Megjithatë, “harkëtarët” fituan titullin kampion dhe Kupën e Holandës, duke mbyllur një sezon të mrekullueshëm. Ofertat e shumta për lojtarët e talentuar të Ajaksit vërshuan lumë, por nuk munguan as ato për trajnerin.

49-vjeçari, i cili ka drejtuar më parë edhe ekipin e dytë të Bajern Mynih, do të vazhdojë të ulet në stolin e Ajaksit. Palët kanë gjetur akordin dhe ka ardhur rinovimi i kontratës. Ten Hag ka firmosur kontratën e re, që do e mbajë lidhur me Ajaksin deri në vitin 2022.

We don’t stop building. ?

Ten Hag -> 2??0??2??2??#ForTheFuture

— AFC Ajax (@AFCAjax) June 20, 2019

“Duhet të tregohemi përsëri të zgjuar dhe krijues për të ndërtuar një grup të fortë. Nëse nuk e bëjmë këtë, nuk arrijmë asgjë. Natyrisht mund të dalin ekipe të mëdhenj si ky, por kjo nuk mund të ndodhë çdo vit. Ndoshta do duhet të presim njëzet vite, shpresoj të ndodhë më shpejt”, përfundoi strategu holandez.

Erik Ten Hag mahniti të gjithë Europën me Ajaksin e tij këtë sezon, me trajnerin holandez që është kthyer në objektiv real për Bajernin e Mynihut.

Shumë zëra spekulonin se gjithçka ishte mbyllur dhe se Ten Hag do të merrte drejtimin e Bajernit në fundin e sezonit, por gazetari i Bild, Kristian Falk, sqaron gjithçka.

“Erik Ten Hag nuk do të largohet nga Ajaksi këtë verë për t’u bashkuar me Bajernin. Ai do të qëndrojë edhe këtë sezon në Holandë.”

Our story today: Erik ten Hag will not leave @AFCAjax in summer to join @FCBayern. The coach will stay for the next saison @SPORTBILD

— Christian Falk (@cfbayern) May 15, 2019

Kristian Falk është gazetar i prestigjiozes Bild dhe mbulon ekipin e Bajernit, ku merr informata të brendshme nga klubi.

Trajneri i “harkëtarëve” u shpreh se figura të rëndësishme të klubit gjithmonë kanë besuar se ekipi i tyre do të mund t’ia dilte të rikthehej në majën e futbollit evropian pavarësisht realitet krejt ndryshe të futbollit modern.

“Disa legjenda që kanë luajtur në finalen e Champions-it me Ajaksin gjithmonë kanë besuar se ishte e mundur që ky klub të rikthehej aty. Po flas për emra si Johan Krujf, Luis van Gal dhe Marko Overmars. Kemi përpara një sfidë të madhe nga e cila duhet të dalim fitimtarë”.

Rezultati i ndeshjes së parë i jep mundësinë Ajaksit të kalojë në finale qoftë dhe me një barazim, por Ten Hag shprehet se skuadra e tij mendon vetëm për fitoren:“Nuk mund të luajmë për barazim na duhet të fitojmë. Loja do të fillojë 0 – 0”.

“Kemi kundër një skuadër që luan në Premier Ligë. Intensiteti atje është disi më ndryshe. Gjithsesi jam i skuadër se skuadra jonë do të dijë si t’i përshtatet atyre. Duhet të tregojmë se mund të bëjmë akoma më mirë se përballja e parë”.

“Akoma se kam ndarë mendjen për formacionin. Mazraui dhe Veltman janë dy kandidatët për të luajtur në krahun e djathtë të mbrojtjes, por s’kam zgjedhur ende. Shqetësimi i vetëm është David Neres ka shfaqur disa probleme pas finales së Kupës”, përfundoi Ten Hag.

Gjithsesi tekniku i skuadrës nga Amsterdami u shpreh se djemtë e tij do të mësojnë nga këto gabime dhe paraqitja e javës së ardhshme në Amsterdam do të jetë shumë herë më e mirë.

“Në pjesën e parë luajtëm futboll të bukur dhe shënuam. Po dominonim, por me kalimin e kohës harruam se si luhet futboll. Totenhemi na e bëri shumë të vështirë. U treguan shumë luftarak. Gjithsesi mbetet një paraqitje më e mirë”.

“Është për të ardhur keq që Neres nuk e shënoi golin e dytë (topi u ndal nga shtylla). Gjithsesi të mundësh në transfertë Totenhemin është një rezultat i shkëlqyer. Duhet të nxjerrim disa mësime nga ky takim. E dimë që mund të bëjmë shumë më mirë javën tjetër”.

VAN DE BEEK – “Bëri një paraqitje brilante. Na ndihmoi në fazën sulmuese, por edhe në mbrojtje. Përshkroi shumë metra e fitoi shumë duele dhe topa të dytë”.

Në intervistën e dhënë fill pas ndeshjes për televizionin holandez “Veroninca”, Ten Hag ndau me gazetarët arsyen e problemeve që skuadra e tij ndryshoi krejt fytyrë gjatë pjesë së dytë.

SUKSESI – “Jam shumë krenarë për këta djem dhe sigurisht për stafin tim. Kjo nuk erdhi falë meje, por falë skuadrës. Jam duke harruar shumë emra, por këtë po arrijmë së bashku”.

PJESA E PARË – “E patëm të vështirë të përballonim presionin e ushtruar nga ata gjatë pjesës së parë. Po vraponin shumë ishte një futboll tejet luftarak, por ne ishim të mirëorganizuar dhe nuk u lamë të na dëmtonin, por në krahun tjetër nuk është se po u bënim ndonjë dëm atyre”.

DOMINIMI NË TË DYTËN – “Në pjesën e dytë pashë që mund të përmirësoheshim në disa gjëra. Filluam të luanim me dy mesfushorë para mbrojtjes dhe më pas po luanim më shumë futboll dhe e vumë Juventusin në presion të madh, ata s’po dinin si të reagonin dhe na linin shumë hapësira. Patëm tre ose katër raste të pastra për shënim, por ishte bukur që golin e gjetëm me një goditja standarde”.

GOLI I DE LIGT – “Ishte një plan i mirëmenduar pas atij goli. Gjithçka shkoi në mënyrë perfekte ashtu siç e kishim menduar. Lase Shëne ishte perfekt me ekzekutimin. Kësaj radhe ishte një ndeshje krejt tjetër krahasuar me Realin. Në Madrid kundërshtari kërkonte të luante më shumë futboll në fazën sulmuese në krahasim me Juventusin dhe na erdhën shumë shpesh afër portës sonë. Reali nuk ushtronte presion në mënyrë kaq agresive, kjo na lehtësonte lojën”.

SITI APO TOTENHEM – “Si fillim duhet ta shijojmë këtë moment. Kemi treguar se mund të përballojmë stile të ndryshme loje. Jemi duke kaluar limitet vazhdimisht, loja e këtij grupi sa vjen e rritet. Një sfidë tjetër do të na dali përpara dhe mezi po e presim”, përfundoi Ten Hag.

Në daljen për shtyp para takimit të nesërm, trajneri holandez foli në lidhje mbi dëmtimin e mesfushorit Frenki De Jong dhe alternativat në vend të të pezulluarit Taljafiko.

DËMTIMI I DE JONG – “Po e vëzhgojmë situatën e tij orë pas ore. Më shumë u shqetësua nga efekti  i ndërhyrjes që pësoi në kampionat se sa nga dhimbjet e tanishme. Mund të rrezikojmë me të, por duhet të tregohemi të përgjegjshëm. Në fund lojtari duhet të zgjedhë vetë. Nuk e di se çfarë dhimbjesh po ndjen, por mund të them se Frenki është optimist”.

MUNGESA E TALJAFIKOS – “Kemi disa opsione. Mazraui mund të luajë aty, ashtu si Sinkgraven dhe Blind. Do ta vendos ditën e nesërme. Taljafiko është këtu me ne në Torino. Ai është një lojtar i rëndësishëm, brenda e jashtë fushe, do të na ndihmojë me motivimin  e djemve”.

JUVENTUSI FAVORIT – “Sigurisht që Juventusi është favorit, ata ishin që përpara ndeshjes së parë. E dimë që do të na duhet të shënojmë dhe ta çojmë ekipin para. Nëse jemi një skuadër e mirë, mund ta bëjmë këtë. Në Amsterdam e bëmë mirë këtë lloj loje, por kemi shumë gjëra për të përmirësuar, një ndër to efikasiteti me rastet që shënojmë. E kontrolluam lojën për pjesën dërrmuese të ndeshjes në përballjen e parë, por për shkak të mungesës së efikasitet nuk fituam dhe rezultati qëndroi 1 – 1”.

ATMOSFERA – “Jemi në një ritëm të mirë dhe duhet të ditë ta mbajmë. Kjo skuadër ka shumë vullnet dhe është një grup i bashkuar. Në fillim të sezonit nuk e prisnim kurrë të ishim midis këtyre “gjigantëve”. Jemi zhvilluar aq shumë sa që tani mund ta masim veten përballë këtyre klubeve gjigante. Besojmë në një rezultat pozitiv”, mbaroi Ten Hag.

Ndeshja e parë përfundoi në barazim 1-1, kundërshtari është tmerrësisht i vështirë, por “harkëtarët” ndodhe në një formë shumë të mirë psiko-fizike dhe do tentojnë surprizën e radhës.

Erik ten Hag nuk ka folur për duelin kundër Juves. Në prononcimin e dhënë për mediat gjermane, trajneri i Ajaksit ka pranuar faktin që kapiteni do të largohet në fund të sezonit. Garë e fortë po zhvillohet për De Ligt, por ten Hag zbulon dy kandidatët kryesorë.

“Ekzistojnë zero shanse që De Ligt të vazhdojë me ne edhe sezonin e ardhshëm, sepse shumë klube janë të interesuara për të. Ai do të largohet në fund të sezonit, por nuk e di nëse do të shkojë te Bajerni i Mynihut apo Barcelona”, qartëson trajneri i Ajaksit.

Pas ndeshjes, numri një i pankinës së Ajaksit foli për mediat, ku u shfaq mjaft i lumtur, por njëkohësisht edhe i uritur për më tepër. Ten Hag foli dhe për grupin aktual që ka dhe për të ardhmen e tyre, ku pranoi se do të jetë e vështirë për t’i mbajtur.

GRUPI – “Shpresoj që ta mbajmë këtë grup bashkë për sa kohë të jetë e mundur. Do të ishte fantastike nëse do të rriteshin akoma më shumë, por me futbollin aktual është thuajse e pamundur për t’i mbajtur. Lojtarët largohen në mosha shumë të vogla. Është gati-gati e pandalueshme, por do të ishte fantastike nëse vijoja të punoja edhe për disa vite me këtë grup fantastik.”

SEZONI – “Jemi vetëm në fillim të muajit mars dhe kemi mundësi akoma për të fituar tre trofe. Kështu që është një vit fantastik dhe kjo është falë ekipit. Trofetë do të ngrihen në fund të sezonit. Mund ta shijojmë këtë fitore. Sezoni është që tani shumë i mirë për ne. Por gjithsesi, ne duam të arrijmë akoma më shumë. Kjo është për çfarë luftojmë.”

FILOZOFIA – “Është konfirmim i filozofisë së Holandës dhe në veçanti Ajaksit. Në historinë tonë kemi fituar shumë trofe. Trofeun më të madh që është Champions League, si dhe trofe të tjerë. Por klima e futbollit ka ndryshuar dhe kampionatet e tjera janë rritur shumë. Si një vend i vogël është shumë e vështirë të përballesh me vendet me potencial të madh ekonomik. Kështu që është një fitore e madhe. Duam më shumë. Ndeshjet e ardhshme do t’i përgatisim akoma më mirë dhe më me shumë kurajo e besim.”