Në një intervistë për sajtin e Levantes, 23-vjeçari shpjegoi ishte hera e parë që derdhte lot pas shënimit të një goli: “Në ato momente isha shumë i përqendruar, pasi e dija rëndësinë e kësaj ndeshjeje, e dija se aty mund të siguronim qëndrimin në La Liga. Ishte një takim shumë i luftuar, e patëm jashtëzakonisht të vështirë. Sa herë që unë shënoj ndihem shumë i gëzuar, por këtë herë ishte ndryshe. Nuk më kishte ndodhur më parë që të qaja në fushë. Festimi me shokët e ekipit më emocionoi shumë”.

AGJËRIMI DHE MUAJI I RAMAZANIT –  “Nuk ha ose pi nga lindja e diellit deri në perëndim. Kur ndjen uri të vijnë në mendje të gjithë njerëzit që s’kanë mundësi të blejnë ushqime. Gjithashtu është mirë për trupin, që kalon një muaj ku spastrohet nga të këqijat që sjell një dietë e keqe. Ka besimtarë që nuk ndihen mirë, por mua më pëlqen dhe ndihem i gëzuar. Nuk kam pasur probleme në stërvitje”.

SEKRETI I GODITJEVE TË DËNIMIT – “Zakonisht nuk flas për këtë, por po bëj një përjashtim. Kur vendos topin, shikoj vetëm nga portieri dhe bëj katër hapa mbrapa, nëse është një largësi shumë e madhe bëj pesë hapa mbrapa. Hap këmbët që të kem balancë dhe gjuaj. Nëse shënoj…plas festa! Gjithsesi nuk jam i vetmi që di të godas goditje dënimi. Kampanja, Hason dhe Roçina gjuajmë mirë gjithashtu, jemi skuadër shumë cilësore. Kur më krahasojnë ndonjëherë me Mesin përsa i përket goditjeve të dënimit ndihem shumë i motivuar dhe filloj të stërvitem akoma më shumë”.

E ARDHMJA – “Në dy sezonet që kam qëndruar këtu jam përmirësuar shumë. Megjithatë, këtë sezon kam pasur disa probleme me dëmtimet e shpeshta. Ndihem mirë këtu dhe besoj se do të qëndroj dhe një vit, ky vend është shtëpia ime e dytë”.

Vendasit humbën një penallti në pjesën e parë, ndërsa Rajo e mbylli ndeshjen me një lojtar më pak. Ndërkohë që rezultati ishte 3-1 për Levanten, Bardhi shënoi golin e katërt në minutën e fundit.

Mesfushori mori një pasim nga Simon dhe lëshoi një të djathtë të pakapshme nga brenda zonës. Miqtë pretenduan për pozicion të parregullt të 23-vjeçarit, por VAR-i e konfirmoi golin si të rregullt.

Kjo ishte rrjeta e dytë e Bardhit për këtë sezon (numëron edhe 4 asiste), ndërsa Levante është ngjitur në kuotën e 40 pikëve.

Një ndër faktorët kyç për këtë zhvillim të kombëtares janë dhe lojtarët shqiptarë, që po tregojnë profesionalizimin e tyre duke dhënë 100% në çdo ndeshje.

Në takimin e ditës së djeshme, Maqedonia e Veriut barazoi në transfertë ndaj Sllovenisë me rezultatin 1 – 1. Goli u shënua nga Enis Bardhi, ndërsa asisti u dha nga shqiptari tjetër Ezgjian Alioski. Në festimin e këtij goli pati një moment special, pasi Bardhi së bashku me Alioksin dhe Bejtulain zgjodhën të festonin në një mënyrë krejt të veçantë, duke hedhur një valle shqiptare.

Sigurisht, nuk mund të mungonte dhe futbollisti i Levantes, i cili njihet si besimtar dhe këtë herë zbuloi anën tjetër të tij duke bërë bamirësi. Një gjest pë t’u përshëndetur dhe ndjekur nga kolegët e tij, të cilët realisht paguhen me shifra të “majme” kur luajnë futboll jashtë vendit.

https://www.facebook.com/100000462863382/posts/2954385697920163/

Që nga gushti i vitit 2015 dhe deri tani, lojtari i përfaqësueses së Maqedonisë, por me origjinë shqiptare ka përqindjen më të lartë të golave të realizuar nga  goditjet e dënimit. Saktësisht 24% të goditjeve të tij, Bardhi i ka çuar në fundin e rrjetës, ose e thënë ndryshe ka shënuar 6 gola nga 25 goditje të lira. Pas tij në këtë listë është Antuan Grizman i Atletikos së Madridit. Francezi ka shënuar 22% të goditjeve të lira që ka ekzekutuar.

Në vendin e tretë është Paolo Dibala i Juventusit me 20% dhe në listë është më pas Filip Kutinjo me 19% të goditjeve të sakta. Do thoni ku është Mesi? Argjentinasi ka një mesatare prej 9.7%, kjo pasi ai godet një numër shumë të lartë goditjesh dënimi. “Pleshti” ka goditur plot 134 goditje dënimi që nga gushti i vitit 2015.

Futbollisti 23-vjeçari u transferua te Levante në verën e vitit të kaluar nga skuadra hungareze e Ujpestit. Në sezonin e tij debutues në kampionatin spanjoll, Bardhi spikati fale aftësive të tij në goditjet e dënimit, ku vetëm Lionel Mesi ia kalon për nga saktësia dhe golat e shënuar.

El Francotirador https://t.co/m4D3BHdSNG pic.twitter.com/UbBp3bQUpm

— Levante UD (@LevanteUD) October 23, 2018

Në këtë sezon, Bardhi është aktivuar në tetë ndeshje te La Ligas, ku ka gjendur një herë rrugën e rrjetës, më datë 6 tetor në transfertën ndaj Getafes, ku ekzekutoi me saktësi një goditje dënimi.

Ndeshja nuk pati më gola, ndërsa vendasit e mbyllën ndeshjen me një lojtar më pak, pas daljes me karton të kuq të Portijos në minutat shtesë.

Bardhi u transferua në sezonin e kaluar te Levante nga ekipi i Ujpeshtit dhe shënoi nëntë gola, ndërsa tashmë ka gjetur golin e parë me ekipin e tij. Me këtë fitore Levante ngjitet përkohësisht në vendin e dhjetë, në kuotën e 10-të pikëve, ndësa Getafe numëron një pikë më pak.

Një prej futbollistëve që ka fituar një përmirësim është mesfushori i Levantes, Enis Bardhi. Shqiptari që luan me përfaqësuesen e Maqedonisë ka shkëlqyer në sezonin që kaloi në Spanjë, ku luan për Levanten. Specialiteti i mesfushorit shtatshkurtër janë goditjet e dënimit dhe në lojën “FIFA 19”, ai është i pesti lojtar për sa i përket aftësive ekzekutimin e goditjeve standarde.

Lista e goditësve më të mirë kryesohet nga Lionel Mesi, i cili ndiqet nga Hakan Çalhanoglu, Sebastian Xhovinko dhe Miralem Pjaniç.

10 – Lojtarët më të mirë në ekzekutimin e goditjeve të dënimit në videolojën “FIFA19”

1.Lionel Mesi

2.Hakan Çalhanoglu

3.Sebastian Xhovinko

4.Miralem Pjaniç

5.Enis Bardhi

6.Dani Pareho

7.Marvin Platenhard

8.Memfis Dipei

9.Paulo Dybala

10.Shunsuke Nakamura