Futbollisti nga Elbasani mezi pret të luajë në Europë: “Çdo ekip ka lojtarët e tij të mirë dhe Kukësi është një ekip me shumë cilësi. Është një nga ekipet më të mira në kampionat. Europa është mjaft e rëndësishme për çdo futbollist, pasi është pjaca më e lartë. Sa më shumë ture të kalosh, aq më mirë është për ne, për klubin dhe për të gjithë. ”.

Musta nuk e ndjen shumë presionin dhe këtë e thotë hapur në fjalën e tij për faqen zyrtare të klubit: “Normalisht kemi folur me profesorin. Kemi pasur biseda se ku mund të luaj dhe si. Presin më të mirën nga unë, sikurse edhe unë nga vetja. Presioni është i pandashëm për lojtarët, por nuk kam shumë presion. Mundohem të bëj punën time në fushë. Lojtarë kanë ndeshje të mira dhe të këqija, por me rëndësi ”.

Në fund ai flet edhe për sfidën me hungarezët e Debrecen: “Është një ndeshje jo shumë e vështirë, por edhe jo shumë e lehtë. Nuk janë të pakalueshëm. I kemi parë disa video dhe kanë ekip të mirë, por mund të kualifikohemi më tej. Debreceni duhet vlerësuar maksimalisht. Së bashku, me forcën e grupit, mund ta kalojmë”.

Musta ka firmosur para pak ditësh për një sezon, ndërkohë që ka klauzolë edhe për ndeshjet e kupave të Europës. Veç mbrojtësit, te Kukësi kanë afruar edhe portierin Ilir Avdyli dhe po punohet edhe për të tjera lëvizje.

Momentalisht po tentohet afrimi i një mbrojtësi të djathtë dhe një qendërmbrojtësi. Drejtuesit e Kukësit janë në bisedime me disa lojtarë, ndërkohë që duhet theksuar se shumë pista merkatoje kanë rënë për shkak të kërkesave të larta financiare që futbollistët kanë paraqitur.

https://www.facebook.com/FKKukesiAlbania/photos/a.313620202116667/1782541128557893/?type=3&theater

Musta ishte protagonist në humbjen që Kukësi mori nga vlonjatët, teksa shënoi një gol mjaft të bukur në “Elbasan Arena”. Tashmë “xholi” do të jetë pjesë e verilindorëve dhe trajneri Gjoka do të ketë një dispozicion një lojtar që mund të përshtatet në disa role.

NJOFTIMI – “F.K. Kukësi njofton arritjen e marrëveshjeve me futbollistët Ilir Avdyli dhe Emiljano Musta. Dy futbollistët kanë firmosur me klubin tonë kontratë 1 vjeçare. Portieri Avdyli vjen nga skuadra e Kamzës ndërsa mesfushori Musta nga ajo e Flamurtarit. Dy lojtarët janë afrimet e para të skuadrës sonë, ndërkohë që prezantimi i tyre do të bëhet shumë shpejt në ambientet e klubit tonë. Faleminderit!”, njofton klubi i Kukësit.

Verën e shkuar Kukësi i bëri një ofertë Mustës, i cili u paraqit në zyrat e klubit verilindor dhe në fund vendosi të mos nënshkruajë. Këtë herë vullneti është i përbashkët për të bashkëpunuar dhe futbollisti nga Elbasani pritet të firmosë dhe të prezantohet si afrimi i parë i Kukësit.

Drejtuesit e klubit verilindor prej kohësh janë hedhur në kërkon të një portieri, pasi Maurice Gomis me përfundimin e kampionatit do të kthehej te Spal. Kështu ka ndodhur dhe Supersport raporton se Ilir Avdyli ka arritur akordin me Kukësin dhe pritet të nënshkruajë. Ish-portieri i Kamzës njihet mirë edhe nga trajneri Gjoka, që e ka pasur nën urdhra te skuadra periferike e kryeqytetit.

UILLIAM KORDEIRO – Braziliani pritet që të mos firmosë një kontratë të re me Kukësin, por fillimisht do të duhet të zgjidhë çështjen e dokumentacionit dhe të marrë atë që i takon nga klubi verilindor. Palët e kanë ndarë mendjen për të vijuar në kahe të kundërta dhe Uilliam normalisht ka oferta.

Klubi i Partizanit është në tratativa për ta afruar brazilianin, i cili në vendin e tij është aktivizuar si mbrojtës i djathtë. Me Kukësin ai u pa të luante më shumë si sulmuesi i majtë. Të kuqtë e pëlqejnë anësorin, që në Superiore ka spikatur me paraqitjet e tij.

Në kushte të tilla çdo lojtar aty mendon ta vijojë karrierën diku tjetër. Nuk bën përjashtim as Musta, i cili madje është kthyer në objektiv për disa klube. Janë disa arsyet, duke nisur nga fakti që ai është në gjendje të luajë në të majtë të mbrojtjes dhe mesfushës, si qendërmesfushor, por ka provuar të luajë edhe në linjën e djathtë.

Mosha e Mustës është ideale. 27 vjeç, i pjekur dhe gati për të provuar një eksperiencë të rëndësishme dhe për të luftuar për trofe. Me atë synim në fakt kishte ikur edhe në Vlorë, por me gjithë ato probleme që nuk kishin të bënin me aspektin sportiv, ishte shumë e vështirë.

E ARDHMJA –  Musta ende nuk e ka vendosur përfundimisht se ku do të luajë, edhe pse përmes menaxherit të tij kanë nisur kontaktet e para. Veç skuadrave të Superiores, edhe nga Kosova ka interes për shërbimet e tij. Lakohen Feronikeli e Prishtina që do të marrin pjesë në kupat e Europës.

Në Superiore gjithashtu janë disa ekipet që e duan dhe bëhet fjalë për ato që pretendojnë titullin sezonin e ardhshëm. Shitja e Trashit mund të fusë në garë edhe Partizanin, ndërkohë që edhe Skënderbeu në rast se triumfon në CAS ndaj UEFA-s do të ishte i interesuar. Musta synon të jetë i rëndësishëm në ekipin ku do të shkojë dhe do të mendohet mirë para se të hedhë të zezën mbi të bardhë.

Sulmuesi vlonjat, i cili u largua nga Skënderbeu në muajin shkurt, momentalisht ndodhet në vendlindje dhe ka postuar në llogarinë e tij në “Facebook” një foto me fanellën e Flamurtarit. Komentet kanë qenë të shumta, me Ditmar Bicajn që ngacmon. Lojës së komenteve i është bashkuar edhe Emiljano Musta dhe batutat nuk mungojnë.

Ish-futbollisti i të kuqve uron shokun e tij, Ardit Hilën. Së bashku kanë luajtur tek Elbasani dhe Teuta, kurse sivjet kanë qenë kundërshtarë. Në llogarinë  e tij në “Instagram” Musta ka postuar një foto dhe mesazhi është ky: “Urime vëlla titullin kampion! Edhe pse nuk je kurrë nëpër media, ti flet në fushën e lojës. Fjalë pak e punë shumë”.

Nuk mungon një urim edhe nga Kukësi. Është drejtori sportiv, Nderim Nexhipi, ai i cili gjithashtu përmes një postimi në rrjetet sociale përçon përgëzimet e tij për kampionët e Partizanit. Edhe pse ishte rival me ta, ish-fantazisti pranon verdiktin e garës.

Mesfushori elbasanas, Elmiljano Musta, vjen si “ish” në këtë takim. Në daljen për shtyp para takimit të nesërm 27-vjeçari u shpreh se fitorja ndaj Tiranës ka rritur optimizmin në skuadër.

“Ishte një fitore shumë e vlefshme për ekipin. Besoj se na ka bërë shumë punë sepse ekipi ndihet mirë për ndeshjen e radhës. Të gjitha ndeshjet janë të vështira. Teuta luante për titull deri para pak javësh. Bëri disa hapa fals dhe tani rrezikon edhe Europën. Do bëjmë maksimumin, do  futemi si çdo ndeshje për fitore”, përfundoi Musta.

Së fundmi Emiljano Musta ka postuar në llogarinë e tij në Instagram foton e bërë nga skuadra para ndeshjes me Tiranën. Elbasanasi i ka vendosur secilit lojtar, por edhe vetes, nga një mbishkrim interesant.

Mesfushorin 17-vjeçar Rrapaj e ngacmon për moshën duke e quajtur “Biberoni”. Batha është “Pitbulli”, ndërsa Deliaj ka mbishkrimin “Labi”, ndoshta prej faktit se kjo ka qenë nofka e përdorur për të kur ishte pjesë e Tiranës, siç duket vazhdon të thërritet kështu edhe tek ekipi i qytetit të vendlindjes.

Useini nuk është nga ata që shënon shpesh, për këtë sezon ky ishte goli i tij i parë. Gjithsesi ai ishte i veçantë, pasi mesfushori e ka realizuar pas ekzekutimit të një goditjeje dënimi nga një distancë e konsiderueshme.

https://www.facebook.com/infosport.mk/videos/593959224349060/

Mesfushori e ka postuar golin edhe në rrjetet sociale, ku nuk mungojnë as ngacmimet. Emiljano Musta i shkruan me shaka: “Po frynte erë, apo jo? S’e s’ka mundësi!”. Replikë e menjëhershme nga Useini: Rastësisht, i mbylla sytë”. Elbasanasi e vulos me një koment tjetër: “(Qesh) Më bëri çudi vëlla, prandaj. Po gjithsesi i more në qafë skuadrat në Maqedoni. Me këtë gol, gati kontratat”.

Mesfushori ka fituar Kupën dhe Superkupën me kurbinasit, ndërkohë që nga atëherë kanë ndryshuar shumë gjëra te Laçi. Këtë e thotë edhe vetë Mustafa: “Laçi ka ndryshuar krejtësisht. Atëherë ishte ekip me eksperiencë. Tani kanë të rinj që luajnë në grup. Mendoj se Laçi ka një ekip të mirë, por ne jemi përgatitur për këtë ndeshje.  Nga lojtarët atje njoh portierin, Selmanin, Lushkjen dhe Gjonin. Nuk kam folur me ta”.

EMILJANO MUSTA – Lojtari nga Elbasani gjithashtu ishte sot i pranishëm në konferencë për shtyp dhe theksoi se në Laç shkojnë për fitore: “Kemi pasur më shumë kohë të përgatitemi, është një ndeshje e fortë me Laçin. Gjithsesi ne shkojmë për fitore, për vetë objektivat që kemi”, u shpreh fillimisht Musta.

Më tej, i pyetur se si ndikon ndryshimi trajnerit te Laçi, ai shtoi:  “Normalisht kur ndryshohet trajneri lojtarët mundohen të japin maksimumin për t’u shfaqur te trajneri i ri. Besoj se ne e kemi përgatitur mirë ndeshjen, me trajner të ri apo të vjetër. Flamurtari do hyjë në fushë për të marrë maksimumin”.

Fusha dhe gjykimi – “Është fushë e vështirë. Gjatë gjithë këtyre viteve kemi parë që ata janë të fortë aty, por ndeshjet janë të gjitha të vështira. Kështu që pse mos ta tentojmë fitoren. Grupi është thuajse i plotë, nuk kemi mungesa. Pika më e fortë e jona është grupi. Them se jemi një grup i konsoliduar.

Për gjykimin është ai avazi i vjetër, nuk kemi çfarë flasim më tepër. Ne thjesht duam që në fushën e lojës të jetë gjykim sa më i drejtë, pasi për ato që duken s’kemi çfarë themi. Jemi në vitin 2019 dhe të paktën të jetë 50 me 50”, përfundoi Musta.

Liçaj në minutat shtesë përfundoi i shtrirë në zonë, por për gjyqtarin Laver Alla nuk kishim të bënim me penallti. Tashmë nga rrjetet sociale vijon ironia dhe është anësori Emiljano Musta që ka diçka për të thënë. “Fluturo, fluturo, Laver Alla”.

Duket hapur që futbollisti nga Elbasani akuzon gjyqtarin nga Lushnja. Postimi i tij në “Instagram” flet vetë. Një ditë më parë ishte trajneri Ilir Daja ai që nuk u kursye dhe më së shumti e kishte me ndalesat e lojës. Sipas tij, në pjesën e dytë u bënë vetëm 12 minuta lojë efektive.

Kukësi dhe Teuta janë përforcuar në merkato, por për futbollistin nga Elbasani fusha tregon gjithçka dhe Flamurtari sipas tij i ka kapacitet për të përballuar garën.  “Me Teutën e bëmë ndeshjen dhe është gjynah që u dhamë një pikë, nisur nga ajo që dhamë në fushën e lojës. Kukësi e Teuta janë përforcuar në letër, por në fushë është diçka krejtësisht tjetër”, thotë anësori i majë.

Më tej Musta plotëson mendimin e tij, duke u shprehur kështu: “Me të vërtetë na janë larguar disa lojtarë, por organika jonë është e plotë. Kemi gati 25 lojtarë dhe të gjithë janë gati e presin shansin të luajnë”.

POSTIMI NË INSTAGRAM – “Jo po kanë marrë fund, jo po leva, jo po x-i”, shkruante pas ndeshjes me Teutën Musta, i cili në konferencën e sotme për shtyp edhe e ka komentuar postimin e tij në “Instagram”.

“Varet se si e marrin njerëzit. Nuk më pëlqente fakti që flitej sikur Flamurtari kishte marrë fund, sikur këtu kishte vetëm gjëra të këqija. Ai postimi tregon që ne jemi të gjithë të bashkuar dhe japim shpirtin në fushë, pavarësisht çfarë flitet rreth e rrotull. Brenda në klub ka qetësi dhe ne jemi të organizuar e gati të tregojmë vlerat në fushën e lojës”.

Në fund ai flet edhe për objektivat e Flamurtarit në kampionat: “Kur jemi ndërtuar si ekip në verë, një nga objektivat ka qenë pjesëmarrja në kupat e Europës. Do bëjmë maksimumin ta arrijmë këtë objektiv. Në fund do të shihet sa do e arrijmë”.

Me Alvesh që ende nuk është rikthyer dhe me gjithë atmosferën e zymtë në kampin vlonjat, as tifozi më fanatik nuk ka besuar që Flamurtari do të merrte pikë në Durrës me Teutën. Gjithsesi ekipet ndanë nga një pikë.

Pas ndeshjes Batha ngacmonte Bushiç nga rrjetet sociale, ndërkohë që edhe Emiljano Musta nuk ka qëndruar indiferent. Një foto e postuar në Instagram prej tij ka tërhequr vëmendjen, kjo për shkak të mesazhit të tij. “Jo po kanë marrë fund, jo po leva, jo po x-i”, shkruan Musta, duke “thumbuar” ata që nuk kishin besim te skuadra vlonjate. Në fakt janë të shumtë. 

Do të luhet në fushë asnjanëse dhe pritet të jetë një përballje mjaft interesante. Për këtë takim trajneri Ilir Daja duhet t’i bëjë llogaritë pa Emiljano Mustën. Mbrojtësi nga Elbasani u ndëshkua me karton të verdhë dhe për këtë javë është i pezulluar, pasi plotësoi numrin katër të të verdhëve.

Gjithsesi për stafin teknik të Flamurtarit nuk mungojnë alternativat. Blerim Kotobelli është i gatshëm ta nisë nga minuta  e parë. Mbrojtësi u mor në verë nga Partizani dhe ishte projektuar si titullar, por Daja javët e fundit ka preferuar Mustën para tij.

“Do të thosha që Tirana-Flamurtari ka qenë gjithmonë do të jetë një ndeshje e vështirë për t’u interpretuar në fushë. Edhe ndeshja e nesërme do të ketë të njëjtin drejtim. Kjo sepse ekipet edhe pse kanë cilësi brenda, kanë paraqitur oscilacione deri në këto javë. Besoj se do të jetë një ndeshje e luftuar në mesfushë dhe që do të vendoset nga episodet. Ekipi që do të ketë më shumë qëndrueshme mentale do të jetë më pranë fitores. Na duhet të kthehemi te tre pikët, për ta mbyllur këtë fazë me rezultat pozitive dhe për të qenë më afër objektivave që i kemi vënë vetes”.

Djaa e ka të qartë se kush do të fitojë nesër: “Dua t’i uroj Memës suksese pas kësaj jave. Nuk lejohet rezultat tjetër veç fitores, edhe pse ndeshja brenda i ka të tria rezultatet. Duhet të menaxhojmë anën psikologjike, që ankthi të jetë deri në nivelet maksimale. Nesër do kemi edhe mbështetjen e tifozëve. Duhet të shkojmë te fitorja, por kjo nuk do të jetë në çdo moment në kokën tonë, pasi ndryshe do prishnim gjithë përgatitjet që kemi bërë gjatë këtyre dy javëve”.

“Mungesat? Nuk dua ta prek këtë pjesë, pasi kemi që nga fillimi që nuk kemi qenë të plotë. Nuk jemi ankuar, edhe pse kemi luajtur me të rinj. Jemi mësuar me këtë fakt dhe nuk dua ta kemi si justifikim. Me kontingjentin që kemi në dispozicion them se do ta përballojmë ndeshjen.

VELIU – “Është një ndeshje specifike, pasi përballë kemi Tiranën edhe pse vijnë nga një moment jo i mirë. Kanë kaluar një moment të vështirë edhe vitin e kaluar, por mbeten një ekip me traditë, i fortë dhe për t’u marrë seriozisht. Ende nuk është vendosur se kush luan. Është ndeshje që do të jetë në fokus, i bëj thirrje tifozëve të na mbështesin. Shpresojmë të mos i zhgënjejmë”.

Më pas ka ndërhyrë vetë Daja, i cili ka konfirmuar praninë e Veliut në formacion. “Lojtarët, në gjithë ekipet që kam drejtuar, e dinë se kush do jenë titullarët. Nuk e di pse Franci e ka në dyshim këtë. Shpresojmë të mos na dëmtohet sot pasdite, pasi kjo do ishte arsyeja e vetme që mos ta nisë si titullar”.

MUSTA – Ndaj Tiranës, i gatshëm për lojë është edhe Musta. “Unë kam tre kartonë dhe nuk e di se çfarë është shkruar nëpër media. Kam folur me klubin dhe rezulton se jam me tre kartonë dhe jo me katër. Do jem gati për këtë sfidë. Është ndeshje e fortë me Tiranën, janë një ekip me traditë. Por edhe ne jemi Flamurtari, një ekip i madh. Në fushën tonë hyjmë për fitore”, është shprehur lojtari i linjës së majtë.