Ndërkohë që vijnë lajme pozitive nga Kristiano Ronaldo, i cili është rikuperuar dhe do të luajë, kampin juventin e shqetëson gjendja e Xhorxho Kielinit.

Kapiteni ka hasur probleme pas stërvitjes së ditës së hënë. Shtylla dhe shpirti i mbrojtjes bardhezi ka ndjerë shqetësime muskulore. Nëse nuk ai del, atëherë është gati Daniele Rugani të zbresë në vend të tij.

Për t’u vlerësuar mbetet edhe gjendja e Emre Çan. Mesfushori ka probleme në kavilje pas një goditje të pësuar në ndeshjen kundër Milanit. Stafi teknik dhe trajneri Alegri do të vendosin në momentet e fundit për të.

Në prag të takimit, bardhezinjtë janë në ankth për sa i përket dëmtimeve të shumta që kanë, ku ai që shqetëson më shumë është Kristiano Ronaldo. Gjithsesi, ditën e sotme portugezi duket se ka dhënë shenja të mira dhe tifozët marrin lajmin e madh.

Sulmuesi do të jetë i gatshëm në përballjen e parë me holandezët, pasi ditën e sotme ka bërë stërvitje. Emre Xhan është në dyshim për këtë takim, ndërsa Dagllas Kosta pritet që të jetë pjesë e grupit, por zor se mund të luajë si titullar.

FESTIMI – “Nuk dua ta vlerësoj gjestin e tij, por pas asaj që bëri Simeone në ndeshjen e parë, duke parë performancën që Ronaldo bëri, i lejohej të jepte një përgjigje dhe ai festoi siç pati dëshirë. Të gjithë në stadium e dinin se për kë ishte ai festim.

Jam i kënaqur për të, pasi nuk e kishte aspak të lehtë pas asaj që ndodhi në ndeshjen e parë. Ronaldo u detyrua t’i duronte të gjitha dhe t’i gëlltiste kritikat, duke i dhënë një përgjigje më pas në fushë. Mënyra se si e bëri, me një tregolësh, ishte fantastike dhe e pabesueshme.”

RONALDO – “Mund të them që Ronaldo është një tip i qetë dhe gjithmonë me këmbë në tokë. Është i pari që të përshendet dhe që të thotë faleminderit për çdo gjë. Nuk sillet kështu vetëm me ne lojtarët, por me të gjithë, trajnerët, drejtuesit. Njerëzit do të suprizoheshin nëse e shohin se sa normal që është.”

“Të jesh te Juventusi është sikur të jesh te një familje. Kam mësuar shumë gjëra në periudhën time këtu, por ka dhe gjëra të njëjta siç kisha te Liverpuli. Juventusi më pëlqen shumë, pasi këtu jemi mbledhur të gjithë kampionët.

“Edhe Aron Ramsej është një kampion! Të luash për aq shumë vite në nivele të larta dhe të shënosh aq shumë gola nga mesfusha është diçka e rrallë. Më vjen shumë mirë që do të vijë këtu dhe konkurrenca nuk më shqetëson aspak”,- u shpreh Emre Çan.

Xhan pati një dëmtim, por tashmë është rikthyer dhe ka nisur të luaje. Së fundmi, 25-vjeçari ka folur për “Sky sport Italia”, ku ka treguar se e pret me padurim një sukses në Champions League. Gjithashtu, turko-gjermani, ka folur dhe në lidhje me Kristiano Ronaldon.

PËRBALLJA ME ATLETIKON – “Do të jetë shumë e vështirë ndaj Atletikos, që jan një ndër ekipet më të vështira që mund të përballeshim. Janë një ekip i fortë, që mbrohen shumë mirë dhe është e vështirë të luhet kundër tyre. Gjithsesi, ne jemi Juventus, duhet të besojmë në vetvete dhe të mundohemi të fitojmë.”

SERIE A DHE CHAMPIONSI – “Kam dëgjuar që jemi kampion të Italisë që tani. Juvetusi ka mundësinë të fitojë Serie A për të tetin vit radhazi, por do të jetë e vështirë, pasi asgjë nuk ka përfunduar. Ka dhe shumë punë për të bërë. Kampionati është objektivi ynë primar, por gjithashtu edhe Championsi. Tifozët tanë thonë që duhet të fitojmë Championsin. Tifozët e presin me padurim diçka të tillë. Sigurisht, edhe ne po presim me padurim.”

RONALDO – “Është diçka fantastike të luash me Ronaldon, çdokush do kishte dëshirë ta kishte në ekip. Është një kampion i vërtetë. Gjithnjë qëndron në dispozicion dhe mëson shumë prej tij. Ai e ndez të gjithë ekipin”.

Mungoi në listën e shënuesve Kristiano Ronaldo, që e kishte fikur motorin sonte, duke luajtur larg nivelit të vet e duke humbur edhe një 11-metërsh në minutën e 52-të, me 39-vjeçarin  Sorrentino që priti mjaft bukur. Gjithsesi, ky Juventus nuk ka rivalë, edhe kur luan pa sforcuar fare.

Sfida u zgjidh që në pjesën e parë për ekipin e Alegrit, ku shënuan dy herë me anë të Douglas Kostës dhe Emre Xhan. Në minutën e 13-të, braziliani me një inkursion individual shënoi një gol mjaft të bukur, ndërsa turko-gjermani dyfishoi në fundin e pjesës së parë, pas një pasimi të Paulo Dibalas.

Fraksioni i dytë nisi përsëri me bardhezinjtë në sulm, të cilët fituan të drejtën e një 11-metërshi në minutën e 52-të. Gjithsesi, Kristiano Ronaldo nuk arriti të tregohej i saktë, teksa Stefano Sorrentino u tregua fenomenal, duke ndalur portugezin. Në fundin e takimit pak lavdi edhe për Ruganin, autor i një goli me kokë, i vetëm në zonë pas krosit nga Bernardeski.

Kundër kuqezinjve është gjithmonë një ndeshje e bukur dhe e vështirë. Diferenca mes ekipeve në kampionat është e madhe, por për Maks Alegrin kjo gjë nuk vlen. Trajneri i “Zonjës së Vjetër” ka folur për “Juventus TV”, duke vlerësuar kundërshtarin, por djemtë e tij janë gati t’u dhurojnë tifozëve trofeun e parë për këtë sezon.

Krahas trajnerit kanë folur dhe Leonardo Bonuçi dhe Emre Çan. Mbrojtësi tregon mënyrën se si i dilet përballë ekipit të Gatuzos, ndërsa gjermani i mesfushës është entuziast dhe i karikuar për këtë ndeshje.

ALEGRI – “Do të jetë një mbrëmje dhe një ndeshje e madhe. Do të tentojmë të fitojmë Superkupën në shtëpi, pasi i kemi humbur dy finalet e fundit. Diferenca e pikëve në kampionat nuk vlen në një ndeshje të vetme dhe fitorja ndaj Milanit do të thotë: rritje e vetëbesimit dhe dërgimi i kupës në shtëpi. Formacioni? Jam i kënaqur me gjendjen e Dagllas Kostës dhe Bernardeskit, të cilët po e marrin veten fizikisht dhe psikologjikisht. Kedira po kthehet lojtari që njohim të gjithë. Milani ka entuziazëm pas fitores në kupë dhe kjo është një ndeshje e rëndësishme për ta. Duhet të bëjmë një ndeshje të madhe, midis dy ekipeve historike.”

BONUÇI – “Kemi shumë dëshirë ta fitojmë trofeun e parë të sezonit dhe kemi ardhur këtu me entuziazëm për të arritur objektivin. Nevojitet një Juventus agresiv dhe i kujdesshëm, sepse Gatuzo e ka treguar se është në gjendje ta bëjë Milanin të luajë bukur dhe të na vërë në vështirësi. Nuk duhet t’u lejojmë hapësira, të mos i lejojmë të mbajnë topin dhe të përfitojmë nga gabimet e tyre. Duam të bëjmë një ndeshje të madhe dhe fakti që stadiumi do të jetë i mbushur plot na karikon.”

EMRE ÇAN – “Është një trofe në mes dhe do të jetë një ndeshje e madhe. Nuk kam qenë më parë në Arabi dhe jam i kënaqur që po e përjetoj këtë eksperiencë. Atmosfera është e shkëlqyer, por do të jetë një finale e fortë. Duhet të jemi të përqendruar që nga fillimi.”

Javën e fundit që lamë pas, 24-vjeçari ka dalë në stërvitje me ekipin dhe pritej të ishte gati që në ndeshjen ndaj Fiorentinës, por trajneri i bardhezinjve nuk kërkoi të rrezikonte dhe e la pushim. Stërvitja ka vijuar për Xhan, i cili tashmë duket se është tërësisht gati për t’u rikthyer dhe besohet se do të jetë në dispozicion në sfidën ndaj Interit.

Juventusi do të luajë një sfidë mjaft delikate mbrëmjen e së premtes, ku do të presë në “Allianz Stadium”, Interin për të luajtur derbin e Italisë. Rikthimi i Emre Xhan do të jetë një “armë” më shumë për Alegrin.

“Emre Çan do t’i nënshtrohet testeve të detajuara mjekësore për një gjendur tiroide që mund të kërkojë ndërhyrje kirurgjikale”,  shkruhej në njoftimin e bërë nga kampionët e Italisë. Në skenarin më të keq të mundshëm, atë të operacionit, lojtari do i duhet të mungojë për të paktën dy muaj.

24-vjeçari është aktivizuar në tetë ndeshje të Serie A, ku pjesën më të madhe të tyren është futur si zëvendësues.

Gjermani është shprehur i habitur nga vendimi i Feliks Bryh dhe thekson se veprimi i Ronaldos nuk ishte aspak i dënueshëm me karton të kuq. “Sapo mora vesh që kartoni i kuq u tregua për shkuljen e flokëve” u shpreh fillimisht Çan.

Më tej ai shtoi: “Ne nuk jemi gra, le të luajmë futboll. Nëse nxirret kartoni i kuq për këtë arsye, atëherë duhet ta bësh gjithmonë për çdo faull. Kartoni i kuq nuk është, 100%”.

Kontrata e gjermanit në “Anfield” skadon në vitin 2018 dhe nuk ka ndërmend ta rinovojë atë, kështu që Juventusi do të presë për ta marrë me parametra zero.

Do të ishte me të vërtet një goditje e madhe, sepse ish-lojtari i Bajernit dhe Bajer Leverkuzenit konsiderohet si një nga bastet më të mëdha në futbollin gjerman, normalisht i fituar.