Rikthimi i Gjokës në stolin e Kukësit zgjati pak më shumë se tre muaj. 49-vjeçari u emërua trajneri i verilindorëve në fillim të muajit prill, duke zëvendësuar Ramazan Ndreun. Nën drejtimin e Gjokës, Kukësi mbylli kampionatin në vendin e dytë të tabelës dhe siguroi trofeun e Kupës së Shqipërisë për herë të dytë në historinë e klubit.

Njoftim i Klubit!

Trajneri Ernest Gjoka nuk do të jetë më në krye të skuadrës së Kukësit.

Vendimi është marrë pas rezultateve zhgënjyese të ndeshjeve kualifikuese të Europa League.

Klubi ynë trajnerit Gjoka i ka dhënë gjithë mbështetjen e mundshme, sidomos pas rikthimit të tij në krye të pankinës së skuadrës nënkampione të Shqipërisë. FK Kukësi falenderon trajnerin Gjoka për punën e bërë në krye të ekipit.

Shumë shpejt, klubi do të njoftojë për emrin e trajnerit të ri, i cili objektiv kryesor do të vijojë të ketë fitimin e titullit Kampion, Kupës së Shqipërisë si dhe përfaqësim sa më dinjitoz në Kupat e Europës!!

“Bëmë një ndeshje të mirë, sidomos në pjesën e parë. Krijuam raste, por nuk arritëm të përfitonim. Nuk mendoj se tre golat e shënuar sonte tregojnë diferencën e vërtetë midis dy skuadrave. Do ta kemi shumë të vështirë në ndeshjen e kthimit”.

Trajneri i Debrecen, Andras Herçeg, vlerësoi numrin e lartë të tifozëve në stadiumin, që ishte sa trefishi i mesatares së kampionatit: “Ishte fantastike të shikoja më shumë se 10000 veta në stadium. E filluam mirë, por më pas bëmë disa gabime. Zgjodha të ndryshoja vendosjen në mes të lojës, pasi nuk më pëlqyen disa gjëra. Në të ditën luajtëm shumë mirë. Kemi avantazhin e tri golave, por duhet të luajmë ndeshjen e dytë sikur loja të ketë përfunduar  0 – 0”.

“Kemi bërë disa ditë të mira këtu dhe skuadra e kishte të nevojshme. Skuadra ka marrë ngarkesë të lartë fizike, kemi vrapuar shumë dhe dua të falënderoj skuadrën për gatishmërinë dhe për atë që ka dhënë gjithë kohën.

Fat i madh është qe nuk kemi pasur asnjë dëmtim dhe grupi është i plotë. Kemi 16 lojtarë dhe na duhen përsëri lojtarë cilësorë. Momentalisht nuk marrim dot më dhe do bazohemi te ky grup”, shprehet Gjoka për faqen e klubit.

Më tej ai flet edhe për sfidën e Europa League: “Ndeshja me Debrecenin është shumë e vështirë, është një ndeshje me një nga ekipet më të mira të kampionati hungarez. Jemi munduar ta studiojmë kundërshtarin përmes video analizave.

E njohim mirë rivalin, njohim lojtarët kyç tyre, njohim cilësitë e tyre, njohim anët e mira dhe jo të mira që kanë. Me grupin që kemi do mundohemi të bëjmë më të mirën e mundshme, për ta kthyer të pamundshmen në të mundur dhe për të shkuar te suksesi.

“Po mundohemi të analizojmë kundërshtarin ,tani do e shohim në hollësi dhe të evidentojmë pikat e forta dhe të dobëta që ato kanë”, tha mes të tjerave trajneri Ernest Gjoka, i cili pret që drejtuesit e klubit të arrijnë të afrojnë edhe dy lojtarë të tjerë.

Rexhinaldo dhe Uilliam, të dy të larguar, kanë lënë një boshllëk te Kukësi, që kërkon t’i zëvendësojë ata. Verilindorët po tentojnë të afrojnë Enis Gavazajn, ndërkohë që edhe Ismael Dunga ka qenë një nga lojtarët që është tentuar.

“Lojtarët bazë të skuadrës janë duke u rikuperuar. Kemi nevojë për dy afrime në sulm. Po punojmë me qetësi. Nëse i marrim edhe dy të tjerë, atëherë do të jemi edhe më gati. Kampionatin nuk e shtyjmë dot vetëm me Shkurtajn. Ai që vjen duhet të jetë cilësor”, u shpreh Gjoka për Supersport.

“Unë mendoj se Debreceni është një nga skuadrat e forta të këtij grupi që kishim, është një ekip që ka një emër në futbollin hungarez. Më mirë kështu, pasi duke pasur një ekip të fortë përballë do të jemi edhe ne shumë të fortë psikologjikisht për ta përgatitur ndeshjen me kujdes dhe pse jo të mendojmë të kalojmë turin. Nuk është se kishim ndonjë dëshirë, shorti është short. Debreceni është një klub që ka një emër jo vetëm në Hungari, por edhe në kupat e Europës”, u shpreh Gjoka fillimisht.

Verilindorët vetëm një ditë më parë kanë nisur përgatitjet dhe trajneri i Kukësit deklaron se skuadra e tij do të jetë gati deri ditën e ndeshjes. “Deri para ndeshjes do të jemi gati, jo vetëm në elementët fizik dhe teknik-taktik. Do jemi gati edhe në aspektin psikologjik, pasi ndeshjet e Europës duan një përgatitje të lartë në këtë aspekt. Kjo është një nga armët kryesore tonat”, shtoi tekniku i Kukësit.

MERKATO – Emiljano Musta, Marko Van Basten Çela, ilir Avdyli dhe Bruno Lulaj janë afrimet e deritanishme te Kukësi. Gjoka pranon se kanë nevojë për afrime, por nuk duan të nxitohen. Ai thekson se duan të marrin lojtarë të saktë, të cilët nuk duhet të plotësojnë vetëm kriterin e të qenurit të mirë në fushë. Në futboll duhen edhe veti të tjera.

“Ne nuk është se kemi nevojë për shumë ndërhyrje, ndoshta na duhen 2 ose 3 lojtarë. Dy janë më të rëndësishmet, sidomos në pjesën e sulmit. Pjesa tjetër e skuadrës është, boshti është. Ndaj nuk po nxitohemi, duam që goditjet të jenë të sakta dhe të kenë gjithçka që ne kërkojmë, jo vetëm cilësitë si lojtarë, por edhe nga profesionale dhe qytetarë të jenë njerëz që të përshtaten sa më shpejt me mentalitetin shqiptar, me grupin dhe më pas të japin edhe maksimumin në lojë”, shtoi Gjoka.

REPARTI I SULMIT – Rexhinaldo, autor i 13 golave në kampionat sezonin e shkuar, vendosi të mos rinovojë kontratën me verilindorët. Edhe braziliani Uilliam Kordeiro u largua dhe firmosi te Partizani. Gjoka sigurisht kërkon lojtarë që t’i zëvendësojnë dhe të jenë pse jo edhe më të mirë se ata.

“Të dy ata që janë larguar kanë qenë lojtarë me cilësi. Sa duket ata nuk donin të rrinin më tek ne, donin të shikonin të ardhmen e tyre. Tani po shikojmë të plotësojmë grupin me lojtarë të tjerë me cilësi si ata, ose edhe më të mirë”, tha tekniku kryeqytetas, i cili më pas foli edhe për Valdet Ramën.

“Valdet Rama është lojtar i Kukësit. Vjen shumë shpejt në stërvitje. Këto ditë ka pasur një problem familjar, ndaj ka qenë larg. I kemi dhënë leje dhe brenda kësaj jave do jetë me skuadrën për t’u përgatitur për ndeshjen e parë me Debrecenin”, përfundoi Gjoka.

VLADIMIR PRENGA

LETRA E POSTUAR NGA GJOKA
Rruga që të çon drejt suksesit: Impenjimi kolektiv
1. Nëse një skuadër dëshiron fitoren, duhet të impenjohet për kauzën ku secili ka primare objektivin për të fituar. Kështu suksesi arrihet më lehtë.
2.Suksesi arrihet më lehtë, por me shumë përkushtim e sakrificë. Më e rëndësishmja është se nuk arrihet nga një ose dy lojtarë, por duhet të mendohet  nga i gjithë grupi njëkohësisht.

3.Kur i gjithë grupi kërkon suksesin, atëherë edhe situatat problematike zgjidhen më lehtësisht.
4.Të gjithë së bashku bëjmë gjëra të mëdha, por nëse tek ne do të ketë hatërmbetje apo lojtarë të cilët mendojnë vetëm për interesin personal e jo për kauzën tonë, atëherë kështjellës që kemi ndërtuar do të fillojnë t’i bien muret e ne rrezikojmë të gjithë sakrificën e deritanishme.

5.Kupa nuk fitohet nga një individ, por fitohet nga dëshira dhe sakrifica e gjithë grupit për të arritur te trofeu. Kjo duhet të jetë filozofia e një skuadre, që do të shkojë drejt suksesit. Unë besoj te kauza jonë e përbashkët.

Gjithçka ka nisur në fund të sezonit 2015-2016, atëherë kur Mirel Josa ngriti trofeun me Skënderbeun. Ishte një cikël me shumë suksese dhe tekniku kryeqytetas u rikthye të drejtonte Tiranën. Një vit më pas e pësoi Ernest Gjoka.

Kampion me Kukësin, por presidenti Safet Gjici mendon se e fitoi ai titullin kampion. Nëse kujtohet ndeshja me Skënderbeun, ndoshta ka edhe të drejtë. Gjithsesi, verilindorët në ndeshjet direkte me rivalët treguan forcën e tyre. Gjoka vijoi në kupat e Europës dhe eliminimi nga Champions-i bëri që presidenti Gjici ta shkarkonte.

Sezoni 2017-2018, Skënderbeu kampion dhe fitues i Kupës së Shqipërisë. Trajneri Ilir Daja e mbylli në fund të sezonit. Dënimi i UEFA-s ndikoi, ndërkohë që nga ana tjetër ai kërkonte edhe një sfidë të re. Largimet e shumta nga korçarët treguan se Skënderbeu nuk do të ishte favorit për titullin.  I fundit që largohet pas titullit kampion është Skënder Gega, për arsye personale.

Sezoni 2018-2019 | Partizani kampion, largohet Skënder Gega
Sezoni 2017-2018 | Skënderbeu kampion, largohet Ilir Daja
Sezoni 2016-2017 | Kukësi kampion, largohet Ernest Gjoka
Sezoni 2015-2016 | Skënderbeu kampion, largohet Mirel Josa

“Kupa? Uroj ta fitojmë. Përgjithësisht te Kukësi kam qenë këmbëmbarë. Trofeu i Rexhinaldos uroj ta tërheqë ekipin drejt trofeut tjetër. Ishte ndeshje me risk dhe donim vendin e dytë, ndaj bëmë një sforco. Patëm mungesa dhe probleme. Edhe me formacionin kishim probleme, për shkak të lojtarëve të huaj që ishin të shumtë”.

Kukësi luan finalen me Tiranën të dielën dhe verilindorët duan ta fitojnë me çdo kusht këtë trofe. Skuadar e Gjokës synonte titullin kampion, por e mbyll në vendin e dytë.

Gjoka prek disa tema, tregon versionin e tij në lidhje me Hallaçin, zbulon gjendjen e lojtarëve të dëmtuar dhe e mbyll me merkaton që pritet të bëjë klubi verilindor.

Profesor, gjashtë gola të pësuar në dy ndeshjet e fundit. Çfarë ka ndodhur me fazën mbrojtëse të ekipit?
-E vërtetë, ka qenë një moment jo. Për atë filozofi që kam unë si trajner, është e vështirë. Janë gjëra që ndodhin, kemi pasur shumë mungesa, kemi bërë ndryshime në formacione. Të gjitha kanë lënë pasoja. Më mirë që ndodhi tani. Është mësim sa herë ndodhin gjëra të këqija. Është një mundësi për t’u korrigjuar dhe për të pasur mentalitet ndryshe.

Partizani do festojë titullin, ju doni pikë për Europën. Si e parashikoni këtë ndeshje?
-Është ndeshje shumë e fortë, ndaj kampionëve. I respektojmë. Vendi i dytë nuk është i sigurt tashmë dhe kjo do i japë kuptim ndryshe ndeshjes. Do tentojmë të fitojmë dhe të mbyllim llogaritë për vendin e dytë.

Si është situata në ekip me mungesat?
-Është rikthyer Valdet Rama, ka gjithë javën që stërvitet. Shameti e ka mbyllur sezonin, po ashtu edhe Maliki. Nuk bëhet as Rroca. Shkurtajn jemi munduar ta përgatitim, edhe ai pati një dëmtim të rëndë në mes.

Duke parë situatën e Tiranës, mendoni se e gjeni me moral të rënë në finalen e Kupës?
Nuk e mendoj kështu, nuk dua që suksesin tim ta bazoj mbi fatkeqësinë e tjetrit. Me vjen keq për Tiranën që është në këtë gjendje. Duhet te mendoj vetëm për Kukësin dhe të përfundoj detyrat. Do kem kohë të mendoj edhe për Tiranën.

Në ndeshjen e fundit mund ta keni ju në dorë fatin e Tiranës, pasi luani përballë Kastriotit…
-Futbolli është kapricioz dhe i paparashikueshëm. Nuk mund të jap një përgjigje të saktë. Kam nesër një ndeshje të rëndësishme, që na jep qetësi. Kemi finale Kupe dhe kampionat pastaj. Nëse fitojmë, atëherë mendojmë qetë për finalen. Nuk e mendojmë Kastriotin për momentin.

Largimi i Hallaçit, çfarë komenti mund të na jepni?
Mund të përgjigjem, jam trajneri. Në dijeninë time dhe me atë që diskutova me presidentin, di që kanë pasur një bisedë mes tyre dhe ka kërkuar një ekip fëmijësh. I është propozuar Kukësi B për dy vite. Sa di nuk e ka pranuar dhe aty ndoshta janë prishur marrëdhëniet. Më pas secili ka marrë vendimin e vet.

Hallaçi thotë që nuk jam larguar?
Unë po them atë që më ka sqaruar presidenti, më shumë nuk di. Hallaçin e dimë të gjithë kush është. Sa kam biseduar me të, ai do të nisë rrugën si trajner. Sot po punon në një akademi. Edhe unë kam punuar me grupmoshat. Nëse e ka marrë seriozisht këtë punë, atëherë i duhet një eksperiencë e tillë. Me përvojën që ka, për 3-4 vite mund të jenë një nga trajnerët e ardhshëm.

Keni pasur një bisedë për të ardhmen?
Çdo gjë varet nga rezultati. Ka dy muaj që jam këtu. Kur erdha ishte që të rikthenim qetësinë në skuadër. Jemi munduar të bëjmë ndryshime, edhe pse kemi pasur dëmtime. Për shumë javë kam pasur 12 lojtarë, përveç të rinjve. E ardhmja jonë varet edhe nga besimi i presidentit, duhet patjetër që të marrim një trofe, Është investuar shumë. Të mbarojmë këto detyra dhe më pas do të shihet.

Keni menduar për afrime në merkato, pasi ka shumë dëmtime?
-Sigurisht që po flasim me presidentin dhe me drejtorin Nexhipi. Në mbrojtje kemi probleme dhe na duhen përforcime. Aty po shohim. E kam thënë edhe më parë, që kemi rënë dakord që të kemi boshtin. Unë nuk para ndryshoj shumë. Gjithsesi mbetet edhe në dorë të lojtarëve, ndonjë ndoshta nuk do të rrijë. Ndryshimet e shumta nuk sjellin asgjë pozitive dhe vështirësi. Kukësi ka dy vite që ka bërë shumë rrotacione dhe nuk ka ende një trofe, nga ai titull. Një skuadër e ruajtur ka më shumë sukses. Këtë vit një nga problemet kanë qenë prurjet e shumta. Cilësi kemi, por duhet përshtatje. Kryesorja është vazhdimësia e një projekti.

“Nuk bëmë detyrat si duhet. Nuk u bënë ato detyra që ishin ngarkuar, kur nuk ndodh dënohesh. Pjesa e parë ishte jashtëzakonisht e dobët. Nëse nuk hyn me mentalitet fituesi, atëherë futbolli të dënon”.

“Duhej fitorja, për të mbajtur ritmin dhe për të qenë lart në aspektin psikologjik. Javën tjetër do kemi një tjetër ngjyrë. Morëm një shuplakë të rëndë. Javën tjetër do jetë ndeshje tjetër, do jemi ndryshe, do jemi agresivë dhe do jemi ai Kukës që të gjithë njohin”.

“Ndeshjet ishin me tablo ndryshe. Në Kupë ishim perfekt. Ato dy ndeshje ndoshta na vunë në gjumë. Nëse nuk ke motivim, çdo gjë ndodh. Duhet të ishim më të uritur dhe të bënim detyrat”.

Më tej ai foli edhe në lidhje me kontratat e lojtarëve, apo edhe mundësinë që finalja e Kupës së Shqipërisë të afrohej me 31 maj. “Nuk e kemi bërë ne kërkesën për afrim të finales, ishte propozim i FSHF-së. Ne dhamë OK-in. Më vonë doli që disa klube refuzuan dhe nuk u ndryshua asgjë.

Sa i takon lojtarëve dhe kontratave, duam që të vijojmë me këtë grup. Presidenti është OK me këtë ide, sepse grupi aktual ka cilësi dhe vitin tjetër do jetë edhe më cilësor. Ky vit shërbeu për konsolidim dhe asimilim mentaliteti, vitin e ardhshëm do të synojmë titullin”, shton Gjoka.

REXHINALDO – “Është pjesë e planeve të klubit edhe për sezonin e ardhshëm. Sigurisht, flas për pjesën e klubit, pastaj çdo lojtar vendos në varësi të interesit dhe ofertave. Për ne është shumë i rëndësishëm. Në datën 2 për finalen ai do jetë në dispozicion, absolutisht”, u shpreh trajneri i Kukësit, që deklaron se nuk po mendojnë që tanimë për finalen.

SITUATA NË EKIP – “Deri tani jam shumë i kënaqur. Ekipi ka reaguar mirë, edhe pse kemi pasur shumë dëmtime. Kemi luajtur shumë ndeshje në pak kohë, me shumë mungesa. Ndaj mendoj se po bëjmë mirë. Shkurtaj e Shameti? Shkurtaj u dëmtua në Gjirokastër dhe nuk do jetë nesër. Është në terapi të vazhdueshme, do jetë gati pas një jave. Shameti ka ndjerë sërish dhimbje dhe nuk do jetë i gatshëm”.

LËVIZJET NË MERKATO – “Së pari, nuk shohim dot aq larg. Kemi objektiva shumë madhore përpara. Së dyti, ky grup ka cilësi, ka pasur nevojë për pak koordinim dhe shumë qetësi. E ardhmja? Në futboll nuk ka asgjë të sigurt. Unë varem nga rezultatet, natyrisht. E kam gjetur ekipin në një moment jo të mirë psikologjik, kemi punuar shumë dhe duam të arrijmë synimet që kemi, para se të flasim për vazhdimësinë me presidentin”.

Një çështje tjetër për të cilën foli tekniku i Kukësit janë edhe kontratat në përfundim të lojtarëve: “Janë marrëdhënie të klubit me lojtarët, gjëra normale. Kur klubi dëshiron t’i mbajë disa lojtarë, i mban ata duke u përmirësuar kushtet financiare, ndaj më të gjithë do ketë bisedime. Për Rexhinaldon duhet të pyesni klubin, nuk më intereson pjesa pas këtij sezoni për momentin”.

Kupa është objektivi kryesor i Kukësit dhe Gjoka deklaron: “Me një president si Gjici dhe një trajner si unë, duhen vetëm trofe. Kampionati iku, ndaj kupa është detyrim për mua. Po të kishim ecur me mirë e të kishim pasur pak fat në disa ndeshje, kampionati do ishte shume më i bukur e interesant”.

VALDET RAMA – Më pas e mori fjalën sulmuesi anësor, që tregon se është mirë fizikisht dhe gati të luajë. “Jam mirë fizikisht, kam pasur 3 javë jo të mira. Lëndimet më kanë shqetësuar disa herë, por tani jam kthyer dhe nuk ndiej dhimbje. Natyrisht, nuk është e lehtë të përballesh shpesh me dëmtime, por duhet parë përpara. Lëndimet janë pjesë e lojës”, u shpreh Rama.

Më tej ai shtoi: “Kemi përpara një ndeshje shumë të rëndësishme e të vështirë, por jam optimist se do ia dalim.  Kampionati shqiptar më pëlqen, po zhvillohet gjithnjë e më shumë dhe jam duke dhënë maksimumin për të ndihmuar ekipin tim. Ka lojtarë të talentuar në Superiore, nuk veçoj dot askënd me emër”.

E ardhmja është një temë e rëndësishme për sulmuesin anësor, i cili deklaron: “Kam kontratë me Kukësin, të fitojmë Kupën një herë”. Ndërkohë ka pasur edhe një ndërhyrje të trajneri Gjoka, i cili qartazi është shprehur: “Nuk e lëshojmë Valdetin”.

“Doja të fitonim dhe t’i linim kundërshtarët prapa. Ka ditë që sulmuesit nuk kanë fat. Rexhinaldo e Shkurtaj nuk shënuan, por bënë gjithçka. Fati mungoi. Për të marrë Kupën do bëjmë gjithçka të shkojmë në finale fillimisht”.

“Lodhja? Normalisht ka ndikim. Kampionati ka qenë i ngarkuar. Ka disa javë që kam vetëm 12 lojtarë. Kanë mbajtur barrë të rëndë. Për këtë u lashë 48 orë pushim. Të mërkurën zbresim në fushë dhe do mendojmë vetëm për gjysmëfinalen”.

“Episodi me Rexhinaldon? Nuk ishte ndonjë gjë e madhe. Shkoi në dhoma për arsye personale. Nuk ndikoi nervozizmi i Rexhinaldos. Nuk kishte fat. Na duhet të bëjmë mirë dhe për këtë stresi është prezent. Kjo na streson, që duhet të bëjmë mirë. Duhet të menaxhojmë situatën dhe të shohim përpara”.

“Kërkova të na ndihmonte presidenti të na sillte në Kamzë, pasi këtu ka tifozë. E shikoni që po na mbështesin dhe në vazhdim do na vijnë edhe më shumë. Kjo është një oksigjen për ne”.

MUNGESAT – “Problem shumë i madh, Shameti, Uilliam Kordeiro, Valdet Rama, Dzaria, Maliqi, Musolli. Jemi të penalizuar, kaq shumë mungesa do i krijonin probleme kujtdo. Gjithsesi, kam besim, sepse këto ndeshje janë përmbledhja e një viti më sakrifica. Janë të gjithë lojtarë titullarë, janë shumë mungesa dhe e pranoj që na prishin shumë punë. Kam shpresë të madhe se nëse do jemi kompaktë pas, duke pasur lojtarët që kemi përpara mund të shënojmë gjithnjë.”

GJICI – “E dini që ai kërkon gjithnjë sukses dhe na kërkon të kualifikohemi. Ai priste të luftonim për titull, është i bindur se duhet të luftojmë deri në fund edhe në kampionat. Pak zhgënjim ka pasur, por nëse fitojmë Kupën kjo skuadër ka të ardhme të rëndësishme dhe pak përforcime do i duhen.”

KUPA – “Duhet kujdes, për të mos pësuar gol në radhë të parë, sepse janë ndeshje specifike, duhet të mendojmë edhe për kthimin.

NDRYSHIMET NË SKEMË – “Do të bëjmë, jemi të detyruar, por kam besim tek të gjithë lojtarët.

SKËNDERBEU – “Klub i madh, me skuadër cilësore dhe eksperiencë e mentalitet fituesi, por edhe ne nuk mbetemi pas në këtë drejtim. Skënderbeu me i dobët? E vërtetë, por ka ende disa lojtarë me eksperiencë e shumë cilësi. Këto janë ndeshje ku vendos përvoja, ndaj duhet vlerësim maksimal.”

LUHET NË KAMZË – “Sigurisht kam folur me ekipin dhe skuadrën. Na duhet shtëpi, Kamza është zgjedhja ideale. Tifozët nuk vijnë dot në Elbasan e Shkodër, Kamza është e vetmja alternativë ku kemi tifozët më vete. Natyrisht, fusha nuk është super, por do ta kompensojnë tifozët.

PRESIONI MBI EKIPIN – “Trajneri këtë detyrë ka, të bëjë urën lidhëse mes ekipit e presidentit. Unë e kam për detyrë të ul presionin mbi ekipin, sepse jo gjithnjë mund të fitohet në futboll. Unë jam i hapur të përballem me presidentin për çdo diskutim, pa lënë që skuadra të përballet me kritikat. Te Kukësi luhet për titull, këtë e di unë dhe e dinë mirë edhe lojtarët, që nuk kanë qetë të qetë, por janë përshtatur shumë shpejt me atë që dua.”

REXHINALDO E SHKURTAJ, ÇFARË KA NDRYSHUAR – “Unë kërkoj të luaj me 2 sulmues. Është fat i madh që kam gjetur këtu Rexhinaldon, që e doja që kur isha herën e fundit të Kukësi, dhe Shkurtaj, dy sulmuesit më të mirë në Shqipëri. Janë lojtarë me tipare të ndryshme, dinë të përshtaten dhe do mundohem t’u marr maksimumin, duke luajtur bashkë. Janë dy shënuesit më të mirë, janë sulmuesit më të mirë, me thoni kush janë mbi ta. Do ta shihni që shumë shpejt do kemi një sulm edhe më të fortë.

GARANCIA PËR TË ARDHMEN? – “Vetëm suksesi, çdo trajner është me çantën gati dhe varet nga rezultatet.”

Në lidhje me Tirana, Gjoka shtoi: “Tirana është në një  moment të vështirë dhe kjo e bën edhe ndeshjen mjaft të vështirë. E dimë që do jenë agresivë nesër dhe do kërkojnë gjithçka. Kjo do të rrisë më shumë adrenalinën e ndeshjes. Edhe ne kemi objektivat tona, na duhen patjetër rezultate pozitive për të arritur objektivat që kemi. Nesër shkalla e vështirësisë është maksimale”.

Humbja me Flamurtarin u shoqërua me raste të humbura dhe gabime në prapavijë: “Futbolli prandaj është i bukur, pasi është i paparashikueshëm. Kur menduam se e kishim ndeshjen nën kontroll, kur po luanim mirë, po krijonim dhe po humbnim raste, atëherë na goditi kundërshtari në një moment që loja ishte nën kontrollin tonë. Në analizën që kemi bërë me ekipin u kam thënë djemve që ajo ndeshje duhet të na bëhet mësim. Duhet të jemi më cinikë. Nëse shënonim, ndoshta do ishte ndryshe. Pësuam një humbje që nuk duhej, pasi do i shërbente skuadrës për moralin. Do kishim bërë nja hap më të sigurt për vendin e dytë. Shohim përpara”.

Nesër Kukësi luan me Tiranën, kurse të mërkurën me Skënderbeun gjysmëfinalen e parë të Kupës. Gjoka, në lidhje me përballimin e garës, u shpreh: “I kam thënë skuadrës që këto tetë javë janë sa një vit për objektivat. Kështu që për ne nuk ka më e diel e mërkurë. Të gjitha janë ndeshje të rëndësishme. Problemi janë dëmtimet, madje të parikuperueshme dhe që zgjatin. Kështu që do shtrëngohem dhe kam besimin që çdo lojtar që do të jetë në fushë do të japë maksimumin”.

Një koment edhe në lidhje me mungesën e Shametit: “Shameti ka shumë vite këtu, skuadra e ndjen mungesën e tij. Kështu ndodhi edhe me Musollin, mungesa e tij ndikoi në ekuilibrin e skuadrës në mesfushë. Këto lloj dëmtimesh dëmtojnë mentalitetin e skuadrës. Shameti e nisi stërvitjen dy ditë, por dëmtimi që ka (zgjatje ligamenti) e detyroi stafin mjekësor ta tërhiqte nga fusha. I duhen edhe pesë ditë për të parë rikuperimin. Kjo është situata për momentin, do vazhdojmë edhe disa kohë pa të”.

Gjoka analizon edhe problemet e Kukësit që e shkëputën 12 pikë me Partizanin: “Edhe kur isha jashtë Kukësit, thuhej që kjo skuadër ka cilësi. Kjo pranohet nga të gjithë. Një nga faktorët që ka ndikuar është stadiumi, ekipi ka luajtur ashtë. Akoma nuk kanë gjetur një ekuilibër për të luajtur. Ky është një nga problemet. Skuadra kurrë nuk ka dhënë maksimumin për cilësitë që ka. Ka pasur kohë shumë, por edhe pak. Në janar prurjet nuk e kapën mentalitetin e Kukësit. Ata duhet ta kuptojnë që janë skuadra elitare. Kur vjen te Kukësi, vjen për të dalë kampion. Këtu nis presioni dhe kush nuk e kupton bie moralisht seria të kape ritmin. Disa nga këto faktorë kanë ndikuar që Kukësi të bëjë disa hapa fals. Sigurisht edhe Partizani ka bërë një kampionat shumë të mirë, por edhe Kukësi e ka ndihmuar pa dashje të shkëputet kaq shumë”.

“Mungesa e tifozëve? Personalisht e dua stadiumin plot, sepse më jep edhe më shumë kënaqësi e adrenalinë. Futbolli është sport për tifozët, pasi pa tifozët jemi shurdh memecë. Në këto momente që jemi mund të ndikojë negativisht për Tiranën, pasi tifozeria e tyre dihet që është një ndër më të mirat në Shqipëri. Ne jemi mësuar të luajmë pa tifozë dhe mendoj që do jetë njësoj. Skuadra ka nisur të përshtatet me këtë gjë”.

“Ku do luajë Kukësi sezonin e ardhshëm? Sigurisht që do të jetë e vështirë. Presidenti po mundohet që tani që të sigurojë një shtëpi për Kukësin, që të jetë një stadium i përhershëm për gjithë vitin tjetër. Kjo gjë do të ishte shumë pozitive për Kukësin. Një vend që po mendohet nga presidenti të marrë stadium me qira është një stadium që ka shumë banorë nga Kukësi. Në Kamëz? Sigurisht.”

Vetë klubi ka publikuar fotot nga ky takim dhe nuk kanë munguar as batutat. Sigurisht ka pasur edhe biseda serioze, pasi te Kukësi ende besojnë te titulli kampion. Një fitore do vinte në presion Partizanin dhe ngushtimi i diferencës me të kuqtë do rriste optimizmin dhe shpresat për të ngritur trofeun në fund të sezonit.

Kjo është ndeshja e parë që luhet në Laç këtë sezon. Verilindorët kanë fituar takimin e fazës së dytë në “Elbasan Arena”, ndërkohë që po në këtë stadium është mbyllur në barazim sfida e parë e sezonit. Takimi i fundit, i zhvilluar në Kamzë, përfundoi në barazim pa gola.

Në një intervistë për “RTSH SPORT”, trajneri kryeqytetas u shpreh se ka skuadra e tanishme ka pësuar ndryshime rrënjësore nga ekipi i mëparshëm”

“Situata është ndryshe pasi nga ai Kukës kanë mbetur vetëm 2 ose 3 lojtarë. Ajo skuadër e arriti objektivin e vjet, ndërsa kjo skuadër duhet të punojë ende. Mund të them se ekipit nuk i mungon cilësia”.

“Objektivat e Kukësit janë gjithmonë trofetë dhe kalimi i sa më shumë tureve të Kupave të Europës. Më parë nuk ia dolëm dot për shkak të disa faktorëve. Tani duhet të shikojmë përpara si. Presidenti i Kukësit kërkon gjithçka”.

Së fundmi kemi parë probleme mes Laçit dhe Tiranës, teksa ka pasur sherr mes lojtarëve dhe drejtuesve, ndërkohë që në Shkodër kërcënimet janë rikthyer në një normalitet që nuk i bëjnë përshtypje askujt. Ngjarje të përsëritura në qytetin verior, ku Klubi i Futbollit Vllaznia është pa zot.

PRESIONET NË SHKODËR  – Ernest Gjoka ka qenë një nga ata trajnerë që i ka rënë të punojë në Shkodër dhe ka pasur problemet e tij: “Pranova me një dashuri shumë të madhe, sepse shkova në një qytet që ka prodhuar gjithmonë jo vetëm futboll, por edhe në art. Pata problem deri në rrezik të jetës sime për arsye sepse u mundova të jem profesionist dhe për arsye sepse ata njerëz që nuk e meritojnë të jenë pjesë e ekipit të mos jenë nëpër këmbë dhe të na pengojnë punët.

Qytetin e ka kap pjesa e keqe. Ai qytet duhet të luftojë shumë me pjesën e keqe. Nuk është e kollajtë. Kam qenë prezent në disa raste, së bashku me kryetaren e bashkisë, ku presionin që kisha unë e kishte dhe ajo”.

DHUNA NË STADIUME – Më tej, në intervistën e dhënë për ABC News, shtoi: “Kur dikush që ka një status në tribunën VIP ngrihet, bërtet, shan, provokon, atëherë çfarë do të bëjnë njerëzit? Ne duhet të kemi një ligj. Ligji duhet të jetë si për tribunën VIP, sipër njerëzit, si për ndokënd, si për trajnerin apo lojtarin. Ne që e ndiejmë dhe e kemi në kurriz këtë lloj presioni, nuk e keni idenë se sa të vështirë e kemi të punojmë”.

ÇEREKFINALET E KUPËS – Gjoka bën edhe një koment në lidhje me ndeshjet çerekfinale të Kupës së Shqipërisë: “Kam parë dy fytyra të Partizanit. Një fytyrë ndryshe në kampionat dhe një fytyrë ndryshe në ndeshjet e Kupës. Një Partizan që në Kupë është një ekip jo me atë agresivitetin e kampionatit, një ekip që e merr ndeshjen lehtë.

Laçi bëri mirë, por Tirana arriti t’ia merrte në momentet e fundit. Kryendeshja ishte mes Kukësit dhe Teutës. Aty pashë një Kukës me një dëshirë për të kaluar dhe pashë një Teutë që, edhe pse është ekip me shumë cilësi, nuk arriti të bënte asgjë”.

“Kukësi-Partizani është realisht kryendeshja e javës. Për skuadrën kuksiane është si një finale për kreun e renditjes. Mendoj se Kukësi i ka cilësitë e mundësitë që ta fitojë këtë sfidë. Duke qenë edhe 11 javë kampionat, të gjitha mundësitë janë që pas kësaj ndeshjeje Kukësi të tregojë se blerjet e reja janë vendimtare për synimin final”, shprehet fillimisht Gjoka.

Më tej ai shtoi: “Kukësi ka përbërje më të mirë se Partizani, por blerjet e fuqishme ende nuk kanë folur në fushën e lojës. Partizani ka një grup më solid dhe deri këtu ka ardhur me meritë, ndaj mendoj se të premten do të shohim një nga finalet për titullin kampion”.

AGRON KAJA

Tekniku kryeqytetas e mbyll këtu me Kamzën, që tanimë duhet të gjejë një tjetër trajner. “Zyrtare, pas ndeshjes trajneri Ernest Gjoka është dorëhequr nga skuadra”, njofton klubi periferik i kryeqytetit. Kamza e nisi kampionatin me Bledar Devollin në stol, më pas gjirokastriti u pasua nga Klodian Duro.

Dy trajnerët e parë u larguan pas humbjeve me Teutën, kurse këtë herë ishte Kastrioti që detyroi Gjokën të largohej. Ishte një ndeshje direkte për mbijetesën dhe kjo disfatë vendosi fatet e trajnerit kryeqytetas.

Trajneri flet shkurt për mediat e pranishme në stadium dhe do të mendojë dhe për pozitën e tij, pasi është e vështirë të ecësh përpara me një ekip që nuk paguhet dhe vendos të mos zbresë në fushë.

SITUATA – “Gjendja jonë është kjo që është. Kaq është mundësia jonë dhe nuk më takon të flas për gjëra tjera. Nuk është çështje ultimatumi, por duhet zgjidhur situata. Njerëzit kanë nevojat e tyre nga ana financiare, kanë familje për të mbajtur.”

KONFLIKTI – “Dy drejtuesit tanë kanë prishur marrëdhënien me njëri-tjetrin dhe këtë gjë po e vuan skuadra. Unë uroj që të zgjidhen të gjitha gjërat që skuadra të jetë e qetë. Mundësitë e mia janë të përgatis skuadrën që del në fushë. Kur e kam skuadrën e qetë, mendoj se gjërat do të shkoj në mirë. Kur gjërat rëndohen, nuk e di se çfarë ndodh. Di të them se është situatë e vështirë.”

NDESHJA – “Në këto momente që jam, jam i kënaqur me të gjithë ata që mu përgjigjen. Jam i lumtur që dhanë të gjitha mundësitë e veta. Bënë mirë, bënë keq, do ta vlerësoj më vonë. Kaq!”

MOTIVIMI – “Sigurisht që problemet janë, por unë mendoj se do t’i jap dhe pak kohë presidentit dhe n.q.s nuk e qetëson skuadrën, jo vetëm unë, por askush nuk punon dot. Nuk është çësthje dorëheqje, por nëse nuk i motivon lojtarët të luajnë, unë nuk kam çfarë bëj.”

BOJKOTI – “Unë nuk kam çfarë sqaroj për mungesat. Unë erdha për respektin tuaj në këtë intervistë, por mendoj se si unë, si ju, e dini mirë si është situata. Për mua nuk ka më vlerë. Ta mbyllim këtu këtë intervistë dhe shpresoj që situata të zgjidhet, për hir të këtyre djemve. Nëse skuadra do të ketë qetësi psikologjike, Kamza do të ishte shumë më mirë. Mos i bini derës time për këto probleme, duhet të dini kujt dere t’i bini.

E ARDHMJA – “Unë nuk stërvis dot djemtë e mi vetëm fizikisht, pasi ata nuk janë aspak të motivuar. Do të shqyrtoj dhe pozitën time këtu. Unë mendoj se çunat që luajtën sot, dhanë maksimumin.”

Tomori lindi në Tiranë më 30 janar 1938, që tek të rinjtë e Tironës u mësua me trofe, fitoi disa tituj kampionë. Lojtar i shpejtë dhe teknik, mjaft pozicion dhe me një nuhatje të shkëlqyer për gol, çka bëri që në vitin 1959 të bëhej pjesë e Tironës.

Në fakt, për shkak të shërbimit të detyruar ushtarak, Gjoka luajti për Partizanin deri më 1961, por më pas u kthye tek Tirana dhe prej sezonit 1962-1963 u bë lojtar kyç, me 27 gola që e bënë shënuesin më të mirë të kampionatit shqiptar në sezonin 1963-1964, ndërsa më pas golat ishin rutinë. Po ashtu, titujt kampionë, sepse Gjoka ngriti trofeun madhor në vitet 1965, 1966, 1968 dhe 1970.

Nuk pati shansin të luante për kombëtaren, përveç ndonjë takimi me kombëtaren olimpike, sepse lufta e klasave e ndëshkoi, duke i vrarë edhe dëshirën për të vazhduar më gjatë me futbollin. Familje kampionësh, pasi edhe bashkëshortja e Tomorit, shoqja e tij, Afërdita Leskaj, mjeshtre e sportit, ishte një atlete e shkëlqyer e  17 Nëntorit, gjatë viteve 1963-1970. Për sa i përket Ernest Gjokës, historia e tij është e freskët, në zhvillim e sipër, por një titull kampion me Kukësin mjafton për t’u krenuar para të atit.

Penalltia – “Ishte një faktor shumë kryesor kartoni i kuq. Ndeshja ishte me dy pjesë. Në pjesën e parë, bëmë shumë mirë, pastaj u ndie presioni i kundërshtarit. Ky nuk është 11-metërsh, për mendimin tim, por tani gjithçka ka mbaruar. Kjo ishte pika e kthesës.

Përmbysja – “Sigurisht që duhet të flasim më shumë për skuadrën, pasi nëse do të jemi gjithmonë në këtë situatë, ath nuk ka vlerë. Duhet punuar shumë që kjo situatë negative, të kthehet në situatë pozitive. Duhet të jemi të qetë, të durueshëm dhe të shfrytëzojmë momentet tona të mira.

Kartoni i kuq – “Unë sapo e thashë që nuk na lejohet kjo situatë. Edhe pse qëllon shpesh në futboll që një lojtar del më të kuqe, duhet të punojmë me situatën ku ndodhemi. Ne nuk ishim të qetë dhe të vetëdijshëm për atë që bëjmë dhe rezultati u pa. Ne nuk jemi të qetë nga ana psikologjike dhe kjo gjë duhet të ndryshojë, ndryshe nuk ka vlerë.

Zëvendësimet – “Mund të largoja Martinenën dhe të aktivizoja Orelesin, por mendova të mbaj të dy në fushë, së bashku me Plakun. Kjo ishte strategjia jonë”.

Rivalët – “Përmbysja që na kanë bërë kundërshtarët duhet të ndryshojë. Nëse ne bëjmë mirë në 50% të ndeshjes, kemi forca për të bërë mirë deri në fund”,- përfundoi Gjoka.

“Stërvitja në plazh? Nuk është çështje kënaqësie, ne po bëjmë maksimumin edhe këtu ku jemi. Çunat po rikuperohen dhe po përmirësohen nga dita në ditë. Shpresoj që me fillimin e kampionatit, të jemi të gjithë të gatshëm.

Mendoj që ndoshta na duhet dhe një mbrojtës tjetër alternativë. Mos harroni se kemi transferuar Shalën, një mbrojtës të majtë. Na duhet dhe një qendërmbrojtës, por dhe nëse jemi këto që jemi, besoj se do të bëjmë mirë.

Unë besoj te futbollistët që kam në skuadër, kanë cilësi dhe eksperiencë. Shpresoj që këta lojtarë që janë këtu, do ta nxjerrin Kamzën nga kjo vështirësi”.

MBIJETESA – “Kjo është një sfidë shumë e vështirë, por unë besoj se, së bashku me presidentin Qarri dhe kryetarin  e bashkisë ne do t’ia dalim. Nëse ndonjë nga këto hallka nuk funksionon, atëherë do ta kemi shumë të vështirë”

FAZA PËRGATITORE – “Sigurisht kjo është një fazë e rëndësishme. Baza do të jetë përgatitja fizike, por edhe ajo psikologjike, duhet të punojmë nga ana e mentalitet që të ecim përpara”.

LARGIMI I FRASHËRIT – “Frashëri ka qenë një ndër lojtarët kryesorë të skuadrës dhe nuk do ta kemi të vështirë për ta zëvendësuar. Gjithsesi nuk duhet të kthejmë kokën pas. Presim afrime në merkato. Tregu është shumë i varfër, gjithsesi ne do të shikojmë deri në fund dhe shpresoj të jemi me fat”, tha trajneri Gjoka.

Moduli i përzgjedhur prej tij është interesant: 4-2-3-1. Fokusi më së shumti është te Kukësi, klub me të cilën u shpall edhe kampion në sezonin 2016-2017. Portieri më i mirë për Gjokën është Enea Koliçi, të cilin e veçon jo vetëm për prezencën e tij në katërkëndorin kuksian. “Veç personalitetit të tij në portë, Enea Koliçi është portieri që nuk pësoi asnjë humbje në 35 javë kampionat. Besoj se mbetet një nga portierët më të mirë të Kukësit në garimin e tij në Kategorinë Superiore”.

Edhe mbrojtja më e mirë në karrierën e Gjokës si trajner dominohet nga kuksianet. Në krahun e djathtë vendos beratasin Polizoi Arbri, ndërsa në krahun e majtë Gledi Micin. këtë të fundit e ka drejtuar në tre skuadra: te Kamza, Flamurtari e Kukësi. Qendra e mbrojtjes përbëhet nga Ylli Shameti dhe Albi Alla, të katërt këta që për Gjokën kanë pasur dhe kanë personalitet, njëherësh janë edhe vendimtarë në skuadër. “Për mendimin tim, të katërt ishin “diga” që nuk thyheshin lehtë nga çdo kundërshtar. Mbrojtës energjikë dhe me personalitet”.

Dy mesfushorët, që për Gjokën kanë treguar më shumë profesionalizëm, janë Nijas Lena e Besart Musolli. Para tyre pozicionohen Gjergji Muzaka, Hair Zeqiri dhe Zhan Karioka. Ata ishin truri dhe energjia në skuadër. “Të kishe mesfushorë të tillë në skuadër, ishte shumë e vështirë përzgjedhja. Por ishte e lehtë të ndaje mes talentit dhe punës së tyre në shërbim të skuadrës. Të gjithë në fushë mbeten truri dhe energjia, mesfushorë elegantë e me vizion”.

Në formacionin më të mirë të Gjokës ka vend vetëm për një të sulmues të mirëfilltë dhe ai është kroati Pero Pejiç, të cilin aktualisht e quan sulmuesin më  profesionist dhe të paarritshëm në Superioren shqiptare. “Pero Pejiç e ka treguar personalitetin e klasin e tij të lartë në çdo skuadër shqiptare të Superiores. Te Kukësi ai ishte protagonist në çdo ndeshje, jo vetëm si lojtar goli”.

KARRIERA – Ernest Gjoka nuk ka karrierë të gjatë si futbollist, ku e ka nisur në vitin 1990 me U21 të Tiranës dhe dy sezone me skuadrën e Studentit. I lindur në 25 janar 1970, vetëm 39 vjeç ishte kur mori rrugën e trajningut si trajner i parë, e pikërisht me Apoloninë në Kategorinë Superiore.

Si trajner ka drejtuar e drejton skuadra në Superiore, ku në harkun e dhjetë viteve të fundit ka qenë në krye të Flamurtarit, Tomorit, Kukësit, Vllaznisë dhe së fundmi Kamzës. Përgjatë këtyre viteve Gjoka ka fituar 1 kampionat, 1 Kupë dhe 1 Superkupë të Shqipërisë, ndërkohë që është i përzgjedhur edhe në mediat sportive për mendimin e tij të kualifikuar në futboll.

IDEUAN DHE PËRGATITËN: Vladimir Prenga, Agron Kaja

“Na duhen akoma më shumë pikë, lufta është e fortë. Dy kundërshtarët që shohim ne, duke shtuar edhe Kastriotin tre, Luftëtari dhe Tirana janë dy skuadra për t’u respektuar. Janë ekipe shumë të forta dhe me pak gabime mund të kishin qenë akoma edhe më lart. Kjo na e vështirëson shumë punën. E ardhmja duhet të jetë ndryshe, duhet të mendohet ndryshe, duhet formatuar ndryshe që të kemi një luftë të fortë”, shprehet Gjoka për “RTSH Sport”.

LARGIMI I FRASHËRIT – Trajneri i Kamzës ka folur edhe për transferimin e Frashërit te Kamza dhe paralajmëron afrime  në mbrojtje: “Kontrata e tij ka qenë në përfundim. Lojtarët mund të bëjnë natyrshëm zgjedhjet e tyre. Mendoj se kemi forca, por me kërkesat që i kam bërë presidentit për mbrojtës shqiptarë, them se do jemi përsëri të fortë dhe kompetitivë në repartin e mbrojtjes.

SULMI – Gjoka ka marrë në mbrojtje kapitenin Sebino Plaku dhe argjentinasin Martinena: “Sigurisht që nuk mund të ishte as Sebino, as Martinena dhe as Roloviç në momentin e tyre më të mirë, kur skuadra nuk po shkon mirë. Një sulmues i mirë është ai që bashke me skuadrën e çojnë topin përpara për të shënuar golin. Kur skuadra nuk funksionon mirë, nuk funksionon asgjë. As sulmuesit, sado të mirë t’i kesh. Ky ka qenë problemi i sulmuesve. Për pjesën e dytë të sezonit kam shumë besim tek eksperienca e Martninenës dhe Plakut”.

DAVID IZAZOLA – Një koment në fund trajneri i Kamzës e bëri edhe për sulmuesin meksikan Izazola: “Sulmuesin e ri do ta shikojmë, do ta studiojmë, do t’i japim mundësinë e testit. Nëse do ta shikojmë që do ta kalojë, pastaj mendoj se do të jemi akoma më të fortë. Kjo pasi do të kemi më shumë alternativa. Por edhe kjo duhet parë me pak skepticizëm, pasi ardhja e lojtarëve të huaj nga vende si Meksika apo vende të tjera, nuk shkon si duhet për shkak se nuk përshtaten”.

Karrierën e trajnerit, Ernest Gjoka e ka nisur në vitin 2009 me Apoloninë në Kategorinë Superiore dhe gjatë kësaj periudhe ka trajnuar edhe skuadra të tjera në këtë kategori, si Tomorin, Flamurtarin, Kukësin, Vllazninë dhe Kamzën. Me 1 Titull Kampion të fituar, 1 Kupë dhe 1 Superkupë, Gjoka morri drejtimin e Kamzës për një sfidë të re, dhe në këtë deklarim ai shprehet me besim se objektivi për mbijetesë në Superiore do të arrihet.

INTERVISTOI: AGRON KAJA

Keni pesë ndeshje në stolin e Kamzës, i keni arritur pritshmëritë për këtë hapësirë në Superiore?
-Pritshmëritë gjithmonë janë për më lart, por në këto pesë javë mendoj se kemi bërë gjysmën e punës. Kemi patur vështirësi në plotësimin e skuadrës me lojtarët më në formë, sepse unë e gjeta jashtë formës së duhur ekipin, e trashëguar kjo nga javët e kaluara.

Në këndvështrimin tuaj teknik, në cilën nga dy fazat e para ka qenë Kamza më e mirë?
-Duke qenë se unë jam ulur në stolin e Kamzës në javën e 14-të, ndoshta nuk mund ta bëj me saktësi dallimin mes dy fazave. Por Kamza ka lojtarë cilësorë që unë i konsideroj si “lokomotiva” që do ta çojnë skuadrën drejt suksesit në këtë sezon.

Po mangësitë që ju keni konstatuar në këto pesë javë, cilat veçoni?
-Në këndvështrimin tim, te Kamza ka patur një mangësi e cila ka qenë ana psikologjike e skuadrës. Këtu u mbështetëm kryesisht në këto pesë javë që unë e drejtoj këtë skuadër, dhe këtu do të përqendrohet lufta jonë për arritjen e synimeve, ku primare është mbijetesa në Superiore.

Sa ndikim ka patur tifozeria në mbështetjen e skuadrës së Kamzës?
-Tifozeria e Kamzës është shumë e ndjeshme, por gjendja jo e mirë në renditje e ka larguar nga stadiumi. Ata janë ndihmë e madhe dhe kanë qenë faktor gjithmonë, dhe nëse këta do të vijnë në stadium si në ndeshjen e fundit me Skënderbeun, skuadra do ketë më shumë përmirësim.

Në këto katër javë ndërprerje të kampionatit, veç anës stërvitore, keni menduar edhe merkato?
-Është një periudhë e shkurtër dhe shumë e limituar për të bërë përgatitje më komplekse me skuadrën. Gjithsesi, përgatitjet do të vazhdojnë paralelisht me merkaton, edhe pse jemi të ndërgjegjshëm që në periudhën e dimrit është shumë e vështirë për lojtarë që bëjnë diferencën.

Jeni optimist se Kamza do të mbijetojë në Kategorinë Superiore me punën që do të bëni në vazhdimësi?
-Natyrisht që për këtë objektiv do të punojmë fort në dy fazat e tjera të këtij kampionati. Bashkia dhe Presidenti i Kamzës kanë dhënë mbështetjen maksimale që ky synim të realizohet, ndërsa unë kam besim se edhe skuadra do të reagojë në më të mirën e saj.

Ernest Gjoka ka folur pas ndeshjes për emisionin “Gol pas Goli” në “SuperSport”, duke u shfaqur i lumtur për triumfin. Trajneri i Kamzës vlerëson paraqitjen e ekipit, flet për taktikën e ndeshjes, tregon nevojat e merkatos dhe e mbyll me luftën e fortë për mbijetesën.

NDESHJA – “Ishte një ndeshje shumë e vështirë. Skënderbeu ka një skuadër të mirë dhe ka një filozofi loje që të bën të harxhosh shumë energji. Kjo fitore erdhi në momentin e duhur, pasi kemi vuajtur shumë dhe është një fitore qetësie, por edhe na jep besim për të ardhmen”.

MERKATO – “Uroj të kemi ndonjë dhuratë, pasi edhe ekipi ka nevojë të forcohet. Nuk e kam pasur ekipin e plotë. Kemi vuajtur dhe kemi pasur ndryshime. Sot, Teqja ka luajtur i dëmtuar dhe e komplimentoj, pasi ka dhënë maksimumin. Nuk mund të shkojmë shumë gjatë kështu. Nuk është e lehtë të gjesh lojtarë në këtë periudhë të merkatos”.

DËSHIRAT – “Për momentin ato emra që duam ne apo trajneri mund të jenë të zënë. Ne do të shikojmë dhe të shpresojmë që të ketë ndonjë rotacion në ndonjë skuadër, kemi nevojë për afrime ne repartin e mbrojtjes, që të kemi ndonjë alternativë. Na duhen lojtarë shqiptarë, pasi të huaj kemi mjaftueshëm. Po shohim, nuk po gjuajmë, më vonë do të nisim të gjuajmë për lojtarët”.

MBIJETESA – “Lufta për mbijetesë është e fortë dhe nuk ka garanci. Të katërta skuadrat kanë luftë të vazhdueshme dhe nuk mund të veçojmë ndonjërin. Duhet të flasim me drejtuesit dhe pse jo t’i ndihmojmë. Afrimet duhet të jenë shqiptarë, pasi të huaj kemi mjaftueshëm, sidomos në mbrojtje. Është e vështirë që një skuadër të luajë pa dy mbrojtës, si një shtëpi që nuk ka çati”.

KUNDËRSHTARI – “Duke e njohur Skënderbeun, duke ditur pikat e forta ne kishim marrë masat shumë mirë. Arritëm të bëjmë atë që deshëm. Krahët nuk i funksionuan siç duhet kundërshtarëve. Ishte e rëndësishme të ishim në ekuilibër dhe të dinim me shpejtësi nga krahët”.

MARTINENA – “Martinena ka munguar prej një kohe të gjatë dhe është e vështirë. Çdo lojtar do e humbiste ritmin. Nga kur kam ardhur, me aq sa e njoh dhe nga eksperienca e tij doja ta ngrija, por nuk e bëj dot menjëherë. Uroj shumë që në fazën tjetër të jetë një sulmues tjetër, së bashku me Sebinon”.

“Jam munduar të ndryshoj mentalitetin e skuadrës dhe të lojtarëve. Na duhej të krijonim besim te vetja dhe të ecnim përpara. Kishim disa probleme të vogla, siç kanë qenë dëmtimet. Nuk është e lehtë të mos kesh disa lojtarë, por po mundohemi t’i rikuperojmë. Sërish kemi dy mungesa, Frashërin dhe Mehmetin me kartonë”, u shpreh fillimisht Gjoka në konferencën e sotme për shtyp.

Më tej ai analizoi korçarët: “Skënderbeu është një skuadër për t’u vlerësuar, pavarësisht humbjeve të fundit. Ata kanë lojtarë me shumë potencial, që dinë të dalin nga situatat e vështira. E kemi studiuar kundërshtarin dhe mund të them se kanë treguar nivel në lojë, i kanë menaxhuar mirë ndeshjet. Por ndoshta nuk kanë pasur fat. E kemi vlerësuar maksimalisht Skënderbeun. Duke bërë këtë, vlerësojmë edhe veten tonë. Lufta jonë është shumë e madhe me skuadrat rivale, në fundin e renditjes. Fitorja e Luftëtarit në Korçë e ashpërson më shumë garën për mbijetesë. Kuptohet, çdo skuadër bën luftën e vet, por ne i presim korçarët në fushën tonë dhe duhet të marrim maksimumin”.

GARA – “Mendoj se kampionati është shumë i fortë këtë sezon. Diferencat mes skuadrave nuk janë shumë të mëdha, kështu që nuk e kam parë në atë këndvështrim (tolerim i mundshëm i Skënderbeut ndaj Luftëtarit). Jam i fokusuar te skuadra ime dhe mendoj se kush jep maksimumin në një ndeshje, mund të fitojë ndaj cilësdo skuadër të Superiores. Një nga gjërat kryesore që kemi ne si popull është vuajmë shumë nga paranojat. Ne besojmë te puna jonë, tek ajo që bëjmë në fushën e lojës, jo në rrjetet sociale. Unë nuk e di që Skënderbeu të ketë lënë ndonjë ndeshje deri më sot, që ta bëjë edhe ndaj nesh. Di që pas humbjes me Luftëtarin trajneri Shehi ka ofruar dorëheqjen. Kjo do të thotë se në kësi problemesh nuk ka vend për diskutim”.

“Unë shikoj vetëm një gjë: ky kampionat është shumë i egër. Këtu kam parasysh se nuk është më ai Skënderbeu që ka qenë gjithë kohën, shumë i fortë. Nuk është ai Kukës që ka qenë gjithë kohën shumë i fortë. Shoh një Partizan që ka ndryshuar, por sigurisht nuk është Partizani më i mirë i viteve të fundit. Shoh edhe një Teutë që ka hyrë në vallen e titullit. Pra, kampionati është gjithnjë i hapur, pavarësisht hapësirave në pjesën e fundit të renditjes. Kampionati është shumë i fortë, ndaj ne duhet të vrapojmë e të djersijmë shumë për t’i realizuar objektivat. Edhe po të fitosh, edhe po të humbësh, këtu te ne do ta gjejnë një gjë, për t’ia vënë si “bisht” nga pas ndeshjes”.

LËVIZJET NË JANAR – “Tani ke shumë pak mundësi për të gjetur lojtarë të mirë e cilësorë. Dhe për të qenë shumë i sinqertë me ju, ne nuk kemi ndonjë buxhet të jashtëzakonshëm financiar. Ne jemi një klub modest dhe brenda kësaj modestie do të përpiqemi të gjejmë ndonjë lojtar për ta përforcuar skuadrën. Në këto dy faza kemi parë se, duke mos pasur shumë lojtarë në grup, kemi vuajtur herë pas here. Në fazën mbrojtëse kemi pasur shumë probleme edhe me dëmtimet. Ndoshta do të kërkojmë ndonjë mbrojtës për t’u përforcuar. Në pjesën përpara mendoj se jemi skuadër e mirë. Është thjesht çështje besimi dhe fati, që nuk kemi shënuar shumë gola. Askush nuk mund të thotë se Plaku dhe Martinena nuk janë sulmues goli”.

Ernest Gjoka ka folur në emisionin “Gol pas Goli” në “SuperSport”, duke komentuar duelin e sotëm. Trajneri vlerëson paraqitjen e ekipit të tij, por mungesa e dy qendërmbrojtësave ndikoi. Megjithatë, duhet parë përpara. Kamza po lufton me Kastriotin, Tiranën dhe Luftëtarin për qëndrimin në kategori dhe Gjoka tregon mënyrën se si dilet nga kjo situatë. Kamza dhe ai kanë nevojë për… pikë!

“U mërzitëm shumë, sepse e kishim përgatitur ndeshjen si duhet për të mos humbur. Futbolli është i paparashikueshëm. E pësuam nga një gabim. Gjithë kohën jemi në test, e kam thënë këtë për të motivuar lojtarët. Skuadra nga java në javë po mundohet të ndryshojë diçka. Diku marrim tre pikë, diku humbim si sot. Kishim përballë një ekip të fortë, por jam i kënaqur me atë që skuadra dha. Nuk morëm atë që kishim menduar”.

GOLI I PËSUAR – “Gol ishte i evitueshëm. Gabuam në atë moment. Kishim programuar të markonim lojtarët më të fortë që ata kanë në ajër. Mund të kishim pësuar nga ndonjë aksion tjetër, por jo nga ai rast”.

MARKIMI – “Asnjëherë nuk markoj në zonë, por e bëj miks. Lojtarët kryesorë mbulohen një për një, ndërsa të tjerët mbulojnë zona të caktuara. Nuk morëm atë që kishim menduar”.

MBIJETESA – “E kam thënë se lufta mes katër skuadrave të fundit do jetë e fortë. Mbijeton kush tregon më shumë karakter. Këtë po mundohemi ne. nëse jemi të përgjegjshëm, të kemi dinjitet. Jam i bindur se mund të luftojmë. Kemi lojtarë që mund të na tërheqin përpara”.

MERKATO – “Kemi nevojë për shumë pikë. Çdo gjë në momentin e duhur. Kemi nevojë shumë, kemi diskutuar me skuadrën dhe lojtarët. Na duhen alternativa, nuk kishim dy qendërmbrojtësit. Zhvendosëm Arrabal dhe u dobësuam në mesfushë. Në janar, po të kemi edhe fat, do mundohemi të afrojmë lojtarë cilësorë”.

HUMBJA E TIRANËS – “Ishim më të qetë, por nuk ka vlera nëse nuk merr qoftë edhe një pikë. Duhet të mos humbnim. Nëse merrnin një pikë, do kishim tjetër motivim. Gjithsesi nuk është se do na mungojë kjo, e treguam ta vëmë në vështirësi Flamurtarin. Ishim dinjitozë dhe e kemi potencialin të ecim përpara”.

FITORJA – “Është shumë e rëndësishme, pasi fitorja të jep moral e përqendrim, energji për të vazhduar. Edhe ato pak punë që bëjmë i bëjmë me shumë vuajtje. Kemi shumë kosto, pasi bëmë tre zëvendësime të detyruara. Frashëri luajti për më shumë se 60 minuta i dëmtuar. Kemi një skuadër me cilësi dhe me përvojë. Kam besim te kjo skuadër. Na duhet të shohim me qetësi gjendjen ku jemi. Nuk kemi shumë mbrojtës në alternativa. Kemi më shumë të huaj në fazën para. Po mendoj se çfarë do të rikuperoj për dy mbrojtësit për të ardhmen”.

FAKTORËT – “Në futboll qetësia, bashkëpunimi janë faktorë shumë të rëndësishëm. Çdo gjë po shkon mirë, do bashkëpunojmë mirë me skuadrën”.

EKIPI – “Ekipi u duk se ishte lodhur, për shkak bëmë dy ndryshime të detyruara. Ekipi u fut pak pas. Në këto ndeshje me kaq shumë tension dhe me kaq shumë rëndësi për pikët, e rëndësishme është që të gjejmë mjetet për të arritur te synimi që kishim, për të marrë fitoren”.

TAKTIKA – “Që në momentin kur ktheva Frashërin në të djathtë dhe Idrizin në krahun tjetër, gjithçka uprish. Ne e kërkuam golin e dytë,  kishim mundësi që t’i jepnim goditjen e fundit, por nuk patëm fat, edhe psekundërshtari la hapësira pas, duke u hedhur më shumë në sulm”.

RAPORTI – “Nuk është në funksionin tim të flas për marrëdhënien mes Qarrit dhe Mziut. Janë marrëdhëniete tyre private”.

TAKIMI – “E kishim ndërtuar ndeshjen që të mos dilnim pa pikë. Ishte diçka e mirë që të mos mundeshim, të merrnim barazimin apo të kërkonim fitoren. E arritëm këtë gjë. Ishte ndeshje e egër dhe e fortë. Skuadra bëri detyrat dhe, nga ana e disiplinës taktike, ekipi i zbatoi detyrat me përpikëri”

PLAKU – “Sebino shumë shpejt do të dalë te goli. Sakrifikoi dhe në mbrojtje dhe ishte lodhje e dyfishtë. Laçi ka një ekip të mirë dhe është agresiv. Në ato raste që pati nuk arriti dot ta gjente rrugën e rrjetës”

DUELI – “Kishte dyluftime dhe lojë të fortë. Kishte dyluftime në ajër shumë të fortë. Ky është agresiviteti në sport. Për këtë qëllim kishte agresivitet loja. Nëse do të kishim pak më shumë qetësi, mund të kishim shënuar. Loja ndaj është kaq e bukur se, jo gjithnjë ato që duam ne na dalin në fushë”.

PIKA – “Kjo pikë na duhej me patjetër, që të kthenim moralin, besimin e humbur që e kërkonim prej kohësh. Ishim të çoroditur dhe kjo do të jetë një pikë oksigjeni. Javë e ardhshme kemi një ndeshje si finale dhe duhet ta kalojmë me sukses, pasi në të kundërt nuk ka vlerë. Ne akoma jemi në ato ujëra aq të turbullta, që duhet të bëjmë akoma dhe më mirë që të marrim ajër”.

HUMBJA – “Ndjej keqardhje për humbjen, më tepër për lojtarët sepse ata e vuajnë më shumë, duke pësuar dy autogola. Penalltia? Nuk di çfarë të mendoj. Ishte e thjeshtë për arbitrin. Për më tepër që rezultati ishte në barazim 0-0.”

SITUATA – “Ka nervozizëm, sepse nuk është e lehtë të jesh në vendin e fundit dhe vetvetiu kjo ndodh. Po punojmë shumë ta ndryshojmë, por hap pas hapi. Nuk ishte çështje nervozizmi, por mungesë fati dhe paqartësi në momentet e pësimit të golit. Ekipi është në vendin e fundit të tabelës, lojtarët kanë cilësi. E kemi gjetur Kamzën në moment shumë të vështirë. Objektivi është të marrim pikët, sepse asgjë tjetër nuk ka vlerë.”

OBJEKTIVI – “Në këto katër javët e fundit do kërkojmë të marrim sa më tepër pikë, për të dalë nga kjo situatë. Këto pesë javë, do të jenë një test për neve. Duhet të dalim nga ky ngërç dhe më pas të shikojmë se çfarë do të bëjmë. Duhet të mbledhim sa më tepër pikë që të mundemi, nuk mendojmë asgjë tjetër. Kamza ka lojtarë që nuk duhet të jetë në këto pozita. Por, duke humbur pikë javë pas jave, vjen edhe humbja e qetësisë.”

Emocion i madh, por ai dëshiron rezultat pozitiv për Kamzën. I tillë është dhe barazimi, pasi pikët duhen për renditjen, por sidomos për anën psikologjike.

PËRBALLJA – “Çdo ndeshje është e vështirë, luajmë kundër një Kukësi me pretendime. Për mua është ndeshje emocionuese, pasi me atë klub kam arritur shumë gjëra. Ky është futbolli, do përplasesh me të gjithë. Nuk ka ndeshje të lehta.”

RIKTHIMI – “Kamza ka lojtarë me cilësi brenda, ka lojtarë me eksperiencë. Kjo më shtyu të marr drejtimin e Kamzës. Mbijetesa? Për sa kohë e kam marrë përsipër, do bëj maksimumin.”

PLAKU – “Do e shikoni nesër në fushë. Ai kudo që luan bën maksimumin. Ka eksperiencë të madhe, si sulmues i dytë ai bën më mirë. Nesër ai do na ndihmojë shumë. Ndryshime në vendosje? Sigurisht që gjërat në këndvështrimin janë ndryshe. Që nesër do shihni skuadrën si e kemi menduar dhe kemi punuar. Jemi munduar të sjellim diçka ndryshe.”

MUNGESAT – “Avdylin duhet ta ngushëllojmë dhe t’i jemi pranë pas asaj që i ndodhi (i ka vdekur vëllai). Portieri është pikë kryesore, por kështu është futbolli. Kur kemi probleme do bëjmë ndryshime. Besojmë te portieri Kirev, i cili ka eksperiencë dhe cilësi.”

KUKËSI – “Është ndeshje emocionuese, e thashë edhe më parë. Kemi bërë histori, për 35 ndeshje nuk humbëm. Ishte meritë e gjithë grupit, bashkë me presidentin Safet Gjici. Është emocion, pasi Kukësi është skuadër që do gjithmonë të jetë në vendet e para. Do kërkojmë të marrim rezultat pozitiv ndaj Kukësi dhe ndaj çdo skuadre. Nuk duhet të humbim, kjo ka rëndësi. Në sport ana mendore është shumë e rëndësishme.”

Dy fjalë edhe për opsionin Kamza që u lakua për të, por edhe për trajnerët e rinj që drejtojnë. Gjithashtu ai tregon edhe skuadrat që do të rivalizojnë për tre vendet e para në kampionatin tonë, duke mos përmendur në asnjë moment Tiranës.

NIVELI I SUPERIORES – “Rënie nuk ka, sepse kampionati sa vjen dhe rritet. Edhe pse shume klube nuk kanë nivel të lartë ekonomik, kanë ekipe me shpirt gare. Fillimi i kampionatit ka treguar se është një garë me grinte . Kampionati ka nisur egër dhe nganjëherë duket sikur nuk ka cilësi, por është ai stresi për të marrë pikët që e frenon cilësinë. Gradualisht do i shohim ekipet, si Flamurtari që është bërë ekip i ri, Kukësi që do të jetë pretendent, Partizani dhe Teuta që ka ndryshuar. Do shikojmë që gradualisht çdo gjë do të shkojë në vendin e vet”.

NDIKIMI I DËNIMIT TË SKËNDERBEUT – “Padiskutim është një problem shumë i madh, sepse bëhet fjalë për një ekip që tregoi profesionalizëm për shtatë vjet në bërjen e skuadrës, në mbajtjen e skuadrës, në trajtimin si institucion të trajnerit dhe stafit. Skënderbeu është një handikap i madh sot në futbollin tonë, sepse është në stresin e pritjes së përgjigjes së KAS-it. Nëse e kalon këtë problem, absolutisht e shoh Skënderbeun sërish fitues në janar”.

TRAJNERËT E RINJ – “Mendoj se çdo lëvizje bëhet për mirë. Janë kolegë të rinj, që duan të ecin përpara. E shoh pozitive, pasi duhet që njëherë të dalësh në treg. Pastaj se sa i aftë je për ta mbajtur vendin, do e tregojë. Duhet kuotuar diçka, bota e trajnerit me të futbollistit janë të ndryshe. Nëse vazhdon mendon se ke qenë sportist i mirë dhe do jesh trajner i mirë, je në një rrugë pa krye. Nëse e harron çështjen e futbollistit të mirë, por do të bëhesh trajner i mirë, absolutisht që nga mëngjesi deri në darkë duhet të studiosh dhe të punosh. Luftën e trajnerëve të rinj e shoh pozitive. Uroj që ky brez të jetë profesional dhe qytetar, si dhe të luftojë me mjetet e punës brenda llojit”.

TRAJTIMI I TRAJNERËVE TË HUAJ DHE SHQIPTARË – “Problemi është i qartë, gjithë kohën ne shqiptarët kemi një lloj respekti më shumë për çfarë vjen nga jashtë. Na duket sikur çfarëdo lloj malli që vjen nga jashtë është më i mirë se i yni. Kjo ndoshta vjen edhe nga periudha e komunizmit q kemi kaluar, kur ne ishim inferiorë ndaj botës. Mendoj se duhet të shikojmë në tregun tonë rezultatet. Pikërisht me to matet trajneri. Në dhjetë vitet e fundit cili trajner i huaj ka dhënë në kampionatin shqiptar. Trajnerë si Daja dhe Josa kanë shkuar në Europa League, trajnerët tanë kanë luftuar fort në Europa League dhe Champions, duke ecur përpara. Ata kanë bërë mirë me skuadrat shqiptare. Një meritë për këtë e ka pasur rritja dhe egoja e çdo trajneri shqiptar. Mendoj se trajnerët e huaj trajnohen më mirë vetëm për çështje menaxhimi. Trajnerët shqiptarë ndoshta falin ndonjëherë, nuk bëjnë kontratat si duhet. Të huajt vijnë bëjnë kontratë dhe flasin për punën. Edhe ne duhet të shkojmë drejt kësaj rruge. Edhe pse në anën e rezultateve nuk kanë lënë shenjë, në anën e menaxhimit të vetes dhe anës ekonomike kanë qenë shumë para nesh. Ata kanë ditur të menaxhojnë veten, kanë treguar dinjitet për ata që vlejnë”.

TITULLI – “Ekipet elitare janë gjithmonë prezent. Nuk mund të lëmë pa harruar që në këto vitet e fundit kanë qenë Skënderbeu dhe Kukësi, plus Partizani, lokomotiva kryesore. Sivjet mendoj se është një Flamurtar ndryshe, pa harruar Kukësin ambicioz, Partizanin dhe Teutën. Ribërja e tyre është shumë specifike, pasi kanë lojtarë me eksperiencë që mund ta mbajnë gjatë presionin. Nuk e di si mund të shkojë, por edhe Laçi është te ky grup. Janë katër pesë skuadra që do të luftojnë si gjithmonë për tre vendet e para”.

KAMZA – “Nuk ka asgjë të vërtetë. Unë jam nga ata trajnerë që mendoj se kur gjërat bëhen reale, duhen thënë. Kështu që emri do lakohet, jam një trajner që ka një përvojë, padiskutim do lakohet në gazeta apo në tavolinat e presidentëve”.

Në një intervistë të dhënë për “ABC News”, Gjoka flet për nisjen e kampionatit, pretendentët për titullin kampion, shkarkimin e Devollit nga Kamza dhe për lëvizjet e shumta që klubet bëjnë në ekipe gjatë merkatos.

NISJA E SEZONIT – “Kampionati ka nisur i zjarrtë, është diçka normale dhe në mentalitetin e kampionatit tonë. Të gjithë kampionatet në fillim janë shumë të forta, ndeshjet janë të egra dhe nuk ka shumë bukuri”.

PRETENDENTËT PËR TITULL – “Si gjithmonë pretendentë janë skuadrat elitare, si Kukësi, Flamurtari dhe Partizani. Por sigurisht shoh edhe një Teutë ndryshe dhe Skënderbeun pavarësisht nga rrjedhjet. Por mendoj që Skënderbeu vëmendjen kryesore e ka te vendimi që do të merret në CAS, që të shikojë se si do të jetë vazhdimësia”.

“Unë shikoj Që Flamurtari ka bërë ndërhyrje shumë. Ka një skuadër krejtësisht të re, ka një trajner kampion dhe që sigurisht ka një ego që ndoshta ky do të jetë pas pesë vitesh sezoni kur do të kthehen seriozisht te trofeu”.

LARGIMI I DEVOLLIT – “Nëse nuk ke pasur besim te një trajner që në krye të herës, pse e merr dhe e heq javën e tretë? Ti ndërton një skuadër të mirë dhe pastaj nuk ke besim te trajneri që merr. Një presidenti me vizion duhet të kuptojë se duhet të marrë një trajner dhe ky trajner të ketë stafin e tij, sepse këtu është një problem tjetër që trajnerët shpesh e kanë stafin e gjetur, ose një staf të bërë me mik”.

NDRYSHIMET E SHUMTA – “Kjo sigurisht që ndikon për keq. Një skuadër që të ketë rrugën e suksesit kërkon stabilitet. Pasqyrë më të mirë se Skënderbeu i këtyre shtatë viteve nuk kemi. Por ecim me një mentalitet që duam shumë shpejt të marrim maksimumin”.