbetur te sezonit tek Erzeni”.

https://www.instagram.com/p/BsS6HfynH5t/?utm_source=ig_web_copy_link

“Së bashku me drejtuesit jemi ulur për vazhdimësinë dhe gjithçka në këtë periudhë është fokusuar në mbajtjen e formës së lojtarëve, njëherësh edhe në programet stërvitore që mendojmë gjatë muajit janar. Gjatë kësaj periudhe kemi menduar edhe për përforcime, ku kujdesi do të jetë i madh jo për të plotësuar numrin me lojtarë, por për tw gjetur lojtarë që bëjnë diferencën. Kjo sepse ne e mendojmë veten në garën për kreun në Grupin A të Kategorisë së Parë”.

Lidhur me merkaton e këtij muaji, Stojku deklaroi se ajo do të varet më shumë edhe nga buxheti, që sipas tij është i plotë deri në fund të sezonit. “Kemi menduar merkato me pikatore, nëse do të gjejmë ndonjë lojtar që të bëjë diferencën. Do të zhvillojmë edhe ndeshje miqësore, ku deri tani na kanë konfirmuar dy skuadra”, theksoi më pas Gentian Stojku.

Erzeni në 14 ndeshjet e para u rendit në vendin e dytë në Grupin A të Kategorisë së Parë, 7 pikë pas Vllaznisë, të cilën e pret më 2 shkurt në Shijak në kuadrin e javës së 15-të.

Por në Shijak po përgatiten edhe për të tjera afrime. SportEkspres.com mëson se Myslim Ramilli do të rikthehet tek Erzeni. Mesfushori sezonin e shkuar ka qenë te Besa dhe tashmë do të veshë sërish fanellën e shijakasve.

Në planet e Erzenit është edhe sulmuesi Jurgen Peqini. Ky i fundit është pjesë e Teutës, por te durrsakët i mungojnë hapësirat dhe një kalim nën urdhrat e Stojkut do të jetë një lëvizje e mbarë. Futbollisti 20-vjeçar këtë sezon ka luajtur vetëm në Kupë dhe ka shënuar dy gola.

Vjet Peqini debutoi në Superiore, madje edhe shënoi tre gola. Ai luajti në total në gashtë ndeshje dhe vetëm njërën prej tyre e nisi nga fillimi. Sulmuesi në të shkuarën ka luajtur në Kategorinë e Parë edhe me Elbasanin, duke shënuar 4 gola në 12 takime të luajtura me verdheblutë.

“Unë nuk e kisha menduar që të luaja si sulmues. Besimi që më dhanë drejtuesit, së bashku me mbështetjen e shokëve në skuadër, duket se më nderoi. Luajta në shtatë ndeshje si sulmues dhe shënova 7 gola, të gjithë të rëndësishëm për skuadrën e Erzenit në këtë gjysmë të parë të këtij sezoni”, kështu deklaroi sulmuesi i ri i Erzenit, Jurgen Goxha, i cili nuk mendon se do të jetë ai kryegolashënuesi në këtë kategori.

“Unë nuk mendoj se do të jem golashënuesi më i mirë i Kategorisë së Parë, sepse nuk është ky synimi im. Do të mundohem që të shënoj sa më shumë gola, por që këta të jenë në shërbim të skuadrës, sepse objektivi ynë nuk është vendi i 3-të ku renditemi pas 14 javëve, por ngjitja në Kategorinë Superiore. Vetëm 5 pikë diferencë kemi me vendin e parë, ndaj kemi besim se këtë objektiv do ta bëjmë realitet. Në pjesën tjetër të sezonit do shikoni Erzenin e Superiores”.

Bëhet fjalë për bazën e ekipit si: Orian Xhemalaj, Ermal Vathi, Rejnaldo Troplini, Mario Teqja, Jurgen Goxha. Për lojtarët ka interesim nga ekipe të Superligës dhe pretendentë të Kategorisë së Parë. Laçi, Teuta, Kamza dhe Kastrioti kanë hedhur grepat në Shijak duke parë interesimin e dy ekipeve që synojnë kupat e Europës, ndaj këtë radhë shijakasve i rrezikohen seriozisht “yjet” e ekipit. “SportEkspres.com” në lidhje me këto lajme është ndalur në një intervistë me mesfushorin Ermal Vathi.

Ermal, keni zhvilluar një kampionat të mirë por sa të kënaqur jeni ju deri më tani?
-Jemi duke luajtur mirë dhe kemi marrë rezultate të mira, megjithatë kemi disa pengje.

Cilat janë ato?
-Në disa takime kemi merituar më shumë, por fati dhe gjykimi na kanë dënuar jashtë mase.

Sa real është objektiv i Superligës në Shijak?
-Superiorja është objektivi ynë parësor. Ne po bëjmë të pamundurën dhe deri këtu kemi ardhur me gjysmë ekipi. Erzeni do të përforcohet në merkato dhe do të jetë më i fortë.

Meqë dolëm te merkato, ju thoni se do të forcohet, por gjasat janë që të ketë largime. Ju jeni një ndër më të përfolurit çfarë mund të na zbuloni?
– Kam oferta nga dy ekipe në Superligë që po i shikoj me kujdes. Nuk dua të largohem, por mendoj se pas 3 vitesh në Shijak jam gati të luaj në elitën e futbollit shqiptar.

Mund të na tregoni një emër?
-Nuk dua të zbuloj më tepër por mund të them se nëse largohem do i përkas një ekipi shumë të fortë në Superiore.

-Nëse largoheni nga Erzeni cilat janë fjalët e tua të fundit si një lojtar i Erzent?
– Nuk dua t’i quaj të fundit pasi mund të rikthehem sërish aty. Është një ambient i mirë, me tifozë që na mbështesin dhe na kanë bërë të japim maksimumin. Jam ndier i vlerësuar dhe siç e thash. Nëse largohem do rikthehesha sërish me shumë dëshirë.

Faleminderit dhe suksese…
-Faleminderit juve dhe suksese, Erzeni në Superiore!