Enriko Papa

VIDEO | “Perla” shqiptarësh, gola të frikshëm nga Celina dhe Papa

Sport Ekspres — Sun, 21 Jul 2019 08:04:49 +0000

Bersant Celina dhe Enriko Papa kanë qenë dy ndër futbollistët shqiptarë që kanë autorët e dy golave fantastik në ndeshjet e ditës së djeshme. Lojtari i përfaqësueses së Kosovës ishte autori i një dopiete në fitoren 3 – 1 të uellsianëve të Suonsi në miqësoren kundër Ekseter Siti.

Celina….what a goal! pic.twitter.com/qGqXgBwIcl

— Swans Analytics (@SwansAnalytics) July 20, 2019

22-vjeçari zhbllokoi takimin me një ekzekutim perfekt të një goditje dënimi. Celina ia doli të dërgonte topin trekendësh me një goditje të fuqishme nga rreth 30 metra. Pak minuta më vonë mesfushori me tipare sulmuese ia shënon sërish.

Zhvendosemi në Rumani ku Enriko Papa ka shënuar golin e parë në sezonin e ri të kampionatit rumun. Goditjet nga largësia kanë qenë gjithmonë një specialitet i kuçovarit, i cili pati rastin ta tregonte këtë gjë ditën e djeshme teksa çoi në 4 – 1 rezultatin e fitores së Botosanit ndaj Voluntarit.

VIDEO | Abazaj ndalet dy herë nga shtylla, “ish”-i i Kukësit i prish festën Osijekut

Sport Ekspres — Sun, 03 Mar 2019 22:28:25 +0000

Kristal Abazaj luajti për 90 minuta në takimin midis Osijekut dhe Slaven Belupos. Skuadra e sulmuesit shqiptar shënoi që në minutën e pestë, ndërsa më pas kundërshtari mbeti me 10 lojtarë në fund të pjesës së parë.

U duk se tre pikët ishte siguruar, por festën e Osijekut e ndërpreu ish-sulmuesi i Kukësit Mateus Lima, që me golin e tij që çoi shifrat përfundimtare në 1 – 1.

Pavarësisht, zhgënjimit që vjen nga mungesa e fitores, Abazaj spikati me lojën e tij nga krahu i majtë, ku arriti t’i afrohej dy herë golit, por në të dyja rastet shtylla u bë dy herë pengesë.

https://www.youtube.com/watch?v=X_3x61aZp58

Papa drejt largimit, Botoshani i gjen ekip tjetër

Sport Ekspres — Fri, 04 Jan 2019 21:50:48 +0000

Enriko Papa la Superioren në verë dhe iu bashkua rumunëve të Botoshanit. Në pjesën e parë të sezonit ai është aktivizuar me skuadrën e tij në 18 ndeshje, madje gjysmën e tyre i ka nisur si titullar. Futbollisti 25-vjeçar ka arritur të shënojë edhe një gol në barazimin 2-2 të arritur ndaj Steauas së Bukureshtit (FCSB).

Pavarësisht kësaj, duke se e ardhmja e Papës nuk do të jetë te Botoshani në pjesën e dytë të sezonit. Kuçovarit i përfundon kontrata në fund të sezonit dhe tashmë për të ka një plan për ta dërguar te Petrolul Ploieshti.

“Monitorulbt.ro” raporton se janë tre lojtarë që do të largohen nga Botoshani, mes tyre edhe Papa, ndërkohë që mbetet për t’u përcaktuar nëse do të huazohet te Petroluli, apo do të shkojë aty përfundimisht.

Video: Pasdite e çmendur në Rumani, i pafat Enriko Papa

Sport Ekspres — Sat, 15 Sep 2018 21:50:22 +0000

Rumani, një pasdite e qetë futbolli, dy ndeshje dhe… 7 penallti! A mund të ndodhë normalisht? Në ndehsje kupash është e thjeshtë, nëse ka shtesa dhe duhen 11-metërsha, por sot në Rumani u luajtën 2 ndeshje kampionati dhe u akorduan 7 penallti brenda 90 minutash.

Dunarea Kalarashi ka mundur 3-2 Botoshanin e Enriko Papës, i cili ka qenë i pafat, sepse në pjesën e parë goditi shtyllën, me një kthesë mjaft të bukur me kokë. Shqiptari është ambientuar mjaft mirë dhe nuk pritej që t’i ecte kaq mbarë në Rumani, duke parë që pakkush i dha besim në Shqipëri.

https://sportekspres.com/wp-content/uploads/2018/09/cj0xJmhhc2g9N2FiODI5M2NlYzBhY2E0MzZkZDFkNTE3ZTlhYTYxOTU.mp4.480p.mp4

Botoshani shënoi 2 gola me penallti, ndërsa Dunarea humbi 1 penallti.

Ndërkaq, Gaz Metani mundi 3-2 Universitatea Krajovën, me miqtë që shënuan një gol në penallti dhe humbën një tjetër, ndërsa Gaz Metan e shënoi penalltinë e vet.