Momentalisht jashtë gjashtë futbollistë që janë nën urdhrat e stafit teknik. Myrto Uzuni dhe Lirim Kastrati vjet ishin ndër më të spikaturit, ndërkohë që tanimë i janë bashkuar edhe dyshja e huazuar te Laçi, Jon Mersinaj dhe Enis Çokaj.

Qendërmbrojtësi dhe mesfushori do të duhet të tregojnë vlerat e tyre në fazë, në mënyrë që të mbeten në ekip. Ndryshe do të huazoheshin sërish. Një tjetër lojtar që i është bashkuar ekipit të parë është Indrit Tuci.

Trekuartisti provoi të debutonte në ndeshjen e fundit të kampionatit dhe tanimë është marrë në fazë. Risia është sulmuesi Albion Marku, i cili prej disa kohësh po testohet dhe do të jetë edhe në fazë me Lokomotivë. Ai është produkt i Shkëndijës së Tiranës, sikurse Kastrati, Mersinaj dhe Çokaj.

Mesfushori Çokaj është pjesë e ekipit kroatit prej thuajse dy vitesh, ndërsa në janar u huazua te Laçi ku zuri një vend stabël në formacionin e kurbinasve. Sulmuesi 19-vjeçar Marku i është bashkuar rishtas Lokomotivës dhe për momentin ndodhet në provë.

Të dy lojtarët kanë qenë pjesë e ekipeve zinxhirë të Shkëndijës së Tiranës. Lokomotiva e Zagrebit i beson prej vitesh produkteve të shkollës së mjeshtërisë “Loro Boriçi”, ku emri që spikat më shumë është ai i Lirim Kastratit. Sulmuesi i përfaqësueses së Kosovës është tani një prej lojtarë bazë i ekipit të parë të Lokomotivës.

Çokaj u aktivizua në 15 ndeshje me Laçin, teksa vetëm një herë e nisi nga stoli. Eksperienca e parë në Superiore ka lënë mbresa pozitive te koplikasi, i cili në një postim të bërë në llogarinë e tij në Instagram, i ka falënderuar të gjithë te Laçi.

“Ishte kënaqësi të isha për kaq kohë pjesë e këtij ekipi të mrekullueshëm. Falënderoj gjithë stafin e KF Laçit, presidentin dhe trajnerët që besuan tek unë. Falënderoj çunat e ekipit për përkrahjen dhe tifozët për mbështetjen e madhe që na dhanë në çdo ndeshje . Eksperienca ime e parë në Superligë ishte thjesht fantastike. I uroj ekipit të arrijnë sa më lart në Europë. Jeni më të mirët!”, shkruan Çokaj.

https://www.instagram.com/p/By8eyS4nNX8/?utm_source=ig_web_copy_link

Kalimin te Laçi ai e konsideron veprimin e duhur:  “Tek Lokomotiva nuk kisha shumë hapësira për t’u aktivizuar në ekipin e parë dhe për këtë arsye, drejtuesit e klubit menduan që të më huazonin në ndonjë ekip Superlige dhe Laçi ishte zgjedhja më e mirë për mua, për më tepër që më kërkoi vetë trajneri Prenga”.

I pyetur në lidhje me hapësirat që pret me Laçin, Çokaj për “ShkodraSport.com” ka shtuar: “Unë do të jap maksimumin tim, pastaj është në dorën e trajnerit nëse do më aktivizojë apo jo”. Kurbinasit më parë kanë afruar një tjetër të ri si Irlian Ceka, i cili ka qenë pjesë e Shqipërisë U21.

MIQËSORET – Laçi gjatë kësaj periudhe do të zhvilloje disa ndeshje miqësore dhe të gjitha janë përballje interesante. Të enjten kurbinasit do të ndeshjen me Vllazninë, që kryeson grupin A të Kategorisë së parë.

Të shtunën ekipi i drejtuar nga Besnik Prenga zhvillon një miqësore me Tiranën dhe në mbyllje të fazës përgatitore do të luhet edhe një takim me Teutën. Laçi e nis sezonin me një ndeshje në Kupë kundër Bylisit, kurse në kampionat do të përballet me Kukësin.

I riu nga Kopliku luan në qendër të mesfushës dhe bëhet lojtari i dytë që kurbinasit e marrin nga skuadra kroate. Në verë ishte Jon Mersinaj ai i cili iu bashkua bardhezinjve dhe po luan rregullisht. Trajneri Besnik Prenga e njeh mirë Çokajn dhe ka qenë vetë ai që e ka bërë këtë lëvizje.

Mesfushori në vendin tonë ka qenë pjesë e moshave të Shkëndijës së Tiranës, ndërsa në të shkuarën ka luajtur me Vllazninë U15. Pas Irlian Cekës, Çokaj është afrimi i dytë te skuadra e Laçit.