Ervis Kaja

Magani e do me ngulm, Kaja drejt rikthimit

Sport Ekspres — Sat, 29 Jun 2019 10:52:00 +0000

Mbrojtësi Ervis Kaja është pranë rikthimit te skuadra e tij mëmë, Besa. Mbrojtësi shtatlartë shikohet si një përforcim serioz në radhët e repartit të prapavijës te skuadra kavajase.

Ngjitja në Kategorinë Superiore është deklaruar si objektivi kryesor nga presidenti Nexhat Bizhdili dhe rikthimin e Kajës në Kavajë e ka kërkuar me ngulm edhe vetë trajneri Gugash Magani.

32-vjeçari Ervis Kaja e ka nisur karrierën e tij te Besa në sezonin 2006-2007, por më pas ka luajtur në disa skuadra të tjera në futbollin shqiptar, si me Laçin, Tomorin, Dinamon, Tiranën, Apoloninë e Korabin.

Kavajasi ka provuar edhe dy eksperienca në futbollin kosovar, teksa është aktivizuar me Lirinë e Prizrenit dhe Dritën e Gjilanit. Sezonin e kaluar mbrojtësi Kaja e mbylli me Dinamon në Kategorinë e Parë.

AGRON KAJA

Dinamo e fiksuar pas “ish”-ëve, rikthehet mbrojtësi

Sport Ekspres — Mon, 28 Jan 2019 13:39:22 +0000

Dinamo hapi merkaton e dimrit duke rikthyer një “ish” si sulmuesi Erald Kolgega. Afrimi i dytë i kryeqytetasve është një tjetër “ish”. Bëhet fjalë për mbrojtësin Ervis Kaja, i cili rikthehet te “nëndetësja” blu pas gjashtë vitesh.

Në njoftimin e bërë në faqen zyrtare të klubit në “Facebook”, bëhet e ditur se 31-vjeçari do të jetë pjesë e Dinamos deri në përfundim të sezonit aktual. Skuadra dinamovite është e mbushur me lojtarë të rinj dhe eksperienca Kajës është mëse e nevojshme për djemtë e Igli Allmuçës.

Ervis Kaja e mbyll me Dritën, nuk i mungojnë ofertat në Shqipëri

Sport Ekspres — Mon, 14 Jan 2019 17:48:48 +0000

Drita e Gjilanit mori në verë disa lojtarë nga Shqipëria, ndërkohë që i pari që e mbylli me kampionët në fuqi të Kosovës ishte sulmuesi Eri Lamçja. Shtatshkurtri ndërpreu kontratën me konsensus dhe iu bashkua skuadrës së Bylisit në Kategorinë e Parë.

Sportekspres.com mëson se lojtari i radhës që e ka mbyllur bashkëpunimin me Dritën është Ervis Kaja. Lojtari polivalent, luan në qendër të mbrojtjes dhe mesfushës, si dhe mbrojtës i djathë. Ai luajtur rregullisht me gjilanasit, por me konsensus e ka ndërprerë kontratën dhe tani është i lirë. Me fanellën e Dritës Kaja arrit të shënonte edhe një gol.

Kavajasi me shumë mundësi do të rikthehet në Shqipëri dhe ofertat nuk i mungojnë. Në Kosovë para Dritës Kaja ishte aktivizuar me Lirinë e Prizrenit, kurse në vendin tonë numri i ekipeve më të cilat ka luajtur është i konsiderueshëm.

Besa e vendlindjes, Naftëtari, Laçi, Tomori, Dinamo, Tirana, Apolonia dhe Korabi janë stacionet e tjera të karrierës së tij. Tashmë mbetet për t’u mësuar se ku do ta vijojë karrierën kavajasi i larguar nga Drita.

Ervis Kaja mbetet në Kosovë, arrin akordin

Sport Ekspres — Thu, 19 Jul 2018 10:26:07 +0000

Ervis Kaja provoi vjet në janar eksperiencën e parë në Kosovë, teksa iu bashkua “kolonisë” që u transferua te Liria e Prizrenit nga kampionati shqiptar. Lojtari më një eksperiencë të madhe në futbollin tonë, ka sërish oferta nga Kosova dhe me shumë mundësi do ta vijojë karrierën andej.

“Sport Ekspres” mëson se ka përmetari rënë dakord me Feronikelin, edhe pse disa klube të tjera e kanë tentuar. Pritet që shumë shpejt të zyrtarizohet marrëveshja me klubin nga Drenasi, që sivjet do të luftojë për të fituar titullin kampion.

Në krye të Feronikelit siç dihet është trajneri Sulejman Starova, i cili e njeh 30-vjeçarin, pasi ka pasur mundësinë ta shohë në Superiore, edhe pse nuk e ka pasur nën urdhrat e tij.

Qendërmbrojtësi, i cili luan edhe si mesfushor difensiv, është aktivizuar në Shqipëri me Besën, Naftëtarin, Laçin – ku edhe ka spikatur më së shumti – Tomorin, Apoloninë, Tiranën, Dinamon dhe Korabin.