Emir Sahiti

Mungesë e madhe për Shpresat, Hajduku e kishte zyrtarizuar

Sport Ekspres — Fri, 24 May 2019 13:39:46 +0000

Alban Bushi ka shpallur listën e Shqipërisë U21 ditën e sotme, ndërkohë që në orët e fundit ka pasur një ndryshim në listë. Emir Sahiti, sulmuesi anësor i Hajdukut të Splitit, ka humbur grumbullimin për ndeshjet me Turqinë dhe Uellsin në momentet e fundit.

Vetë klubi kroat kishte bërë me dije një ditë më parë se Sahiti është ftuar nga Shqipëria u21, por sot në listën e bërë publike nuk figuron emri i sulmuesit. Interesimit të SportEkspres.com i janë përgjigjur në FSHF dhe mësohet se sulmuesi ka pësuar një dëmtim.

Gjithçka ka ndodhur një ditë më parë dhe nuk mund të jetë gati për ndeshjen me Turqinë. Gjithsesi Sahiti pritet që të vijë në Shqipëri dhe të kryejë kontrollet mjekësore. Një tjetër mungesë e rëndësishme për kuqezinjtë, që kanë një ndeshje shumë të vështirë përpara.

VIDEO | Seferi shkëlqen me asiste, Bakaj shënon ndaj Hajdukut të Ismajlit e Sahitit

Sport Ekspres — Fri, 25 Jan 2019 16:49:13 +0000

Taulant Seferi dhe Erlis Bakaj kanë bërë ndeshje shumë të mira në miqësoret e zhvilluara nga skuadra e tyre. Ekipi i Seferit, Uinterthur, ka luajtur një miqësore me Flora Talin, e cila është mbyllur me rezultatin e barabartë, 2-2.

Ish-sulmuesi i Shpresave ishte autor i të dy asisteve, duke bërë një ndeshje të shkëlqyer. Një tjetër sulmuesi kuqezi ka arritur të jetë i rëndësishëm për ekipin e tij. Erlis Bakaj i Shaktar Soligorskit ka shënuar golin e vetëm për skuadrën e tij në miqësoren përballë Hajdukut të Splitit, që përfundoi me rezultat 1 – 1.

Një veçantë e këtij takimi ishte dhe fakti se përveç Bakajt në fushë kanë qenë dhe tre shqiptarët e skuadrës kroate. Mbrojtësi Ardian Ismajli dhe sulmuesi anësor dhe Emir Sahiti.

Bushi fton një sulmues nga Gjermania, ikin dy

Sport Ekspres — Mon, 10 Sep 2018 16:04:06 +0000

Shqipëria U21 luan të martën një miqësore me Italinë, ndërkohë që ka lëvizje në listën e lojtarëve. Sulmuesi Fiorin Durmishaj është larguar nga grumbullimi për shkak të një dëmtimi të pësuar. Lojtari i Panionios ishte surpriza në ndeshjen me Spanjën, pasi nuk ishte njoftuar thirrja e tij.

Me largimin e Durmishajt është afruar sulmuesi Ronaldo Ndreu, por ka pasur edhe një tjetër të larguar dhe ai është Emir Sahiti, i cili ka udhëtuar drejt Kroacisë. FSHF ka njoftuar mbi lëvizjet e bëra përmes njoftimit të mëposhtëm:

“Kombëtarja U-21 e drejtuar nga tekniku Alban Bushi vazhdon përgatitjet për ndeshjen miqësore Itali-Shqipëri e cila do të zhvillohet ditën e martë datë 11 shtator ora 18:30 në Cagliari. Bushi në vigjilje të kësaj miqësoreje e cila do ti shërbejë në formimin e grupit për sezonin tjetër eliminator, nuk do të ketë në dispozicion futbollistin Fiorin Durmishaj. Sulmuesi kuqezi i cili aktivizohet në radhët e Panionisit në Greqi ka lënë grumbullimin, për shkak të një dëmtimi dhe është thirrur një sulmues tjetër, Ronaldo Ndreu, që aktivizohet në radhët e VFB Trebbin në Gjermani. Trajneri Bushi pas ndeshjes me Spanjën ka lënë të lirë futbollistin Emir Sahiti për t’iu bashkëngjitur skuadrës së tij në Kroaci Hajduk Split II dhe për ti dhënë mundësi lojtarëve të tjerë të testohen gjatë miqësores me Italinë, ndonëse ishte pjesë e të dyja listave, Sahiti është lënë i lirë për arsye teknike”.