Po sot janë zyrtarizuar marrëveshjet me dy ish-lojtarë të Pogradecit. Mbrojtësi Miklovan Pere ka nënshkruar. Akordi me të ishte arritur prej ditësh, por vetëm sot ka ardhur konfirmimi i Erzenit, që përmes faqes zyrtare ka njoftuar bashkëpunimin me 27-vjeçarin.

Shkes për këtë lëvizje është bërë trajneri Gentian Stojku, i cili e njeh mirë Peren, pasi e ka pasur më parë nën urdhra te Pogradeci. Të njëjtën rrugë ka ndjekur edhe sulmuesi Eldjon Topllari, i cili nuk është se shënon shumë. Vjet ka realizuar vetëm një gol, ndërkohë që sezonet e shkuara maksimalisht ka gjetur pesë herë rrugën e rrjetës.

Nuk do të drejtojë ekipin e parë, por do të merret me ekipet e moshave, kryesisht atyre të vogla. Nica ka qenë edhe më parë pjesë e shijakasve, por si trajner i ekipit të mëdhenjve. Tashmë për të nis një aventurë e re.

Ndërkohë ka një largim nga skuadra e Erzenit. Mbrojtësi i majtë, Ermal Vathi, pas dy sezonesh e ka mbyllur me skuadrën që përfaqëson Shijakun. Kontrata i ka përfunduar dhe nuk ka marrëveshje për të vijuar bashkëpunimin. Tashmë lojtari nga Fushë-Kruja është i lirë dhe në pritje të ofertave.