England Championship

Sheikët “pushtojnë” futbollin, pronarët e PSG-së gjejnë klubin e radhës

Sport Ekspres — Mon, 03 Jun 2019 16:57:24 +0000

Familja mbretërore e Katarit dëshiron ta bëjë markën e saj, një pjesë të rëndësishme e futbollit evropian. PSG është klubi që ka përfituar më shumë nga paratë e puseve të naftës. Parizienët që nga koha që u bënë pronë e sheikëve arabë, janë shndërruar në një nga klubet më të mëdha në Evropë. Blerja e Nejmar dhe Mbape tregon më saktë fuqinë e këtij klubi.

Logoja historike e Lidsit

Lids Junajtid janë “fatlumët” e radhës. Klubi që aktualisht luan në Championship, por që ka një histori jo modeste në futbollin elitar anglez, pritet të bëhet pronë e familjes mbretërore nga Katari. Siç shkruan “L’Equip”, administratori i deleguar Naser Al Kelaifi është takuar në Doha me Andrea Radrixanin.

Ky i fundi është pronari aktual i Lids Junajtid. Në ditët në vijim pritet të kemi një marrëveshje, ku klubi anglez do të kalojë në pronësi të “Qatar Sports Investmens”. Akoma nuk ka informacione rreth shifrës që do të kryhet kjo blerje.

Leeds United owner Andrea Radrizzani to meet with PSG President Nasser Al-Khelaifi in Doha today as talks continue regarding a Qatar Sports Investments purchase of the Championship club. (L’Éq)

— Get French Football News (@GFFN) June 3, 2019

Batistuta trajner? I vetëofrohet klubit anglez

Sport Ekspres — Tue, 21 May 2019 14:10:05 +0000

Ata që e kanë parë duke luajtur nuk e harrojnë kurrë. Gabriel Omar Batistuta është një nga sulmuesit më të mirë të historisë së futbollit dhe një ikonë për miliona tifozë.

Argjentinasi dëshiron të nisë karrierën e trajnerit dhe i ka idetë e qarta. Midëllsbrou dështoi të ngjitej këtë sezon në Premier Ligë dhe e mbylli marrëveshjen me Toni Pulis.

Batigol tundohet nga kjo mundësi dhe i është vetëofruar klubit që merr pjesë në Championship, sipas raportimeve të “Haterpool Mail”.

Tashmë pritet përgjigja e drejtuesve të Midëllsbrout, ndërsa tifozët shpresojnë që të shohin sa më shpejt në stol Batistutën.

E ardhmja e “spiunit” Bielsa një mister, ja si përgjigjet argjentinasi

Sport Ekspres — Thu, 16 May 2019 20:11:21 +0000

Marselo Bielsa është një nga trajnerët me personalitetin më të veçantë. 63-vjeçari njihet për karizmën e tij, por edhe për autoritetin e lartë që ushtron kundrejt lojtarëve. Argjentinasi në karrierën e tij ka drejtusr ekipe si Marseja, Bilbao, Lacio, por edhe kombëtaren e vendit të tij dhe ajo e Kilit. Aventurën më të suksesshme e ka kaluar me baskët e Bilbaos, ku ka arritur deri në finale të Europa League.

Aktualisht drejton Lids Junajtid. Latini mbrëmë humbi betejën me Frank Lampard. Lidsi u mund nga Derbi i drejtuar nga ish-mesfushori anglez dhe arriti të dalë në finale të “Play-off” për një vend në Premier Ligën e vitit të ardhshëm. Bielsa pas finales është pyetur rreth të ardhmes së tij. Është i gatshëm të vazhdojë pavarësisht dështimit.

“Siç mund ta imagjinoni, nuk është momenti për të folur për këtë. Gjithsesi ka një proçes bisedimesh dhe ju e dini këtë gjë. Për këtë po flas. Nëse klubi më ofron të vazhdoj unë do ta dëgjoj kërkesën e tyre”, deklaroi Bielsa.

Një tjetër legjendë e Çelsit rikthehet në Angli

Sport Ekspres — Tue, 22 Jan 2019 18:58:42 +0000

Një ndër lojtarët simbol të Çelsit është padyshim Xhon Obi Mikel, i cili është aktivizuar për plot 11 sezone në “Stamford Bridge”. Mesfushori nigerian la Çelsin dy vite më parë, ku zgjodhi për të shkuar në Kinë me ekipin e Tianxhin Tedës për të vijuar karrierën e tij.

Gjithsesi, duket se 31-vjeçari është lodhur me qëndrimin e tij në Kinë dhe me shumë mundësi do të rikthehet në Evropë, konkretisht në Angli. Ditën e sotme, në mediat angleze është raportuar se Xhon Obi Mikel është shumë pranë ekipit të Midëllsbrout.
Këta të fundit, militojnë në Championship (kategoria e dytë angleze për nga rëndësia), ku janë një ndër pretendentët kryesorë për t’u ngjitur në Premier Ligë, pavarësisht se për momentin ndodhen në vendin e pestë me 47 pikë.

Policia mësyn në stërvitjen e ekipit të Lampard, zbulohet shkaku i çuditshëm!

Sport Ekspres — Fri, 11 Jan 2019 12:23:25 +0000

Frenk Lampard po bën mirë me ekipin e Derbi Kauntit, që renditet në vendin e gjashtë në divizionin e dytë të futbollit anglez. Diferenca me Lidsin e vendit të parë është tetë pikë, por djemtë e ish-legjendës së Çelsit kanë një shans sonte në mbrëmje.

Ekipi i Derbit pret kryesuesit dhe një fitore e mundshme do ta ofronte drejt… Premier Ligës. Të gjithë tifozët shpresojnë në një fitore të ekipit të Lampard dhe ndeshja po pritet me interes të madh.

Për të rritur adrenalinën e ndeshjes dhe për të ngrohur zemrat e tifozëve ka menduar policia lokale, siç raporton “The Mirror”. Vendasit kanë qenë duke kryer stërvitjen e fundit, ndërsa një episod i veçantë ka ndodhur. Policia ka mbërritur aty, duke i lënë të gjithë të shtangur. Uniformat kanë shoqëruar një person misterioz, ndërsa e vërteta ka dalë më vonë në pah.

Ndonjë tifoz i Derbit kishte vënë re një person duke ndjekur me dylbi stërvitjen e ekipit nga gardhi i jashtëm i fushës dhe… menjëherë policinë në telefon. Frika më e madhe ka qenë mos ai ishte ndonjë “spiun” i ekipit kundërshtar dhe skemat e Lampard duheshin ruajtur si sytë e ballit.

Policia ka vepruar menjëherë, duke marrë në pyetje “spiunin”, ndërsa epik është dhe shpjegimi i bërë. “Oficerët tanë shkuan në qendrën stërvitore të ekipit për të marrë në pyetje një person të dyshimtë, i cili po përgjonte në afërsi të gardhit. Gjithçka u krye në mënyrë të shkëlqyer dhe personi u identifikua. Duhet ta mbajmë ekipin të sigurt për të siguruar tre pikët kundër Lidsit”, përfundon postimi i policisë në Twitter.

Officers have just attended the Training Ground for @dcfcofficial After a suspicious male was seen at the perimeter fence. Excellent searching conducted & male was located. All checks above board!
Keeping the team safe to bring home a win against #LUFC on 11th! #SpyingIsCheating pic.twitter.com/a12Zj8gISX

— Derby Response Unit – Derbyshire Constabulary (@DerbyResponse) January 10, 2019

Shënuesi i shekullit në Angli, emrat e mëdhenj përulen përpara “diletantit”

Sport Ekspres — Mon, 31 Dec 2018 21:08:36 +0000

Viti 2018 është drejt fundit dhe thuajse në çdo kampionat po bëhen bilancet dhe statistikat. Nga Anglia, ka bërë përshtypje një statistikë, që në vend të parë ka një lojtar që ndoshta shumë pak sportdashës e njohin, për të mos thënë askush.

Billi Sharp është sulmuesi kryesor i Shefilld Junajtid në Championship, liga e dytë angleze për nga rëndësia. Anglezi, është lojtari që ka shënuar më shumë gola në Angli, që nga janari i vitit 2000, ose më saktë në këtë shekull, duke lënë pas emra të mëdhenj, që kanë bërë epokë në Premier Ligë, siç është dhe Uejn Runi.

32-vjeçari, i cili thuajse të gjithë karrierën e tij e ka kaluar mes Championship dhe League One (liga e dytë dhe e tretë angleze për nga rëndësia), ka shënuar plot 219 gola në 495 takime të luajtura. Një rekord fantastik ky nga anglezi, i cili këtë sezon numëron 15 gola në 23 ndeshje me ekipin e tij, duke e ndihmuar në luftën për t’u ngjitur në Premier Ligë.

Në vendin e dytë renditet, Riki Lambert, i cili ka luajtur me Sauthemptonin dhe Liverpulin për pak kohë. Gjithashtu dhe Lambert numëron 219 gola, por ka luajtur 605 takime, 110 më shumë se Sharp. Podiumi plotësohet nga Uejn Runi, legjenda e Junajtid, i cili ka shënuar 208 gola në 491 paraqitje.

VIDEO | Shpërdorimi i vitit, në Angli nuk i besojnë syve

Sport Ekspres — Sat, 29 Dec 2018 19:14:15 +0000

Aston Vila është një ndër ekipet më historikë në Angli, por prej vitesh luajnë në Championship, pa mundur të rikthehen në Premier Ligë. Ditën e sotme skuadra nga “Villa Park” udhëtonte në transfertë ndaj Prestonit, ku nuk arriti të merrte më shumë se një barazim 1-1.

Fillimisht ishin miqtë, që kaluan në avantazh me anë të Abraham dhe e mbyllën pjesën e parë në avantazh. Gjithsesi, Preston arriti të reagonte në pjesën e dytë duke barazuar, falë një autogoli. Pas barazimit të vendasve, Aston Vila e shtoi presionin në kërkim të fitores dhe rastet ishin të shumtë, ku një prej tyre ishte i pafalshëm për t’u humbur.

Ishte Birkir Bjarnason, i cili në mënyrë të pabesueshme, disa minuta përpara fundit, i vetëm me portën e boshatisur goditi jashtë, duke lënë të shtangur të gjithë shokët e skuadrës. Një rast i humbur me vlerë tri pikë, u hodh tej nga islandezi, teksa Aston Vila tashmë është në vendin e 9-të.

Unbelievable miss. Those have to go in if you want to go up #AVFC #UTV pic.twitter.com/ysOetm4MUn

— British Bedouin (@wanderlove110) December 29, 2018