Presidenti i ka dalë kundër të gjithëve që kërkonin “kokën” e trajnerit dhe e ka konfirmuar atë. Një bisede dypalëshe është zhvilluar mes tij dhe Valverdes, aty ku ky i fundit i ka premtuar se nuk ka ndërmend të heqë dorë nga projekti dhe ndihet shumë i motivuar për sezonin e ri.

Nëse Valverde do të qëndrojë, largimet do të jenë në masë. Plot 9 futbollistë pritet të largojë Barcelona në verë! Kevin Prins Boateng dhe Xheison Murijo ishin në huazim dhe do të kthehen andej nga erdhën.

Mbrojtësit Vermalen dhe Pereirës i përfundon kontrata dhe për ta nuk do të ketë rinovim. Andre Gomes pritet të blihet nga Evertoni, ndërsa në merkato kanë përfunduar edhe dyshja Rafinja-Denis Suarez.

Por jo vetëm kaq. Cilesen është pranë Benfikës, pavarësisht se 12 milionë euro është diferenca mes ofertës së portugezëve dhe kërkesës katalanase. Edhe Umtiti pritet të largohet, ashtu si braziliani Kutinjo.

U duk se ishin vetëm fjalë, por finalja e Kupës së Mbretit i vuri vulën. Barça dështoi përballë Valencias, që fitoi trofeun me meritë. Humbja e fundit është përjetuar keq dhe drejtuesit kanë marrë një vendim.

Sipas raportimeve të “Rac 1”, radios katalanase, Ernesto Valverde nuk do të jetë më trajner i Barcelonës. Klubi ka vendosur të shkarkojë 55-vjeçarin dhe zyrtarizimi pritet të ndodhë këto ditë.

Ai që pritet ta zëvendësojë është Roberto Martinez. Katalanasit kanë piketuar trajnerin e Belgjikës si njeriun e duhur për t’i besuar stolin. Spanjolli zhvilloi një Botëror shumë të mirë me belgët, ndërsa tani pritet t’i vijë oferta për të drejtuar Barcelonën. Megjithatë, në garë për stolin janë edhe Maks Alegri, Ten Hag i Ajaksit dhe Ksavi Hernandez.

“Një muaj më parë fitonim kampionatin dhe shpresonim se mund të kompletonim tripletën. Pritshmëritë ishin të larta dhe ne u përpoqëm t’ia dilnim. Valencia është një ekip shumë i rrezikshëm në kundërsulm. Luajtëm pranë portës së tyre, por hasëm vështirësi në finalizim”.

“Ndeshja e sotme ishte ndryshe nga ajo në “Anfield”. Në pushimin e ndeshjes i kujtova se ia kishim dalë ta përmbysnim Valencian gjatë këtij sezoni. U përpoqëm deri në fund, dhamë gjithçka, por nuk ia dolëm dot”.

A e keni të vështirë të vazhdoni? – “Shiko, çdo trajner duhet të ketë vullnet për t’i kthyer gjërat në rrugën e mbarë. Nëse do të ishte në dorën time të zgjidhja midis eliminimit në fazën e 1/8-ve ose në çerekfinale, do zgjidha finalen”, përfundoi Valverde.

 Argjentinasi nuk mendon kështu. Ai nuk i lë përgjegjësi trajnerit, por shprehet se disfata erdhi nga faji i djemve, që ishin në fushë. Shprehet se ka qenë tepër e vështirë për të marrë veten pas asaj humbje. Trofetë indivudualë nuk janë pjesë e mendimeve të tij. “Pleshti” dëshiron të çojë një trofe tjetër në shtëpi për të gëzuar sadopak tifozët.

PAS LIVERPULIT- “Ka qenë shumë e vështirë për t’u ngritur pas asaj disfate. Është parë në ndeshjen pas Liverpulit, që mu desh të luaja. Goditja ishte shumë e madhe, vërtet. Tani vjen një finale dhe mundësia për të bërë dopietë. Ta mbyllim mirë pavarësisht sesi shkuan gjërat. Si në të gjitha finalet ku shkojmë ne do mundohemi ta fitojmë dhe këtë.”
KRITIKAT NDAJ VALVERDE- “Nuk kam lexuar shumë rreth kritikave ndaj trajnerit. Mendoj se ka bërë një punë të mrekullueshme sa ka qenë këtu. Ndaj Liverpulit nuk ka qenë faji i tij. Nuk mund të kalojmë te rasti i njëjtë i Romës, por luajtëm një tjetër ndeshje për të ardhur keq. Kemi lënë një imazh jo të mirë në dy vite rresht. Të ishim në finale nuk do ta lejonim kurrsesi të ndodhte kjo.

Trajneri ka një pjesë të tij, por gabimi më i madh ishte joni. Dua që Ernesto të vazhdojë. Ndoshta disa nuk e duan, por ne kemi fituar dopietën. Njolla e tij tek tifozët është mënyra sesi jemi eliminuar në Champions këto dy vite. Tani luftojmë për një tjetër dopietë, që nuk është sukses i vogël. Pjesa dërrmuese e sezonit ka shkuar shumë mirë për ne.”

LARGIM?- “Eliminimi nuk më bën të mendoj të lë Barçën.”

PREMTIMI-“Unë premtova se do fitojmë Champions-in? Nuk më vjen turp për këtë. Thashë se do të bëjmë çdo gjë, që është e mundur për të sjellë atë trofe këtu, jo do e sjell.”

TROFETË PERSONAL-“Nuk mendoj rreth Këpucës së Artë. Nuk është në kokën time. Ne po mundohemi të marrin veten pas asaj disfate dhe nuk mendoj asnjë trofe personal, por të fituarit kupën.”

Sot para zyrave të stadiumit “Camp Nou” është fotografuar Ronald Kuman. Trajneri aktual i Holandës ka shpenzuar dhjetë minuta në ambjentet e brendshmë të stadiumit dhe më pas ka shkuar në hotel “Sofia”. Ajo që shton më shumë dyshimet është fakti që hoteli është në pronësi të zëvendës presidentit të Barcelonës, Zhordi Mestre.

“Sport.es” me këtë lajm shton edhe më shumë dyshimet se Kuman do të jetë pasardhësi i Valverde. Ky i fundit mund të shkarkohet në mbyllje të sezonit, pas finales së Kupës së Mbretit.

Y según informa @Marsallorente.

Podemos confirmar que RONALD KOEMAN ha visitado las oficinas del BARÇA en el Camp Nou a las 11h, y 45 minutos más tarde, sobre las 11.55h, ha estado en el HOTEL SOFIA de la Diagonal. pic.twitter.com/mwe6zhmTeu

— Sin Concesiones (@sinconcesiones) May 16, 2019

Humbja 4-0 me Liverpulin ishte katastrofike dhe presidenti Josip Maria Bartomue është shprehur shkurtimisht pas ndeshjes: “Duhet kohë për të reflektuar mbi këtë që ndodhi. Për të dytin vit radhazi përjetojmë një natë të tillë katastrofike”.

Valverde nga ana tjetër ishte i qartë: “Sigurisht që trajneri duhet të marrë përgjegjësitë e tij”. Tekniku spanjoll është në duart e drejtuesve, të cilët duhet të vendosin për të ardhmen e tij në krye të Barcelonës. tifozët janë të zhgënjyer dhe kërkojnë “kokën” e trajnerit.

Pas finales së Kupës së Spanjës me Valencian pritet që edhe të merret vendimi final për vazhdimësinë. Aktualisht nuk ka emra që qarkullojnë për ta pasuar. Fillimisht duhet vendosur se çfarë do të bëhet me Valverden.

Tekniku bask ka vlerësuar lojën e skuadrës së dhe ka kujtuar se kualifikimi për në finale mbetet i hapur.

NDESHJA – “Është një rezultat i mirë ndaj një skuadre të fortë. Na u desh të vuanim shumë që të mos pësonim gol. Janë një skuadër e madhe. Kanë mbetur edhe 90 minuta. E dimë çfarë na pret. Vitin e kaluar u eliminuam në çerekfinale pasi kishim një avantazh prej tri golash. Pra kualifikimi për ne finale mbetet krejtësisht i hapur, Liverpuli do të na e bëjë shumë të vështirë”.

MESI – “Leo të befason gjithmonë. Goditja e dënimit ishte nga një largësi e madhe. Unë nuk isha i sigurt nëse do të provonte të gjuante. Nuk e di se si e bën, por në momentet më të vështira ai përherë e tregon veten. Ai ka aftësinë t’i mbajë kundërshtarët në ankth gjatë të gjithë kohës. Është lideri i kësaj skuadre”, tha Valverde.

Në daljen për shtyp, Valverde u shpreh se skuadra e tij nuk duhet të bëjë gabimin e PSG-së që e la kualifikimin të hapur deri në momentin e fundit.

NDESHJA – “Ideja jonë është që të futemi për ta fituar. Duhet të zhvillojmë atë lojë që dimë të bëjmë ne. Ata mund të na ndëshkojnë në momentet e fundit”.

DEMBELE – “Dembele është i grumbulluar dhe mund ta nisë nga minuta e parë, por nuk e di sa minuta mund të mbajë, pasi nuk luan prej disa javësh”.

KUNDËRSHTARI – “Çfarë kam më shumë frikë te Mançester Junajtid është shpirti i garës dhe historia që kanë krijuar. Janë shumë të rrezikshëm”.

ELIMINIMI NDAJ ROMËS – “Ajo eksperiencë e dhimbshme na hyn në punë tani. Të gjithë jemi të vetëdijshëm se nuk do ta kemi të lehtë të kalojmë më tutje”.

ASGJË NUK KA MBARUAR – “Një nga objektivat ishte që të shkonim në Mançester me moral të lartë dhe pas kësaj ndeshje e arritëm këtë. Duhet të vazhdojmë, nuk kemi fituar asgjë. E dimë se është një fitore e madhe. Kemi marrë tri pikë të rëndësishme. Jemi më afër, por duhet të vazhdojmë sepse akoma nuk kemi asgjë të sigurt. Janë ende ndeshje për të luajtur dhe shumë pikë në lojë”.

ANALIZË E NDESHJES – “Ndeshja filloi me ritëm të lartë dhe ata ishin të rrezikshëm. Kishim dy raste të pastra me Kutinjon dhe Albën. Largimi i Diego Kostës e ngadalësoi ndeshjen. Duhej të kishim përfituar nga epërsia numerike, por nuk ia arritëm. Ata ndryshuan modulin dhe ne nuk gjetëm dot pika pasimi. Në pushim u shpjegova djemve se na duhej më shumë ritëm, sepse ata ishin me një më pak. Më pas ata ndjenë lodhjen, por portieri i tyre ishte i jashtëzakonshëm. Në fund ndodhi ajo që pamë”.

MANÇESTER JUNAJTID– “Të mërkurën na pret një ndeshje e madhe. Është një ekip i fortë dhe luajnë me zemër. Janë djem të talentuar dhe një skuadër e fortë fizikisht. Është një klasike e futbollit europian. Barça nuk ka fituar kurrë në ‘Old Trafford’, por ne do përpiqemi ta ndryshojmë këtë. Ndryshime në Angli? Kur ka shumë ndeshje në një kohë kaq të shkurtër, natyrisht që mund të ketë ndryshime”.

Trajneri Valverde në konferencën para ndeshjes u shpreh se do ta ndjekë me kujdes situatën e tij. Ai shtoi se nuk do të rrezikojë ta aktivizojë lojtarin pa qenë 100%, pavarësisht se janë dy ndeshje delikate.

“Ai nuk do të luajë kundër Atletikos dhe nuk e di çfarë do të ndodhë ndaj Mançester Junajtid. Ne nuk duam ta rrezikojmë atë nesër apo të mërkurën sepse na presin ndeshje të vështira më pas. Ndaj Atletikos është e sigurt se nuk do të jetë.

Dembele është kthyer në një pikë kyç për blaugranat, ku ka arritur të përshtatet pas problemeve të hasura në fillim. Francezi regjistron 13 gola dhe 5 asiste për katalanasit këtë sezon. Megjithatë ka treguar një brishtësi fizike, ku ka pasur dy ndalesa për shkak dëmtimesh në këtë sezon.

Vilareali reagoi mrekullisht duke e kthyer në 4-2. Gonzales u ndëshkua me karton të kuq në minutën e 88-të çka e ndimoi Barçën të merrtë zemër për të shënuar dy gola në shtesë, duke vulosur barazimin 4-4.

Trajneri i katalanasve u shpreh se ishte një ndeshje e çmendur. Ai tha se barazimi në minutat e fundit lë një shije të mirë edhe pse humbën dy pikë. “Ishte një ndeshje e çmendur. U duk sikur do ta fitonim lehtë ndeshjen, por më pas gjithçka u komplikua. Ne nuk arritëm të bënim presingun e duhur dhe ata përfituan me daljet e tyre të shpejta.”

“Duhet të mesojmë nga kjo humbje sepse kemi shfaqur dobësi. Nuk duhet ta lejojmë kurrsesi kundërshtarin të na e marrë situatën nga dora në ato kushte. Na presin dy ndeshje vendimtare në ditët në vijim. Gjithsesi barazimi në minutat e fundit na lë një shije të mirë.”

“Sigurisht që ne varemi nga Messi. Ai është shumë i rëndësishëm për ne. Gjithsesi ne arritëm të shënonim dy gola në fillim pa të në fushë.” Për mungesën e Rakitiç dhe Pike ai u shpreh se duhet t’i ruante sepse rrezikonin ndeshjen me Atletikon të shtunën për shkak të kartonëve.

“Nuk e di nëse do të  ndryshojë diçka nga ndeshja e kaluar. Me 0-0 nuk ndodh asgjë. Ata kanë armët e tyre, sidomos në sulm, pasi lojtarët e tyre janë të shpejtë dhe do mundohen të shfrytëzojnë rastet e krijuara. Janë një ekip që e marrin iniciativën. Duam të kalojmë më tej, kjo është ajo që duam. Le të shëohim nëse do t’i konkretizojmë mundësitë që kemi”, tha tekniku i Barcelonës para mediave.

Atij i është kujtuar edhe eliminimi i bujshëm që i bëri Roma vjet: “Jemi të vetëdijshëm për atë që ndodhi një vit më parë. Po shohim pjesën tjetër të takimeve të Champions League për të vlerësuar kundërshtarët dhe e dimë që rezultati i ndeshjes së parë nuk shërben shumë. Rezultati ynë është i balancuar dhe duhet të fitojmë për t’u kualifikuar”.

Ousman Dembele ka shqetësuar katalanasit gjatë kësaj periudhe dhe Valverde thekson se do të mendohen mirë për aktivizimin e tij: “Do shohim gjendjen e tij dhe më pas do vendosim nëse do të luajë apo jo. Është një ndeshje vendimtare dhe nuk mund të rrezikojmë e më pas ta zëvendësojmë”.

Në fund edhe një koment për rikthimin e Zinedin Zidan në krye të Realit të Madridit. “Zidan është një trajner i madh dhe rikthehet në një klub të madh. Të gjithë marrin vendimet e tyre. Ai e ka bërë dhe do takohemi sërish tani”, përfundoi Valverde.

Trajneri udhëhoqi ekipin katalanas drejt fitimit të titullit kampion dhe Kupës së Mbretit gjatë sezonit të kaluar, ndërsa sivjet kërkohet të fitohet gjithçka, pa harruar futbollin argëtues për tifozët. Valverde ka folur për “Barça TV”, duke thënë fjalët e para pas nënshkrimit të kontratës së re.

“Po përjetoj një situatë unike. Jam i lumtur, sepse klubi po vlerëson punën time. Më kanë ofruar mundësinë për të vazhduar dhe kam mbetur i magjepsur. Ndjej përgjegjësinë për të realizuar objektivat e klubit dhe duam ta bëjmë Barcelonën sa më të madhe. Kjo arrihet me trofe dhe një futboll argëtues për tifozët. Të jesh pjesë e kësaj është diçka me të vërtetë unike“, përfundon trajneri i ekipit katalanas.

Ernesto Valverde është pyetur për gjendjen e Leo Mesit, i cili është i dëmtuar dhe rrezikon të mos jetë pjesë e ekipit mbrëmjen e nesërme. Gjithashtu, tekniku i blaugranave u pyet dhe mbi ndeshjen dhe çështjen e kualifikimit, por edhe për rikthimin e mundshëm të Dembele.

NDESHJA – “Nuk mendoj se në një gjysmëfinale midis Barçës dhe Reali ka favoritë. Kualifikim është krejtësisht i hapur. Kemi lojtarë të mirë, më të mirët në Botë, por edhe ata kanë lojtarë të mirë gjithashtu, kështu që gjithçka do të jetë e hapur.”

DËMTIMI I MESIT – “Nëse Leo ndihet mirë mund të jetë në lojë, por gjithsesi është herët për të folur. Nuk besoj se do të ndryshojë plani i lojës në varësi të prezencës së Mesit. Ne gjithmonë mundohemi të bëjmë lojën tonë. Të kemi topin dhe të shënojmë gola.”

DEMBELE – “Do të testohet përsëri dhe do të shohim deri në momentin e ndeshjes në rast se do të luajë apo jo.”

Leo Mesi shënoi një dygolësh duke barazuar avantazhin e dyfishtë të miqve, por ai ka pësuar një dëmtim në këtë ndeshje. Kapiteni është detyruar të largohet përpara kohe nga loja, si pasojë e një dëmtimi në këmbën e djathtë.

Ai është në dyshim për “El Classico-n” e së mërkurës për llogari të gjysmëfinales së parë të Kupës së Mbretit. Mesi humbi dhe sfidën e kampionatit kundër Realit, por ky dëmtim është më i thjeshtë si i mëparshmi.

Diçka e tillë konfirmohet dhe nga trajneri i Barcelonës. “Le të presim se çfarë do të thonë mjekët. Leo ndjen pak dhimbje, por nuk duket ndonjë gjë e rëndë”, sqaron Ernesto Valverde.

Me dygolëshin e shënuar kundër Valencias, Leo Mesi është ngjitur në kuotën e 21 golave në kampionat. Rekordi i radhës i vendosur nga ylli argjentinas, i cili kalon kuotën e 20 golave në kampionat për herë të 11-të rresht!

2??0?? or more league goals in
1??1?? consecutive seasons
? There’s only one G.O.A.T
? #Messihttps://t.co/AaQfy6da1H

— FC Barcelona (@FCBarcelona) February 3, 2019

Rotacionet në kupë – “Ka pasur shumë zhurmë për këtë gjë. Më lëni të jem i qartë. Kampionati është proritet për ne dhe këtë e pranoj pa asnjë hezitim”.

Zhirona – “Është thelbësore të fitojmë ditën e nesërme. Duhet të shikojmë rivalët tanë. Jemi vetëm pesë pikë larg nga Atletiko dhe ata janë një skuadë që nuk dorëzohen kurrë, ndërsa Realin e njohim të gjithë se çfarë ekipi është. Nuk do ta kemi lehtë të nesërmen. Zhirona po zhvillon një kampionat shumë të mirë”.

Merkato – “Morëm Boatengun, që Suarez të lirohet pak nga ngarkesa e madhe. Malkom? Kam besim tek ai. Do të ketë mundësi për të treguar veten. Duhet të tregohet më agresiv në lojën një kundër një. Kemi vetëm një mangësi. Duhet të përforcojmë krahun e majtë të mbrojtjes. Klubi po studion disa lojtarë për këtë çështje|.

Mesi – Për takimin e nesërm do të rigjejë Leo Mesin. “Pleshti” u la pushim në dy ndeshjet e fundit të katalanasve dhe mungesa e tij u ndje shumë, sidomos në humbjen në Kupën e Mbretit ndaj Sevijës. Megjithatë, ka dhe lajme të këqija. Talenti francez Usman Dembele është lënë pushim pas një –

Pyetja e parë kishte të bënte në lidhje me negociatat për rinovimin e kontratës, që i skadon në fund të këtij sezoni: “Kur të kemi lajme në lidhje me këtë çështje do t’u informoj menjëherë. Kam një marrëdhënie të mirë me klubin, s’kam pse të fsheh asgjë”.

NË MERKATO PËR SULMUES ? – “Klubi po punon për këtë gjë, por nuk është aq e thjeshtë sa duket. Të shohim nëse mund të afrojmë ndonjë lojtarë cilësor. Nëse jo, do të na duhet të vazhdojmë me çfarë kemi në dispozicion”.

KARLOS VELA ? – “Ai është një lojtar shumë i mirë, që e ka treguar në të shluarën se sa vlen në kampionatin spanjoll. Qarkullojnë lajme të shumta për emra të ndryshëm, e vetmja gjë që mund të them për Velën është që është pjesë e një skuadre tjetër”

DE JONG? – “Ai gjithashtu është pjesë e një klubi tjetër. Një futbollist i madh me një të ardhme të madhe. Megjithatë, s’mund të flas më shumë, s’dua të flas më lojtarët e ekipeve të tjera”.

AKTIVIZIMET E MALKOM – “Ai ka disa cilësi të mrekullueshme, dhe ne duam që t’i shohim ato në fushën e lojës. Te Barcelona marrim lojtarë që janë vendimtarë në takime. Këtë presim nga ai”, përfundoi Valverde.

NEJMAR – “Ne nuk flasim për lojtarë të skuadrave të tjera. E respektojmë PSG-në. Kemi një skuadër të mirë me lojtarë të mëdhenj dhe po përpiqemi të fitojmë gjithçka. Kemi gjithashtu lojtarin më të mirë në botë, Leo Mesin, kështu që e kemi të sigurt se do luajmë futboll të bukur për shumë vite të tjera”.

DEMBELE – “Ai ka ka ardhur në një klub gjigant. E ka ditur shumë mirë që s’do ta kishte të lehtë në fillim dhe s’do ta ketë të lehtë as tani. Nuk ka zgjidhje tjetër përveç se të punojë fort, çka po e bën së fundmi. Trajneri beson tek ai, ashtu si dhe lojtarët. Mund të them se potenciali dhe talenti i tij është i pabesueshëm. Barcelona do ta çojë atë drejt një rruge të vetme: suksesit”.

“Jemi të motivuar. Duam tripletën dhe për këtë mua më duhet të punoj që të sjell lojtarët më të mirë në qarkullim. Valverde? Nuk kemi asnjë dyshim se Valverde do të jetë trajneri i Barcelonës edhe sezonin e ardhshëm. Kemi shumë besim tek ai dhe do të bisedojmë kur të vijë koha e duhur”, përfundoi Bartomeu.

54-vjeçari pranon faktin që palët janë afër nënshkrimit të kontratës së re, por tani është herët dhe gjithçka do të ndodhë në fund të sezonit.

“Kam një kontratë me Barcelonën dhe ekziston një harmoni e mirë me klubin. Do të flasim përsëri në fund të sezonit dhe do të vendosim, por jemi gati të zgjasim kontratën. Nuk jemi as në gjysmën e sezonit, por kemi patur gjithmonë një harmoni të mirë. Nëse humbet një ndeshje, fillon e të dhemb koka, por kam një kontratë dhe do e respektojmë deri në fund. Titulli? E përsëris se Reali i Madridit është rivali ynë për titullin. Ndonjëherë diferenca duket e madhe, por nuk është ashtu”, përfundon Ernesto Valverde.

Ernesto Valverde ka folur në konferencën e zakonshme për shtyp në prag të ndeshjes së radhës, që është ajo kundër Selta Vigos. Trajneri i kamionëve të Spanjës tregoi dhe arsyet se pse zgjodhi pikërisht Murijon, për të forcuar prapavijën.

“Ne jemi në një pikë delikate, ku vetëm dy mbrojtës qendre, pasi Umtiti dhe Vermale siç duhet na kanë munguar për shkak dëmtimi. Deri tani e kem menaxhuar mirë situatën, por nuk mund të vijonim gjithnjë në të njëjtën mënyrë. Arsyeja pse zgjodhëm Murijon? Na nevojitej një lojtar me njëherë, por në kushte ku jemi, duhej dikush që e njeh kampionatin dhe Murijo ishte i duhuri”, komenton trajneri i Barcelonës.

Megjithatë, sulmuesi i talentuar nuk ka arritur të fitojë shumë minuta në këtë periudhë dhe shumë herë nuk ka parë as stolin e ekipit. Kokën ulur dhe shumë punë e dedikim për të pritur momentin e tij. Një gjë e tillë erdhi në sfidën e Champions-it përballë Interit, me ndihmën e… Leo Mesit.

Kapiteni i Barcelonës vazhdon të jetë i dëmtuar, por ai dhe shokët e tij janë befasuar nga qëndrimet e Malkom në tribunë. Një gjë e tillë e ka shtyrë yllin argjentinas të bisedojë me trajnerin Valverde, siç citon “El Mundo Deportivo”. Mesi e ka pyetur trajnerin nëse ka ndonjë problem me lojtarin e ri, ndërsa Valverde e ka mohuar një gjë të tillë. Mesi i ka kërkuar trajnerit të fillojë t’i japë minuta lojtarit dhe… u tha, u bë.

Valverde e hodhi Malkom në fushë në minutën e 81 kundër Interit dhe lojtarit i deshën disa sekonda për të lënë shenjën e tij. Një gol i bukur dhe shpërthimi në lot gëzimi, me shokët e skuadrës duke e përqafuar dhe me Leo Mesin në tribunë, i cili mund të ketë qenë duke buzëqeshur për gëzimin e golit, por dhe për insistimin e tij të drejtë.

Tani që janë dëmtuar Dembele me Kutinjon dhe me Mesin akoma jashtë, Malkom do të ketë më shumë minuta dhe ai është gati t’i shfrytëzojë për t’i bindur të gjithë, që është një lojtar i denjë për Barcelonën.

MESI – “Po presim ende përgjigje nga mjekët e klubit. Mund të luajë, por nuk jemi të sigurt. Ka dhënë shenja pozitive në stërvitje, por në qoftë se nuk do të jemi të sigurt, nuk do të rrezikojmë. Nuk mund të them diçka të sigurtë, pasi dhe duhet ta flas me Leon”.

KUNDËRSHTARI – “Besoj do të gjejmë një kundërshtar pak a shumë si në “Camp Nou”, ndoshta më agresiv dhe me qëllim për ta mbajtur më shumë topin në zotërim. Po bëjnë mjaft mirë dhe kanë bërë shumë fitore radhazi në Serinë A, kështu që na pret një ndeshje shumë e vështirë”.

NDESHJA – “Ne do të përpiqemi të jemi më agresivë dhe të luajmë në mënyrën që duam. Interi do të kërkojë të njëjtën gjë, kështu që duhet të jemi më këmbëngulës. Është një ndeshje e rëndësishme për të dy ekipet, pasi duam një rezultat të mirë secila nga ne për të kaluar më tej”.

PËRGATITJA  – “Mendojmë vetëm për të tashmen dhe ndeshja e nesërme është deçizive, pasi akoma nuk kemi siguruar asgjë për kalimin më tej. Gjërat po shkojnë mirë, megjithëse në ndeshjen e fundit në La Liga vuajtëm jo pak”.

NAINGOLAN – “E pash ndeshjen e fundit të tyre ndaj Xhenoas dhe kanë bërë një lojë mjaft të mirë, ashtu siç kanë bërë këto javët e fundit. Gjithsesi, ne jemi gati për nesër. Naingolan është një lojtar mjaft i mirë dhe vendimtar për Interin. E dimë që ka një shans që ai mund të luajë”.

SPALETI – “Çdo ekip ka mënyrën e tij se si e përgatit ndeshjen dhe ne kemi mënyrën tonë. Më pëlqen Spaleti si trajner, pasi Interi i tij është mjaft i guximshëm dhe beson tek ai. Ata bëjnë presing nga minuta e parë dhe deri në fund, të gjithë janë të përfshirë, marrin përgjegjësi dhe kanë një shpirt fitues. E kam parë shumë kohët e fundit këtë gjë dhe më pëlqen të shoh një ekip të tillë”, përfundoi fjalët e tij tekniku i Barçës.

“Real Madrid është një skuadër që krijon shumë shanse shënimi, ndërsa tani kanë pasur fat të keq para porte. Në ndeshjen e kaluar krijuan 12 raste shënimi, gjë që tregon nivelin e lartë që kanë në fazën sulmuese. Pres një Real shumë të fortë. Ndaj Barcelonës ata përherë kanë treguar se janë të aftë të dalin nga kriza”

“Mungesa e Mesit dhe Ronaldos dhe nuk e zbeh këtë takim. Rivaliteti i kësaj sfide ka filluar vite para shumë dekadash. Luajmë për më shumë se tri pikët nesër, pasi përveç pikëve fitorja mund të na ndihmojë shumë në aspektin emocional”

SHKARKIMI I LOPETEGUIT ? – “Nuk mendoj se rezultati i këtij takimi do të vendos të ardhmen e Lopeteguit te Reali”, përfundoi .

KUNDËRSHTARI – “E dimë që do kemi përballë një kundërshtar që po përjeton një moment shumë të mirë. Pashë fitoren e tyre të fundit. Interi ka fituar shumë herë në minutat e fundit të ndeshjes. Kjo tregon se janë një skuadër me shumë karakter. Nesër është një ndeshje e rëndësishme. Nëse fitojmë marrim të vetëm kreun e grupit dhe bëjmë një hap të rëndësishëm për kalimin në fazën tjetër”

MUNGESA E MESIT – “Na kanë thënë se atij do i duhen tri javë për t’u rikuperuar nga fraktura në krah. Shpresoj që të kthehet pak më herët. Është normale që të kemi varësi nga ai, fundja, Mesi është lojtari më i mirë që na kanë parë sytë.  Largimi i Malkom? Fakti që ai ka luajtur pak  nuk do të thotë se do largohet.”, përfundoi trajneri i Barcelonës.

VALENCIA – “Ata luajnë me skemën 4-4-2 dhe janë të rrezikshëm në kundërsulm. Do të jetë një ndeshje e vështirë, si gjithmonë. Kundër tyre kemi vuajtur dhe në sezonet e kaluara.”

FORMACIONI – “Të shohim, kjo është një ndeshje dhe situatë ndryshe nga ajo kundër Totenhemit. Kam bërë vlerësimet e mia, e kam gati formacionin, por nuk e them, sepse të njëjtën gjë bën dhe kundërshtari.”

ARTUR – “Është një lojtar, i cili duhet patur në konsideratë, sepse na siguron kontrollin dhe mbajtjen e topit.”

SKEMA – “Më pëlqen skema me të cilën fitojmë dhe nuk asnjë skemë që garanton fitoren. Ne luajmë gjithmonë njësoj, duam të dominojmë ndeshjet, bëjmë presing në qendër dhe pastaj sulmojmë nga krahët.”

MESI – “Po më thoni se vrapon më shumë në Champions? Leo luan dhe vrapon gjithmonë njësoj. Ritmi i Championsit është më i lartë dhe ndoshta duket sikur vrapon më shumë.”

ZEMËRIMI I VIDAL – “Ne jemi një skuadër dhe të gjithë janë në provë. Arturo nuk më ka shprehur gjë. Nuk e di nëse është zemëruar për lojën, apo për ndonjë problem personal.”

OBJEKTIVI – “Nuk mund të përqendrohemi në një kompeticion të vetëm. Ne duam të përmirësohemi ditë pas dite dhe kjo do të thotë se duam të fitojmë La Ligën.”

DEMBELE – “Ka një talent të madh, kur ka topin në këmbë. Është i ri dhe nëse je në një ekip si Barcelona, je i detyruar të mësosh shumë gjëra. Por jo vetëm Dembele, këtë gjë duhet ta bëjnë dhe lojtarët e vjetër.”

RIVALI – “Mendoj se do të japin gjithçka për të fituar ndeshjen. Ata kanë shumë dëmtime, por dhe ne kemi disa mungesa. Totenhemi është një skuadër shumë e balancuar, të gjitha repartet e tyrë janë të mbushura me lojtarë të një niveli të lartë. Pres një ndeshje të fortë dhe të vështirë, por them se do të jetë një ndeshje e bukur për t’u parë. Shpresoj që të jetë një ndeshje e madhe.

ECURIA E DOBËT– “Javën e kaluar nuk morëm rezultatet që dëshironim. Tani duhet të mendojmë si të përmirësohemi, ka qenë një javë e rëndë për të gjithë ne, por jam i bindur se nesër do të bëjmë një ndeshje të madhe”

KEJN  – “Ai është një lojtar shumë i rrezikshëm. Do të na vërë në vështirësi, pasi kemi të bëjmë me një sulmues që luan mirë me topin, është i zgjuar në lëvizje dhe gjuan mirë si më këmbë dhe me kokë”.

Trajneri Valverde ka folur “El Mundo”, duke marrë përsipër përgjegjësitë e kësaj situate të vështirë. Atij i skadon kontrata në verën e ardhshme dhe ai rrezikon postin, por klubi i ka dalë në krah dhe ekipi pritet të reagojë në Champions, duke iu rikthyer rezultateve pozitive.

“Ndodhemi në një moment të vështirë dhe të papritur, por ky është futbolli. Natyrisht që trajneri është përgjegjës, një trajner që humbet ndihet përgjegjës, si të gjithë trajnerët e tjerë. Bëjmë mirë të flasim për rrotacion në një moment si ky. Ndeshjet analizohen në bazë të rezultatit dhe nuk mund të fitohet kampionati me vetëm 11 lojtarë”, përfundon Ernesto Valverde.