Të tjerë lojtarë që mund të largohen janë mbrojtësi Xhekson dhe kapiteni Behar Ramadani. Për këtë të fundit sipas “Supersport” interesohet Tirana, kurse për brazilianin Partizani. Largimi i tyre sigurisht që do të dobësonte Luftëtarin. Dhe në fakt bluzinjtë janë të vendosur për t’i mos i lëshuar.

Por te Luftëtari mendojnë edhe për të bërë afrime. Erjon Vucaj është objektivi dhe kërkohet për të zëvendësuar Eduart Rrocën. Fantazisti shkodran është pjesë e Dritës, klub me të cilin është nën kontratë deri në muajin qershor.

Ndërkohë presidenti Grigor Tavo dhe drejtuesit e tjerë po punojnë për të bërë një lëvizje në sulm, konkretisht po synohet një lojtar që luan në Superligën greke. Në kampin bluzi tregohen të rezervuar për emrin, por pretendohet të merret një lojtar që ta zëvendësojë denjësisht Shkurtajn.

Gjatë kësaj vere nuk i kanë munguar ofertat dhe një të tillë së fundmi ai e ka marrë nga Drita e Gjilanit, kampione e Kosovës vitin e fundit. Pas bisedimeve intensive është gjetur marrëveshja dhe Vucaj ka udhëtuar Gjilanit për t’u bashkuar me skuadrën e re.

Vucaj në Shqipëri është aktivizuar më së shumti me skuadrën e Laçit, ku është aktivizuar për pesë sezone e gjysmë. Gjithashtu ai ka veshur edhe fanellën e Flamurtarit dhe Tiranës. Tanimë do të provojë një eksperiencë të re në Kosovë me Dritën, ku gjen Edvan Bakajn dhe Arbër Shalën, me të cilët ka qenë shok skuadër me kurbinasit në Shqipëri.

VLADIMIR PRENGA

Njëri prej tyre është mbrojtësi Renato Malota. Lezhjani, me një eksperiencë të madhe në Superiore, nuk ka gjetur akoma ekip. Ofertat nuk i kanë munguar, por ende nuk ka gjetur atë që ka dashtur dhe këto ditë janë vendimtare për mbrojtësin, i cili në Superiore ka luajtur me ekipe si Kukësi, Dinamo e Partizani.

Edhe Erjon Vucaj është ende i lirë. Mesfushori pati një ofertë nga Teuta, ndërkohë që në Europë luajti me Luftëtarin. Gjirokastritët parimisht kishin rënë dakord për të vijuar bashkëpunimin, por gjërat më pas ndryshuan. Shkëndija e Tetovës tani është një opsion.

Xhevahir Sukaj është nga ata që i ka vënë punët në vijë. Sulmuesi u rikthye në Shkodër në janar dhe u mundua të ndihmonte skuadrën e tij për të qëndruar në elitë. Në fund nuk ia doli. Momentalisht është pa ekip, por sigurisht që në Superiore do ishte një zgjedhje e mirë për shumë klube.

Sot ishte përcaktuar seanca e radhës në Dhomën Kombëtare të Zgjidhjes së Konflikteve dhe këtë herë klubi shkodran ka pasur përfaqësues, ndryshe nga se ndodhi në seancën e pajtimit rrethe një javë më parë.

Nuk është dashur nevoja të ketë një vendim, pasi palët kanë gjetur akordin për të ndërprerë marrëveshjen. Vucaj ka dalë lojtar i lirë, kurse Vllaznia në anën tjetër nuk i ka asnjë detyrim lojtarit. Kjo pohohet edhe nga vetë mesfushori.

“Tani jam lojtar i lirë. Kemi zgjidhur gjithçka me marrëveshje. I uroj Vllaznisë suksese në vijim”, u shpreh shkurtimisht mesfushori për “Sport Ekspres”. Gjasat janë që Vucaj tanimë të nënshkruajë me Luftëtarin, që e ka bërë ofertën e vet prej kohësh dhe ishte i detyruar që për Europën ta merrte në huazim, kjo për shkak të situatës në klubin shkodran, që ende nuk kishte vendosur se kush do të ishte administratori.

Në një komunikatë të tyre thuhet se nuk kanë asnjë detyrim ndaj mesfushorit, ndërkohë që konfirmohet se për të dhe për të gjithë lojtarët e tjerë ka pasur sanksione. Gjithashtu ata sqarojnë se nuk kanë asnjë problem me Vucajn, por mundohen të mbrojnë të drejtat e klubit.

KOMUNIKATA E KLUBIT SHKODRAN
Klubi i Futbollit Vllaznia sh.a. sqaron opinionin futbolldashës lidhur me pozicionin e tij në marrëdhënien me futbollistin Erjon Vucaj:

– Futbollsti Erjon Vucaj ka patur një kontratë me KF Vllaznia sh.a., me të drejtë rishikimi në mes palëve për vazhdimin ose jo edhe për një sezon, në mbyllje të kampionatit 2017- 2018. Në zbatim të një klauzole të kësaj kontrate, Vucaj ka njoftuar Klubin në mars 2018 se nuk dëshiron ta rinovojë. Vucaj është lojtar i Vllaznise dhe madje pas marrëveshjes së arritur me Vucaj për huazim, ai ka luajtur edhe me Luftëtarin në Kupat e Europës.

– KF Vllaznia sh.a. nuk ka asnjë detyrim financiar apo të ndonjë lloji tjetër ndaj futbollistit Erjon Vucaj. Për këtë është i ndërgjegjshëm edhe vetë futbollisti, i cili ashtu siç edhe pjesa tjetër e ekipit, është njoftuar në kohë për sanksionet e vendosura në mbështetje të Rregullores së Klubit për rënien nga Superliga.

– Është e drejta e Vucajt t’i drejtohet Dhomës së Zgjidhjes së Konflikteve në FSHF, por e konsiderojmë të panevojshme, të paktën sa i takon marrëdhënies së tij me KF Vllaznia sh.a. sepse ne nuk kemi asnjë konflikt me këtë futbollist apo çdo futbollist tjetër.

Jo vetëm në këtë rast, por në të gjitha rastet kujtojmë se prioritare janë interesat e KF Vllaznia sh.a., të cilat jemi të vendosur t’i mbrojmë me të gjitha mjetet ligjore në FSHF, UEFA apo edhe FIFA.

“Sport Ekspres” mëson se prej dy javësh Vucaj ka dorëzuar një kërkesë në Dhomën Kombëtare të Zgjidhjes së Konflikteve, ndërkohë që klubi shkodran nuk është paraqitur në seancën e pajtimit, që do t’u jepte mundësinë palëve të diskutonin për një zgjidhje konsensuale.

Në këtë mënyrë gjithçka do të vendoset në gjyq, sigurisht nëse palët nuk e zgjidhin gjithçka vetë. Vucaj, duke parë kohën që kalonte, si dhe faktin që te Vllaznia nuk po niste asnjë organizim, ka qenë i detyruar të shkojë në Dhomën Kombëtare të Zgjidhjes së Konflikteve.

Në Shkodër dihet se ka pasur probleme financiare, por në fund për shkak të rënies nga Superiorja klubi ka aplikuar edhe gjoba për futbollistët. Tashmë pritet të shihet se çfarë do të vendosë gjyqi për çështjen mes Vucajt dhe Vllaznisë.

Tashmë ai duhet të zgjidhë një çështje të rëndësishme dhe që ka të bëjë me të ardhmen e tij. Te Luftëtari ishte në huazim dhe tashmë për të vendos Vllaznia. Klubi shkodran pritet të ulë shpenzimet dhe Vucaj është ndër më të paguarit, me rreth 4 milionë lekë në muaj.

Kështu drejtuesit e klubit duhet të vendosin nëse do vazhdojnë kontratën edhe për një vit me mesfushorin. Vetë Vucaj do donte të luante në Superiore, por kjo nuk është plotësisht në dorë të tij. Te Luftëtari nga ana tjetër do të donin ta mbanin në ekip edhe për sezonin tjetër.

Ende gjithçka mbetet në ajër. Ende klubi nuk ka drejtues, mungon administratori dhe Bordi Mbikëqyrës, mungon trajner dhe lojtarët nuk e dinë fatin e tyre. Privatizimi? Kushedi se kur do të bëhet. Nga mbledhje e djeshme nuk janë mërzitur vetëm në Shkodër, por edhe në Gjirokastër.

Erjon Vucaj i është bashkuar Luftëtarit dhe në miqësoren kundër Rabotniçkit ishte titullar. Millosh Kostiç po i bën llogaritë me të në kupat e Europës, por mesfushori rrezikon shumë që të marrë lejekalimin. Pa një administrator te Vllaznia, fantazisti shkodran mund të bllokohet dhe të mos regjistrohet dot në kohë me Luftëtarin.

Në Gjirokastër shpresojnë që tani të shkojnë mirë punët te Vllaznia, ndryshe do u prishen të gjitha planet. Vucaj është menduar si zëvendësuesi i Eduart Rrocës, pasi ky i fundit ende nuk është gati plotësisht që të luajë pas probleme që ka pasur me muskujt e barkut në fund të kampionatit.

Vladimir Prenga

Erjon Vucaj nuk do të jetë më pjesë e skuadrës së Laçit, pasi mësohet se pas seancës së ditës së enjte palët kanë mbyllur bashkëpunimin për të dytën herë dhe mesfushori shkodran tashmë është lojtar i lirë.

26-vjeçari u rikthye në Laç pas dy viteve e gjysmë që ishte aktivizuar me Flamurtarin e Tiranën, teksa te bardhezinjtë i dhanë sërish edhe shiritin e kapitenit. Mesfushori i dha një dorë kurbinasve vjet për shpëtuar nga rënia prej Superiores. Në aventurën e dytë me Laçin ai u aktivizua në 15 ndeshje si titullar dhe shënoi një gol, por papritmas ka ardhur divorci. Gazeta ka kontaktuar me futbollistin dhe ai ka pranuar se nuk do të jetë pjesë e Laçit, gjë që konfirmohet edhe në klub, ndërkohë që sa i takon së ardhmes, për momentin Vucaj nuk është se po mendon shumë.

Siç edhe është bërë e ditur, në Shkodër ka pasur interesim për të, por afrimi i Edon Hasanit dhe Orelesit së fundmi bën që hapësirat aty të jenë ngushtuar. Gjithsesi, kalimi i tij në Shkodër nuk do të ishte aspak befasi, pasi trajneri Cungu mund të jetë duke menduar ta aktivizojë nigerianin si mbrojtës qendre, pasi ai repart për momentin ka nevojë për përforcime. Momentalisht nuk është se ka ndonjë gjë konkrete, por tashmë që Vucaj është lojtar i lirë dhe u mbetet kuqebluve ta kthejnë në skuadër mesfushorin.

MIQËSORJA DHE LËVIZJET
Sot do të luhet edhe ndeshja e radhës miqësore, e shtata për këtë verë, pasi më parë kurbinasit janë përballur me Teutën, Lirinë, Lushnjen, Kamzën, Vllazninë dhe Egnatian. Merkatoja është kryesorja dhe bardhezinjtë janë të përqendruar për të bërë të paktën edhe dy afrime. Drejtuesit kanë si objektiv të afrojnë një mesfushor të majtë dhe një mbrojtës të djathtë, por me gjasa do të tentohet edhe një tjetër qendërmbrojtës. Në miqësoren me rrogozhinasit Laçi kishte disa mungesa, teksa për arsye dëmtimi nuk u aktivizuan Jonuzi dhe Lushkja, ndërkohë që as Nika ende nuk ka kondicionin e duhur fizik, pasi ka nisur vonë përgatitjet me skuadrën. Gjithashtu nuk ishte nën urdhrat e trajnerit Nica as 21-vjeçari Emrush Kaloshi, për të cilin fillimisht u mendua se kishte ndonjë problem, por mësohet se ish-futbollisti i Korabit është larguar dhe nuk do të jetë pjesë e bardhezinjve sezonin e ardhshëm. Për krahun e djathtë të mbrojtjes prej kohësh në zyrat e klubit kurbinas ka pasur një ide për rikthimin e brazilianit Ademir Soza dhe me të mësohet se ka pasur bisedime dhe pritet të ketë të reja. Aktualisht ai është nën kontratë me Jakobina Esporte dhe mbetet për t’u parë se çfarë do të ndodhë.
REXHINALDO
Ndërkohë ka lajme të mira nga ana e sulmuesit Rexhinaldo, pasi futbollisti nga Mozambiku është pajisur me vizë dhe tashmë pritet të fluturojë drejt Shqipërisë. Kanë mbetur edhe disa burokraci të vogla dhe sulmuesi maksimalisht ditën e mërkurë do të vihen nën urdhrat e trajnerit Nica. Ish-sulmuesi i Luftëtarit është një nga afrimet më të rëndësishme të kurbinasve gjatë merkatos së verës, ndërkohë që pritet të ketë edhe lëvizje të tjera gjatë këtyre ditëve