PRECEDENTI KAMZA – “Me rënien e Kamzës nga Superiorja në të Dytën, u krijua një mundësi për një skuadër të tretë për të plotësuar 20 skuadrat e Kategorisë së Parë. FSHF-ja u gjend e papërgatitur për këtë situatë dhe ndryshimin duhet ta kishte deklaruar menjëherë, që në momentin kur Kamza u dënua. Nëse do të bëhej kështu, do të kishim një garë më të fortë në dy kategori”.

NDRYSHIMI – “Çdo ndryshim që i shërben garës duhet bërë urgjentisht dhe bisturinë e ndryshimit e ka në dorë FSHF-ja. Në këtë rast duhen shpërfillur burokracitë, sepse kur kemi një rast urgjent për ndryshim, edhe Kushtetuta ka ndryshuar, jo më rregulloret në futboll. Nuk duhet zvarritje, por vendimmarrje e shpejtë. S’ka vlerë gara kur formula deklarohet e dështuar dhe përsëri flirtohet me të”.

SEZONI I RI – “Nëse do ta fillojmë edhe sezonin 2019-2020 me këtë formulë në Kategorinë e Parë, gara do të jetë e zbehtë dhe pa vlerë për futbollin. Edhe në kategoritë e tjera do të ketë ndikim negativ kjo formulë, pasi efektet në këtë rast janë zinxhir. Që këto të eliminohen, ndryshimi është kura e domosdoshme. Mendimet e Shefit të Sektorit të garave në FSHF janë të drejta, por vonesat burokratike në vendimmarrje nuk i shërbejnë cilësisë së garës”.

FINALJA – “Mendoj se të enjten do të kemi një finale të denjë në Kategorinë e Parë, sepse të dyja skuadrat, Vllaznia e Bylisi, kanë qenë superiore nga skuadrat e tjera në grupet respektive. Do kemi një luftë të fortë sportive, jo vetëm për shpërblimin e 30 milion lekëve. Kjo finale do jetë edhe si një test për të dyja skuadrat, një ndeshje ku do të vendoset e ardhmja për lojtarë e trajnerë për sezonin e ri”.

AGRON KAJA

Në emision nuk mungoi një batutë për ish-kolegun e tij te Dinamo, Ilir Daja, të cilin e lavdëroi për aftësitë si trajner, por i kujtoi me humor se si futbollist nuk ka pasur të njëjtin status.

ILIR DAJA – “Trajneri  i Flamurtarit nuk ka luajtur asnjëherë futboll mirë, por si trajner është shumë më i mirë se sa ka qenë futbollist. E kam me të vërtetë, ka luajtur me mua. Ka qenë futbollist punëtor, por asnjëherë nuk ka qenë talent. Megjithatë, si trajner është talent. Metodika e këtij trajneri është shumë më e lartë se të gjithë trajnerët e tjerë që ka Shqipëria sot”.

TIRANA – “Tirana vuan arrogancën e fillimit të kampionatit. Kur i rikthyen në Superiore kujtuan ishin gati për titullin kampion. Arroganca e trajnerit të parë (Ze Maria) bëri që Tirana të ketë luhatje, më pas erdhi Mema. Në tre-katër javët e para u desh që trajneri të njihte lojtarët e t’i sillte aty ky donte ai. Më pas kishim një rritje të nivelit të Tiranës deri në barazimin pa gola me Partizanin dhe fitoren me Kukësin. Më pas në një momenti filloi nervozizmi dhe mungesa e përqendrimit. Kjo ndodhi nga humbja ndaj Kastriotit dhe barazimi në Laç. Gjithë ky nervozizëm solli që te Tirana të krijohej një amulli e vërtetë. Edhe vetë trajneri s’ishte më i qetë që të kishte skuadrën e qetë. Të gjitha këto pasojnë njëra-tjetrën”.

“Kastrioti ka një kalendar shumë të favorshëm. Për hir të vërtetës e shikoj më të favorizuar se Tirana dhe Luftëtari. Duhet t’i japim pjesës që i takon këtij ekipi që po luan futboll. Kanë lojtarë të rinj dhe pa eksperiencë, por po luftojnë. Pësuan gol kundër Kukësit dhe e përmbysën ndeshjen. Janë në rrugën e duhur”, është shprehur Tahiri në emisionin “Kampionët” në Vizion Plus.

Ai vijon më tej analizën e tij dhe flet edhe për Luftëtarin e Tiranën, ndërkohë që në shënjestër përfundon edhe trajneri Ardian Mema. “Luftëtari po luan mirë futboll. Ndeshjet ndaj Partizanit i ka fituar vetëm në saj të meritës së trajnerit dhe lojtarëve. Sa i takon Tiranës, një trajner që kam pasur unë thoshte nëse humbasin dy penallti është faji i lojtarëve. Por nëse ndodh që të humben pesë, atëherë është faji i trajnerit, pasi në fund penalltinë janë pjesë e stërvitjes.”

ZALLA: “Unë them që ka ardhur dita dhe momenti për të pasur trajner shqiptar. Kam qenë me veprimet e presidentit deri përpara Panuçit, pas De Biazit duhet që kombëtarja ta kishte trajnerin shqiptar Kam qenë dakord për trajnerët e huaj pasi në Shqipëri të rrethojnë. Të rrethon komshiu, të afërmi njerëzit për të bërë seleksionimin jo normal. Mirëpo tani kanë ndryshuar kohërat dhe ka ardhur momenti për të provuar një trajner shqiptar”.

SHEHU: “Ishte një periudhë që u fol se duhet të vinte një huaj, pasi flitej se te shqiptarët kishte shumë ndërhyrje. Nëse trajnerët shqiptar i kanë pasur ndërhyrjet nga brenda, këta të huajt i kanë nga jashtë, nga menaxherët etj.

TAHIRI: “Mendimi im është që ka ardhur koha për një trajner shqiptar. Duhet t’u japim besimin. Këtu më pas është roli i presidentit që ka në dorë vendimin”.

DALIPI: “Unë jam i mendimit për një trajner të huaj. Është e vërtetë që mund të ketë ndërhyrje nga jashtë e brenda, por një trajneri i huaj kur vjen në Shqipëri vjen me shumë pak njohje nga faktori brendshëm. Çdo trajner ka ato rregulluat e veta që mund ta çojnë drejt suksesit. Një trajner shqiptar është paksa më i thyeshëm në këtë aspekt. Mendoj se akoma nuk e kemi mentalitetin për të mbajtur një trajner shqiptar në kombëtare”.

“Kjo është një nga mangësitë më thelbësore që duhet rregulluar për gjysmën tjetër të këtij sezoni. Do të jenë dy faza të vështira dhe në drejtim të organizimit duhet të ketë më shumë korrektesë, jo vetëm ndëshkime”, kështu theksoi mes të tjerave Ermal Tahiri në intervistën e tij për SportEkspres.com.

INTERVISTOI: AGRON KAJA

Ky mot i ftohtë dhe me temperature të ulëta, sa ndikon në këto pushime që janë duke bërë skuadrat e Superiores?
-Unë mendoj se të gjitha ekipet e Kategorisë Superiore i kanë në programet e tyre edhe të tilla pauza pa aktivitet zyrtar. Duke qenë se janë mbyllur dy fazat e para, kjo hapësirë dyjavore pa stërvitje dhe ndeshje, fizikisht është e përballueshme për futbollistët.

Në krahasim me sezonin e kaluar, ju ku i shikoni ndryshimet e Superiores në dy fazat e para të këtij sezoni?
-Po, unë shikoj se ka ndryshime dhe së pari tre trajnerët e rinj: Gega te Partizani, Shkëmbi te Teuta dhe Shehi te Skënderbeu. Ndryshimi tjetër është se skuadra e Teutës ka në dispozicion lojtarë cilësorë që po e rritin nivelin gradualisht.

Duke ju referuar renditjes, si e përshkruani situatën e skuadrave?
-Nëse do të flasim për kreun, mendoj se Partizani, Kukësi dhe Teuta janë skuadra më të konsoliduara dhe janë me meritë aty ku ndodhen. Ndërsa në fundin e renditjes janë katër skuadra që si në menaxhim ashtu edhe në drejtim kanë treguar mangësi.

Mendoni se në dy fazat e tjera do të kemi edhe ato fenomenet e aleancave?
-Këtë nuk e parashikoj, por edhe nuk e dëshiroj. Për mua rëndësi ka që të luhet futboll i pastër. Sepse kjo ka munguar, duke qenë se skuadrat më shumë nisen nga interesa rezultati, duke qenë se kanë edhe pak kualitete për lojën e mirë.

Në dy fazat e para kishte problem me dhunën dhe dënimin e tifozerisë, çfarë mendoni se duhet ndryshuar me “Lojtarin e 12”-të?
-Futbolli luhet për tifozët dhe të gjithë presidentët e klubeve së bashku me FSHF-në duhet të gjejnë forma që t’i afrojnë ata në stadium. Kjo është një nga mangësitë më thelbësore që duhet rregulluar për gjysmën tjetër të këtij sezoni. Do të jenë dy faza të vështira.

Kanë qenë arbitrat protagonistë në rezultatet e ndeshjeve në dy fazat e para?
-Arbitrat gjithmonë janë fajësuar për gjykimet e tyre, por në këtë sezon unë i shikoj më ndryshe nga i kaluari. Gjithsesi, ata duhet të jenë më të vendosur dhe të sigurt në vendimet e tyre. Kështu rriten ata, por edhe cilësia e gjykimit të tyre.

Muaji janar është i ngarkuar për skuadrat, çfarë mendoni se do të zgjidhin trajnerët në këto katër javë?
-Sportivisht, unë muajin janar e quaj si muajin më të nxehtë, sepse është një hapësirë e shkurtër kohe ku duhen bërë përgatitje, merkato dhe ndeshje miqësore. Një program i detajuar nga trajnerët do t’ua bëjë më të lehtë punën në këtë periudhë.

Si do të ndikojë nisja e pjesës së dytë të sezonit me ndeshjet e Kupës së Shqipërisë?
-Kjo nisje me ndeshjet e Kupës u bën shumë mirë skuadrave. Së pari për të provuar lojtarë që nuk kanë shumë minuta nga dy fazat e para, më pas për të parë ndonjë përforcim të ri, e në fund, për ta konsoliduar grupin për pjesën e mbetur të sezonit.