Lajmi tjetër i mirë është rikthimi i shkodranit Ersil Ymeraj. Mesfushori ishte i pezulluar me kartonë të verdhë dhe ndaj gjirokastritëve u zëvendësua nga nigeriani Okebugu. Kështu, për stfin teknik të Kastriotit alternativat do të jenë më të shumta të dielën.

Synimi është që të mos dilet pa pikë nga transferta korçare, pasi edhe rivalët nuk kanë përballje të lehta. Tirana, që ka vetëm tre pikë më shumë, luan jashtë me Teutën e përfshirë nga kriza. Luftëtari pret në shtëpi Laçin, por bëhet fjalë për një betejë që pritet të jetë e luftuar. Shpresat për të qëndruar në Superiore janë rritur te Kastrioti dhe këtë javë synimi është që të paktën të ruhet diferenca me rivalët.

Drejtuesit e klubit krutan kanë menduar t’i krijojnë skuadrës së tyre kushtet ideale, duke e grumbulluar deri ditën e ndeshjes. Kështu, i gjithë fokusi është te ndeshja dhe lojtarët po mendojnë vetëm për gjirokastritët.

Për ndeshjen e radhës, Kastrioti do vijojë të mos ketë të gatshëm Dajan Shehin të dëmtuar dhe mesfushorin Ersil Ymeraj. Ky i fundit është i pezulluar me kartonë të verdhë dhe trajneri Bledar Devolli duhet të mendojë për zëvendësuesin e tij.

NDESHJA – “Ishte një ndeshje e vlerësuar maksimalisht dhe e kishim përgatitur gjatë gjithë javës. E kisha menduar dhe më përpara që nëse do të shënoja nuk do të festoja”.

TIRANA – “Do të bëj tifo me Tiranën, shpresoj që të marrin një fitore dhe Luftëtari të ngelet me aq pikë sa ka”.

SITUATA NË EKIP – “Jemi një grup me çuna të rinj dhe të gjithë vrapojmë. Të gjithë duan të tregojnë vlerat e tyre dhe po bëjmë mirë deri më tani”.

NDESHJA SI “ISH” – “Në momentin e nxehjes kisha disa emocione, pasi kam luajtur për shumë vite te Kamza. Por gjatë lojës, emocionet ikën dhe dhashë maksimumin tim për Kastriotin”,- u shpreh Ymeraj.

“Harmonia dhe ritmi që ka futur Devolli na kanë rritur. Jemi ekip me djem të ri dhe me cilësi, ndaj kemi besim”, tha mes të tjerash Ymeraj, i cili takimin e së dielës e ka special, pasi përballet me ish-skuadrën e tij.

“Është një ndeshje finale, pasi një fitore është pozitive për secilin ekip. Ne mjafton të mos dalim pa pikë”, u shpreh mesfushori. Kamza dhe Kastrioti ndajnë vendin e fundit me nga 16 pikë, ndërkohë që Ymeraj thekson se për të vijuar me rezultate pozitive duhet stërvitje e fortë.

“Të vazhdojmë me këtë ritëm në stërvitje dhe nga kjo do të vijnë edhe rezultatet”, thekson mesfushori 24-vjeçar, i cili këtë sezon është aktivizuar në 15 ndeshje dhe ka gjetur dy herë rrugën e rrjetës me fanellën e Kastriotit në kampionat.

“Humbja e fundit në Laç na mërziti shumë, edhe për faktin se luajtëm shumë mirë. E kemi të qartë që loja e bukur nuk mjafton. Na duhen pikët dhe jemi shumë të karikuar përpara ndeshjes kundër Flamurtarit. Do të kërkojmë me çdo kusht 3 pikët”, është shprehur fillimisht mesfushori.

Më tej ai ka analizuar kundërshtarin e radhës: “Flamurtari është ekip me shumë cilësi, që e nisi sezonin me pretendime për titull. Pavarësisht gabimeve që ka bërë, ka ekip shumë cilësor. Gjithsesi ne do të bëjmë gjithçka për të marrë pikët e plota”.

Sikurse edhe dihet, Kastrioti nuk i luan ndeshjet në Krujë. Shtëpia e tyre këtë sezon është “Redi Maloku”. Normalisht për ekipin krutan ndikon në garë. “Është një minus i madh, natyrisht, sepse e luajmë çdo ndeshje në transfertë. Por tifozët na kanë ndjekur nga pas dhe besojmë se do të jenë të shumtë edhe ndaj Flamurtarit. Besoj se do t’i kënaqim me një fitore”, shtoi Ymeraj.

Qëndrimi në Superiore është synimi kryesor i Kastrioti dhe besimi ekziston, edhe pse krutanët janë në vendin e fundit. “Rivaliteti në fundin e tabelës është shumë i madh. Për momentin janë 4 ekipe për mbijetesë dhe ne momentin nuk e shohim renditjen, por vetëm ndeshjet tona, për të tentuar të marrim sa më shumë pikë. Më vonë bëhen bilancet”.