Ervis Caco

Përforcohen Korabi dhe Apolonia, firmosin tre beratas

Sport Ekspres — Sat, 27 Jul 2019 15:25:32 +0000

Klubet e kategorisë së parë po bëhen gati sezonin e ri. Ditën e sotme klubi i Korabit ka zyrtarizuar dy përforcime për sezonin e ardhshëm. Bëhet fjalë për dy futbollistët beratas Ervis Çaço dhe Ariel Dobra, të cilët janë kanë kontrata me kohëzgjatje 2-vjeçare me klubin dibran.

Një tjetër futbollist beratas që është prezantuar në një klub të ri është Gelando Sharavolli. Mesfushori 24-vjeçar i është bashkuar Apolonisë së Fierit, duke mbyllur kështu bashkëpunimin me klubin e Tomorit pas gjashtë vitesh.

Çaço: Patëm mangësi, Besa bën autokritikë në Ballsh

Sport Ekspres — Thu, 09 May 2019 10:34:06 +0000

Besa dështoi të rikthehej në Superiore, pasi u thye në ndeshjen direkte me Bylisin rival. Gara në grupin B ka përfunduar dhe ballshiotët do jenë ata që do të luajnë në elitë sezonin e ardhshëm. Drejtuesit verdhezi u munduan shumë që të ndërtonin skuadrën e duhur për të arritur objektivin sezonal.

Në janar ata afruan edhe një lojtar me eksperiencë si Ervis Çaço. Anësori i krahut të djathtë tregon edhe arsyen e dështimit të tyre: “Te Besa erdha me dëshirën e mirë dhe synimin për t’u ngjitur në Superiore. Gjithsesi, disa mangësi në ndeshje të veçanta e kryesisht në përballjet direkte me Bylisin, na larguan nga synimi”.

Pavarësisht se Bylisi e ka siguruar vendin e parë, Çaço premton se do e respektojnë garën deri në fund. “Deri në sfidën e fundit me Bylisin do të luajmë me dinjitet, edhe jemi larguar nga synimi ynë. Ne do ta sfidojmë Bylisin, pavarësisht se është i ngjitur në Kategorinë Superiore. Këtë javë presim Orikun në fushën tonë dhe fitorja është detyrim për ne. Në javën e fundit në Ballsh Besa do ta bëjë autoktitikën në fushë”.

AGRON KAJA

Gugash Magani buzëqesh, Tomori i bën një “dhuratë”

Sport Ekspres — Sat, 12 Jan 2019 17:43:23 +0000

Një ditë më parë nuk doli në stërvitje, teksa objektivi për të ishte i qartë: të tërhiqte lejekalimin nga Tomori. Kishte biseduar më parë me drejtuesit dhe kishte marrë “jo” si përgjigje, por beratasit në fund janë dorëzuar dhe ia kanë dhënë lejekalimin kapitenit Ervis Çaço.

Oferta e Besës e kishte tunduar anësorin e djathtë, që tanimë do të jetë nën urdhrat e Gugash Maganit. Kavajasit synojnë rikthimin në Superiore dhe janë në garë me Bylisin. Çaço me eksperiencën e tij është një element që mund t’u bëjë punë në vazhdim.

“Klubi njofton se kapiteni Ervis Çaço nuk do të jetë lojtar i Tomorit për pjesën e mbetur të kampionatit. Drejtuesit kanë bërë të gjitha përpjekjet e veta për të mbajtur 30-vjeçarin, përpos dëshirës së tij për të vijuar karrierën në klubin e “KS Besa” Kavajë. Klubi falënderon Ervis Çaço për kontributin e dhënë me fanellën beratase dhe i uron suksese të mëtejshme në jetë e familje”, njofton klubi i Tomorit.