Në Fushë-Krujë ishte Fangaj ai që shmangu humbjen me një gol të shënuar në minutat e fundit, kurse në sfidën e luajtur në Laç Xhixha në shtesë i dha fitoren kurbinase. Kështu që vlerësimi është maksimal për Kastriotin, edhe pse luhet në “Niko Dovana”.

SITUATA NË EKIP – Abdurrahman Fangaj dhe Fjoart Jonuzi e ndoqën nga tribuna ndeshjen me Partizanin, për shkak të probleme shëndetësore. Të dy pritet të jenë gati për takimin me Kastriotin, ndërkohë që një mungesë e sigurt është ajo e Elvi Berishës.

Sulmuesi anësor, i ishte protagonist në penalltinë e akorduar në favor të Laçit kundër Partizanit, doli duke çaluar nga fusha. Mbetet për t’u parë gjendja e tij, por kundër Kastriotit ai nuk mund të luajë për shkak të kartonëve të verdhë.

Për trajnerin Migen Memelli shqetësimi janë mungesat në takimin e radhës me krutanët. Elvi Berisha u ndëshkua me karton të kuq kundër Partizanit, ndërkohë që edhe Taulant Sefgjini është i pezulluar prej kartonëve të verdhë.

Pritet rikthimi i sulmuesit Marjan Altiparmakovski, i cili ka pasur probleme shëndetësore para ndeshjes me Partizanin dhe nuk ishte në dispozicion të stafit teknik. Për krahun e majtë të mbrojtjes nuk është se ka shumë alternativa.

Toro është një opsion. Kileni luan në çdo pozicion të prapavijës. Por edhe Denis Pjeshka mund të jetë një mundësi për stafin teknik. Shkodrani prej pak kohësh është bashkuar me grupin në stërvitje dhe do të shihet gjendja e tij gjatë kësaj periudhe. Nëse është gati, me shumë mundësi do të debutojë me fanellën e Laçit pas 14 javësh kampionat.

Anësori 19-vjeçar këtë verë la spanjollët e Leganes dhe u kthye në Shqipëri. Ai ka qenë pjesë e moshave të Tiranës dhe me bardheblutë luajti verën e vitit 2017 edhe në në kupat e Europës. Më pas u transferua në Spanjë.

Në mars të vitit 2016 ai u grumbullua për herë të parë nga Tirana në një ndeshje që kryeqytetasit e humbën me Vllazninë 3-1 në Shkodër. I riu qëndroi në stol. Te Laçi, pas katër ndeshjesh i grumbulluar, i ka ardhur momenti të luajë. 82 minuta në fushë.

Në vend të tij u fut një tjetër debutues, Fatmir Prengaj, i cili në maj të vitit 2019 mbush 18 vjeç. Luan si sulmues dhe ka spikatur një vit më parë me paratërinjtë e Laçit. Është grumbulluar disa herë me ekipin e parë sivjet, por aktivizohet zakonisht me ekipin U19.

Dje pati mundësinë të debutonte në Superiore. Stërvitet me ekipin e parë dhe Laçi e konsideron si një element me perspektivë. Deri në fund të sezonit me shumë mundësi do të ketë sërish minuta dhe kjo i shërben shumë Prengajt të rritet si lojtar.

Bardhezinjtë e kishin arritur akordin me kroatët që në muajin korrik, por e gjitha po shtyhej për shkak të gjetjes së një zëvendësuesi. Presidenti Pashk Laska mendonte të përforconte ekipin, pasi një largim i Uzunit pa elementët e duhur në ekip do t’i dobësonte ndjeshëm bardhezinjtë.

Kështu, Elvi Berisha do të jetë ai që mendohet si pasuesi i Uzunit te Laçi. Ish-lojtari i Tiranës, pjesë e Shqipërisë U19, vjet kaloi te Leganes (stërvitej dhe luante me ekipin e dytë)  dhe tashmë do të rikthehet në Shqipëri.

I riu ka firmosur për dy vite me Laçin, që pret tashmë vetëm “OK” nga klubi spanjoll. Së bashku me Ivan Galiç, Berisha do të formojë dyshen e krahëve të sulmit, ndërkohë që ka edhe alternativa të tjera si Parmakovski dhe Shtubina.