“Ky është qyteti im. Këtu jam rritur dhe kam hedhur hapat e para si futbollist. Është një ndjesi e mirë që rikthehem sërish. Tani e kam për detyrë që t’i shërbej klubit dhe shokëve të ekipit”.

“Çdo vit kampionati bëhet më i fortë, çdo ekip rritet, ashtu si dhe ne. Kemi mbajtur një pjesë të madhe të grupit si dhe kemi bërë përforcime. Shpresojmë të bëjmë mirë pasi është dhe 100-vjetori i klubit”.

Vila ka sqaruar se nuk është larguar nga Skënderbeu për shkak të probleme që ka, teksa në “Supersport” ka treguar se me presidentin Ardjan Takaj ka pasur një marrëveshjë për të ikur nëse do t’i vinte një ofertë nga jashtë vendit.

TRANSFERIMI NË GREQI – “Jam shumë i lumtur që kjo tratativë u mbyll me sukses, duke e ditur që më kanë ofruar një kontratë afatgjatë. Për mua është një mundësi shumë e mirë. Futbolli në Greqi është i vështirë, por unë kam luajtur edhe më parë te Pas Janina. Ekipi ka bërë hapa të mirë për t’u ngjitur në Superligë. Më pëlqeu projekti dhe do të bëj më të mirën për ta ndihmuar skuadrën në arritjen e objektivit. Shpresoj të kthehem në formën më të mirë, ai Vila që luante disa vite më parë në Greqi”.

KËMBËNGULJA E TRAJNERIT – Dimitrios Spanos ka qenë ai që e ka dashur në ekip durrsakun: “Më panë pritur shumë mirë, trajneri është shumë i kënaqur, është ai që ka kthyer Arisin në Superligë. Ai më njeh shumë mirë dhe ka këmbëngulur shumë që unë të vijë këtu. Jam 30 vjeç, në kulmin e formës time, dhe shpresoj që Korfuzi të jetë trampolinë për të luajtur në një skuadër më të madhe”.

LARGIMI NGA SKËNDERBEU– Vila ka theksuar se nuk i ka braktisur bardhekuqtë: “Kam dëgjuar zëra që Vila e braktisi Skënderbeun para ndeshjes me Partizanin. Por kjo nuk është e vërtetë, unë kisha rënë dakord me presidentin Takaj që nëse do të më vinte oferta e duhur do të largohesha. Kampionatin shqiptar e parashikoj shumë të fortë, janë 3-4 skuadra që pretendojnë për titullin kampion”.

“Faleminderit nga zemra presidencës, trajnerit, shokëve, stafit dhe gjithë futbolldashësit e KF Skënderbeu për korrektësinë dhe gjithë emocionet që përjetova. Ju uroj suksese në vazhdimësi”, shkruan Vila në llogarinë e tij në “Facebook”.

Futbollisti 30-vjeçar u aktivizua me Skënderbeun në 14 ndeshje dhe 5 prej tyre i nisi nga minuta e parë. Vila arrit të shënonte dy gola në fitoren e marrë në transfertë me Kamzën. Në fund të sezonit ai iu gëzua titullit kampion dhe Kupës së Shqipërisë.

“AOK FC KERKYRA njofton blerjen e lojtarit Emiliano Villa. 30-vjeçari u aktivizua deri tani te Skënderbeu dhe me ne ka nënshkruar për dy vite. Në të kaluarën, ai ka luajtur, ndër të tjera, te Pas Janina, Partizani, Inter Baku dhe Dinamo Zagreb, si dhe është aktivizua me Shqipërinë. Ne i dëshirojmë atij një fillim të mirë dhe sa më shumë suksese”, njofton klubi grek.

Vila te Kërkyra pat nënshkruar edhe në vitin 2015, por më pas pati një ofertë nga Inter Baku dhe u largua drejt Azerbajxhanit, duke mos debutuar me skuadrën greke, që nuk e pengoi mesfushorin.

“Faleminderit nga zemra presidencës,trajnerit, shokëve,stafit dhe gjithë futbolldashësit e KF Skënderbeu për korrektësinë dhe gjithë emocionet që përjetova, ju uroj suksese në vazhdimësi!“, shkruan Vila në rrjetet sociale.

Korçarët raportuan një ditë më parë se mesfushori nuk do të ishte në këtë ndeshje, por nuk jepeshin sqarime të tjera. Edhe në ndeshjen e Superkupës durrsaku nuk  luajti për Skënderbeun.

Vila te Kërkyra ka qenë edhe në vitin 2015, por qëndroi pak kohë, pasi mori një ofertë nga Inter Baku (Keshla quhet sot) në Azerbajxhan dhe u transferua atje. Tanimë do të rikthehet sërish në Greqi, ku më parë është aktivizuar me Pas Janinën.

Sezonin e shkuar Vila u largua si i panevojshëm nga Partizani, por në pjesën e dytë të sezonit u paraqit mirë në Korçë dhe mendohej se do të ishte pikë kyçe në sezonin e ri, por tani vjen transferimi surprizë në Greqi. Kërkyra sezonin e shkuar u rendit në vendin e parafundit në Superligë, ndaj këtë sezon kërkon rikthimin në elitë.

“Duke e ditur se janë larguar disa lojtarë, grupi po bëhet dhe unë ndihem mirë këtu. Shikoj punën time. Për në Shqipëri jam i kënaqur këtu ku jam, kështu që shpresoj që dita-ditës të vijnë edhe lojtarë të tjerë dhe të bëhet grupi edhe më i fortë. Për në Shqipëri ndihem shumë mirë”.

Tanimë në krye të Skënderbeu është Orges Shehi dhe këtë fakt durrsaku e komenton kështu: “Normal Shehi ka shumë vite këtu dhe e njeh ambientin shumë mirë. Jam i kënaqur për mënyrën se si po stërvitemi deri tani. Kemi disa ditë që e bëjmë diçka të tillë dhe të gjithë janë të kënaqur. Dita-ditës do bëjmë më mirë. Është edhe puna jonë t’ia bëjmë më të lehtë Shehit dhe ta fusim në ritëm”.

Besimi te presidenti Takaj është maksimal dhe këtë Vila e shpreh hapur: “Presidenti Takaj ka vite që e shpall Skënderbeun kampion, kemi qenë edhe në grupe të Europa Ligës. Ai do bëjë sërish ekip pretendent. Ka edhe lojtarë të rinj që vijnë, një pjesë e grupit ka qëndruar, por do vijnë edhe 2-3 të tjerë. Normal që Skënderbeu ka vite që del kampion dhe sërish futet për ta bërë diçka të tillë”.