Pas dy sezonesh te Shkëndija, Emini ka ndërruar skuadër. Sot, sulmuesi 33-vjeçar është prezantuar te skuadra e Dritës në Kosovë. Ekipi synon të rikthehet te titulli kampion në IPKO Superliga dhe Emini shihet si një perforcim shumë i rëndësishëm për klubin.

Dje u përfol se Gjilani i Gentian Mezanit është i interesuar për firmën e tij, por sipas infosport.mk, një tjetër ekip kosovar është futur në garë për shërbimet e 33-vjeçarit.

Drita, ekipi tjetër i Gjilanit, kërkon të rikthehet në vendet e para të tabelës dhe të luftojë për titullin kampion, prandaj e shohin Eminin si përforcimin e duhur. Mbetet për t’u parë se ku ish-bomberi i Kukësit do të vazhdojë karrierën.

Një vit më vonë, Sherifi i Tiraspolit përballet me një tjetër skuadër shqiptare, Shkëndijën e Tetovës. Aty luan Izair Emini. Kuqezinjtë e kanë fituar ndeshjen e parë në shtëpi minimalisht 1-0 dhe sot në Moldavi do të kërkojë një tjetër rezultat pozitiv, që do i çonte në turin e tretë të Championsit.

I motivuar në maksimum dhe Izair Emini, i cili do të kërkojë të ndihmojë skuadrën e tij për të shkruar historinë, por dhe për të marrë hak për eliminimin e një viti më parë me Kukësin, diçka që e ka pranuar dhe ai.

Emini realizoi golin e parë në historinë e tetovarëve në Champions. Moldavët sigurisht që nuk e kanë harruar ndeshjen e një viti më parë, ndaj nesër e dinë se Emini do të ketë shumë arsye për të dhënë më shumë se 100%.

Sulmuesi i Shkëndijës: Kukësit do i bëja punë tani që nuk ka sulmues, por me Shkëndijën kemi ende për të bërë historinë dhe do të vazhdoj këtu

Jurgen Zela

Izair Emini u shpall kampion me Shkëndijën e Tetovës këtë sezon në Maqedoni, por njëkohësisht mori dhe Kupën. Dy sezone plot sukses për tetovarin që u shpall një vit më parë kampion dhe në Shqipëri. Duket i lumtur 32-vjeçari në shtëpinë e tij. Aktualisht autori i 8 golave këtë kampionat është me pushime dhe po pret aventurën në Champions, ku mund të përballet edhe me Kukësin në turin e parë kualifikues. Emini nuk e preferon një takim me ish-skuadrën e tij, por i duket interesante që të përballet me një tjetër skuadër shqiptare. Po ashtu vetë sulmuesi e pranon se në këtë moment do i bënte punë verilindorëve që nuk kanë sulmues, por e ardhmja e tij do të jetë kuqezi.
– Izair, nga Kukësi në Tetovë dhe sërish kampion, si kanë qenë këto sezone për ju?
Mendoj se më mirë se kaq nuk mund të shkonte. Të shpallesh kampion dy vite rresht në dy kampionate të ndryshme nuk është gjë e vogël dhe normalisht jam shumë i kënaqur me rrjedhën e gjërave në këto dy vite dhe me sukseset e arritura. Në Shqipëri fitova kampionatin, Kupën dhe Super Kupën, këtë vit me Shkëndijën dolëm kampion dhe fitues të Kupës, ndërsa më parë kam fituar Superkupën në Maqedoni dhe kuptohet edhe kampionatin me Shkëndijën në vitin 2011.
–Tani do jeni pjesëmarrës në Champions, besoni se do të përsëritet ajo ecuri e vitit të shkuar, kur Shkëndija u ndal vetëm nga Milani?
Që kur kompania “Ecolog” sponsorizon klubin, Shkëndija rregullisht ka marrë pjesë në Europa League, duke bërë ecuri shumë pozitive, në dy vitet e fundit ka arritur “play-off”-in. Këtë vit do të luajmë në Champions, ku e dimë se do të jetë më vështirë, por sigurisht sërish do të mundohemi të dhurojmë paraqitje dinjitoze dhe të kalojmë sa më shumë ture në kompeticionin elitar për klube, apo nëse gjërat nuk shkojnë mirë më pas edhe në Europa League.
-Në turin e parë mund të përballeni me Kukësin, do e donit një përballje të tillë?
Personalisht nuk e dua një përballje me Kukësin, pasi dua të dy ekipet të kalojnë turin e parë.
-Po nëse do jetë Skënderbeu dhe jo Kukësi kundërshtar?
Po, sigurisht me Skënderbeun do kisha dëshirë të përballemi për shumë arsye. Vlerësoj se do ishin përballje shumë interesante, më shumë edhe festë futbolli për dy ekipe vëllazërore, ndërsa duke parë interesin e madh dhe mbështetjen që marrim nga ato anë edhe për t’i mundësuar publikut në Shqipëri të shohë në vepër forcën e Shkëndijës.
-E keni ndjekur kampionatin shqiptar, Kukësin në veçanti? Si e komentoni këtë sezon?
E kam ndjekur gjithmonë kur kam mundur, jo rregullisht duke llogaritur se kam pasur vazhdimisht angazhime me skuadrën time. Mendoj se Kukësi bëri sezon pozitiv edhe pse mund të bënte edhe më mirë. Gjithsesi mbetet ekip shumë i fortë dhe që i jep ton kampionatit shqiptar.
–Mendoni se do i bënte punë Emini tani Kukësit, duke ditur që nuk ka asnjë sulmues?
Sigurisht se po. Nëse një skuadër ka mungesën e sulmuesit, atëherë do i hynte në punë çfarëdo sulmuesi, posaçërisht nëse do ishte dikush që njeh ambientin dhe ka kontribuar për atë skuadër.
-Shumë yje në sulmin e Shkëndijës, e vuan konkurrencën, kur shohim që Ibraimi dhe Hasani kanë shënuar 45 gola vetëm ata të dy?
Është normale konkurrenca të jetë më e madhe kur një skuadër në përbërje ka super yje si që janë Hasani dhe Ibraimi. Por kur bëhet fjalë për skuadër që pretendon tituj dhe luftë në më shumë fronte, sigurisht se duhet sa më shumë konkurrencë dhe në një sezon të gjatë secili gjen hapësirat e veta. Unë jam i kënaqur nga vetja për atë që kam bërë deri tani me Shkëndijën.
-Sa diferencë ka mes kampionatit maqedonas dhe atij shqiptar?
Mendoj se janë aty-aty, por kampionati shqiptar më duket pak më i fortë në përgjithësi. Kam fjalën për konkurrencën e më shumë ekipeve, infrastrukturën, pjesën mediale, që janë gjithë këto faktorë direkt të bëjnë gjërat të duken ndryshe. Ndërkohë këtu në Maqedoni ka gjëra të bukura dhe Shkëndija kuptohet, por edhe Vardari i viteve të kaluara sigurisht se do të kishin luftuar për titull apo edhe do dilnin kampion edhe në Shqipëri.
-Ku e shihni veten në të ardhmen?
Në vendlindjen time, te klubi ku jam për momentin, sepse vlerësoj se kemi akoma histori për të bërë.

Në Kukës arriti që të fitonte të tre trofetë kombëtarë, duke dhënë kontributin e tij në të gjitha kompeticionet. Tashmë Emini do të nisë një rrugëtim të ri, me ngjyrat e skuadrës së qytetit të tij të lindjes, Shkëndijës së Tetovës. Edhe pse stërvitej prej ditësh, mesditën e sotme ka ardhur dhe prezantimi zyrtar nga ana e klubit tetovar, i cili i ka uruar mirëseardhjen sulmuesit, që është formuar si futbollit në këtë skuadër. Emini nuk nguron që të deklarojë dhe objektivat e sezonit të ri, ku synon që të ndjekë ecurinë që kishte tek Kukësi, të fitojë sa më shuam trofe: “Sa i përket objektivave, dihen, janë fitimi i Kupës dhe Kampionatit. Mendoj se kushtet janë pjekur që titulli dhe Kupa të vijën në Tetovë”, thotë Emini. Një humbje e madhe për kampionatin shqiptar, pasi Emini bëri mjaft mirë, për aq sa luajti në Shqipëri.

Emini u largua pas Kupave të Europës dhe arriti marrëveshjen me Shkëndijën, pa e ditur se Kukësi kishte depozituar një kontratë të re më 20 korrik.

Ajo kontratë u bë mollë sherri dhe FSHF refuzoi t’i jepte lejekalimin Eminit.

Megjithatë, pas ndërhyrjes së FIFA-s, FSHF depozitoi në sistemin ndërkombëtar të transferimeve vetëm kontratën në shqip mes Kukësit e Eminit. Nuk dihet arsyeja reale pse nuk është depozituar kontrata në gjuhën angleze, por kjo është arsyeja e parë dhe kryesore pse FIFA e ka konsideruar kontratën të parregullt, duke i dhënë të drejtë lojtarit dhe Federatës Maqedonase.

Së shpejti Kukësi me shumë gjasa do të apelojë, por deri atëherë, Emini është i Shkëndijës.

FAKTET E ÇËSHTJES

– Më 31 korrik, Federata e Maqedonisë (FFM) kërkoi certifikatën e transferimit (ITC) të Eminit nga Federata Shqiptare e Futbollit, me qëllim që më pas Emini të regjistrohej me Shkëndijën.

– Më 9 gusht, FSHF refuzoi kërkesën, duke deklaruar se kontrata mes Eminit dhe Kukësit nuk kishte përfunduar. FSHF ngarkoi në sistem një kontratë të vlefshme prej 20 korrikut, por kontrata ishte vetëm në shqip.

– Më 14 gusht, FFM i kërkoi FIFA-s të ndërhynte, pasi kontrata 1.5-vjeçare e Eminit kishte përfunduar më 19 korrik dhe më pas kontrata e rinovuar ishte depozituar në FSHF, por Emini nuk ishte në dijeni për ekzistencën e kësaj kontrate dhe mohonte të kishte firmosur.

– Në 17 gusht dhe në 25 gusht, FIFA kontaktoi FSHF-në, duke i kërkuar konfirmim të menjëhershëm nëse këmbëngulte në refuzimin e dhënies së lejekalimit dhe nëse kishte arsye për refuzimin.

– Më 29 gusht FSHF konfirmoi se refuzonte të jepte lejekalimin ndërkombëtar, duke arsyetuar se kontrata ishte rinovuar (kontrata e paraqitur nga FSHF ishte vetëm në shqip).

– Më 30 gusht FIFA njoftoi palët se hetimi është mbyllur dhe çështja do t’i kalojë Gjykatësit Unik për Statusin e Lojtarëve, për të marrë një vendim.

VENDIMI I GJYKATËSIT MBI STATUSIN E LOJTARËVE

– Shkëndija dhe Emini kanë firmosur një kontratë të vlefshme nga 31 korriku 2018 deri në 14 qershor 2018.

– FSHF refuzoi të jepte lejekalimin, duke e konsideruar lojtarin nën kontratë, por kontrata e paraqitur nga FSHF ishte vetëm në gjuhën shqipe, çka e bën të dyshimtë lidhjen kontraktuale mes klubit e lojtarit.

– Gjatë gjithë periudhës kur Shkëndija kërkonte regjistrimin e lojtarit, Kukësi nuk bëri asnjë kërkesë në FIFA që lojtari të kthehej në Shqipëri. Kjo bën Gjykatësin të mendojë se Kukësi nuk ka qenë realisht i interesuar për shërbimet e futbollistit.

– Për pasojë, Gjykatësi Unik autorizon përkohësisht Federatën Maqedonase ta regjistrojë Eminin si lojtar të Shkëndijës. Emini ka të drejtë të aktivizohet menjëherë, ndërsa Kukësi mund ta ndjekë çështjen në organet përkatëse, për të vërtetuar që ka pasur një kontratë të rregullt me lojtarin. Deri atëherë, nëse nuk ka një vendim të ri, Emini lejohet të aktivizohet me Shkëndijën.

Kukësi, realisht, nuk e kishte në planet e veta, por pas paraqitjes së shkëlqyer kundër Sherifit në Elbasan dhe pas largimit të Pejiçit, ndërroi mendje, duke aktivizuar klauzolë rinovimi automatik për të cilët Emini nuk ishte fare në dijeni.

Shqiptari nga Maqedonia refuzoi prerë dhe prej javësh është në Tetovë, ku stërvitet herë me Shkëndijën e herë i vetëm. Ndërkohë, sulmuesi e ka çuar çështjen në FIFA, por aty do të shkojë edhe Kukësi, raporton Supersport.

Klubi kampion i Shqipërisë pretendon se 31-vjeçari nuk u është përgjigjur thirrjeve të klubit për t’u bashkuar me skuadrën, duke mos respektuar kontratën, ndërkohë që kërkon një dëmshpërblim prej 300 mijë eurosh për prishjen e njëanshme të saj.

Më parë Kukësi u detyrua të linte të lirë Nijas Lenën, edhe pse ashtu si për Eminin, pretendoi se i ishte rinovuar kontrata. Ndërkaq, Albi Alla u kthye për nj kontratë të dyfishuar, nga 2500 në 5000 euro në muaj. Edhe Koliçi, i cili kërkonte largimin, qëndroi duke rinovuar me rritje të konsiderueshme page.

Sulmuesi këmbëngul se e drejta është me të: nuk ka firmosur rinovim me Kukësin dhe nuk ekzistonte asnjë klauzolë që ta mbante në Kukës pas Europës.

Sot sulmuesi ka dalë në stërvitje me Shkëndijën, aty ku pret të firmosë, por jo pa mbyllur historinë me Kukësin.

FSHF nuk di ç’të bëjë dhe nuk prononcohet, ndaj duket se çështja do të shkojë në FIFA. Kush do të fitojë? Ndoshta askush, sepse edhe Kukësi nuk është i qetë në këtë histori.

Jurgen Zela

Në ditën e parë të muajit gusht Kukësi nisi stërvitjen. Edhe pse grupi ishte i mbipopulluar, kryesisht nga elementë të rinj, binte në sy mungesa e tre prej lojtarëve më të rëndësishëm të Kukësit. Enea Koliçi, Izair Emini dhe Nijas Lena “nervozuan” Kukësin për faktin se nuk ishin prezent në nisjen e përgatitjeve të sezonit të ri. Prej ditësh mund të themi se ka nisur lufta mes lojtarëve dhe klubit, i cili pretendon se lojtarët kanë dhe një sezon kontratë. Të kundërtën kanë deklaruar hapur të tre futbollistët që tashmë e ndjenë veten “të burgosur” nga kjo situatë, pasi nuk po mundin që të qartësojnë të ardhmen e tyre. Mëngjesin e djeshëm Kukësi doli në një lajmërim në sajtin zyrtar ku paralajmëroi dhe penalitet: “Klubi i Kukësit ka nisur punën për sezonin e ri 2017-18 nën drejtimin e trajnerit Mlladen Milinkoviç. Të gjithë lojtarët që janë nën kontratë me ekipin kampion të Shqipërisë janë lajmëruar për të marrë pjesë për nisjen e përgatitjeve, më date 1 gusht 2017, në kompleksin sportive “Internacional”, në Pezë. Në kuadër të fillimit të stërvitjes nuk janë paraqitur në seancën e djeshme stërvitore portieri Enea Koliçi, mesfushori Nijas Lena dhe sulmuesi Izair Emini. Klubi i Kukësit e sheh me shqetësim sjelljen e tyre dhe nuk është aspak i kënaqur. Klubi do të marrë masa për 3 lojtarët e sipërpërmendur, edhe për faktin se kjo nuk është një sjellje korrekte për profesionalizmin e treguar nga këto lojtarë”. Nuk ka zgjatur shumë dhe lojtarët janë lajmëruar për gjobat e tyre, e cila ishte një rrogë mujore ose e thënë ndryshe 10% e rrogës vjetore. Një mungesë pa arsye në stërvitje, e barasvlershme me një rrogë mujore, e frikshme kur paralelizmi bëhet me klauzolën e prishjes së kontratës në mënyrë të njëanshme, e cila është 500 mijë euro. Presidenti Gjici është me pushime dhe nuk kthehet deri në datën 10 gusht dhe lojtarët nuk dalin në stërvitje pa u takuar me të. Nëse penaliteti do të jetë së paku i tillë për çdo ditë, atëherë do të jetë e kotë që të diskutojnë për detajë financiare, pasi rroga do të jetë likuiduar në gjobë. Një situatë kaotike dhe e çuditshme, që duket se është destinuar tashmë që të marrë rrugën e gjykatave.
KOLIÇI – I pari që është njohur me masën e Kukësit, ka qenë Enea Koliçi. Nga një “hero” në “armik”, gjithë ky ndryshim në harkun e pak ditëve. Lojtari nuk ka preferuar që të prononcohet, madje as përfaqësuesit e tij, si menaxheri apo dhe avokati, me këtë të fundit që tashmë po shqyrton dokumentacionin për t’i dhënë një zgjidhje situatës. Paqja duket një opsion i largët, pasi bisedimet me presidentin Gjici nuk kanë rezultuar të suksesshme.

LENA – Një situatë sa e ngjashme, aq dhe e ndryshme, është ajo me mesfushorin Nijas Lena. Dje 30-vjeçar është paraqitur në ambientet e klubit të Kukësit me synimin për të diskutuar me presidentin Gjici, por duke qenë se bosi i Kukësit është me pushime nuk e ka gjetur aty. Menjëherë sapo është paraqitur në zyrat e klubit i është paraqitur fleta e gjobës. Lojtari nuk e ka fshehur dëshirën zgjatjes së bashkëpunimit me Kukësi, por nuk e pranon që të ketë pasur një rinovim automatik. Duke qenë se kjo përplasje me klubin sapo ka nisur Lena kërkon që ta zgjidhë me mirëkuptim dhe situata të mos degradojë që të detyrohet të kërkojë drejtësi në aspekt ligjor.
EMINI – Gjithashtu dhe Izair Emini është në listën e lojtarëve të konsideruar nga Kukësi si “kryengritës”. Tetovari ashtu si “gardiani’ i Kukësi hapur ka kërkuar largimin, por situata është e njëjtë Kukësi kërkon me çdo kusht shërbimet e lojtarit. Edhe sulmuesi e ka kaluar gjithçka në dorë të gjykatatësit të tij, për të ndërmarë hapat e mëtejshmëm ligjor për ta zgjidhur këtë situatë.
Gjoba të majme dhe asnjë mundësi negocimi, Kukësi i pret lojtarët në stërvitje, duke paralajmëruar të tjera masa akoma dhe më të rënda. Vetëm diçka mbetet për të thënë: Nuk është aspak e hijshme që kampionët të jenë në një situatë të tillë.

“Kemi bërë një superndeshje, fati nuk ishte në anën tonë. Duhej të ishim më cinikë, duhej ta ruanim më mirë rezultatin, të menaxhonim situatën, por ky është futbolli. Sinqerisht, kur e mora topin me gjoks, mendoja si të gjuaja. Kur e godita m’u duk se shkoi në rrjetë, për fat të keq nuk ishte ashtu. Nuk pata fat”.

Natyrisht, do të flitet shumë për penalltinë e humbur nga Pejiç, por Emini nuk ndalet aty: “Presioni ndaj Peros ishte i madh, se dihet, po të bënte golin, do ishte kualifikim për ne. Janë gjëra që ndodhin, edhe lojtarë më të mëdhenj kanë humbur penallti. Pejiç nuk është as i pari dhe as i fundit. Ky ishte fati ynë, nuk kemi çfarë të bëjmë”.

Izair Emini është një nga lojtarët që ka bërë mjaft mirë për një sezon e gjysmë me fanellën e Kukësit, teksa në kampionat ka arritur që të shënojë 18 gola në 48 ndeshje. Gjithsesi, tetovari mund të jetë një nga largimet më të mëdha të Kukësit, pas ndeshjeve ndërkombëtare. Siç bëhet e ditur nga “Supersport”, sulmuesi preferohet nga trajneri i Shkëndijës, Qatip Osmani, i cili dëshiron që ta ketë nën urdhrat e tij. Në repartin e sulmit Kukësi ka në dispozicion kroatin Pejiç, tetovarin Emini dhe shkodranin Guri. Prej ditësh dihet që Kukësi është në kërkim të një sulmuesi me kualitet, që të shtonte konkurrencën, por nëse do të ndodhte që Eminin të largohej, atëherë verilindorët do duhej t’i bënin llogaritë përsëri nga fillimi. Një transferim tek Shkëndija dot ishte një rikthim në vendlindje, por dhe tek një skuadër që e njeh mirë, pasi është aktivizuar me kuqezinjtë nga viti 2010 deri në 2013-ën.  

EMINI – Lojtari është i fokusuar totalisht në përgatitjet me skuadrën, pasi përpara janë dy ndeshjet e turit të dytët të Champions League-s, ku përqendrimi duhet të jetë maksimalisht. I kontaktuar nga “Sport Ekspres”, Emini ka mohuar që të ketë arritur një marrëveshje, qoftë dhe verbale me Shkëndijën, ku është aktivizuar dhe më parë. Eminin thekson se në Kukës ka kaluar mirë dhe do i pëlqente që bashkëpunimi të vazhdonte nëse Kukësi do t’i ofronte rinovimin: “Jam i habitur nga ky lajm. Nëse Kukësi do të më ofrojë rinovimin, unë do të isha i gatshëm të vazhdoja bashkëpunimin. Shkëndija nuk më ka kontaktuar”. 32-vjeçarit i përfundon kontrata pas ndeshjeve të Europës, megjithatë e ardhmja e tij tashmë mbetet për tu përcaktuar. Me Kukësin Emini arriti që të fitonte Kupën, Superkupën dhe titullin kampion.

Sulmuesi 32-vjeçar pritet të rikthehet tek Shkëndija, raporton Supersport, ku ka edhe një marrëveshje verbale me trajnerin Qatip Osmani, i cili ka kërkuar rikthimin e Eminit në skuadër si një mundësi për të përforcuar akoma më shumë repartin e sulmit tetovar.

Te Kukësi nuk janë kapur në befasi, sepse klubi ka kohë që kërkon në treg për një sulmues cilësor dhe ditët e ardhshme pritet një surprizë, pasi po tentohet marrëveshja me një sulmues shumë cilësor e me CV të pasur.