“Më jep kënaqësi goli, por më kënaq më shumë fitorja. Shpresojmë të vazhdojmë kështu dhe ta lëmë pas atë ngërç që patëm vjet. Gabimi me Partizanin? Çdo lojtar gabon, ai në derbi më rëndoi shumë. U ngrita dhe besoj se do vazhdoj kështu”.

“Fitorja e fundit në kampionat na dha shumë moral. Pushimet na kanë bërë mirë. Këtë e treguam edhe në fushë sot. Kualifikimi? Nuk mendojmë se jemi kualifikuar. Nuk shkojmë atje për ta mbrojtur rezultatin. Duhet të kërkojmë të shënojmë si këtu”.

“Ku mund të shkojë kjo Tiranën në kampionat? Duhet të mendojmë të ikim nga pozicioni ku jemi në renditje, më pas t’ia lëmë vazhdimësisë objektivat në kampionat”, përfundoi mbrojtësi i majtë i bardhebluve.

Ashtu sikurse kemi njoftuar edhe ka ndodhur. Hoxhallari është vënë nën urdhrat e trajnerit Besnik Prenga në seancën e sotme, pasi një ditë më parë ishte lënë pushim. Kështu bardhezinjtë i bëjnë llogaritë me të për ndeshjen e së enjtes kundër norvegjezëve të Moldes.

Në seancën e sotme kurbinasit nuk u ngarkuan shumë në aspektin fizik, pasi ndeshja e radhës është pranë dhe duhet që ekipi të jetë sa më i freskët. Fatmirësisht nuk ka probleme dëmtimesh dhe të gjithë janë gati për ndeshjen kundër Moldes.

Sigurisht optimizmi është i lartë pas triumfit me Anorthosis Fagamusta, por nuk ka aspak eufori, pasi të gjithë e dinë se nuk është Laçi favoriti edhe këtë herë, ndaj edhe duhet bërë maksimumi për të shpresuar në arritjen e një rezultati historik.