Braziliani la “Aspirinat” në vitin 2000 për t’u transferuar te Roma, aty ku qëndroi katër sezone dhe fitoi një titull kampion dhe një Superkupë Italie, duke u bërë një nga mesfushorët më të mirë në rolin e tij për një farë periudhe.

Më pas erdhi transferimi te Juventusi, Reali i Madridit, Milani dhe rikthimi në Brazil te Santosi. 42 vjeçari ka folur për “MC Sport”, aty ku tregon të vetmin ekip që mund të konkurrojë me Juventusin në kampionatin italian.

“Sipas mendimit tim, Roma është e vetmja skuadër që mund të luajë në nivelin e Juventusit në kampionat. Verdhekuqtë mund të bëjnë gjithçka, madje edhe të përjetojnë një sezon aspak pozitiv si ky i sivjetshmi”, thekson braziliani 42-vjeçar.

Arsenali dhe Çelsi duket se “grepat” e tyre i kanë hedhur pikërisht në Amerikën Latine, konkretisht tek ekipi i Atletiko Mineiros. Klubi brazilian po përballet me disa probleme financiare dhe merkatoja e janarit pritet të sjellë shumë largime nga ekipi, sidomos lojtarët që shihen me të ardhme. Një prej tyre është mbrojtësi i djathtë, Emerson.

Talenti 19-vjeçar, i cili ka bërë një sezon mjaft të mirë me klubin bardhezi, duket se ka zgjuar interesin e Arsenalit dhe Çelsit, të cilët duan ta kenë në ekipin e tyre Emerson që në janar. Sipas asaj që raportohet nga mediat angleze, skautë nga të dyja ekipet kanë qenë të pranishëm në ndeshjen e fundit të luajtur nga Mineiro në shtëpi.

Klubet londineze janë të gatshme të paguajnë deri në 8 milionë sterlina për shërbimet e 19-vjeçarit, por kjo ofertë mund të rritet, pasi kërkesat e klubit brazilian janë më të larta për djaloshin e talentuar.