Menaxheri i Imamit, Florin Biba, në llogarinë e tij në Instagram ka konfirmuar firmosjen e kontratës edhe për një vit. Ai ka postuar një foto me Imamin dhe drejtorin sportiv të Tiranës, Arbi Laçin. Ky është rinovimi i parë te Tirana, ndërkohë që në ditët në vazhdim do të ketë të tjera marrëveshje.

Imami sezonin e shkuar luajti shumë ndeshje në qendër të mbrojtjes, edhe pse ai në të shkuarën ka luajtur në linjën e majtë, por edhe si mesfushor qendre. Ze Maria e aktivizoi fillimisht, ndërkohë që më pas Mema e “nguli” aty. Për Imamin nuk hera e parë që luante si qendërmbrojtës, pasi në një takim ishte aktivizuar edhe te Kukësi nga trajneri Ernest Gjoka.

https://www.instagram.com/p/BzqMR_tAqix/?utm_source=ig_web_copy_link

“Xholi”, i cili u mor verën e shkuar, ka bërë qendërmbrojtësin dhe paraqitjet e tij kanë qenë deri diku të mira, edhe pse nuk është aktivizuar në rolin e tij. Një ditë më parë ai ka sinjalizuar vazhdimin e bashkëpunimit përmes një fotoje të postuar në llogarinë e tij në “Instagram”.

Imami është aktivizuar në 30 ndeshje dhe vetëm një herë e ka nisur nga stoli. Mbrojtësi ka qenë një nga lojtarët me më shumë minuta te Tirana dhe do të vazhdojë të jetë nën urdhrat e trajneri Ardian Mema. Për mbrojtjen në kampin bardheblu presin edhe Tefik Osmanin, pasi të ketë mbaruar aventurën e tij në Europë me Teutën.

Bedri Greca gjithashtu pritet të nënshkruajë me Gjilanin në Kosovë, ndërkohë që janë edhe dy futbollistë të tjerë të cilët thuhet se nuk do të jenë pjesë e Tiranës në sezonin e ardhshëm.

Një nga ish-lojtarët e bardhebluve, Elvis Sina, i ftuar në emisionin “Rubrika Sportive” në RTSH është shprehur se Eni Imami dhe Marvin Turtulli nuk do të jenë pjesë e Tiranës në vazhdim. Nga ana e klubit ende nuk ka asnjë njoftim zyrtar mbi largimet e bëra.

Vincent Atinga, i cili është aktivizuar në 16 ndeshje me fanellën bardheblu, nuk do të jetë pjesë e Tiranës në sezonin e ardhshëm. Nga qendërmbrojtësit e tjerë, dy prej tyre u kanë përfunduar kontratat. Bëhet fjalë për Marvin Turtullin dhe Eni Imamin.

Ky i fundit ka luajtur në 30 ndeshje në kampionat, kurse tjetri 23. E ardhmja e tyre te Tirana është në dyshim. Në klub po mendohen mirë në lidhje me të ardhmen e këtyre dy futbollistëve. Gjithsesi shumë gjëra do të varen edhe nga çështja e trajnerit.

Ardian Mema me shumë mundësi do të mbetet në krye të bardhebluve dhe nëse kjo ndodh, ai do të thotë fjalën e fundit për lojtarët në fjalë dhe për të tjerë që janë në listën e pritjes për të rinovuar kontratat.

Dorian Kërçiku gjithashtu për arsye dëmtimi e kishte humbur takimin me Luftëtarin, ndërkohë që në infermieri ka përfunduar edhe kapiteni Erando Karabeci. Në sfidën e Kupës me gjirokastritët ai pësoi një dëmtim në gju dhe pritet të kryejë kontrollet mjekësore për të mësuar shkallën e dëmtimit.

Së fundmi shqetësime ka ndjerë edhe Eni Imami. Lojtari i linjës së majtë, i cili është përshtatur në qendër të mbrojtjes këtë sezon, ka ndjerë dhimbje në gju dhe nuk është stërvitur me grupin. Shanset janë të vogla që të jetë gati për ndeshjen ndaj Luftëtarin.

Alternativat për trajnerin Mema nuk mungojnë në fakt. Vinsent Atinga, Marvin Turtulli, Gentian Muça dhe Jurgen Goxha janë ata që luftojnë për dy vendet në qendër të mbrojtjes. Ish-lojtari i Erzenit është favorit për njërin vend dhe pritet të mësohet se kush do të jetë lojtari tjetër që do të aktivizohet krah tij.

Eni Imami, i cili me bardheblutë po luan si qendërmbrojtës, ka lëshuar një mesazh së fundmi përmes rrjeteve sociale, teksa shkruan:  “Më vjen keq për çfarë ndodhi dje, sepse ishte detyrim fitorja, jo për pozicionin që kemi, as për veten tonë, por për nder të një njeriu që ka bërë historinë për Tironën. Ishte minimumi që mund të bënim, e kërkuam, ishim dominues, por është shumë e vështirë.

Ndoshta dikush nuk na do, dikush s’na respekton mundin dhe djersen, dikush se do këtë skuadër. Është shumë e thjesht: na lini të bëjmë punën tonë. Nuk duam as ndihmë, as dashakeqësi, i dalim për Zot vetë vetes tonë! JEMI KLUBI MË I MADH NË HISTORI TË SHQIPËRISË, këtë mos e harroni kurrë!”, përfundon Imami.

 

View this post on Instagram

me vjen keq per ca ndodhi dje sepse ishte detyrim fitorja jo per pozicionin qe kemi as per veten ton por per nder tnji njeriu qe ka ber historin per Tironen ishte minimumi qe mund tbenim e kerkuam ishim dominues por esht shum e veshtir ndoshta dikush nuk na do dikush sna respekton mundin dhe djersen dikush se do kte skuader esht shum e thjesht na lini tbejm punen ton nuk duam as ndihm as dashakeqsi i dalim per Zot vet vetes ton ! JEMI KLUBI ME I MADH N HISTORI TE SHQIPRIS kte mos e harroni kurr !

A post shared by Eni Imami ???? (@eniimami19) on Mar 31, 2019 at 4:05am PDT

“Jam befasuar shumë nga ajo që kam parë dhe ndierë në ekipin e Tiranës, që në momentin që kam shkuar aty. Pavarësisht nëse nuk është ndeshja e radhës, për derbin mendohet shumë javë përpara. Është vërtet një ndjesi e veçantë. Mezi e pres edhe unë si lojtar për t’i përjetuar këto emocione”, tregon Imami.

Mbrojtësi qëndron me këmbë  në tokë dhe thekson se për t’i dhënë edhe më shumë vlerë asaj fitoreje që morën me Kukësin, duhet që të mundin të shtunën Luftëtarin. Kjo është edhe mundësi që Tirana t’i largohet edhe më shumë zonës së ftohtë dhe më pas të shohë lart në renditje.

“Fitorja  me Kukësin kishte brenda edhe pak fat, ata kishin disa raste të mira për shënim. Jemi të kënaqur me ecurinë gjatë kësaj periudhe, nëse nuk fitohet ndeshja e radhës kundër Luftëtarit, atëherë edhe fitorja kundër Kukësit nuk do të vlente”, ka thënë mes të tjerash Imami.

Në të shkuarën ai e ka provuar ta fitojë titullin kampion, madje para dy vitesh. Me Kukësin ai ngriti trofeun, ndërkohë që e shikon garën ende të hapur. Për Imamin kjo vjen nga fakti që nuk ka diferenca mes skuadrave, sikurse ndodhte një vit më parë me Skënderbeun.

“Çështja e titullit mbetet tërësisht e hapur, pasi diferenca 8 pikë mes Partizanit dhe Kukësit është e rikuperueshme. Partizani nuk është Skënderbeu i vitit të kaluar, një ekip të cilit nuk mund t’i dilej përpara”, ka deklaruar Imami gjatë emisionit.

Ky i fundit, e ka nisur kështu: “Unë jam në dispozicion sa herë që është nevoja, gjithmonë jam i gatshëm. Na duhej shumë kjo fitore, kemi punuar shumë edhe nga ana psikologjike. Të gjithë kemi qenë të përqendruar dhe të karikuar për të fituar me çdo kusht. Po ta shikoni, edhe tifozët na kanë ndihmuar shumë me praninë e tyre”.

Ndryshimet në mbrojtje – “Ishte mirë, ekipi tjetër nuk na rrezikoi shumë. Nuk kishte shumë raste që të na rrezikonte. Loja foli për ne sot. Mospësimi i golit? Me thënë të drejtën duhet të punojmë fort që të mos pësojmë gola, por nuk është vetëm reparti i mbrojtjes, por i gjithë ekipi duhet të punojë shumë. Analizat i bën trajneri, nuk është se na takon ne. Ne duhet të japim maksimumin, kaq kemi si detyrë”.

Ngërçi dhe objektivat – “Shpresoj që e kemi kaluar ngërçin, por për se ku shkon Tirana nuk më takon mua të flas. Mund të flasë trajneri, drejtuesit. Unë si Turtull mundohem të jap maksimumin tim sa herë më kërkohet”.

Qëndrimi jashtë formacionit– “E vështirë është, nuk ka lojtar që e pranon stolin. Unë kam luftuar e punuar fort. Besoj se jam rikthyer më i fortë”.

ENI IMAMI – Më parë Ze Maria e kishte pozicionuar në qendër, ndërkohë që tanimë të njëjtën gjë bëri edhe Mema. “Uroj që ta kem ndihmuar ekipin, pasi trajneri kur të bëjmë analizën do më japë të dhënat se si kam qenë gjatë ndeshjes. Uroj që të kemi bërë një ndeshje të mirë. Vet e di që kam bërë një ndeshje të mirë. Uroj  të vazhdojmë kështu, unë së bashku me shokët e mi, pasi kemi zhvilluar një ndeshje fantastike kundër një ekipi fantastik që është pretendent për titullin kampion”.

“A funksionoi skuadra me ndryshimet e bëra? Mendoj që të gjithë lojtarët janë të gatshëm dhe ato që janë ulur në stol nga ndeshja e kaluar. Kanë zhvilluar lojëra shumë të mira, por ka qenë mungesa e pikëve, ajo që ndoshta i ka penalizuar ato lojtarë. Por janë lojtarë që mund të luajnë në çdo ekip të kampionatit shqiptar. Te Tirana janë shumë të rëndësishëm”.

“Në çdo ndeshje, është e vërtetë ajo që ka thënë trajneri, që ka pasur mungesë përqendrimi dhe papërgjegjshmërie. Mendoj që nga ndeshja në ndeshje uroj që të ngrihemi më lartë dhe ato gabime të mos përsëriten më. Ka edhe goxha ndeshje, është gjysma e kampionatit dhe…

“Më mirë në qendër të mbrojtjes? Të them të drejtën edhe kur bën ndeshje të mira si mbrojtës i majtë, thonë që je për aty. Por edhe qendra e mbrojtjes është një pozicion që më pëlqen. Uroj të vazhdojmë kështu dhe të kemi një ecuri pozitive”, përfundoi Imami.