Interesim për të ka shprehur klubi i Brestit, që sapo është rikthyer në elitën e futbollit francez. Akordi me gjigantin skocez është arritur për shifrën e 1.75 milionë sterlinave, ndërsa Grezdën e pret një kontratë 4-vjeçare sipas The Sun. Lojtari ka fluturuar drejt Francës për të mbyllur gjithçka dhe për të zyrtarizuar transferimin e tij në League 1.

Trajneri Xherard e pranoi se nuk e sheh shqiptarin pjesë të planeve të tij, ndërsa i uron fat për aventurën e re. “Mendoj se kampionati këtu ishte shumë i fortë për të, por talenti nuk i mungon Grezdës. Nuk kam dyshime që mund të transferohet në një kampionat tjetër, me një skuadër dhe trajner që mund t’i përshtaten stilit të tij”, theksoi legjenda e Liverpulit.

Grezda ka pasur një bisedë me trajnerin Edi Reja, të cilit i ka thënë se nuk ndihet mirë dhe se dëshiron të largohet. Italiani nuk është bërë pengesë. Fundja, nëse një lojtar nuk është në gjendje të bëjë më të mirën, nuk ka pse të qëndrojë i grumbulluar.

Biseda me Rejën thuhet se ka qenë krejt normale dhe nuk është shoqëruar as me ndonjë vendim disiplinor. Ka dyshime që Grezda është larguar për shkak se stafi teknik nuk e ka parë si zgjedhje të parë për ndeshjen me Islandën, por askush nuk ka dashur që gjërat të zmadhohen.

Sigurisht gjërat do të duhet të sqarohen. Grezda ka qenë një nga lojtarët që më së shumti ka këmbëngulur të veshë fanellën kuqezi dhe normalisht nuk duan ta humbasin si lojtar. Sezoni te Rejnxhërs nuk ka ndikuar për mirë te lojtari, i cili ndoshta këtë periudhë mund ta përdorë për të reflektuar. Fusha i mungon shumë, por pa qetësinë e duhur gjërat do të bëheshin edhe më të vështira.

E ardhmja e tij te gjiganti skocez është vënë në dyshim dhe vetë Grezda kërkon të dijë planet e stafit teknik. Vetë menaxheri i gjakovarit, Ives Cakarun, ka zbuluar për mediat se sulmuesi anësor do të fluturojë drejt Skocisë me një mision të qartë.

Grezda pritet të ketë një takim me trajnerin Stiven Xherard  për të kuptuar nëse do të ketë hapësira për të sezonin e ardhshëm. Tekniku anglez do të thotë fjalën e tij dhe më pas sulmuesi i kombëtares shqiptare do ta ketë më të qartë se çfarë do të ndodhë me të.

Sigurisht ai kërkon që të ketë më shumë minuta në vazhdim dhe huazimi në ndonjë skuadër tjetër do të ishte një zgjedhje e pranueshme. 24-vjeçari është aktivizuar në 13 ndeshje, gjashtë prej tyre si titullar. Grezda ka shënuar dy gola në kampionatin skocez, por ajo që bie në sy është aktivizimi në vetëm 3 ndeshje gjatë vitit 2019.

Situata është e qartë. Në javët në vijim palët duhet të ulen për të marrë disa vendime përsa i përket së ardhmes. Trajneri i Rejnxhërs u shpreh  pak ditë më parë për gazetën skoceze “Scottish Sun” se ata futbollistë që s’do të pranojnë të largohen nuk do të lejohen të stërviten me skuadrën e tij.

“Për mua nuk është aspak problem. Sigurisht, në një situatë ideale ata do t’i futeshin punës për të gjetur një klub të ri ku mund të luajnë futboll e të ndihen të gëzuar. Nëse vendosin të qëndrojnë atëherë unë s’mund të ndërhyj. Megjithatë, në klubin tim nuk pranoj dot njerëz që nuk i bëjnë mirë pjesës tjetër të grupit”.

“Grupi që dua unë duhet të ketë lojtarë të bashkuar dhe të gatshëm kontribuar për sukseset tona. Nëse do të vijë momenti për t’i thënë dikujt që të largohet dhe ata nuk ndajnë të njëjtin mendim, atëherë nuk ka sens që ata të jenë afër skuadrës sime. Jam i sinqertë dhe do tregoj respekt para lojtarëve në tilla raste. Nëse ndjej se nuk i jap dot minutat e mjaftueshme dikujt, do ua them në sy këtë”, përfundoi Xherard.

Trajneri Stiven Xherard nuk e ka përzgjedhur për këtë ndeshje dhe sigurisht që kjo nuk është diçka e mirë për gjakovarin. Grezda u ble në verë nga Rejnxhers për 2 milionë euro nga Osijek dhe deri më tani ai është aktivizuar në 13 ndeshje, 7 si titullar. Anësori është autor edhe i dy golave.

Edhe për Ylber Ramadanin gjërat nuk po shkojnë mirë. Me largimin e Adolfo Sormanit ka ndryshuar situata për mesfushorin e kombëtares. Vejle, e vendit të fundit, ka fituar sot me rezultatin 4-1 ndaj Sonderjyske. Ish-futbollisti i Partizanit qëndroi në stol përgjatë 90 minutave, sikurse edhe mesfushori Arbnor Muçolli. Ky i fundit është pjesë e Shqipërisë U21.

Te Rejnxhërs duhet të presin që Eros Grezda të shpërthejë. Skocezët sot fituan 0-3 kundër Madheruell. Sulmuesi anësor i kombëtares zbriti në fushë në minutën e 79-të në vend të Dejvis. Stiven Xherard e shijoi fitoren nga tribuna, për shkak se ishte i pezulluar.

“Vij nga një lëndim që më ka mbajtur jashtë 2 muaj. Kam qenë i pafat dhe akoma nuk jam në formën time më të mire. Gjithsesi nuk është çështje fizike, kur u futa unë në lojë unë dhe Sadiku ndeshja kishte mbaruar”.

“Nuk reaguam dot pas golit të parë. Besoj se kemi marrë mjaft shkundje tani, po marrim çdo ndeshje. Duhet të zgjohemi nesër me më shumë pozitivet futbolli i tillë është. Duhet të marrim patjetër tre pikët në Andorrë”.

“Duhet të jemi të gjithë të bashkuar e të motivuar, nuk jemi as Brazili dhe as Argjentina, duhet të bëhemi të gjithë bashkë”, përfundoi.

“Kam pasur një periudhë të vështirë, por kam punuar shumë dhe ndihem në formë. Do bëj maksimumin. Kemi lojtarë cilësorë, të cilët janë në formë. Trajneri do të bëje zgjedhjet e veta”, u shpreh Grezda para miave, ndërkohë që më pas theksoi se nuk e ka aspak problem se ku do të luajë.

“Sa kohë skuadrës i shërben të ndryshoj pozicion, do jem aty ku trajneri dua. Nuk ka rëndësi nëse luaj majtas apo djathtas. Për mua është njëlloj”, shtoi anësori i Rejnxhërs. Më pas ai foli edhe për Armando Sadikun, të cilin e kishte në krah gjatë konferencës.

“Mungesa e Sadikut është ndjerë, jam i lumtur që kthehet. Merrem vesh mirë me të. Shpresoj të kombinojmë në fushë dhe të bëjmë më mirë. Edhe unë jam i lumtur që ai të më asistojë dhe unë të shënoj (qesh)”.

“Panuçi, ku ndryshon me Xherard? Nuk e di. Janë tipe të ndryshme, punojnë ndryshe. Panuçi më ka dhënë më shumë hapësira. Normalisht edhe konkurrenca është tjetër. Janë profesionistë dhe bëjnë punën e tyre  më së miri”.

“Nëse duan të kualifikohemi, duhet të marrim 6 pikë. Luajmë në shtëpi me Turqinë dhe me një ekip më të dobët se ne. Jemi të motivuar dhe i duam këto dy fitore. Do bëjmë gjithçka t’ia dalim”.

“Pritshmëritë dhe dëmtimi? Në Europian i bëmë krenar të gjithë shqiptarët dhe presin të njëjtën gjë. Lojtarët po luajnë dhe kemi një shans t’i krenojmë shqiptarët. Kur u dëmtova më thanë se ishte serioze. Doja të mos humbja kombëtaren. Kam punuar shumë me ekipin dhe me trajner privat. Ndihem shumë mirë dhe do të presim si do të shkojnë gjërat”.

2-0 NUHIU!!!! #wawaw #swfc #daretonuhiu @swfc pic.twitter.com/O0pKcSMP4l

— WAWAW76 (@ndunne76) March 16, 2019

Lajme të mira vijnë për Skocia. Eros Grezda ka lënë pas lëndimin në kyçin e këmbës dhe është rikthyer të luajë me Rejnxhërs pas më shumë se një muaji. Sulmuesi i kombëtares sonë luajti për 45 minuta në takimin ndaj Kilmarnok.

Myrto Uzuni dhe Lirim Kastrati kanë festuar tri pikët pas fitores 3 – 1 ndaj Slaven Belupo. Lojtari i kombëtrares shqiptare luajti për 90 minuta në këtë takim, ndërsa Kastrati u aktivizua si zëvendësues.

Goli i sotëm e çon Kamberin në kuotën e tetë golave në Premier Ligën skoceze, ndërsa duhet përmendur se sot ishte një ditë e veçantë për sulmuesin, pasi përveç golit festoi dhe  ditëlindjen e 24-të.

Humbja e sotme shuan edhe shpresën më të vogël që i kishte ngelur Rejxhërsit për titullin kampion, pasi tani rivalët e Selltik kanë shansin ideal për të çuar diferencën në 10 pikë në rast fitoreje në ndeshjen kundër Aberdenit të vendit të tretë.

Në këtë takim nuk ishe i pranishëm Eros Grezda. Sulmuesi i kombëtares shqiptare pësoi një dëmtim në këmbë gjatë fazës përgatitore dhe i duhen ende disa javë për ta marrë veten.

Gjithsesi tanimë gjendja e Grezdës është përmirësuar dhe ditën e sotme është rikthyer të stërvitet normalisht. Anësori ka lënë palestrën dhe gjatë kësaj periudhe do të rritë ritmin e përgatitjeve, në mënyrë që të jetë sa më shpejt i gatshëm për trajnerin Stivën Xherard.

Grezda, në periudhën nëntor-dhjetor, ka arritur të aktivizohet me Rejnxhërs në 10 takime. Shtatë prej tyre i ka nisur si titullar, ndërkohë që ka realizuar edhe dy gola në fitoren 7-1 që skuadra e tij regjistroi kundër Matheruell.

Ish-lojtari i Liverpulit solli në klub 14 lojtarë, ku njëri prej tyre ishte dhe sulmuesi i kombëtares sonë Eroz Grezda, i cili u mor nga Osijek për dy milionë paundë.

Në një artikull të bërë nga gazeta skoceze “The Herald”, janë vlerësuar të gjithë lojtarët e ardhur. Vlerësimin më të madh e ka marrë sulmuesi anësor Rajan Kent dhe portieri Mekgregor, të dy lojtarët janë vlerësuar me notën 9.

Shtypi skocez nuk ka treguar shumë mëshirë me Grezdën, duke i vënë notën 3. Në argumentimin e “The Herald” shkruhet: “Impresioni kundër Rejnxhërs me Osijekun në ndeshjet kualifikuese të Europa League. Gjithsesi Grezda nuk ia ka dalë të përsërisë të njëjtën formë. Po të marrësh parasysh shumën prej 2 milionë paundësh që u pagua për të, Grezda mund ta ketë zhgënjyer disi Zherardin.

Rajan Kent – 9
Alan Mekgregor – 9
Skot Arfilld – 7
Konor Goldson – 7
Xho Uorall – 6
Borna Barishiç – 5
Nikola Katiç – 5
Kajl Laferti – 5
Lasana Kulibali – 5
Gareth Mekauli – 5
Xhon Flanagan – 5
Eros Grezda – 3
Ovia Exharia – 3
Umar Sadik  – 1

Trajneri Kristian Panuçi duhet të shqetësohet më së shumti për Eros Grezdën. Sulmuesi anësor i kombëtares është dëmtuar gjatë një seance stërvitore me Rejnxhërs. Ende nuk është përcaktuar përfundimisht shkalla e dëmtimit, por mendohet se gjakovari do të rrijë për një kohë të konsiderueshme jashtë fushave të blerta.

SportEkspres.com mëson se dyshohet që Grezda të ketë probleme me thembrën e akilit. Kontrollet mjekësore do të zbulojnë gjithçka, por rreziku është i madh që sulmuesi anësor të mungojë për rreth 10 javë.

Duke bërë llogaritë, Grezda do të rrezikonte të humbiste ndeshjet që Shqipëria do të luajë kundër Turqisë dhe Andorës, të vlefshme për kualifikueset e Euro 2020. Me Turqinë është programuar të luhet më 22 mars, kurse tre ditë më pas është në plan takimi me Andorrën.

Gjithsesi duhet pritur fjala e mjekëve të Rejnxhers. Shpresohet që për Grezdën ta kalohet sa më shpejt kjo situatë. Dëmtimet e kanë penalizuar ndjeshëm sulmuesin, i cili në momentin që të gjithë presin të shpërthejë, ndalet. Pritej shumë që në pjesën e dytë të sezonit ai të tregonte vlerat e tij dhe pse Rejnxher pagoi për të rreth 3 milionë euro.

Për të mos mjaftuar fakti që ende nuk është në lartësinë e pritshmërive që kanë në Kroaci për të, së fundmi Grezda ka pësuar edhe një dëmtim. Anësori shikohet në një foto me paterica dhe mbetet për t’u parë se sa do të qëndrojë jashtë.

SportEkspres.com mëson se i riu ka pësuar një dëmtim në kavilje gjatë një prej seancave stërvitore me Rejnxhers. Kontrollet mjekësore do të përcaktojnë saktësisht dëmtimin dhe kohëzgjatjen e rikuperimit të Grezdës.

TRANSFERIMI NË SKOCI – “Ishte një fillim i vështirë, duke pasur parasysh dëmtimin që më la jashtë për shumë kohë. Nuk isha në ritëm, por më pas nisa të luaja. Them se në fund e kam mbyllur në mënyrë të suksesshme”.

XHERARD – “E kam parë që fëmijë. Është ndjenjë e mirë që punoj me të. Është trajner dhe njeri shumë i mirë. Të sqaron dhe është shumë i afrueshëm. Të gjithë kemi raport të mirë me të”.

GOLI I PARË – “Ishte ndeshja e parë që luaja titullar. Aty gjithmonë stadiumi është i mbushur me 51 mijë tifozë. Nuk e kisha përjetuar kurrë një ndjenjë të tillë. Më erdhi besimi. Është një ndjenjë që i duhet një mesfushori apo sulmuesi”.

KOMBËTARJA – “Kishim vështirësi në krijimin e lojës së bukur me kombëtaren. Na ka munguar besimi dhe motivimi që kemi pasur në ndeshjet e shkuara. Edhe dëmtimet kanë ndikuar në eliminimin tonë. Trajneri ka pasur kohë dhe t’i shohë gabimet tona. Edhe ne besoj e kemi marrë vesh ku kemi çaluar. Shpresoj që ndeshjet e luajtura të na shërbejnë në kualifikueset e evropianit”.

PIKA MË E FORTË E SHQIPËRISË – “Besoj shumë te skuadra. E kemi treguar veten. Duhet të përsëritim lojërat e mira, të jemi një grup. Kjo është forca jonë më e madhe. Uroj të mos kemi dëmtime dhe të marrim rezultate të mira”.

Kris Suton, një ish-lojtar i Rejnxhërs, nuk është kursyer dhe i ka cilësuar si një katastrofë paraqitjet e Grezdës deri më tani. Jo vetëm kaq, por ai thekson se me atë që ka dhënë në fushë, ai është një lojtar që vlen 20 sterlina.

“Rejnxher ka një problem të madh, ka pak shkëndija. Eros Grezda për shembull ka qenë një katastrofë deri më tani. Trajneri i Shqipërisë, Kristian Panuçi, ka thënë se ai është një futbollist që do të vlejë 20 milionë euro, por me atë që ka dhënë deri tani, do ketë dashur të thotë 20 sterlina”, ëshët shprehur Suton për “Daily Record”.

Ditën e sotme, Grezda ka dhënë një intervistë në faqen zyrtare të klubit, ku ka folur rreth jetës së tij të re në Gllasgou dhe ambientimit të tij. Lojtari nga Gjakova, duket se i pëlqen çdo gjë rreth qytetit dhe klubit dhe se ndihet mjaft i lumtur që është pjesë e Rejnxhërsit.

“Më pëlqen gjithçka këtu, klubi, stafi, lojtarët, qyteti, kështu jam i lumtur që jam pjesë e Rejnxhërsit. Gjithashtu, ushqimi, restorantet dhe njerëzit këtu më pëlqejnë. E vetmja gjë që nuk më pëlqen, janë kushtet atmosferike. Megjithatë, kam filluar të mësohem edhe me këtë gjë”.

Trabzonspori i Ekuban shkatërroi Rizesporin e Ujkanit dhe Muriqit me rezultatin 4-1. Ish-sulmuesi i Partizanit zbriti në fushë në minutën e 78-të, kur rezultati ishte 2-0, ndërsa dhuroi asistin e golit të fundit për ekipin e tij. Nga ana tjetër, Vedat Muqiri ishte në formacion dhe luajti gjatë gjithë ndeshjes, ndërsa dhuroi një asist shumë të bukur për golin e vetëm të ekipit të tij.

Një pjesë loje u aktivizua dhe Samir Ujkani, i cili zëvendësoi Akan në fillimin e pjesës së dytë. Ky trepikësh e ngjiti Trabzonsporit në vendin e dytë me 29 pikë, gjashtë më pak se kryesuesit e Bashkashehirit, ndërsa Rizespori mbetet i fundit me 12 pikë.

Humbje dhe për Xhakomo Vrionin. Venecia e sulmuesit u mposht në shtëpi nga Kozenca me rezultatin 0-1, ndërsa sulmuesi i kombëtares u hodh në fushë nga trajneri Zenga në minutën e 65-të, por miqtë shënuan dhjetë minuta përpara fundit dhe dolën me tre pikë nga ky takim.

Lojtari i kombëtares shqiptare Eros Grezda, luajti gjatë të gjithë ndeshjes dhe pati rol vendimtar në golin  e vetëm skuadrës së tij, pasi gjithçka nisi nga një depërtim i tij në krahun e majtë.

https://www.youtube.com/watch?v=4psvlWetb9o

Mediet dhe tifozët skocezë nuk i kursyen elozhet për të dhe mbrojtësin kroat Barishiç, i cili së bashku me Grezdën krijuan raste të shumta për shënim nga krau i djathtë, por gjithë ai volum nuk vlejti , për shkak të shpërdorimeve të shumta nga sulmuesit e Rejnxhërs.

Barisic and Grezda link up so well impressed with them first half!

— BeardedAssassin (@SBGN27) December 16, 2018

Jack, Candieas or Grezda for me. Most of them played well but we should’ve pumped them 5/6-0. Candieas ran his heart out as usual. Jack played pretty well. Grezda put in lots of great balls into the box, but no one was there half of the time. Lafferty should’ve got 2/3 goals.

— Andrew Wilson (@AndrewGWilson1) December 16, 2018

“Kur të jepet një shans, kape, dil dhe trego sa vlen”, ka thënë mes të tjerash Xherard pas ndeshjes. Një mesazh i qartë për futbollistët e tij, që nuk e shfrytëzuan epërsinë numerike në ndeshjen e fundit dhe morën vetëm një pikë.

Grezda luajti 90 minuta në ndeshjen e fundit dhe fansat nuk janë të kënaqur me atë që sulmuesi anësor po jep. Sigurisht duhet kohë që anësori i kombëtares të përshtatet me futbollin skocez. Rejnxhërs pagoi për të 2 milionë sterlina dhe deri më tani nuk i ka justifikuar, referuar asaj çka mendojnë tifozët e klubit skocez

Skuadra e drejtuar nga Stivën Xherard luajti për 30 minuta më një lojtar më shumë, por epërsia numerike nuk u shfrytëzua nga futbollistët e tij. Sa i takon Grezdës, ai e nisi nga stoli.

Në minutën e 62-të gjakovari u hodh në fushë dhe u mundua të ndihmonte skuadrën e tij. Gjithsesi nuk ia doli dot dhe Rejnxhërs pas kësaj humbjeje të pësuar më Aberdenin mbetet në vendin e dytë, por Selltiku ka një ndeshje mangët.

Lodhja ka bë të të veten, teksa Grezda për “Tring Sport” tregon: “Ndeshja e fundit më lodhi shumë. Kthehesha mbas një dëmtimi shumë të gjatë dhe kur luan në 9 ditë 3 ndeshje janë shumë. Ndeshjen e fundit e kisha shumë problem, isha shumë i lodhur. Është shumë e rëndësishme që kur kthehesh të jesh në formë. Mezi po pres ndeshjen e radhës”, thotë fillimisht sulmuesi anësor.

Ai flet edhe për raportin me Stiven Xherard, i cili drejton skuadrën e Rejnxhërs. “Xherard më ka dhënë shumë besim dhe kam folur shumë me të. Ka besim të madh tek unë. Më ka thënë vetëm të jem i qetë, sepse Grezdën e madh do ta shohim”.

GOLAT E SHËNUAR – “Ishte ndeshja e parë që zhvillova në stadiumin tonë në formacion dhe kur luan aty është një ndjenjë e papërshkrueshme. Janë plot 50 mijë shikues. Në minutën e 85-të zgjidhet lojtari i ndeshjes. Kur pashë emrin tim atje lart në televizor, u gëzova shumë dhe më përgëzuan të gjithë”.

OFERTA E REJNXHËRS –  “Nuk e prisja interesimin e Xherard. Isha i dëmtuar për një kohë të gjatë, por kisha mbyllur një sezon të mirë. Isha në formë të mirë dhe ata i kanë parë ato ndeshje. Kur më kontaktoi, menjëherë pranova që të jem nën urdhrat e tij.

DERBI – ““Rejnxhër-Sëlltik është derbi më i madh në Europë. Kur luajnë njëra me tjetrën është një atmosferë që nuk përshkruhet dot. Do luajmë në datën 30 dhjetor në shtëpi kundër Sëlltikut. Shpresoj që ta mbajmë ritmin dhe që ndeshjen e fundit të fitojmë dhe ta kalojmë rivalin.

KOMBËTARJA – Në Skoci e pak të vështirë me kushtet atmosferike, ndërsa për të ardhmen nuk është se ka shumë të mendojë. Kontrata e tij me Rejnxhërs ëshët e vlefshme për katër vite. Ai pranon krizën te kombëtarja, por thekson se reagimi erdhi me Uellsin.

“Në ndeshjen e fundit mblodhëm të gjitha forcat dhe treguam që jemi bashkë. Ajo është Shqipëria e vërtetë. Kur jemi bashkë rezultatet do vijnë. Ishim mjaft krenar mbas ndeshje. Me trajnerin Panuçi kemi raporte shumë të mira, të gjithë lojtarët. Ai ka besimin tonë. Faji nuk është vetëm i atij. Në lojtarët nuk kemi qenë në ditën tonë më të mirë. Besoj që tani kemi mjaft kohë. Shpresoj që të gjithë jemi gati për sfidat e marsit. Sa herë luaj me Kombëtaren është një ndjenjë komplet ndryshe nga ajo me klubin. Me klubin luajmë gjithmonë për fitore, por edhe me Shqipërinë shpresoj që të sjellim rezultate dhe lojërat e mira, ashtu siç na njohin tifozët tanë”, është shprehur Grezda.

Në seancën e djeshme në një moment ai nisi të luajë edhe me topin, teksa u pa të bëntë disa pasime të forta me trajnerin Kristian Panuçi. Sigurisht nuk është një tregues se ai do të jetë gati për ndeshjen me Skocinë, por ka shpresa që futbollisti i Rejnxhërs të jetë në dispozicion të Panuçit.

I pafat ka qenë Emanuele Ndoj. Mesfushori i Breshias dy ditë më parë punoi veçmas grupit dhe dje tentoi të stërvitej normalisht. Sërish dhimbje për të dhe tashmë ndeshja me Skocinë me shume gjasa është humbur prej mesfushorit.

Gjendja e tij do të shihet sot dhe nesër dhe do të vendoset përfundimisht. Veç Grezdës, probleme ka sërish edhe për mesfushorin Emanuele Ndoj. Një ditë më parë futbollisti i Breshias punoi i diferencuar dhe sot tentoi të bashkohej me grupin.

Gjithsesi ai nuk ka qenë në gjendje ta bëjë diçka të tillë dhe ka vijuar të punojë veçmas grupit. E reja tjetër e seancës së radhës stërvitore ka të bëjë me Albion Ademin. Sulmuesi ka lënë Shpresat dhe është bashkuar me ekipin e drejtuar prej Kristian Panuçit.

Por duket se nuk do të ndodhë kështu. Sipas asaj që raporton “Telesport”, Grezda nuk do të jetë gati për ndeshjen me Skocinë. Problemi që ka pasur në pulpë këto ditë e pengon gjakovarin të japë kontributin e tij për kombëtaren.

Mbetet në dyshim edhe prania e tij në miqësoren me Uellsin, ndaj nuk përjashtohet mundësia që Grezda të lërë para kohe grumbullimin me kombëtaren. Kjo do të ishte një humbja e madhe për kuqezinjtë, pasi anësori është një nga lojtarët më të rëndësishëm të formacionit.

Para ndeshjeve me Skocinë dhe Uellsin problemet kanë qenë të shumta. Sadiku nuk ishte gati të grumbullohej, Balliu nuk u lejua nga Metz, si dhe për shkaqe dëmtimesh u larguan nga grumbullimi Alban Hoxha dhe Ermir Lenjani.

Elseid Hysaj është i pezulluar me kartonë, ashtu si Migjen Basha. Së fundmi shqetësime ka shfaqur edhe mesfushori Emanuele Ndoj. Futbollisti i Breshias ka punuar i diferencuar ditën e sotme. Shpresohet që lojtari me origjinë nga Mirdita të mos ketë ndonjë problem madhor.

Sa i takon Eros Grezdës, ai vijon të jetë nën vëzhgimin e stafit mjekësor. Sërish nuk ka punuar së bashku me pjesën tjetër të ekipit. Sikurse shihet edhe nga fotot e siguruara nga seanca e sotme stërvitore, fashimi në pulpën e sulmuesit anësor është goxha i madh.

Deri më tani nuk bëhet me dije situata e tij. Të gjithë presin që Grezda të jetë gati për ndeshjen me Skocinë, ndaj edhe me shumë mundësi nuk po rrezikohet shumë me të dhe po lihet të punojë i diferencuar deri kur të jetë gati plotësisht.

Ai që ka shqetësuar të pranishmit ka qenë Eros Grezda, i cili në momentin që doli në stërvitje po mbante akull në kofshë. Shpresohet të mos ketë diçka për sulmuesin anësor të Rejnxhërs. për t’u vlerësuar është situata e Rei Manajt.

Vetë trajneri Kristian Panuçi u shpreh në konferencë për shtyp një ditë më parë se lushnjari ka pasur shqetësime së fundmi dhe po vlerësojnë mundësinë për të përfshirë në grup Fiorin Durmishajn.

Ndërkohë me ekipin është bashkuar për herë të parë edhe mbrojtësi Ardian Ismajli. Futbollisti i Hajduk Split është parë të qëndrojë së afërmi me Frederik Veselin. Edhe Egli Kaja, i ftuar në momentin e fundit, ka mbërritur në Shqipëri dhe ka zbritur menjëherë në fushë.

NDESHJA – “Mezi po e pres këtë ndeshje, pasi do të luaj në vende që janë lënë bosh nga Kandeiash dhe Kent. Është një ndeshje e madhe për klubin e për mua dhe shpresoj që të arrijmë të fitojmë. Është një mundësi shumë e mirë për mua, pasi lojtarët që mungojnë në këtë takim zhvilluan një muaj shumë të mirë dhe mu desh të prisja për shansin tim dhe mendoj se sapo më erdhi tani”.

SKOCIA “Të jem i sinqertë para se të vijë këtu nuk dija shumë për Skocinë, por tani e kam krijuar një lloj ideje për kampionatin këtu. Më datë 17 nëntor do të luajmë ndaj Skocisë në Shqipëri. Është një takim shumë i rëndësishëm për ne, pasi na duhet të fitojmë për të qëndruar në ‘Nations League’, por ndeshja e radhës është të dielën, kombëtaret vijnë më pas”, tha Grezda.

Në fund gazetarët skocezë e ngacmuan Grezdën duke e pyetur se a do t’i pëlqente të shënonte portierit të Skocisë Alan Mekgregor, i cili është dhe kolegu i tij te Rejnxhërs. Shqiptari tha se kishte biseduar për këtë takim me gardianin: “I thashë disa herë se sa e rëndësishme është kjo ndeshje për ne dhe se do të për të pamundurën për t’i shënuar atij”, përfundoi shqiptari.

Sulmuesi i kombëtares shqiptare u aktivizua deri në minutën  e 55-të. Gjatë pjesës së parë Rejnxhërs u dominuan nga kundërshtari. 23-vjeçari u shfaq i rrezikshëm në fillim të pjesës së dytë, kur gjuajtja e vetme e tij u ndal nga shtylla, por pak minuta më vonë do të vinte dhe zëvendësimi i tij me sulmuesin portugez Kandeiash, i cili shënoi dhe golin që i dha avantazhin skuadrës së tij në minutën 80-të.

Ndërkohë në rrjetet sociale tifozë të shumtë të “gjigantit” skocez janë shprehur të pakënaqur me paraqitjen e Grezdës, duke theksuar se për të janë paguar 2 milionë paundë dhe pritshmëritë janë të mëdha.

Ai u aktivizua për Ahmat Grozni në minutën e 82-të kundër Dinamos së Moskës. Ndeshja u mbyll në barazim pa gola dhe sulmuesi i kombëtares nuk e ndihmoi dot skuadrën e tij të fitonte në shtëpi. Sindrit Guri, tjetër sulmues në orbitën kuqezi, nuk luajti asnjë minutë të shtunën me Ostenden.

Albasete fitoi me përmbysje dje ndaj Ekstremadura dhe nuk pati nevojë për kontributin e Rei Manajt. Sulmuesi lushnjar e ndoqi të gjithë takimin nga stoli. Edhe Eros Grezda nuk mori asnjë minutë në ndeshjen gjysmëfinale të Kupës, që Rejnxhërs e humbi me Aberdenin 1-0.

Edhe për Xhakomo Vrionin nuk kishte minuta të premten. Sulmuesi, i cili debutoi me Izraelin, nuk mori në asnjë minutë në ndeshjen që Venecia barazoi në transfetë me Palermon. Uzuni është nga ata që po luan rregullisht me Lokomotivën. Edhe këtë javë ishte titullar në fitoren 4-0 që mori skuadra kroate. Por as beratasi nuk shënoi këtë herë.

Trajneri Stiven Xherard u përqendrua pikërisht te ai episod. Ish-kapiteni i Liverpulit ishte i bindur se kontakti në zonë ishte i ndëshkueshëm, por i tërhoqi edhe vëmendjen Grezdës. “Nga fusha dukej si penallti, por nuk i kam parë përsëritjet. Megjithatë, lojtari ynë aktroi pak më tepër në momentin e rënies dhe arbitri vazhdoi lojën. Nuk kemi asnjë pretendim për gjykimin”, tha ai pas ndeshjes.

Xherard vendosi një rekord të ri për klubin nga Gllazgou, duke registruar rezultatin e 11 pozitiv me radhë në ndeshjet ndërkombëtare, duke thyer primatin e skuadrës që 25 vjet më parë arriti në finalen e turneut të parë të Champions League. “Më thanë që do të vendosnim një rekord, por më tepër se kjo, jam i kënaqur për rritjen që ka patur skuadra. Komplimente djemve, sepse jemi rritur si skuadër”.

“Arritëm të frenonim një ekip që ka luajtur në Champions, madje provuam ta fitonim ndeshjen, por na mungoi cilësia në finalizimin e aksioneve. Nëse do të më kishin thënë se pas tre ndeshjeve të para do të kishim tre pikë, do të kisha firmosur menjëherë. Por, nuk kënaqemi me kaq, do të qëndrojmë të përqendruar për ndeshjet e radhës”.

Humbje dhe për Gllasgou Reinxhërs, që humbi në transfertë përballë ekipit të Livingstonit me rezultatin 1-0. Menga shënoi golin e fitores për vendasit, ndërsa Eros Grezda ishte i pranishëm në stol. Trajneri Xherard vendosi të mos i jepte asnjë minutë gjakovarit, ndërsa kjo humbje e mban Reinxhërsin në vendin e gjashtë me 11-të pikë, shtatë më pak se kryesuesit e Hartsit.

Një fitore historike për Livingston, që arrin të triumfojë përballë Reinxhërs pas 16 viteve. Gjatë ndeshjes së sotme ndodhi dhe një episod negativ, ku tifozët e Reinxhërs goditën anësorin e ndeshjes.

Play halted in Rangers v Livingston game as Assistant Referee is struck by an objecthttps://t.co/vEJrLoFaGv pic.twitter.com/HJq6AQqLTl

— Scottish Sun Sport (@scotsunsport) September 30, 2018

Pa pikë e ka mbyllur dhe Donis Avdijaj i Uillem II, që u mposht në transfertë me De Gras’shafin me rezultatin 2-1. 22-vjeçari ka luajtur gjatë të gjithë takimit, por pa arritur të ndihmojë ekipin e tij që të shmangë humbjen. Uillem II e mbylli ndeshjen me nëntë lojtarë, pas daljeve me të kuqe të Akainak në minutën e 18-të dhe Palasios në minutën e 64. Miqtë ishin të pafat, pasi Ljuis shënoi autogol një minutë përpara fundit, duke i dhuruar tre pikët vendasve.

Por gjithsesi, për Grezdën duket se nuk ka kohë për t’u mërzitur. Sot lojtari i kombëtares sonë luajti në sfidën që ekipi rezervë i Rejnxhers zhvilloi ndaj Motheruell. Fitore tenistike 6-2 e skuadrës nga Gllasgou, por ajo që vlen për t’u përmendur është se Grezda shënoi golin e avantazhit të dyfishtë për Rejnxhërs në minutën e 41-të.

FULL-TIME: Rangers 6-2 Motherwell (Palmer 33 Grezda 41 Mebude 73 85 90 Dallas 78 | Semple 57 Bowers 70)

Six goals at The Hummel Training Centre give #RangersFC a well-deserved victory in the @SPFL Reserve League.

Highlights will be available to view later on @RangersTV. pic.twitter.com/EbKQalQd5s

— Rangers Youth Academy (@RFC_Youth) September 24, 2018

Një kundërpërgjigje e menjëhershme e 23-vjeçarit për trajnerin Xherard, i cili e kërkoi me mjaft ngulm që ta kishte nën urdhrat e tij.

“Po bëhen dy javë që jam këtu dhe jam shumë i lumtur që ndodhem këtu. I gjithë stafi është shumë profesionist dhe unë po punoj shumë mirë me ta. Më pëlqejnë shokët e ekipit dhe kënaqem duke luajtur me ta. Siç e thashë, jam shumë i lumtur që ndodhem në këtë ekip.

Të gjithë më kanë ndihmuar. Kur erdha këtu fillova të bisedoja dhe t’i pyesja për të mësuar gjithçka, sepse është një diferencë e madhe për mua të vij nga futbolli europian në futbollin britanik. Shokët më kanë ndihmuar në ditët e para, tani po përshtatem dhe gjithçka është ok.

Nuk jam akoma gati, por po punoj shumë për t’u rikthyer. Stafi vendos, por nëse do të luaj nesër, do të jap maksimumin tim dhe do bëj detyrën time”, përfundon 23-vjeçari nga Gjakova.

Anësori tani edhe është i lidhur ngushtë me Skocinë, pasi Gllasgou Rejnxhërs pagoi rreth 3 milionë euro për transferimin e futbollistit nga Gjakova. Për shkak se nuk ishte gati për lojë Grezda u largua nga grumbullimi, kurse tani do e ndjekë ndeshjen me Skocinë në tribunë.

Para takimit ai ka pasur edhe një takim me kreun e Federatës Shqiptarë të Futbollit, Armand Duka, si dhe me Sekretarin e Përgjithshëm Ilir Shulku.

“Kur shikonim se sa i talentuar është Grezda, të gjithë prisnim që ai të shkonte në një stad më lart se Rejnxhërs. Ai është një lojtar që mund të jetë i klasit botëror. Por unë jam i sigurt që ai do të jetë në gjendje ta provojë veten te Rejnxhërsi. Duke ditur cilësitë e tij, ai do të ketë një impakt të madh”, është shprehur Bushi, sikurse raporton “Express.co.uk”.

Më tej ish-sulmuesi ka shtuar: “Ai meritonte një transferim më të madh dhe mendoj se do të bëjë mirë në Skoci. Ai është një lojtar i rëndësishëm për Shqipërinë dhe kur ai luan mirë, ne tentojmë të bëjmë mirë. Erosi ka punuar shumë dhe i uroj atij fat”.

Grezda ka shkëlqyer në Kroaci me Osijekun dhe vetëm pas një viti u shit për rreth 3 milionë euro. Më parë ai kishte qenë pjesë e Lokomotivës së Zagrebit, ku edhe ra në sy për herë të parë, duke fituar edhe një vend në kombëtaren shqiptare.

Grezda sezonin shkuar ishte pjesë e Osijekut, që e bleu 23-vjeçarin nga Lokomotiva e Zagrebit, ku edhe ai shkëlqeu. Tashmë lëvizja e radhës ishte shumë e rëndësishme dhe vetë lojtari e pranon diçka të tillë.

“Është një eksperiencë e pabesueshme për mua. Kam ëndërruar që fëmijë për të luajtur në një klub të madh me fansa të shumtë. Nuk mund të ketë më mirë për mua se sa fakti që jam këtu. Mezi pres të luaj përballë tifozëve të zjarrtë”, është shprehur Grezda fillimisht, ndërkohë që nuk ndalet me kaq.

“Ishte momenti i duhur për të lëvizur në një ligë të tillë dhe në një klub të madh si Rejnxhërs. Mendoj se është një hap i madh për mua në karrierë”, është shprehur sulmuesi anësor për faqen zyrtare të Rejnxhërs.

Eros Grezda shfaqet me këmbë në tokë dhe nuk dëshiron të komentojë mbi zërat e kalimit në Skoci. Ai është i përmbajtur në prononcimin e dhënë për “Telesport” dhe objektivi i tij kryesor për momentin është kombëtarja. Shqipëria përballet me Izraelin me datë 7 shtator për “Nation League” dhe anësori ofensiv kërkon të bëjë mirë me kuqezinjtë dhe ka besim te vetja dhe ekipi.

“Nuk mund të flas për punën me Xherard, sepse nuk e di a do të punoj me atë. Asgjë në kombëtare nuk është e sigurt. Mund të jem lider në fazën sulmuese ndoshta. Lideri i kombëtares është kapiteni për mendimin tim. Kombëtarja shqiptare ka kualitetin që mund t’i kalojë të gjitha ndeshjet e National League”, flet Grezda për “Telesport”.

Ekipi skocez u kualifikua sot në fazën e grupeve të Europa League, pasi eliminoi rusët e UFA-s. Djemtë e Xherard kishin fituar ndeshjen në shtëpi me rezultatin 1-0, ndërsa sot, ata barazuan 1-1 në Rusi. Skocezët u ndëshkuan me karton të kuq në pjesën e parë, ndërsa në minutën e 67’ mbetem me 9 lojtarë. Megjithatë, ata rezistuan dhe kaluan më tej. Një lajm i mirë dhe për Grezdën, i cili do të ketë mundësi të luajë në fazën e grupeve të Ligës së Europës.

Ky i fundit është ndalur te përforcimi i ri, i cili është blerja e 13-të në këtë merkato për ekipin skocez. Legjenda e Liverpulit ka komente pozitive për 23-vjeçarin dhe është i bindur se fansat e Rejnxhërs do të dashurohen me stilin e tij të lojës.

“Eros po kryen kontrollet mjekësore dhe nuk dua të flas shumë derisa t’i kalojë ato me sukses, por ai është një lojtar i shkëlqyer dhe fansat do dashurohen me të, sepse do të kontribuojë shumë për ofensivën e ekipit tonë. Ai është me të vërtetë i shpejtë, një lojtar i fortë dhe me eksperiencë ndërkombëtare.

Sipas Barisiç dhe Katiç, Grezda ishte lojtari më i mirë i Osijekut në sezonin e kaluar. Ai është një lojtar i rrezikshëm, por edhe pse do të dëshiroja të mos shija asnjë lojtar të dëmtuar, në ishim me fat që ai nuk luajti përballë nesh në ndeshjet që luajtëm me Osijekun. Shpresojmë që ai do të bëhet një lojtar i madh, i cili do të na ndihmojë të ecim përpara”, përfundon Stiven Zherard për lojtarin nga Gjakova.

Grezda është blerja e tretë e Rejnxhërs nga kampionati kroat, sepse gjatë kësaj merkato skocezët transferuan dhe shokun tij te Osijeku, Borna Barisiç dhe Nikola Katiç nga Sllaven Belupo. Klubi i ri zhvillon ndeshjen e kthimit për fazën plej-of të Ligës së Europës sot në Rusi. Reinxhërs fitoi ndeshjen e parë me UFA-n me rezultatin 1-0 dhe do të kërkojnë kualifikimin në fazën e grupeve.