Roberto gjithmonë mirënjohës: Ky njeri më bëri lojtar

Sport Ekspres — Fri, 05 Apr 2019 14:24:46 +0000

Sergi Roberto është rikthyer në një lojtar tepër të rëndësishëm te Barcelona. Futbollisti polivalent është i gatshëm të luajë në çdo repart, qoftë mbrojtje, mesfushë ose sulm.

Në një intervistë për të përditshmen katalanase “SPORT”, 27-vjeçari zbulon se trajneri që ka pasur efektin më të madh tek ai ka qenë Luis Enrike.

LUIS ENRIKE – “Luis Enrike ka luajtur një rol kyç në karrierën time si futbollist, kjo është diçka e qartë. Ai më bëri lojtar të rregullt në skuadrën e parë”.

VALVERDE – “Jemi shumë të gëzuar me punën që ka bërë ai. Ka rinovuar kontratën deri sezonin tjetër dhe kjo na gëzon. Është një shenjë shumë e mirë që të bën optimist për të ardhmen”.

PIKE – “Po e tregon ndeshje pas ndeshje se është një ndër më të mirët në botë në rolin e tij, pse jo më i miri. Po kalon një formë të shkëlqyer dhe dëshiron gjithmonë të fitojë. Vetëm prezenca e tij sjell pozitivet në grup”.

Luis Enrike nis revolucionin te Spanja, lë jashtë liste dy yje

Sport Ekspres — Fri, 31 Aug 2018 15:31:11 +0000

Lista e parë e Luis Enrikes ka shkaktuar jo pak surpriza për opinion sportiv në Spanjë. Tekniku asturian ka përzgjedhur 24 lojtarë për takimet ndaj Anglisë dhe Kroacisë. Trajneri 48-vjeçar ka lënë jashtë liste mbrojtësin e majtë të Barcelonës, Zhordi Alba dhe mesfushorin e Atletiko Madrid Koke.

Lënia jashtë e Albës, ka të bëjë me fyerjet që katalanasi i bëri Enrikes menjëherë ka ky i fundit u shkarkua nga detyra si trajneri i Barcelonës. Ndërsa për Koken kemi të bëjmë thjesht me një zgjedhje taktike.

Enrike ka ftuar në kombëtaren “La Roja” disa emra të rinj si Diego Lorente, Hoze Gaja, Rodri dhe Sebajos. Ftesë ka pasur dhe për sulmuesin anësor të Milanit, Suso, i cili do t’i besohet vendi i lënë bosh nga legjenda e përfaqësueses spanjolle David Silva.