Vendimi i gjyqtarit elbasanas shkaktoi shumë kontestime në radhët e ekipit bluzi.

Ditën e djeshme ishte trajneri i Kukësit, Ramadan Ndreu, ai cili deklaroi se penalltia në favor të Partizanit nuk ishte, ndërkohë që theksoi se Asani e kishte vjedhur 11-metërshin. Jo vetëm kaq, por krutani theksoi se sulmuesi i Partizanit e praktikon shpesh diçka të tillë.

Në emisionin “Gol pas Goli” në Supersport, ish-futbollisti Matko Djarmati lëshoi një batutë të goditur: “Nuk është kampionati shqiptar kaq i pastër, sa t’i themi një lojtari që ke vjedhur penallti”.

Sfida tjetër, ajo që luhet në stadiumin “Niko Dovana” mes Teutës e Kukësit, është mjaft interesante. Në këtë sfidë gjyqtar do të jetë një me stemën e FIFA-s, konkretisht Enea Jorgji. Kjo përballje luhet prej orës 17:00.

KUPA E SHQIPËRISË – FAZA ÇEREKFINALE
E martë, më 12 mars 2019

ORA 14:00 | PARTIZANI-LUFTËTARI
Gjyqtarë: Klodian Shahini, Fatmir Lamaj, Alfred Shkreta, Andi Koçi
Delegat: Lysien Nurishmi; Vëzhgues: Pajtim Aliko

ORA 17:00 | TEUTA-KUKËSI
Gjyqtarë: Enea Jorgji, Dojando Myftari, Ermal Barushi, Olsi Sokoli
Delegat: Astrit Maçi; Vëzhgues: Plarent Kotherja

Arbitri nga Elbasani, që mban stemën e FIFA-s, u përzgjodh më i miri. Ndërkohë nga femrat më e mira u shpall Emanuela Rusta. Çmim pati edhe për asistentët, me Rejdi Avdon që u nderua nga Shoqata BASHF dhe Komiteti i Arbitrimit.

Nuk mbeten pa u vlerësuar edhe elementët e rinj. Kështu, arbitri i perspektivës shkoi për Olsi Yzeiraj, kurse si asistent i perspektivës u përzgjodh Uran Kora. I pranishëm si përfaqësues i Federatës Shqiptare të Futbollit ishte Sekretari i Përgjithshëm Ilir Shulku.

Në ceremoninë gala të FSHF-së, Jorgji iu dha çmimi arbitri i vitit. Në intervistën e mëpasshme me “Supersport”, gjyqtari nga Elbasani u shpreh se 2018-ta ka qenë viti më i suksesshëm për të, por këtë sukses ai kërkon ta ndajë me kolegët e tij në të gjithë Shqipërinë.

VITI 2018 –“Faktet dhe arritjet e tregojnë se ishte viti më i mirë për mua dhe për të gjithë arbitrat shqiptarë. Them se arritja i takon të gjithë arbitrave, pasi unë mund të jem figura kryesore që shkoj, por jemi të gjithë një skuadër”.

DILEMAT –“Në futboll ka disa momente që janë me të vërteta të vështira për arbitrat, sidomos te kartonët e kuq dhe penalltitë. Ne si arbitra mundohemi të menaxhojmë lojën dhe këto situata na e bëjnë shumë të vështirë”.

“Normalisht që u ndjeva i emocionuar, pasi janë vite të tëra punë që përpiqemi të bëjmë sa më mirë dhe të arrijmë rezultate të larta. Pjesëmarrja në një kompeticion të tillë, sidomos në fazën në grupe, ishte goxha arritje”, shprehet Jorgji në “Supersport.

Më tej arbitri që mban stemën e FIFA-s tregon edhe diferencën me Superioren: “Ndryshimi vjen nga niveli i skuadrave, por nuk mund të thuash që nuk ka edhe në kampionatin shqiptar ndeshje me nivele të mira. Por sigurisht që në kompeticionet evropiane përballesh me skuadra të mirë, me skuadra me emër dhe cilësi mjaft të mira”.

Jorgji është përzgjedhur të gjykojë sërish në Nations League. Ai do të vërë drejtësi në takimin mes Hungarisë dhe Estonisë. “Është ndeshja e dytë që gjykoj në Nations League, ndeshjen e parë e pata në Armeni me Lihtenshtejnin. Ishte eksperiencë e bukur edhe atje. Besoj që kjo e dytë do të jetë pak më e lehtë në përshtatshmëri, sepse është eksperiencë e provuar më përpara. Mendoj se do përkushtohemi dhe do të japim më të mirë, sepse ndeshjet kombëtare sigurisht që japin kënaqësinë  e tyre”, shtoi gjyqtari nga Elbasani.

OBJEKTIVI – “Çdo njeri mundohet dhe ëndërron për të mirën. Sigurisht që e mira është relative pastaj, por të vazhdojmë të punojmë. Nëse na u dha shansi dhe mundësia për të arritur në grupet e Europa League, si dhe me ato cilësi që kemi dhe që i shfaqim në fushë, mendoj se mund të arrijmë edhe më tepër. Se deri ku mund të arrijmë varet nga ne, por edhe pak nga fati. Ky profesion e kërkon edhe fatin në mes, kështu që shpresojmë sa më lart”.

TË RINJTË NË SUPERIORE – “Gjithmonë e reja është pozitive, jep tjetër spunto në çdo fushë dhe jo vetëm në fushën e arbitrimit. Mendoj se kemi elementë shumë të mirë, elementë që premtojnë dhe me pak mbështetje nga opinioni dhe të tjerët, besoj do ia arrijmë të kemi një arbitrim me nivel të konsiderueshëm”.

Ermal Barushi është gjyqtar i katërt, ndërkohë që bie në sy edhe Enea Jorgji, i cili sigurisht që nuk do të mund t’i shpëtojë njollës së ndeshjes që vendosi titullin mes Kukësit dhe Skënderbeut. Ai takim i para dy viteve mbahet mend nga të gjithë për gjykimin që arbitri i FIFA-s bëri.

Mbetet për t’u parë se si do të pritet nga korçarët diçka e tillë. Jorgji do të jetë gjyqtar linje, së bashku me Olsi Sokolin. Ndërkohë delegat për këtë takim është Uvil Zajmi, kurse vëzhgues Idriz Gashi.

ZYRTARËT E NDESHJES SKËNDERBEU-KUKËSI
Gjyqtarë: Kridens Meta, Denis Rexha,  Dojando Myftari, Ermal Barushi Gjyqtarë linje: Enea Jorgji, Olsi Sokoli
Delegat: Uvil Zajmi; Vëzhgues: Idriz Gashi

Rejdi Avdo dhe Ermal Barushi do të ndihmojë Jorgjin, ndërkohë që arbitër i katërt është përzgjedhur Denis Rexha. Do të ketë edhe dy arbitra të tjerë pas portave, pasi bëhet fjalë për një ndeshje të rëndësie të veçantë.

Juxhin Xhaja, arbitër i FIFA-s, si dhe Andi Koçi do të ndihmojnë katërshen e sotshme në Tirana-Partizani. Si zakonisht delegat është përzgjedhur Lysien Nurishmi, kurse vëzhgues do të jetë Plarent Kotherja.

ZYRTARËT E NDESHJES
Gjyqtarë: Enea Jorgji,  Rejdi Avdo,  Ermal Barushi, Denis Rexha; Pas porte: Juxhin Xhaja, Andi Koçci
Delegat: Lysien Nurishmi; Vëzhgues: Plarent Kotherja

“Arbitri i Jorgjit në favor të kundërshtarit! Arbitri i ndeshjes së sotme, Enea Jorgji, tregoi edhe një herë joprofesionalizem , duke favorizuar në mënyrë te hapur ekipin e Laçit, ashtu siç ka vepruar shumë herë të tjera. Shumë qartë, ai nuk dha disa herë goditje dhe faulle për ne, siç ishte dhe rasti i ndërhyrjes së parregullt të Ëilliam Kordeiros.

Ne do të analizojmë me detaje këtë ndeshje për të nxjerrë dhe përgjegjësitë tona si staf dhe ekip, si dhe do të dërgojmë në Komisionin e Arbitrimit ankimin për këtë arbitër në mënyrë që të mos jetë më gjyqtar në asnjë ndeshje që do të luajë Kukësi”, deklaronte Kukësi pas ndeshjes.

Gjithsesi tanimë duket se kanë ndryshuar mendim, për sa kohë postimi është fshirë. Në fakt edhe tifozët e Kukësit u shprehën kundër qëndrimit të klubit. Verilindorët tanimë mendojnë për ndeshjen e së dielës me Flamurtarin në transfertë.

Asistentë të tij do të jenë Denis Rexha dhe Ilir Tartari, ndërsa i katërt është përzgjedhur Klajdi Kola. Ndeshje luhet më 5 korrik prej orës 19:00. UEFA pritet t’i japë ndeshje edhe Enea Jorgjit dhe Eldorian Hamitit, por ende nuk ka një zyrtarizim se në cilat ndeshje do të drejtojnë.

Xhaja do të duhet të menaxhojë në këtë ndeshje një lojtar të vështirë si Amadu Samb, i cili në të shkuarën ka luajtur në Superiore me Teutën dhe shquhet për kartonët e shumtë që merr. Sezonin e shkuar, edhe pse ka shënuar 21 gola dhe ka fituar “Këpucën e Artë” në Maltë, është ndëshkuar me 14 kartonë të verdhë në 22 ndeshje.