England

Fanella bambuje dhe skema e zebrave, njihuni me klubin… vegjetarian!

Sport Ekspres — Sat, 06 Jul 2019 17:09:19 +0000

Forest Grin nuk është një klub i njohur, por ata janë shumë special. Ekipi anglez që garon në Ligën e dytë të futbollit anglez (divizioni katërt) është pjesë e konventës mbi ndryshimet klimatike dhe e cilësojnë veten si një klub vegjetarian.

Sezoni i fundit ishte shumë i mirë. Ekipi për pak nuk u ngjit një kategori më lart, ndërsa i ka befasuar të gjithë me prezantimin e fanellave të reja për sezonin e ardhshëm.

Uniformat janë bërë me bambu, që është edhe bima me rritjen më të shpejtë në botë, dhe përmban vija në formë zebre, me qëllim hutimin e kundërshtarit. Presidentit Mark Kuper i lindi kjo ide, ndërsa po shihte një dokumentar për kafshët në Afrikë, raporton “The Sun”.

“Vijëzimi format “Zebra” e bën më të vështirë për kundërshtarët përqendrimin gjatë vrapimit. Kjo taktikë është përdorur dhe gjatë luftës së dytë Botërore. Anijet lyheshin me vija format “Zebra” me qëllim për t’ia bërë sa më të vështirë shënjestrimin nga artileritë e anijeve armike”, përfundoi presidenti i klubit special.

Ne po shpresojmë që kundërshtarët tanë të hutohen kur luajnë kundër nesh. Diçka e tillë do të na jepte një avantazh të madh. Ne kemi ndryshuar stilin e jetës prej ndryshimit të kushteve klimaterike. Të njëjtën gjë shpresojmë edhe në futboll, aty ku duhet të bëjmë ndryshime të rëndësishme”, përfundoi presidenti i klubit special.

VIDEO | Jo vetëm shtyrja e gjyqtares, vajzat e Kamerunit e bëjnë baltë!

Sport Ekspres — Sun, 23 Jun 2019 19:57:29 +0000

Anglia mposhti Kamerunin 3-0 në çerekfinalet e Kupës së Botës për femra, duke siguruar një biletë për një gjysmëfinale.

Asnjë shans për vajzat afrikane kundër homologeve ishullore. Anglia e dominoi ndeshjen, ndërsa Kameruni nuk e përballoi mirë presionin e kësaj ndeshje.

Një lojtare e ekipit afrikan shfryu nervat kundër gjyqtares kryesore në një moment duke e shtyrë atë. Në mënyrë tepër të çuditshme dhe për fatin e saj, kryesorja e ndeshjes nuk e ndëshkoi.

Më keq ndodhi më pas. “Viktima” kësaj radhe ishte një lojtare e Anglisë. Një lojtare e Kamerunit i pështyu në dorë, duke bërë një gjest të turpshëm, aq më tepër për futbollin e femrave. Përveç eliminimit, Kameruni mund të marrë disa gjoba dhe dënime të mira pas pamjeve të ofruara.

Një “shenjtor” në kombëtaren e Anglisë, befason Sauthgejt

Sport Ekspres — Thu, 16 May 2019 15:17:15 +0000

Kombëtarja e Anglisë është një nga skuadrat më të forta në botë dhe gjysmëfinalistët e Botërorit “Rusi 2018”, kanë alternativa të shumta. Trajneri Sauthgejt gjithmonë vihet në qendër të kritikave sa herë që shpallen lojtarët e grumbulluar dhe presioni mbi strategun anglez është shumë i madh.

“Tre Luanët” do të luajnë me datë 6 qershor kundër Holandës, sfidë e vlefshme për UEFA Nations League dhe emrat e grumbulluar janë pothuajse të njëjtët me ata të Botërorit, përveç njërit. Bëhet fjalë për Nejthën Redmond, sulmuesin e Sauthhemptonit.

Ylli i “Shenjtorëve” ka bërë sezone shumë të mira vitet e fundit, por grumbullimet e tij me kombëtaren kanë qenë me pikatore, dhe ato në miqësore. Por Sauthgejt ka vendosur t’i besojë dhe siç mediat britanike e bëjnë të sigurt, 23-vjeçari do të jetë pjesë e “Tre Luanëve” për sfidën kundër Holandës.

“U mundova të gjej pika të dobëta tek Anglia, por ishte mision i pamundur”

Sport Ekspres — Sun, 24 Mar 2019 13:59:43 +0000

Trajneri i Malit të Zi, Ljumbisa Tumbakoviç u pyet nga mediat angleze për të analizuar sfidën mes “Tre Luanëve” dhe kombëtares së tij, që do të luhet ditën e hënë (20:45). Tumbakoviç pranoi se Anglia nuk ka asnjë pikë të dobët, sado që është munduar ta analizojë dhe ta përgatisë ndeshjen. Duket se trajneri i Malit të Zi ka të drejtë, duke parë që Anglia shkatërroi 5-0 Republikën Çeke në takimin e mëparshëm.

Në fjalën e tij për mediat britanike, Tumbakoviç tha: “Ne si staf teknik mundohemi të jemi sa më të sinqertë me lojtarët tanë, t’iu tregojmë të vërtetat në sy. Gjatë gjithë stërvitjeve, iu kam thënë se nuk mund t’i ndihmoj aspak, pasi Anglia nuk ka asnjë pikë të dobët. E kisha përgatitur Anglinë për një mbrojtje me 3, ku mund t’i godisnim nga krahët, pasi ajo ishte pika e vetëm e dobët e tyre.

Por Sauthgejt është kthyer me katër mbrojtës dhe me lojtarë anësorë si Sterling dhe Sanço, që për mua janë më të mirët në botë në rolin e tyre për momentin. Mision i pamundur të gjesh pika të dobëta te kombëtarja e Anglisë”, përfundoi Tumbakoviç.

Sancho dhe Sterling ne stervitje me Angline

VIDEO | Anglia e nis me spektakël, Portugalia ngec ndaj Ukrainës

Sport Ekspres — Fri, 22 Mar 2019 21:41:29 +0000

Anglia e ka nisur në mënyrën më të mirë të mundshme rrugëtimin e saj në eleminatoret e Euro 2020. Ekipi i Sauthgejt bëri detyrën në shtëpi, teksa triumfoi me shifrat 5-0 ndaj Republikës Çeke.

Ndeshja nisi mjaft mirë për “3 luanët”, të cilët ushtruan presion që në fillim të sfidës. Në minutën e 24-të një aksion perfekt i anglezëve, u finalizua nga Sterling, i cili me portën e boshatisur shtyu topin drejt rrjetës për të çuar në avantazh të tijtë.

Në fundin e pjesës së parë, përsëri protagonist ishte Sterling, i cili fitoi një 11-metërsh pasi u ndal në mënyrë të parregullt në zonë. Herri Kejn u afrua te pika e bardhë dhe u tregua i saktë, duke mbyllur pjesën e parë me shifrat 2-0.

Fraksioni i dytë nisi njësoj për të besuarit e Sauthgejt, të cilët gjetën edhe golin e tretë në minutën e 62-të. Ishte dhe një herë tjetër Sterling, i cili konfirmon mometin e shkëlqyer që po kalon, duke shënuar golin e dytë personal.

Gjashtë minuta më vonë, Sterling plotësoi tripletën, duke shënuar edhe golin e katërt për ekipin e tij, pas një goditje nga jashtë zone, e cila u devijua nga një mbrojtës i kombëtares mike.

Në minutën e 84-të, pati vend edhe për golin e pestë, teksa Kalas në mënyrë të pafat dërgoi topin në rrjetën e tij, duke mbyllur gjithçka në 5-0.

Angli 5-0 Republika Çeke
Shënues: Sterling 24’, 62’, 68’, Kejn 45+1’(pen.), Kalas 84’(aut.)

Portugali 0-0 Ukrainë

Lajme jo të mira për Anglinë, Sauthgejt shqetësohet nga dëmtimi i mbrojtësit

Sport Ekspres — Wed, 20 Mar 2019 19:41:26 +0000

Lajme jo të mira për kombëtaren e Anglisë në kuadër të ndeshjeve ndaj Çekisë dhe Malit të Zi, të cilat do të jenë edhe ndeshjet e para për eleminatoret e Euro 2020. Trent Aleksandër Arnold ka lënë grumbullimin si pasojë e një dëmtimi.

Për këtë arsye, mbrojtësi nuk do të jetë në dispozicion të trajnerit Sauthgejt për dy ndeshjet e radhës. Ky i fundit për momentin nuk ka thirrur asnjë lojtar tjetër për të zëvendësuar 20-vjeçarin dhe për momentin kombëatarja e “3 luanëve” do të vijojë përgatitjet me 22 lojtarë.

Anglia është pjesë e grupit A, së bashku me Kosovën, Çekinë, Malin e Zi dhe Bullgarinë.

“Jam i shokuar”, talenti i Çelsit grumbullohet me Anglinë

Sport Ekspres — Mon, 18 Mar 2019 17:17:49 +0000

“Nuk e prisja, mendoja se trajneri po bën shaka. Kur çdo gjë u bë e qartë, u shokova.” Kështu tha talenti i Çelsit, Kallum Hodson-Odoi në fjalën e tij të parë si lojtar i Anglisë. Një dëmtim i Luk Shou bëri që trajneri Sauthegejt të grumbullojë 18-vjeçarin me “Tre Luanët”, një veprim deri diku surprizues.

Vetë Hodoi tha se dita e sotme ka qenë e çmendur, për shkak të gjërave që kanë ndodhur: “Po luajë me U-21 e Çelsit kundër Bristolit, një fushë aspak e mirë dhe shumë kilometra larg. Disa orë më vonë, grumbullohem në kombëtare. Jam shumë i emocionuar, por ende nuk e besoj. Ndoshta këto gjëra ndodhin shpesh në futboll.”

Odoi ka bërë një sezon fantastik deri më tani, duke qenë një nga lojtarët më të mirë të Çelsit. Trajneri Maurisio Sarri i ka besuar në kompeticionet e Kupës dhe në “Europa League”, madje dhe në disa takime në Premier Ligë, ku Odoi ka shkëlqyer me golat dhe driblimet e tij. Një talent që premton shumë për të ardhmen.

“It’s been a crazy day…” ?

Congratulations on your first #ThreeLions call-up, Callum Hudson-Odoi!

— England (@England) March 18, 2019

Pritja merr fund, Totenhem zbulon datën e inagurimit të stadiumit të ri

Sport Ekspres — Fri, 08 Mar 2019 20:23:11 +0000

Totenhemi i zhvillon ndeshjet e saj si pritëse prej kohësh në “Ëembley”, pasi shtëpia e tyre e re është në ndërtim. Inagurimi i stadiumit të ri është shtyrë shumë herë, por tashmë duket se pritja do të marrë fund. Së fundmi, klubi në një njoftim zyrtar ka bërë të ditur datën e hapjes.

Siç thuhet në njoftim, do të luhen dy ndeshje testuese, përpara se stadiumi i ri të presë yjet e ekipit të parë. Fillimisht do të luajë ekipi U-18 në datën 24 mars, ndërsa ndeshja e dytë testuese do të jetë një përballje mes legjendave të klubit, e cila do të zhvillohet me 30 mars.

Pas ndeshjeve testuese, pritet që të jepet dhe një njoftim tjetër për ndeshjen e parë që ekipi i parë do të luajë në shtëpinë e re, e cila pritet që të jetë gati për të pritur çerekfinalet e UEFA Champions League.

Festë në Angli, i gjithë stadiumi “marshon” pas Bekamit

Sport Ekspres — Sat, 16 Feb 2019 17:40:00 +0000

Dejvid Bekam është padiskutim sportisti më i njohur anglez. Ish-mesfushori i Mançester Junajtid, Real Madridit, Milanit, PSG-së dhe LA Galaksi ka qenë i suksesshëm kudo ku ka luajtur, ndërsa tani zotëron dy klube futbolli.

Pasi krijoi klubin e Inter Majami në Amerikë, Bekam bleu disa aksione të Salford Siti, skuadër që do e drejtojë së bashku me disa ish-shokë skuadre, si vëllezërit Nevill dhe Pol Skoulls. Sot, Bekam ka lënë Amerikën e largët për tu rikthyer në vendlindje dhe për të parë një ndeshje të Salford Sitit.

Të gjithë tifozët që tejmbushën stadiumin prej 5 mije vendesh, vrapuan drejt Bekamit në momentin që ky i fundit mbërriti. Ylli anglez nuk ngurroi të bëjë foto me të gjithë dhe t’iu japë autografe, duke lumturuar jo pak tifozë.

Futbolli anglez në zi, shuhet kampioni i Botës

Sport Ekspres — Tue, 12 Feb 2019 12:50:03 +0000

Futbolli anglez është në zi. Ditën e sotme, është njoftuar ndarja nga jeta e legjendës angleze të portës, Gordon Banks. Anglezi, ndërroi jetë gjatë natës, në moshën 81-vjeçare për shkak të një sëmundje që e kishte prej kohësh.

Ish-portieri i Stok Sitit, si dhe kombëtares angleze, u bë i njohur për pritjet e tij, teksa shpesh është etiketuar shpesh si hero i “3 luanëve”. Gjithashtu, Banks, ishte një ndër lojtarët më të rëndësishëm në triumfin e Anglisë në Botërorin e vitit 1966.

“What a save, Gordon Banks!”

Gordon’s heroics for club and country will never be forgotten. https://t.co/BBwvMZCmMv

— football.london (@Football_LDN) February 12, 2019

Gordon Banks e nisi karrierën e tij në ligat profesioniste në moshën 21-vjeçare, derisa u tërhoq nga futbolli i luajtur përfundimisht në vitin 1978, kur numëronte 41 vite mbi supe. Anglezi ka drejtuar si trajner vetëm ekipin e Telford Junajtid në karrierën e tij, duke i ndarë rrugët me futbollin në vitin 1980.

E padëgjuar më parë, ndeshja rrezikon shtyrjen nga “çmenduria” e… tifozit

Sport Ekspres — Sat, 05 Jan 2019 16:08:02 +0000

Ditën e sotme, futbolli anglez përsëri nuk njeh pushim, teksa po luhen ndeshjet e vlefshme për raundin e 1/32-ave në “FA Cup”. Pas Totenhemit, Mançester Junajtid dhe Çelsit, radhën e ka të zbresë në fushë një tjetër ekip “big”.

Arsenali do të përballet në transfertë ndaj Blekpulit në orën 18:30. Të paktën ky është orari zyrtar, që është programuar takimit për t’u luajtur, pasi ka një mundësi që ndeshja të shtyhet për t’u luajtur pak më vonë. Arsyeja e kësaj vonese, është sa e çuditshme aq edhe qesharake.

Një tifoz i vendasve të Blekpulit ka hipur në majë të autobusit të Arsenalit dhe nuk pranon të zbresë nga aty. Një veprim mjaft i çuditshëm nga tifozi anglez, të cilët njihen për çmenduritë e tyre, por diçka të tillë zor se e kishim dëgjuar.

Ëndrra e realizuar për Krishtlindje, gjiganti skocez befason adoleshentin

Sport Ekspres — Mon, 24 Dec 2018 15:21:21 +0000

Shumica dërrmuese e 15-vjeçarëve në të gjithë botën, pa dashur për t’i ulur vlerat ndokujt, ditën e 24 dhjetorit, mund të jenë me telefonin në dorë ndoshta, duke parë story-t në Instagram, Facebook apo Snapchat. Jo të gjithë zgjedhin të njëjtën rrugë, pasi ka një pjesë të vogël, të cilët që në moshën 15-vjeçare luftojnë për t’u bërë të mëdhenj.

I tillë është Karamoko Kader Dembele, 15-vjeçari, i cili ditën e sotme të 24 dhjetorit, bëri ëndrrën e tij realitet. Lindi në 22 shkurtin e vitit 2003 në jug të Londrës, por brenda një viti familja e tij lëvizi drejt Skocisë, konkretisht në Gllasgou. Ëndrra e djaloshit me prindër nga Bregu i Fildishtë, nisi në moshën 5-vjeçare, kur hodhi hapat e parë me topin në këmbë.

5 vite më vonë, djaloshi do të transferohej në akademinë e Sëlltikut të Gllasgout, një ndër ekipet më historikë të vendit. Brenda 3 vitesh, Karamoko mahnit me aftësitë e tij dhe në vitin 2016 vjen kapërcimi i madh, ku djaloshi bën xhiron e botës. Vetëm 13 vjeç, “Kaddy”, siç quhet ndryshe, përfshihet në një turne me skuadrën u-20 të Sëlltikut, ku si kundërshtarë, ka lojtarë deri në 7 vite më të mëdhenj se ai.

Një nga trajnerët e moshave të Sëlltikut në 2016 foli për “vogëlushin”, duke mos i kursyer elozhet për të. “Shumë i ngjashëm me Lionel Mesin”, ishin fjalët e teknikut skocez. Kështu, për t’u kthyer në ditën që jemi sot, të 24 dhjetorit, Karamoko Kader Dembele firmosi kontratën e parë si profesionist dhe mosha e tij është vetëm 15 vjeç. Tek e fundit, jo më kot kanë thënë, mosha është vetëm një numër…

#CelticFC's number 7?7?…

Merry #Christmas, Celts! ??? pic.twitter.com/92q1XjmHQd

— Celtic Football Club (@CelticFC) December 24, 2018

VIDEO | Siti bën detyrën ndaj Bornmuth, presioni kalon te Liverpuli tashmë

Sport Ekspres — Sat, 01 Dec 2018 16:53:21 +0000

Janë mbyllur gjysma e ndeshjeve të Premier Ligë, të vlefshme për javën e 14-të të futbollit në Angli. Mançester Siti bën detyrën ndaj Bornmuth, duke triumfuar në shifrat 3-1 brenda në shtëpi, me gola të Bernanrdo Silva, Rahim Sterling dhe Gyndogan, të cilët bënë të pavlefshëm barazpeshën e përkohshme të miqve me golin e Uillson.

Kristal Palas dhe Leister ishin dy skuadrat e tjera vendase, të cilat gjetën triumfin, përkatësisht ndaj Bërnlejt dhe Uotford, me shifrat 2-0. Xhejmi Vardi dhe Medison, ishin dy autorët e golave për Leisterin, i cili tashmë ngjitet në vendin e shtatë, pas këtij triumfi. Kristal Palasi i falet ng një goli për çdo pjesë, duke mposhtur Bërnlejn dhe duke lënë zonën e ftohtë për të shkuar në vendin e 15-të.

Uest Hem dhe Brajton nga ana tjetër, arritën fitore me mjaft vlera në transfertë ndaj Njukasëll dhe Hadërsfilld. “Çekanët” shkatërruan 0-3 Njukasëllin me dy gola të Çiçaritos dhe një gol të Felipe Anderson dhe tashmë e shohin veten në vendin e 13-të, në kuotën e 15 pikëve. Brajton fitoi me përmbysje ndaj Hadërsfilldit 1-2, pasi miqtë mbetën me 10 lojtarë, pas një kartoni të kuq të Munie.

Mançester Siti 3-1 Bornmuth
B.Silva 16’, Sterling 56’ Gyndogan 80’ / Uillson 44’

Kristal Palas 2-0 Bërnlej
Mekarthur 16’, Tousend 77’

Leister 2-0 Uotford
Vardi 12’, Medison 23’

Njukasëll 0-3 Uest Hem
Çiçarito 11’, 63’, Felipe Anderson 90+3’

Hadërsfilld 1-2 Brajton
Jorgensen 1’ / Dafi 45+4’, Andone 69’

Anglia bindet më në fund, Premier Liga i thotë “po” VAR-it

Sport Ekspres — Thu, 15 Nov 2018 16:00:44 +0000

Sistemi VAR është një risi, që tashmë është pjesë e kampionateve më të rëndësishëm të Evropës, duke përjashtuar këtu vetëm Anglinë. Gjithsesi, kjo pritje duket se ka marrë fund, pasi klubet e Premier Ligës kanë rënë dakord që sistemi VAR të jetë pjesë e kampionatit, duke nisur që nga sezoni i ardhshëm.

Ditën e sotme në mbledhjen e kryer është vendosur që të bëhet një kërkesë në FIFA dhe në bordin e shoqatës ndërkombëtare të futbollit. Sistemi i video asistentit, është testuar në futbollin ishullor në kupën FA si dhe në “Carabao Cup” dhe duket se më së fundmi në Angli janë të bindur.

VIDEO | Pamjet nga stadiumi i ri, Totenhemi do të ketë një “arenë” të mrekullueshme

Sport Ekspres — Tue, 13 Nov 2018 22:40:37 +0000

Stadiumi i ri i Totenhemit, është bërë një legjendë në Angli, pasi supozohej që do të përfundonte që përpara nisjes së këtij sezoni, teksa tashmë flitet që nuk do të jetë gati të paktën deri në muajin shkurt të vitit të ardhshëm.

Kjo është diçka shqetësuese për “gjelat” e Londrës, të cilët ndeshjet e tyre si pritës i luajnë në “Wembley”. Gjithsesi, ditën e sotme biznesmeni anglez, Lord Sugar, ka postuar një video se si duket stadiumi tashmë dhe pamjet janë të mrekullueshme. Duket se çdo gjë më në fund po ecën sipas planit dhe stadiumi mund të hapë dyrt për ndeshjen e parë, në muajin shkurt.

Gjithashtu në mediat angleze është postuar një foto se si duket gjatë natës stadiumi dhe pamja është mbresëlënëse. Arena e re e Totenehemit, do të mbajë deri në 62 mijë tifozë dhe thuhet se do të jetë një nga stadiumet më të mira të futbollit të sotëm.

I had a tour of the new Spurs stadium yesterday. It’s amazing the best in Uk and Europe and possibly in the world. Most important thing is I had the honour of being the first person to take a pee in the directors lounge loo. pic.twitter.com/C43iSEnbti

— Lord Sugar (@Lord_Sugar) November 13, 2018

Sauthgejt nuk ndryshon, Uejn Runi dhe një risi në sulm për Anglinë

Sport Ekspres — Thu, 08 Nov 2018 14:38:37 +0000

Anglia do të sfidojë javën e ardhshme, Amerikën si fillim në një miqësore, ndërsa disa ditë më pas do të presë Kroacinë në “Wembley”. Numri një i pankinës së “3 luanëve”, Gareth Sauthgejt, ka shpallur ditën e sotme listën e të grumbulluarve, ku bie në sy prezenca e Uillson dhe normalisht e Uejn Runit.

Sfida miqësore ndaj Amerikës do të jetë dhe ndeshja e lamtumirës për Uejn Runin. Kjo është dhe arsyeja e grumbullimit të 33-vjeçarit, i cili do të jetë në dispozicion vetëm në ndeshjen e parë. Te lojtarët e tjerë të grumbulluar, bie në sy padyshim sulmuesi i Bornmuth, Kolum Uillson.

Sulmuesi i surprizës Bornmuth, që këtë sezon po bën mjaft mirë merr kështu ftesën e parë në kombëtaren angleze. Gjithashtu, konfirmohet Xhejdon Sanço, i cili po vijon të mahnisë te Dortmundi. Sfida ndaj Amerikës do të luhet me 15 nëntor, ndërsa ndaj Kroacisë, tre ditë më pas.

VIDEO | Simulimi i shëmtuar i Sterling, Ramos: Nuk kam çfarë them!

Sport Ekspres — Wed, 17 Oct 2018 11:58:05 +0000

Serxho Ramos në Angli është kthyer në një armik që pas finales së Ligës së Kampioneve kundër Liverpulit. Ndërhyrja ndaj Mohamed Salah u komentua gjatë dhe të shumtë ishin ata që e akuzuan dhe e konsideruan të qëllimshme.

Tanimë vjen momenti i spanjollit për t’u ankuar. Erik Dajer, në ndeshjen Spanjë-Angli, i bëri një ndërhyrje të ashpër mbrojtësit të Realit të Madridit. Tifozët anglezë mbështetën mbrojtësin e tyre, ndërkohë që Ramos ka reaguar së fundmi për një simulim të Sterling.

Ai ka publikuar një video ku shfaqet sulmuesi i Mançester Sitit, i cili rrëzohet pa i ndërhyrë askush. Komenti i spanjollit është i qartë: “Nuk kam çfarë të them më shumë”. Më saktë, shikoni videon dhe gjykoni.

???
Nada más que decir.
Nothing else to say. pic.twitter.com/BCuQI3n7hT

— Sergio Ramos (@SergioRamos) October 17, 2018

Ramos flet pas disfatës: Anglia një kundërshtar i fortë

Sport Ekspres — Tue, 16 Oct 2018 19:23:01 +0000

Anglia arriti një fitore disi surprizë mbrëmjen e kaluar në fushën e Spanjës, me shfirat 2-3. Pjesa e parë ishte mjaft shokuese për spanjollët e Luis Enrikes, teksa e panë veten në disavantazhin e tre golave, pas dygolëshit të Stërling dhe një goli të Rashford.

Në pjesën e dytë, iberikët reaguan deri diku, por nuk mjaftoi pasi ndeshja përfundoi me triumfin e kombëtares së “3 luanëve”. Pako Alkaser shënoi golin e parë dhe në minutën e 97-të ishte Serxho Ramos, ai që mbylli shifrat në 2-3. Pikërisht mbrojtësi dhe kapiteni i kombëtares spanjolle foli për mediat për sa i përket sfidës dhe e vlerësoi kombëtaren angleze si një ekip mjaft i fortë dhe me lojtarë të rrezikshëm.

“Anglia është një kundërshtar mjaft i fortë dhe shumë i vështirë për t’u mundur. Ata kanë lojtarë mjaft të shpejtë dhe të rrezikshëm. Ne duhet ta harronim performancën e pjesës së parë dhe në fraksionin e dytë të mundoheshim të rregullonim gjërat. Ndonjëherë gjërat nuk shkojnë sipas planit. Trajneri na kërkoi të ishim vetvetja në pjesën e dytë, por nuk mundëm”, përfundoi spanjolli.

Anglia me risi: Sanço, Medison dhe Maunt marrin ftesën e parë

Sport Ekspres — Thu, 04 Oct 2018 14:04:25 +0000

Anglia do të zhvillojë dy ndeshje të vështira dhe delikate në Ligën e Kombeve. Dy transferta për kombëtaren angleze,respektivisht ndaj Kroacisë dhe Spanjës. Në prag të këtyre ndeshjeve trajneri Gareth Sauthgejt ka shpallur dhe listën e të grumbulluarve.

Një listë, që sjell jo pak surpriza dhe emra të rinj në kombëtare, kushtëzuar dhe nga mungesat prej dëmtimeve. Xhejdon Sanço, Xhejms Medison dhe Mejson Maunt janë thirrur për herë të parë në kombëtare. Mesfushori me tipare sulmuese i Dortmund ka bërë një fillim sezoni mjaft të mirë, duke qenë edhe lojtari që ka më shumë asist për minutazhin që ka luajtur.

Gjithashtu Xhejms Medison ka bërë një nisje fantastike me Leisterin dhe paraqitjet e tij kanë rënë në sy të trajnerit Sauthgejt. Mejson Maunt shihet si një ndër lojtarët më me të ardhme në Angli. 19-vjeçari është në pronësi të Çelsit, por është i huazuar te Derbi, ku dhe i ka luajtur të gjithë sfidat si titullar. Rikthim për Nataniel Çalobah të Uotford, i cili kthehet nga dëmtimi.

Herri Uinks dhe Ros Barklej janë të grumbulluar po ashtu. Loftus-Çik është lënë jashtë nga trajneri i “3 luanëve”, kur kujtojmë mesfushori i Çelsit u aktivizua dhe në Botëror për anglezët. Dele Ali, Xhesi Lingard si dhe Adam Lalana janë lënë jashtë si pasoje e dëmtimeve dhe kondicionit fizik jo në 100%.