Për afrimin e Nikolas Pepe: “Po punojmë, klubi po punon që të përforcojë skuadrën. Janë disa lojtarë të ndryshëm në radarin tonë, duam firmën e tyre. Pepe është një futbollist shumë i mirë dhe është një lojtar që do ta përforconte tepër skuadrën. Para ndeshjes së parë kundër Njukasëllit, synojmë të kemi një skuadër të plotë dhe me të fortë se ajo e sezonit të shkuar”.

Merkato në vazhdim: “Kemi vendosur çfarë duam: Të përforcohemi sa më shumë. Në fillim, po mendonim të afronim vetëm një lojtar shumë të shtrenjtë, ndërsa tani kemi ndryshuar planet dhe jemi në treg për tre pozicione. Një qendërmbrojtës, një mesfushor dhe një sulmues krahu. Gjithashtu, kemi dhe një skuadër shumë solide nga sezoni i shkuar, me lojtarë që do të rriten akoma dhe me tepër”, u shpreh Emeri.

Në një intervistë, ylli gjerman ja lë fajin vetëm dëmtimeve dhe mohon të ketë një konflikt të hapur me trajnerin. Ai deklaron se ka biseduar me të. Shprehet se Emeri do e ndihmojë të arrijë formën më të mirë. Ka besim se sezonin e ardhshëm do të kthehet ai i dikurshmi.

“Ju e dini që kam pasur shumë trajnerë në karrierën time dhe sigurisht çdo trajner është i ndryshëm dhe dëshiron diçka ndryshe nga ti si një lojtar. Por kam pasur disa dëmtime para se sezoni të fillojë vitin e kaluar, kështu kam pasur një kohë të vështirë. Në fund të sezonit kam luajtur shumë ndeshje. Kam një marrëdhënie vërtet të mirë me trajnerin. Po flasim shumë dhe ai dëshiron të më ndihmojë. Gjithashtu unë dua të ndihmoj ekipin dhe mendoj se do shkojë gjithçka mirë për mua dhe klubin”, u shpreh mesfushori.

Në ndeshjet e fundit, Ozil duket se e pati fituar besimin e trajnerit. Emeri zgjodhi ta fusë në formacionin e parë gjatë finales së Europa League, të humbur 4-1 ndaj Çelsit. Përkundër besimit të teknikut, ish-ylli i Real Madrid nuk dha asgjë në fushë. Ai zhvilloi një ndeshje monotone, pa marrë iniciativa dhe rreziqe mbi supe.

Emeri vendosi ta zëvendësonte në minutën e 78 me të riun Xho Uillok. Ky veprim i trajnerit e acaroi Ozil. Siç raporton sajti turk “Fanatik”, Ozil reagoi me një shprehje në turqisht. “Betohem që ti nuk je trajner”, ishte ajo çka tha mesfushori në shenjë proteste për daljen e tij nga fusha dhe futjen e një të riu pa eksperiencë.

“Janë një klub i madh me histori dhe më një trajner të njohur. Kanë lojtarë të mirë dhe renditen të dytët në kampionat. Mendoj se shanset për të kaluar në gjysmëfinale janë 50 me 50. E dimë që ata janë të aftë të përmbysin rezultatin në Napoli pasi janë një ekip i fortë”.

“Ëshë e rëndësishme që të shënojmë. Mentaliteti jonë është që të shënojmë as më shumë gola dhe të nisemi menjëherë për në sulm sapo të marrim kontrollin e topit.  Është një ndeshje futbolli, s’ka vend për frikë kur ndeshen dy skuadra me kaq shumë eksperiencë. Do të jetë 90 minuta të gjata shumë më të ndryshme nga ato të ndeshjes së parë”, përfundoi Emeri.

Në kuadër të ndeshjes që luhet nesër, ka folur përpara mediave numri një i pankinës së londinezëve, Unai Emeri. Trajneri spanjoll, është pyetur mbi çështjen e shumë përfolur të Mesut Ozil, i cili ka luajtur shumë pak këtë sezon, ku përveçse i dëmtuar, në disa raste ka qenë në stol edhe për zgjedhje të vetë trajnerit.

Emeri është përgjigjur se nuk ka asgjë me gjermanin dhe se e vetmja gjë që kërkon nga ai është qëndrueshmëria.

“Çelësi është në duart e tij. Këtë javë ka punuar mirë. Nga ai kërkoj qëndrueshmëri. Duhet të tregojë qëndrueshmëri në stërvitje dhe të mos ketë dëmtime.”

“Duhet të bëjmë më mirë fazën mbrojtëse dhe sulmuese. Na duhet pak kohë që të ndërtojmë mentalitetin e të kemi vetëbesimin e duhur. Nuk them se skuadra nuk ka mentalitetin e duhur, por kur ndeshemi ndaj kundërshtarëve më të mirë, djemtë e ndjejnë këtë gjë dhe kjo ndikon në lojën e skuadrës. Lojtarët e rinj mësojnë nga këto humbje, duhet të tregohemi optimist”

“Ata kanë shumë lojtarë cilësorë. Nuk kemi si t’i ndalojmë ato lloj golash. Nuk kam se çfarë t’u them lojtarëve të mi. Ata punuan fort dhe u gjendën në vështirësi. Duhet ta pranojmë se ne jemi shumë mbrapa tyre”, përfundoi tekniku spanjoll.

Tekniku spanjoll ishte ai që vendosi për të mos i rinovuar kontratën, pasi uellsiani nuk i përshtatej stilit të tij të lojës. Edhe pse Ramsei është aktualisht lojtari më jetëgjatë në klubin londinez, Emeri nuk e konsideroi të rëndësishëm në fillim të sezonit.

Gjithsesi, spanjolli ishte i gatshëm ta mbante në ekip, por Ramsei nuk pranoi të ishte lojtar stoli dhe si pasojë, zgjodhi të largohej drejt Juventusit. Për këtë marrëveshje, Emeri tha: “Ramsei është lojtar cilësor.

Aftësitë e tij dihen dhe për Arsnealin, ai bën gjithmonë të pamundurën. Nuk kam ç’të them më, vendimi është i atij dhe unë e respektoj. I uroj fat në të ardhmen, kudo që të jetë”,- përfundoi strategu i “Topçinjve”.

Spanjolli ka mundur që të marrë medaljen e artë në tre edicione radhazi në Europa League, duke nisur që nga sezoni 2013-2014. Tani, kërkon sërish që të ketë sukses me Arsenalin e tij në këtë komepticion, pasi edicionin e shkuar shkoi deri në gjysmëfinale. Gjithsesi, suksesi i arritur mbrëmjen e djeshme ndaj Vorsklas është historik për Unai Emeir, i cili ka vënë një rekord.

46-vjeçari ka arritur plot 32 fitore në Europa League, më shumë se askush tjetër më parë në këtë komepticion. Një sukses shumë i veçantë për teknikun, i cili konsiderohet si eksperti i Ligës së Europës.

Sipas “ESPN”, fantazisti është përfshirë në një debat të ashpër me trajnerin Unai Emeri në seancën stërvitore të ditës së djeshme. Tekniku spanjoll mori menjëherë vendimin për të përjashtuar 29-vjeçari nga ndeshja e ardhshme.

Tani mbetet për t’u parë se si do të zgjidhet ky konflikt midis palëve. Fantazisti gjerman është lojtari më i paguar në skuadër dhe një ndër lojtarët me më shuam eksperiencë, prezenca e tij në fushën e lojës jetike për “topçinjtë” dhe me siguri paqja do të gjendet shumë shpejt.

“Jam i kënaqur me shortin. Mbi të gjitha, për të qenë konkurrues në grup, duhet të pranosh edhe rezultatet e shortit. Gjëja më e rëndësishme në këtë grup është të jemi të parët duke qenë më të mirët. Bajerni është një skuadër shumë e fortë. Ne do të jemi dy favoritët e grupit. Pastaj kemi edhe dy ndeshje të tjera, të cilat duan të befasojnë. Selltiku është shumë i rrezikshëm në shtëpi. Janë skuadër me histori, ashtu si edhe Anderlehti, për të cilin kemi shumë respekt. Synimi ynë është vendi i parë, me gjithë respektin për tri skuadrat e tjera”.