Në këtë periudhë në klubin lezhjan konfirmohet vetëm largimi i mesfushorit Omar Kamara, i cili luajti tre sezone rresht me Besëlidhjen. Gjatë këtyre përgatitjeve ai i është bashkuar Kukësit dhe pritet të nënshkruajë me verilindorët në Superiore.  Mbetet për t’u mësuar e ardhmja e Lambert, Isak dhe Abubakar.

Drejtuesit e Besëlidhjes kanë menduar që skuadra të mblidhet në javën e parë të muajit korrik, ku pas dy javëve përgatitje në Lezhë, skuadra mund të vazhdojë përgatitjet në terrene malore ose në bregdet. Në sezonin e kaluar Besëlidhja u rendit në vendin e tretë, ndërkohë që këtë sezon edhe vetë trajneri i ri e pranon se objektiv është ngjitja në Kategorinë Superiore.

AGRON KAJA

“Nuk kam asnjë kontakt me klube të Kategorisë së Parë, pretendoj vetëm pankinë në Superiore”, ishte kjo përgjigja e Devollit.  Plori e le të hapur rrugën: “Ende nuk kam një përgjigje, por besoj se javën tjetër do vendoset gjithçka. Unë jam në tregun e trajningut dhe mbetem i gatshëm të bashkëpunoj me çdo skuadër, me kushtin që të krijohet një ekip pretendent”, ishte kjo përgjigja e Plorit, që duket sikur e konfirmon faktin se ai kërkohet për pankinën e Besëlidhjes.

41-vjeçari Elvis Plori ka 10 sezone që i ka hyrë rrugës së trajningut, me startin si asistent te Vllaznia dhe më pas me skuadra të Superiores dhe të Kategorisë së Parë, si trajner i parë te Burreli disa sezone, Tërbuni e Kastrioti.

Besëlidhja ka mbetur pa trajner pas largimit të Vladimir Gjonit në fundin e sezonit të kaluar dhe Plori është një nga kandidaturat. Një emër tjetër i tentuar nga lezhjanët ka qenë edhe Samuel Nikaj, i cili pritet ta vijojë karrierën në Kosovë.

AGRON KAJA

“Pas përfundimit të kontratës me Burrelin, e kam detyrim moral e profesional edhe një takim me drejtuesit e klubit e të Bashkisë. Gjithsesi nuk i kam thënë ‘jo’ bisedave edhe me ekipe të tjera, sepse jemi në një periudhë merkatoje. Përzgjedhja më e mirë është gjëja e parë që duhet bërë.

Kam patur dhe kam bisedime me dy klube këtu në Shqipëri. Ju po këmbëngulni për Apoloninë, por nuk deklaroj emra skuadrash. Për të vendosur duhet pak kohë, që të dyja palët të jemi të qartë”, u shpreh Plori për SportEkspres.com.

Trajneri shkodran pritet që shumë shpejt të vendosë për të ardhmen e tij, pasi tanimë nis edhe ndërtimi i skuadrave dhe kudo që të shkojë i duhet të punojë për të bërë një skuadër cilësore. Sezonin e shkuar ai e nisi në Superiore te Kastrioti, për të kaluar më pas te Burreli.

AGRON KAJA

Për SportEkspres.com, Plori deklaroi se më 31 maj, kontrata e tij në pankinën e Burrelit përfundoi. “Zyrtarisht unë e mbylla kontratën më 31 maj dhe ndihem mirë për faktin se skuadra qëndroi në Kategorinë e Parë. Kjo ishte një mbyllje e mirë, edhe pse ka qenë një kampionat me shumë stres, jo vetëm për zhvillimin e tij, por edhe nga faktorë të tjerë që e vështirësojnë garën në këtë kategori. Për këtë eksperiencë, ndihem i detyruar të falënderoj Bashkinë për besimin”.

Plori e le të hapur qëndrimin te Burreli: “Më 31 maj, mua më përfundoi kontrata me Burrelin, por edhe mund të qëndroj për një tjetër sezon, nëse nga Bashkia do të ketë një projekt serioz. Është sakrificë e madhe, sidomos nga ana profesionale që të mos kesh një projekt të mirë, pasi puna bëhet e mirë nëse projekti është i tillë. Ndaj, unë do bëj zgjedhjen më të mirë, koha është në favor”, përfundoi trajneri.

AGRON KAJA

Pas fitores së sotme me skuadrën nga Kopliku ai nuk është përmbajtur. E ka me rivalët, që sipas trajnerit shkodran kanë gabuar me llogaritë e tyre në një kampionat që ai e ka habitatin e tij. Rezultati i ka dhënë të drejtë Plorit.

Për mediat në Shkodër ai ka deklaruar: “Javën e fundit ishim pushim dhe të gjitha llogaritë, sipas tyre, jo sipas nesh, ishin të tjera. Nuk dua të zgjatem shumë, jam shumë i gëzuar, por u ngatërruan me babën e Kategorisë së Parë. Fitoi zemra dhe jo lapsi, kaq”.

Një ndeshje që për lezhjanët vlen sa një sezon. Trajneri i Burrelit, Elvis Plori, deklaron se do të jetë një ndeshje shumë e fortë. Për SportEkspres.com, trajneri shkodran theksoi se Burreli shkon për të marrë maksimumin.

“Shënkolli është fushë e vështirë dhe pak ekipe kanë marrë pikë, por ne do shkojmë në këtë sfidë për të dhënë maksimumin tonë. Jemi në lojën e mbijetesës të gjitha ekipet, prandaj kërkoj një skuadër cinike. Përqendrimi duhet të jetë fjala kryesore në këtë ndeshje”, u shpreh trajneri Plori.

AGRON KAJA

Sipas teknikut shkodran, Vora edhe pse ka vetëm 5 pikë, ka të drejtë të shpresojë te mbijetesa. Matematika ua lejon diçka të tillë, ndërkohë që  Burreli do mundohet të marrë maksimumin dhe të realizojë sa më shpejt objektivin sezonal.

Për SportEkspres.com, Plori deklaroi: “Ndeshja me Vorën është përcaktuese për Burrelin, pavarësisht se jemi në krye të zonës Play-out në Grupin B. ‘I mbyturi të mbyt’ , ndaj duke qenë se edhe matematika na mban të gjitha skuadrave në lojë, duhet seriozitet dhe vlerësim për këtë sfidë. Ky pushim nuk na favorizon, por duke qenë i planifikuar, po e respektojmë me përgatitjet dhe miqësoret që do zhvillojmë”.

AGRON KAJA

Madje shkodrani thekson se lufta për mbijetesë do të jetë shumë e fortë deri në fundin e fazës së tretë. Të dielën në “Liri Ballabani” te Burreli mungon Emiljano Veliaj i skualifikuar, por Plori i ka marrë masat për zëvendësimin e mesfushorit beratas.

“Burreli nuk e arriti synimin që të renditej në zonën Play-off të Grupit A, por edhe në Play-out nuk është dorëzuar për mbijetesë. Ne jemi në kreun e kësaj zone, por objektivi ynë për të qenë pjesë e Kategorisë së Parë edhe për sezonin tjetër nuk është sigurt.

Ndaj në ndeshjet e fazës së tretë jemi të fokusuar vetëm te fitoret. Të dielën ndaj Ilirisë luajmë vetëm për tri pikët. Kemi vetëm mungesën e futbollistit me përvojë Emiljano Veliaj, por i kemi mundësitë që ta zëvendësojmë me lojtarët që kemi në dispozicion”, mbyll Plori deklaratën e tij

AGRON KAJA

Sot para miqësores me Dinamon, Plori deklaroi se ka kohë për të bërë më të mirën me grupin aktual. “Në bashkëpunim me Bashkinë e klubin ne kemi afruar futbollistë që nuk do na zhgënjejnë në synimin që skuadra e Burrelit ka në këtë vazhdim të këtij sezoni. Ne nuk do ngutemi në këtë merkato. Me dy afrimet: Senad Lekaj e Milan Vuksanoviç, emra që tregojnë se do jenë mbështetje serioze në arritjen e synimit që skuadra ka në këtë sezon, kemi hedhur një hap të rëndësishëm ”.

“Deri në nisjen e kampionatit më 2 shkurt janë edhe dy javë, që për ne do të jenë intensive dhe me ritëm në përgatitje, por edhe me lëvizje në merkato. Jemi në bisedime me dy futbollistë të njohur në Kategorinë e Parë dhe shpresojmë që deri javën tjetër t’i kemi mbyllur bisedimet me ta. Sot në miqësoren me Dinamon do ta shoh më mirë gjendjen në skuadër, së cilës i duhet më shumë besim tek objektivi kryesor i këtij sezoni. Kjo do të jetë më e rëndësishme në këtë periudhë përgatitore”.

Nga skuadra e Burrelit janë larguar katër futbollistë: Xhixhua, Olamba, Baholli e Danaj, ndërsa janë vetëm dy afrimet: Senad Lekaj e Milan Vuksanoviç. Matjanët renditen në vendin e 9-të në Grupin A të Kategorisë së Parë me 15 pikë, duke u pozicionuar në grupin e skuadrave që do të luftojnë për mbijetesë në këtë kategori.

AGRON KAJA

“Ka qene një ndeshje e mire për Burrelin, më shume për lojën e mirë që zhvilluam. Krahasuar me vitin e kaluar, progresi ishte i dukshëm. Deri në rinisjen e kampionatit, kam marrë miratimin e kryetarit të Bashkisë edhe për dy përforcime të reja, sepse ne mendojmë të ngjitemi në renditje në fundin e fazës se dytë”, thekson shkodrani i stolit të Burrelit për “Sportekspres.com”.

Kjo ishte miqësorja e dytë gjatë kësaj periudhe për ekipin verior, ndërsa trajneri ka garantuar një tjetër miqësore në mesjavë kundër një ekipi të Kategorisë së parë.

Burreli-Partizani B 1-0
(Mehmeti 70′)

“Kanë ardhur disa lojtarë në provë, ndërsa shumë lojtarë janë larguar nga skuadra dhe unë së bashku me drejtuesit kemi menduar të bëjmë diçka të mirë për të siguruar sa më shpejt mbijetesën”.

AFRIMET E REJA – “Do fillojmë me portën dhe qendrën e mbrojtjes, pasi aty shikoj një mungesë stabiliteti, gjithashtu do kërkojmë dhe një anësor të shpejtë, që t’i përshtatet lojës sime. E rëndësishme është që klubi të jetë korrekt, pasi e dimë që në Shqipëri kanë shumë probleme financiare. Kur kam ardhur kam kërkuar që të jetë kjo korrektësi. Në ekipet që administrohen nga bashkia, problemet e pagave zgjidhen në fazën e dytë, pasi buxhetet vjetore miratohen në janar e në muajt në vijim”, tha Plori.

“Në këtë fillim muaji, bashkia dhe drejtuesit të klubit të Burrelit janë ulur për vazhdimësinë e skuadrës së futbollit në Kategorinë e Parë. Së bashku kemi diskutuar për gjendjen aktuale të skuadrës, e cila renditet në vendin e 9-të në Grupin B, ku intersi dhe angazhimi i tyre është që ekipi të dalë nga kjo situatë. Mbështetja e tyre nuk ishte vetëm ana financiare, por edhe për merkato cilësore”, kështu deklaroi trajner Elvis Plori i Burrelit.

Ndërkohë, shkodrani i bankinës matjane deklaron se sot Bashkia vendos për një fond 100 milionë lekë për skuadrën e Burrelit, të cilën ai e quan të plotë për arritjen e synimit. “Unë kam marrë mbështetjen e plotë të bashkisë dhe të klubit për një fond 100 mln lekë për gjysmën e dytë të sezonit. Vecc detyrimeve të tjera, me këtë fond do të kryejmë merkato me 5-6 futbollistë. Aktualisht jemi në biseda me dy lojtarë malazezë dhe dy shkodranë, ndërkohë që presim dy të tjerë nga Superiorja”.

AGRON KAJA

“Unë nuk jam euforik në këtë deklarim, por realist në gjendjen e skuadrës. Ka elementë në këtë ekip që duhet të kishin dhënë më shumë se sa vendi i parafundit në renditje, por fillimi i këtij sezoni ka patur disa problematika, të cilat gradualisht u normalizuan. Burreli nuk do ta diskutojë mbijetesën në Kategorinë e Parë, edhe pse faza e tretë është paksa e ashpër me përgjysmimin e pikëve”.

Ndërsa mendon se takimin e radhës me Vorën duhet ta fitojë, tekniku shkodran deklaron se Burrelit i duhen tre-katër përfircime gjatë merkatos së janarit. “Këtë fundjavë luajmë me Vorën në fushën tonë, një ndeshje e fortë që duhet fituar. Kështu ngjitemi diçka në renditje dhe bëhemi gati për katër ndeshjet e mbetura të fazës së dytë, në të cilat synojmë të marrim 6 pikë”.

“Trajneri Elvis Plori ka paraqitur dorëheqjen e parevokueshme nga drejtimi i Kastriotit dhe prej ditës së sotme nuk është më trajner i skuadrës. Pavarësisht punës së madhe që tekniku ka bërë që në qershor me skuadrën, rezultatet nuk ishin ato që priteshin dhe kjo është arsyeja që tekniku e pa të arsyeshme të largohej me vullnetin e tij të plotë duke i paraqitur dorëheqjen e parevokueshme presidentit Vogli. KS Kastrioti e falënderon teknikun për kontributin e dhënë gjatë gjithë kësaj kohe në drejtimin e skuadrës, dhe i uron suksese në karrierë trajnerit Plori”, shkruhet në deklaratën e klubit krutan.

Ndërkohë është gjetur edhe trajneri i ri. Do të jetë Stavri Nica ai i cili rikthehet të drejtojë në Superiore. Këtë sezon ai e nisi në krye të Burrelit, por vetëm para pak kohësh u largua nga matjanët. Prezantimi i durrsakut do të bëhet nesër.

“Është e vërtetë, renditja nuk gënjen dhe jemi realisht ekipi më i dobët në Superiore në këtë moment. Megjithatë, edhe sot luajtëm mirë në periudha të caktuara, patëm raste dhe pretenduam edhe një penallti, por Teuta shënoi me një rast dhe më pas na goditi në momentin tonë më të mirë, edhe në rastin e golit të dytë. Na dëmtoi edhe dëmtimi i Domgjonit, nuk kemi ç’bëjmë. Pikët flasin vetë”.

“Të rinjtë në ekip, pa eksperiencë? Jo, i kemi përzgjedhur me kujdes. Edhe portieri është lojtar i talentuar dhe me të ardhme, edhe pse 18 vjeç. Mungesa e eksperiencës ndihet, por më vjen mirë që këta të rinj kanë mundësi të rriten dhe të tregojnë sa vlejnë. Është e drejtë që duhet një gërshetim i mirë mes të rinjve dhe lojtarëve me eksperiencë”.

“Janari si shpëtim? Kur mungojnë pikët, mungon gjithçka. Nëse marrim pikë është shumë më ndryshe dhe deri në janar duhet të grumbullojmë sa më shumë, sepse po luajmë futboll”.

SITUATA – “Jam i zhgënjyer, pësojmë shumë lehtë gola. Duhet të mos humbnim, edhe pse Tirana është klub i madh. Nuk është se situata do përkeqësohet, kam 25 lojtarë. jam i qetë në stol dhe në deklarata. Do flas mirë me drejtuesit, edhe pse kam mbështetjen e tyre. Nuk është ndryshimi te lojtarët, edhe unë marr përgjegjësitë e mia. Janë edhe mundësitë financiare. Do i kontaktoj dhe unë jam i hapur të largohem në të mirë të skuadrës.”

EKIPI – “Kjo skuadër është ndërtuar me mundësitë tona. Jam munduar të ruaj boshtin . ritmi i së Parës ndryshon me të Superiore. Në mbrojtje kemi lëvizur pak. Kemi pasur edhe dëmtime e penalizime. Është dashur të forcohemi në mbrojtjes.”

“Ndeshjet e kupës kanë një specifike të veçantë. Janë ndeshje me dy takime dhe nëse skuadra nuk shënon të vënë në siklet. nëse humb raste ashtu siç na ndodhi ne, pastaj të zë frika dhe futesh në panik se mos pëson. Gjithsesi e kaluam këtë ndeshje dhe jam i kënaqur”, u shpreh Plori fillimisht.

PARTIZANI – “Objektivi ynë kryesor është qëndrimi në Superiore, por sigurisht që nuk do ta anashkalojmë edhe Kupën. Do mundohemi që të paktën me Partizanin të tregojmë se jemi një skuadër që nuk jemi kot në Superiore”, shtoi trajneri shkodran.

FLAMURTARI – “Jemi dy skuadra me objektiva të ndryshme. Flamurtari ka hyrë fuqishëm në kampionat dhe synon të dalë kampion, ndërsa ne objektivat tona madhore janë që të qëndrojmë në kategori. Ashtu siç shfrytëzuan skuadrat momentin jo të mirë tonin kur erdhëm pas humbjeve, edhe ne do mundohemi të shfrytëzojmë momentin jo të mirë të Flamurtarit. Ata vijnë pas dy humbjesh. Nuk shkojmë në Vlorë për turizëm. Na duhen pikët dhe do shkojmë për të marrë më të mirën, aq sa të mundemi”, përfundoi tekniku i Kastriotit.

Ndryshim roli – “Domgjoni ka cilësi të mira, kërkova të ndihmonte në markimin e Vangjelit në mbipozicionet. Ndaj e vendosa në mesfushë”.

Ndeshja – “Jam mërzitur në pjesën e parë më së shumti me dublimin e krahëve. Nuk kishim agresivitetin e duhur, shkonim me vonesë te mesfushorët e qendrës. Do tentojmë të rregullojmë diçka. Në pjesën e dytë rrezikova më tepër. Nuk kishim çfarë humbnim. Kishim mundësi për ta hapur ndeshjen, nuk ndodhi. Më pas pësuam edhe golin e tretë”.

Taktika – “U dukëm skuadër e vogël, pasi Skënderbeu ka cilësi. Donim ta nervozonim kundërshtarin, ndaj nuk hodha sulmues në fillim. Ashtu doja ta ndaloja Skënderbeun, por nuk arrita”.

Me këmbë në tokë – “Nuk më ka shkuar në mend ta sulmoj Skënderbeun, kjo duke ditur sulmet anësore të Skënderbeut. Kështu e përgatita ndeshjen gjithë javën.”

“Të gjitha janë të forta, po t’i shikosh në letër nuk ka ndeshje të lehta. Megjithatë ne jemi pak më të qetë, jo si në fillimin e kampionatit. Them se nuk do ta kemi atë stres që kemi pasur para ndeshjes së parë, sidomos në minutat e para. Jemi më entuziastë, pasi kemi marrë një trepikësh. E shikoj edhe te lojtarët gjendjen më të mirë nga ana psikologjike, ndaj shpresoj të nxjerrim më të mirën nga kjo ndeshje”, ka thënë Plori në “Supersport”.

Më pas shkodrani thekson se një pikë i kënaq krutanët: “Unë duhet të jem shumë i kënaqur edhe me një pikë. Duhet të jemi me këmbë në tokë, edhe Skënderbeu e nisi me fitore. Pavarësisht largimeve ata e kanë boshtin e skuadrës, kanë një ekip të mbushur me talente. Normalisht do të isha i kënaqur me barazim. Me rëndësi është që ekipi të luajë si ndeshjen e parë”.

Në fund, në lidhje me pikat ku Kastrioti duhet të jetë më mirë, Plori thotë: “Duhet të kemi më tepër lojtarë në krah. Na duhet edhe një sulmues që përshtatet me lojën e ekipit. Nuk dua një ekip shumë sulmues, por me ekuilibër. Objektivi është të qëndrojmë në Superiore dhe ky objektiv nuk ndryshon”.

“Shkuam për të marrë një pikë morëm tre. Duhet të kthehemi me këmbë në tokë, vjen ndeshja e radhës me kampionët e Shqipërisë. E vlerësojnë të gjithë atë ekip, jo vetëm ne”, thotë mes të tjerash Plori në RTSH Sport.

Në lidhje me sfidën ndaj Skënderbeut, shkodrani thekson se Kastrioti do të ishte i kënaqur edhe me një pikë, pasi kundërshtari është një ekip mjaft i fortë. “Duhet të jemi të kënaqur edhe me një pikë, duke ditur se çfarë ekipi ka Skënderbeu”, shtoi Plori.

Në Gjirokastër Kastriotit iu mohua një penallti e pastër, ndaj edhe festa e golit të Mziut më pas u festua në mënyrë të çmenduar nga trajneri i krutanëve. Ai tregon edhe arsyen: “Isha i mbushur me emocione, pasi penalltia e mosakorduar më bëri të ndihem ashtu”.

Krutanët kanë zhvilluar edhe disa ndeshje të tjera miqësore: dy me Laçin, një me Kukësin dhe një me Teutën. Ajo çka është vënë re ka të bëjë me rreshtimin e skuadrës dhe trajneri Elvis Plori po tenton të mësojë skuadrën e tij me modulin 3-5-2.

Edhe në takimin e fundit u luajt pikërisht kështu. Dyshes Çela-Lila iu shtua Dajan Shehi, duke formuar kështu treshen e prapavijës. Mesfusha ishte reparti më i ngjeshur, me pesë futbollistë. Mziu, Çutra dhe i riu Shehu, të tre të rreshtuar në qendër të mesfushës. Patrik Bardhi dhe Nikola Stijepoviç plotësojë krahët.

Çarles Atsina është i përzgjedhuri për sulmin momentalisht, ndërkohë që krah tij ishte pozicionuar edhe greko-sudanezi Aleksandros Rahim, i cili me shpejtësinë dhe teknikën e tij mund të kthehet në një problem konstant për kundërshtarët. /VLADIMIR PRENGA/