emre

VIDEO | Islanda tërbon Turqinë, furçë në vend të mikrofonit!

Sport Ekspres — Mon, 10 Jun 2019 09:20:19 +0000

Mbrëmjen e nesërme Kombëtarja e Islandës do të presë në Rejkjavik Turqinë, në një përballje direkte për sa i përket kualifikimit në Euro 2020. Turqit kanë mbërritur në keyeqytetin islandez një natë më parë.

Pikërisht në momentin e mbërritjes së Turqisë në Rejkjavik, gazetarët e pranishëm kanë nxituar të marrin prononcimet e para të lojtarëve dhe ai që ka folur ka qenë Emre Belozoglu.

Gjithsesi, në momentin që Emre fliste ka ndodhur një episod shumë komik, me një person që ka shkuar pranë Emres dhe i ka afruar një furçë në vend të mikrofonit. Ajo që e bën edhe më komike është fakti që kapiteni i turqve nuk e ka vënë re diçka të tillë.

View this post on Instagram

WTF? ?? ? ? @fatihdogan38 @futbolarena

A post shared by 433 (@433) on Jun 10, 2019 at 1:14am PDT

Kapiteni Emre: Jemi përgatitur për Shqipërinë, në kombëtare vij dhe 50 vjeç!

Sport Ekspres — Thu, 21 Mar 2019 20:43:10 +0000

Në kuadër të ndeshjes së kombëtares sonë ndaj Turqisë, të cilat do të përballen mbrëmjen e nesërme, të dyja kampet kanë dalë në konferencat përpara mediave. Për turqit ka dalë kapiteni Emre Belozoglu.

“Veterani”, tashmë 38-vjeçar po zhvillon një sezon fantastik me Istanbul Bashakshehir, me të cilët renditet në vendin e parë në kampionat. Ditën e sotme, Emre foli në lidhje me ndeshjen ndaj kombëtares tonë si dhe për moshën e tij.

NDESHJA – “Na presin dy ndeshje të vështira, por duam t’i fitojmë dhe të marrim gjashtë pikë. Shqipëria është misioni i parë. Nuk do të jetë e lehtë, por jemi përgatitur ashtu si duhet. Kombëtarja është një nder për të gjithë ne. Edhe më të rinjtë besoj se do të paraqiten mirë. Duam të hapim një cikël”.

MOSHA – “Edhe 50 vjeç, nëse do të më thërrisnin, do të vija të përfaqësoja vendin tim, kombin tim. Jap gjithçka për këtë fanellë”.

Turqia për rekord në Shkodër, 20 vite diferencë midis lojtarëve

Sport Ekspres — Wed, 20 Mar 2019 17:10:27 +0000

Kombëtarja jonë do të presë Turqinë mbrëmjen e së premtes në “Loro Boriçi”, për ndeshjen e parë të eleminatoreve të Euro 2020. Kundërshtari i Shqipërisë, vjen në këtë sfidë jo pa probleme, teksa trajner i kombëtares turke, prej disa kohësh është emëruar Senol Gynesh.

Nga të fundit që thuhen nga mediat turke, numri një i pankinës, për sa i përket formacionit që do të zbresë në fushë mbrëmjen e 22 marsit, duket se do të vendosë një rekord. Në formacionin titullar të kundërshtarit tonë do të luajnë dy lojtarë, diferenca e të cilëve në moshë, është plot 20 vite.

Emre 38 vjeç

Eksperienca do të ndërthuret me talentin, për të ndalur sulmet e kombëtares sonë. Emre Belozoglu, 38 vjeç tashmë, do të ketë mbrapa tij në qendër të mbrojtjes, talentin e Shtutgartit, Ozan Kabak, i cili është vetëm 18 vjeç. Në stërvitje këta dy lojtarë janë provuar më së shumti si pjesë e formacionit bazë, gjithsesi gjithçka mbetet për t’u parë pas dy ditësh.

Ozan Kabak 18 vjeç