Protagonist ishte Emanuel Mensah, i cili e mori topin nga Kardozo prej mesit të fushës dhe përparoi drejt zonës dhe në fund asistoi për brazilianin. Bie në sy edhe fakti që ganezi tashmë ka marrë numrin nëntë, që mbahej vjet nga Rubin Hebaj.

MIQËSORE – E MARTË, MË 2 KORRIK

Partizani-Krakovia 1-0
Shënues: Kardozo 74’

Partizani: Hoxha, Ibrahimi, Belica, Bitri, Hakaj, Telushi, Hila, Kote, Asani, Uilliam Kordeiro, Çinari.  (U aktivizuan: Malaj, Mensah, Kardozo, Broja, Kodra). Trajner: Franko Lerda

Në emisionin “E Diell” në Top Channel, ku Mensah ka qenë i ftuar së bashku me pjesën tjetër të ekipit, ka treguar se edhe mund të këndojë. Mirë apo keq, u mbetet artistëve ta vlerësojnë. Lauren Daigle, autore e këngës “Trust In You” që Mensah këndon, do duhet të japë një notë.

 

View this post on Instagram

 

???? ??????

A post shared by Emmanuel Mensah (@immanuelblessed) on May 27, 2019 at 8:06am PDT

Jurgeni Bardhi, një nga miqtë e tij më të mirë në ekip, e ngel në klasë, teksa komenton: “Katastrofë”. Një tjetër i shkruan: “Luaj futboll vëlla, mendoj se është më mirë”. Ka edhe nga ata që i bëjnë qejfin: “Zëri më i bukur mashkullor”.

Për t’i arritur këtij qëllimi, në klubin e Partizanit kanë vendosur që dy prej titullarëve dh elojtarëve më të mirë të luajnë me ekipin e dytë. Jasir Asani dhe Emanuel Mensah janë të pezulluar me kartonë dhe nuk mund të aktivizohen në derbi me ekipin e parë.

Dëshira e tyre do ishte të ishin nën urdhrat e trajnerit Skënder Gega dhe të jepnin kontributin e tyre për ekipin në finalen e titullit kampion, ose të paktën të përjetonin emocionet e derbit nga tribuna. Kjo nuk do të ndodhë dhe ata janë të “dënuar” të ndihmojnë Partizanin B të mposhtë bardheblutë.

Ganez Emanuel Mensah nuk arrin të bëjë kontaktin e duhur me topin edhe pse me portën e boshatisur vetmë pak metra larg tij.

40’ – E pabesueshme çfarë humbet Mensah. Pas një kombinimi të mirë nga e djathta mes Asanit dhe Ibrahimit, topi mbërrin në qendër të zonës së Laçit. Aty ndodhet i lirë sulmuesi Mensah, por me portën e boshatisur, e çon topin jashtë. Nuk iu beson syve sulmuesi i “Demave”.

Në lidhje me Luftëtarin: “Sigurisht çdo ndeshje është e vështirë. Të udhëtosh tre orë pas ndeshjes me Kukësin, është normale që të ketë edhe lodhje”. Mensah së fundmi nuk po shënon, edhe pse po i merr minutat e kërkuara herë pas here.

“Futbolli është i tillë, ndonjëherë nuk i parashikon dot gjërat. Futesh në fushë dhe jep gjithçka dhe gjërat nuk shkojnë si do. Janë gjëra që ndodhin, edhe lojtarët e mëdhenj e kalojnë një moment të tillë. Duhet të vazhdojmë të punojmë, jam i sigurt që do të vijnë edhe golat. Prisni një gol nesër? Sigurisht. Dëshira ime është të shënoj çdo ndeshje, edhe në miqësore. Do ishte ideale të shënoja”.

“Dy javët e ardhshme, delikate? Çdo ndeshje është e rëndësishme, duhet të japim maksimumin dhe të marrim pikët maksimale. Tani nuk mund të lëmë asnjë pikë. Derisa të jemi matematikisht kampionë, nuk bëjmë dot asnjë llogari”.

“Partizani, trampolinë për ju? Po, çdo lojtar ëndërron të shkojë në kampionate të rëndësishme. Duhet të punoj fort çdo ditë për këtë. Partizani është një vend i mirë për të punuar fort dhe për të synuar transferimin në një kampionat më cilësor. Uroj të ndodhë. Është një mundësi e mirë për mua”.

MUNGESAT – “Më shqetësojnë të gjithë, lojtarët janë në terapi e sipër. Nga stafi më kanë thënë se do jenë gati, jo të gjithë. Kërçiku nuk do të jetë gati. Më shqetëson fakti që kur ekipi nis të luan mirë, një lojtar nuk mund të aktivizohet, dhe kjo pengon rritjen e ekipit dhe të individëve”.

SFIDA ME TEUTËN – “Ekipet e kreut kanë lojtarë cilësorë dhe bëjnë diferencën. Në kampionatin tonë duhet përqendrim dhe nëse ndodh kështu, çdo gjë mund të flasë edhe për tyre pavarësisht emrave. Sa i takon Teutës, do jetë një ndeshje shumë e fortë. Ata kanë kualitete. Jemi përgatitur dhe mendojmë për rezultat pozitiv. Nuk kënaqem kurrë me barazim, por vetëm me fitore. Barazimi është diçka që nuk të ngjit, të paktën mua për mentalitetin që kam. Gjithsesi ne mendojmë që të mos humbim dhe më pas të fitojmë ndeshjen. Shpresoj që ekipi të synojë fitoren, pasi Tiranës i duhen ndeshjet”.

PJESA E PARË ME KAMZËN – “Është pyetje e drejtë, jam marrë me analizën e pjesës së parë me Kamzën, me çfarë nuk shkoi në të. U rikthyen disa ngjarje të mëparshme, por kemi pasur edhe një lloj lodhjeje fizike. U ndërpre ndeshja me Flamurtarin, luajtëm ditën e dytë dhe ka njëfarë stresi psikologjik. Ndeshjet janë afër dhe kanë specifikën e vet. Plus na duhen edhe fitoret dhe kemi presion sa i takon rezultateve. Ne trajnerët shohim gjërat që nuk shkojnë, pasi duam të riparohemi”.

PESË NDESHJE VENDIMTARE – “Nuk mund ta them këtë, kampionati ka dy faza. Shpresoj t’i fitoj të gjithë ndeshjet. Ka edhe ndeshje që humbim, apo barazojmë. Nëse fitojmë nesër, gjërat ndryshojnë. Na presin ndeshje të forta, nuk diskutohet. Duhet të punojmë shumë për menaxhimin e rezultateve dhe lojës. E them këtë pasi kemi shënuar shpesh herë të parët, por nuk kemi ditur ta menaxhojmë. Tani ka ndryshuar diçka në këtë aspekt. Tani mund t’i shohim gjëra disi më ndryshe”.

OBJEKTIVI – “Tirana luan në dy frontet. Kemi luajtur ndeshjen e parë të fazës së tretë, matematikisht nuk ka ndryshuar gjë. Na duhet vazhdimësi dhe t’i marrim ndeshjet hap pas hapi. Duhet të rritemi si ekip, pasi është me rëndësi të fitojmë dhe të kemi një objektiv tjetër: që është ngjitja sipër, apo largimi nga zona e ftohtë”.

MERKATO – “Lojtarët që vijnë në ekip duhet të bëjnë diferencën. S’e kemi pasur këtë fat, që të na vijë një lojtar që bën diferencën. Kam dëgjuar për një ekip që ka marrë një lojtar që nuk luan prej një viti. Unë nuk mund ta marr, nuk më shkon. Kjo edhe për pikët që kemi. Secili ekip ka objektivat e veta, katërshja e parë lufton për titullin. Gjithsesi kjo nuk të bën të marrësh lojtarë në emergjencë. Unë nuk i marr po nuk isha i bindur. Janari ta sjell këtë lloj kushti, që t’i të mos bindesh. Një lojtar që ka qenë i Partizanit (Mensah), nuk është se kemi negociuar ne klub me klub, por vetë lojtari ka shprehur dëshirën për t’u larguar. Unë e pëlqeva dhe mendova të negocioj me futbollistin. Është e mbyllur? Them se po”.

“Deri tani që isha me presidentin dhe me shefin e klubit, do shikojmë në vazhdim. Nuk them dot gjë. Ju kam thënë se do ju them, e ka shkruar edhe media. Do ju njoftojmë për lojtarët e tjerë”.

Futbollisti 24-vjeçar me Partizanin nuk është aktivizuar vetëm në një ndeshje, ndërkohë që në nga 17 përballjet që ka luajtur 11 herë trajneri Gega e ka përzgjedhur titullar. Ganezi, si çdo lojtar tjetër, dëshiron të luajë dhe të ketë mbështetjen maksimale të trajnerit.

Ai është nën kontratë me Partizanin deri në fund të sezonit, por edhe mund të largohet që tani. Të kuqtë edhe mund të heqin dorë prej tij, duke pasur parasysh alternativat që kanë për krahët e sulmit. Gjithashtu do ishte një mundësi për të kursyer para, që mund të investoheshin në afrimin e një sulmuesi.

Mensah ka oferta dhe klubi favorit për të përfituar shërbimet e tij është Tirana. Trajneri Mema e pëlqen 24-vjeçarin, i cili mund të luajë në disa pozicione të sulmit. Me Ngo ai mund të bëhej shumë i rrezikshëm. Gjithashtu edhe Flamurtari e ka kërkuar ganezin.

Për Mensah është interesuar edhe Luftëtari bëjnë me dije burime të SportEkspres.com. Gjirokastritët janë në kërkim të një sulmuesi dhe një mesfushori qendror. Për trajnerin Mezani do të ishte një “dhuratë” nga drejtuesit, por zor se futbollisti i Partizanit do ta pranojë një ofertë nga bluzinjtë. Kastrioti është klubi tjetër që ka tentuar Mensah, i cili shumë shpejt duhet të ndajë mendjen për të ardhmen e tij.

VLADIMIR PRENGA