Panaitolikos ka vendosur të mbajë një përqindje të kartonit, duke hequr dorë nga 150 mijë euro që mund të përfitonte tani. Gazzetta.gr shkruan se marrëveshja fillestare ishte për 1 milion euro, por PAOK ka paguar 850 mijë euro dhe ish-klubi i Mihajt do të ketë në zotërim 15% të kartonit.

Ata janë të bindur që në të ardhmen ai 15% do të vlejë më shumë se 150 mijë euro, ndaj edhe kanë bërë këtë zgjidhje. Nëse Mihaj do të luajë në grupet e Champions League dhe do të paraqitet mirë, sigurisht që kartoni i tij do të vlejë disa herë më shumë.

Gazzetta.gr raporton se sot Mihaj do të jetë në Selanik dhe do të kryejë vizitat mjekësore. Me t’i kaluar ato do të paraqitet në zyrat e PAOK-ut dhe aty pritet të nënshkruajë një kontratë që do e lidhë me bardhezinjtë për katër vite.

PAOK-u nesër do të zbresë në fushë dhe Mihaj pritet të zhvillojë seancën e parë stërvitore. Mbrojtësi do të kërkojë të tregojë vlerat e tij me klubin e ri, që i ka besuar dhe ka paguar për kartonin e tij te Panaitolikos.

Zyrtarizimi pritet të vijë javën e ardhshme dhe mbrojtësi 21-vjeçar do të nënshkruajë një kontratë për katër vite me kampionët e Greqisë. PAOK e ka kërkuar Mihajn edhe në vitin 2017, kur ai ishte vetëm 19 vjeç.

Për Mihajn, veçse do të paguhet për kartonin e tij, ofrohet edhe një lojtar në huazim. Janis Mikailidis kalon nga PAOK-u te Panaitolikos. Qendërmbrojtësi i kombëtares ishte lakuar si opsion edhe për Napolin dhe Benfikën, por do të qëndrojë në Greqi.

Mihaj zhvilloi një sezon të kënaqshëm në kampionatin grek me Panetolikos, ndërsa tashmë po përgatitet për një kalim në një klub më të madh. Teksa sezoni ka përfunduar, 20-vjeçari i Kombëtares, merr një vlerësim nga francezët e “Foot Mercato“, të cilët kanë zgjedhur formacionin më të mirë me talentet nga Europa Lindore.

Mihaj është në qendër së bashku me talentin e Partizanit të Beogradit, Markoviç. Në fjalët që thuhen për Mihajn, spikat krahasimi me Lorik Canën, të cilët francezët e njohin shumë mirë. Gjithashtu shkruhet se tashmë mbrojtësi është gati për kalimin në një klub të madh.

Që nga tërheqja e Lorik Canës, Shqipëria nuk ka arritur të gjejë një lojtar të afrë për të ”dirigjuar“ prapavijën. Duke parë sezonin e fundit, Enea Mihaj duket lojtari që mund ta zërë vendin e Canës. I lindur në Greqi dhe aktualisht tek ekipi i Panetolikos, qendërmbrojtësi ka zhvilluar sezonin e tij të dytë si profesionist. Përveç një dëmtimi që e mbajti jashtë për disa kohë, ai ka treguar një ekuilibër të vërtetë në mbrojtje. Ndërhyrje të pastra, i fort në duele, çdo ndeshje e më shumë konfirmon potencialin e tij. Tashmë, Mihaj duket gati për kapërcimin e madh, me ekipe si Benfika, Napoli apo Leh Poznan që interesohen për të. Gjithashtu, ai ka bërë dhe debutimin me Kombëtaren e Shqipërisë.

SISTEMI I EDI REJËS – “Kemi punuar shumë mirë këto dy javë. I gjithë ekipi është i përqendruar te puna. Besoj se me trajnerin e ri dhe sistemin e ri që do të përdorim do marrim rezultate të mira. Sistemi me tre mbrojtës do japë pak më shumë siguri në mbrojtje, por kërkon komunikim më të mirë midis lojtarëve, pa të do kemi shumë probleme. Kemi tre javë që punojmë me këtë sistem dhe besoj se të gjithë lojtarët e dinë se ç’duhet të bëjnë në këtë sistem”.

“Të gjithë lojtarët e kombëtares janë gati. Duhet të presim momentin kur të na jepet mundësia dhe të japim 100%. Kur të jetë radha ime të futem do të jap 100% të ndihmoj kombëtaren”.

E ARDHMJA – “Kam pasur oferta nga dy ekipe në Itali dhe një nga Holanda, ndërsa dy klube gjermane kanë shfaqur interes, por prej tyre nuk ka oferta. Më duhet të pres, nëse do vazhdoj në Greqi ose do të largohem nuk është në dorën time. Klubi do shqyrtojë ofertat”.

Së fundmi raportohet se Mihaj po vëzhgohet edhe nga Napoli. Lajmi jepet nga “gazzetta.gr”, që së fundmi ka shtuar në listë edhe një tjetër klub të interesuar për shërbimet e 20-vjeçarit që  zgjodhi Shqipërinë para Greqisë.

Leh Poznan është klubi tjetër i futur në garë për Enea Mihajn. Panaitolikos kështu do të vlerësojë ofertat në verë, kur edhe mbrojtësit me shumë mundësi do të shitet. Gjithsesi, për të ndodhur diçka e tillë duhet që në zyrat e klubit grek të mbërrijë një ofertë zyrtare.

ÇËSHTJA E KOMBËTARES – “Është e vërtetë që në fillim dëshira ime ishte që të luaja me përfaqësuesen e Greqisë, por nuk pati interes nga ana e tyre. Shqipëria bëri përpjekje të forta për gati një vit për dhe unë e vlerësova këtë gjë, ndihem krejtësisht i justifikuar për këtë zgjedhje.”

PANETOLIKOS – “Panetolikos më mori nga Rodesi dhe më plotësoi ëndrrën time. U bëra një futbollist profesionist dhe luaj në Superligë. Çdo ditë punoj fort për skuadrën dhe vetën time, që të përmirësohem ndeshje pas ndeshje”.

MOMENTET MË TË VEÇANTA – “Do të veçoja debutimin time në ndeshjen në transfertë kundër PAOK-ut, fitoren ne Agrinio kundër Panathinaikosit dhe pjesëmarrjen në ligën e kombeve në ndeshjen ndaj Skocisë”.

Trajneri Panuçi i bën llogaritë pa mbrojtësin, por jo vetëm ai nuk do të jetë me kuqezinjtë në Izrael. Xhakomo Vrioni, sulmuesi i Venecias, është rikthyer te kombëtarja U21. Në miqësoren e djeshme nuk pati minuta për të.

Kështu ai do të ndihmojë Shqipërinë U21 për ndeshjen kundër Spanjës, që luhet sot prej orës 19:00 në stadiumin “Selman Stërmasi”. Lajm i mirë për Bushin, i cili do ketë një lojtarë me vlera në dispozicion nën urdhra.

Panionios triumfoi 1-0 kundër Arisit të Selanikut, që mesfushorit Basha i dha vetëm 45 minuta në fushën e blertë, pasi mbeti në dhomat e zhveshjes në pushim. Mavraj dhe Durmishaj luajtën deri në vërshëllimën e fundit.

Një tjetër lojtar i kombëtares luajti në elitën e futbollit grek sot. Bëhet fjalë për mbrojtësin Enea Mihaj, i cili ishte titullar në takimin që Panetolikos fitoi 2-1 kundër Levadiakos. Qendërmbrojtësi ndihmoi skuadrën e tij të fitonte dhe tanimë bëhet gati për ndeshjet me Jordaninë dhe Izraelin me fanellën e kombëtares.

I lindur në Greqi, Mihaj ka pritur një ftesë nga helenët, por nuk i ka shkuar një e tillë. Kristian Panuçi, trajneri i kombëtares, ka luajtur një rol të rëndësishëm që i riu të pranojë të luajë për kombëtaren e tij të origjinës.

Ndërkohë në Greqi tanimë zbulojnë edhe të tjera detaje. Sipas agriniopress.gr, Panuçi ka pasur një bisedë me trajnerin e Panaitolikos, Trajanos Dellas, dhe këtij të fundit ia ka shprehur se Mihajn e fton për të pasur një rol aktiv në kombëtare, çka lë të hapur mundësinë të debutojë ndaj Izraelit dhe Skocisë.

Rol në këtë mes ka pasur edhe miqësia e Panuçit me Dellas, pasi italiani e ka pasur shok skuadre te Roma trajnerin grek. Ish-qendërmbrojtësi ka luajtur për tre sezone me Romën, në periudhën 2002-2005.

Më tej ai shton: “Unë nuk mund t’i ndryshoj gjërat. Jam lindur dhe rritur në Greqi dhe natyrisht ndihem më shumë grek. Babai dhe nëna ime kanë lindur në Shqipëri dhe për këtë arsye jam dhe shqiptar, vendi i origjinës time. Jam grek dhe shqiptar. Njësoj si të përfaqësoj Greqinë dhe Shqipërinë, për mua me rëndësi ka të luaj futboll dhe të bëj më të mirën time”.

Gjithsesi, në intervistën për “Telesport”,ai ka theksuar se nuk e ka pranuar Shqipërinë prej faktit se nuk po i shkonte një ftesë nga Greqia. “Ndikoi mënyra se si këmbënguli Shqipëria për të më marrë. Kam marrë rreth 7 ftesa nga kombëtarja kuqezi dhe më kanë kërkuar me ngulm. Nuk është se pranova ftesën se nuk më ftoi Greqia, e pranova se u binda nga dëshira e mirë për të më pasur në ekip”.

“A jam penuar? Nuk mund ta them, pasi nuk isha 100 % i bindur për ta zgjedhur. E ke parasysh kur nuk je gati për të ikur në një ekip që nuk e do dhe as ekipi nuk të do ty? Nëse shkon nuk është mirë për asnjërën palë. E njëjta gjë dhe me ekipet kombëtare, nuk isha gati dhe refuzova. E vështirë kur lindesh dhe rritesh me një kulturë tjetër, gjuhën nuk e di mirë, prandaj isha i pavendosur”.

“Raporti me tifozët? Unë do të jap maksimumin në fushë për t’i zbutur ata. Dua të bëj maksimumin dhe të jap gjithçka kam për kombëtaren shqiptare. Me punën time do t’i fitoj dhe tifozët”.