Enrique Cerezo

Presidenti i vë vulën: Akoma duhet ta përsëris?! Grizman qëndron me 3000%!

Sport Ekspres — Sun, 07 Apr 2019 07:16:25 +0000

Antuan Grizman është “ylli” i Atletikos së Madridit. Francezi rinovoi verën e kaluar deri në vitin 2023, duke refuzuar ofertën e një klubi si Barcelona. Kohët e fundit kanë dalë prapë në skenë zërat e një kalimi të sulmuesit në Katalunjë, por kjo gjë nuk ka shanse të ndodhë, sipas Enrike Cerezos.

Presidenti i Atletikos ka konfirmuar edhe njëherë faktin që Grizman nuk do të largohet, madje tregohet tepër i bindur në atë që thotë.

“Antuan do të qëndrojë tek Atletiko. Kjo është e sigurt 3000%! Edhe sa herë duhet ta përsëris diçka të tillë. Më marrin çdo pesë minuta dhe më pyesin se çfarë po ndodh. Grizman është një futbollist i Atletikos së Madridit”, përfundon presidenti i klubit “colchoneros”.

Grizman te Barcelona? Presidenti Atletikos jep vendimin përfundimtar

Sport Ekspres — Mon, 01 Apr 2019 18:15:45 +0000

Antuan Grizman është një ndër emrat më të përfolur të momentit, pasi francezi thuhet që do të kalojë te Barcelona verën e ardhshme. Këtë lajm e konfirmuan edhe mediat franceze para disa ditësh, duke vënë Atletikon në alarm.

Lidhur me këtë çështje, së fundmi është prenoncuar edhe presidenti i “Los Colchoneros”. Enriko Cerezo, ka folur për mediat në Spanjë, ku ka thënë shkurtimisht se sulmuesi do të qëndrojë në Madrid. “Grizman qëndron tek Atletiko, kjo është diçka e sigurt”, tha shkurt numri një i klubit madrilen.

Presidenti i Atletikos humbet dy golat, zbulohet shkaku

Sport Ekspres — Thu, 21 Feb 2019 13:39:38 +0000

Dy golat uruguaianë të Himenez dhe Godin i dhuruan fitoren Atletikos së Madridit përballë Juventusit dhe djemtë e Diego Simeones janë një hap larg kualifikimit në çerekfinalet e Champions Ligës.

Një episod i veçantë ka ndodhur gjatë sfidës së mbrëmshme. Siç raporton “AS”, Enrike Cerezo, presidenti i Atletikos, nuk i ka shijuar nga afër dy golat e fitores. Kreu i klubit “colchoneros” është acaruar në momentin që teknologjia VAR ka anuluar golin e Alvaro Moratës.

“Një turp i madh”, është shprehur Cerezo dhe ka vendosur të braktisë stadiumin. Pavarësisht golit të anuluar, vendasit gjetën forcë për të shënuar dy herë në minutat e fundit, duke siguruar një fitore të madhe përballë kampionëve të Italisë.

Cerezo nuk trembet: Objektivi ynë është finalja!

Sport Ekspres — Mon, 17 Dec 2018 19:15:00 +0000

Ditën e sotme u hodh shorti i fazës së 1/8-ave të UEFA Champions League. Goglat nuk u treguan dhe aq bujare me disa nga ekipet pretendentë, duke vendosur duele “ferri” që në këtë fazë. Liverpuli do të përballet me Bajernin e Mynihut, ndërsa Juventusi do t’i duhet të përplasë brirët me Atletikon e Madridit.

Pikërisht me duelin e fundit që përmendëm, ka folur presidenti i Atletikos, Enriko Cerezo. Numri një i klubit madrilen nuk u duk dhe aq i shqetësuar për shortin e ekipit të tij, duke pranuar se për të pretenduar fitimin e Championsit, duhet të ndeshesh me ekipet më të forta të kompeticionit.

“I lumtur që jemi në këtë fazë, pasi është shumë e rëndësishme për klubin. E dinim që ekipet e vendeve të para ishin shumë të forta. Në qoftë se pretendon të shkosh në finale, që këtë vit luhet në stadiumin tonë, duhet të kalosh ekipet më të forta dhe më të mira. Nuk është hera e parë që luajmë ndaj Juventusit. Objektivi ynë është të jemi në finale”, ka përfunduar fjalët e tij presidenti i Atletikos.