“Elton Kale është zyrtarisht bardheblu. Mesfushori brazilian me tipare sulmuese ka nënshkruar një kontratë 2-vjeçare me Tiranën. Ish futbollisti i Flamurtarit do të jetë pjesë e rëndësishme e skuadrës për dy sezonet e ardhshme. Kualitet dhe eksperiencë në kampionatin shqiptar, Kale është i Tiranës. Në muajin korrik braziliani do t’i bashkohet ekipit në ditët e para përgatitore. #welcomeCale”, shkruan klubi bardheblu.

Agustin Torasa dhe Idrizi Batha janë dy lojtarët e tjerë që pritet të zyrtarizohen, ndërkohë që pritet një përgjigje edhe nga Tefik Osmani. Mbrojtësi aktualisht është pjesë e Teutës dhe në kampin bardheblu janë në pritje të një përgjigje në 48 orët e ardhshme.

NDESHJA ME TIRANËN – “Sigurisht që është ndeshja e fundit e kampionatit dhe çdo ekip mendon që ta mbylli në mënyrën më të mirë. Ne e kemi mendjen edhe shpresën të luajmë në Europë dhe luajmë një ndeshje për të marrë maksimumin. Luajmë ndaj një ekipi që është relativisht i fortë dhe ka shumë nevojë për pikë.”

PAUZA E NDESHJES ME KAMZËN – “Të gjithë futbollistët janë pak të lodhur dhe mendoj se kjo pauzë na ka bërë mirë për ndeshjen e radhës.”

KUPAT E EUROPËS – “Gjithmonë kemi shpresuar që të jemi në Kupat e Europës, pavarësisht lajmeve që qarkullojnë, që nuk e di sa të vërteta janë. Nuk jemi në brendësi të Federatës që të dimë si mund të jetë realisht situata.”

PAGAT – “Kjo është një çështje që ka zgjatur goxha dhe opinioni e di situatën tonë. Ne kemi bërë më të mirën dhe këta çuna dhe stafi janë për t’u falenderuar, sepse nuk e kanë ulur asnjëherë ritmin. Ne na është premtuar dhe jemi në pritje.”

E ARDHMJA – “Interes ka nga ekipe të tjera, ndërsa nga Flamurtari ende jo. Është pak shpejt për të folur, por besoj në ditët në vazhdim do të mësohet diçka më shumë në lidhje me këtë.”

Pas Franc Veliut për mediat ka folur edhe mesfushori brazilian Elton Kale, i cili u shpreh se në Tiranë, Flamurtari vjen vetëm për fitore. Gjithashtu, mesfushori sqaroi edhe situatën aktuale si dhe foli për të ardhmen e tij.

TIRANA – “Ne shkojmë për fitore, për tre pikët. Luajmë për Europën dhe të gjithë lojtarët do të mundohen për tri pikët.”

SITUATA E FLAMURTARIT DHE E ARDHMJA – “Shpresoj që të rregullohet kjo situatë. Kjo është ajo që dua. Fillimisht do të shkoj për pushime me familjen, më pas do të shohim. Ndoshta qëndroj, ndoshta jo.”

EKSPERIENCA NË VLORË – “Në Vlorë eksperiencë e bukur, është një qytet i bukur. Erdha për titullin kampion, por gjërat ndryshuan. Kishim ekip të mirë, por gjithsesi e uroj Partizanin për titullin. Edhe ne kishim ekip të mirë, duhet thënë, kishim Bushiç, Danilo Alvesh, Torrasa, Siljanovski.”

ARSYEJA E LARGIMIT TË LOJTARËVE – “Shumë lojtarë u larguan, sepse pritën për presidentin dhe situata nuk u zgjidh. Nëse do të zgjidhej, lojtarët do të qëndronin.”

Si gjithnjë, lista është e mbushur me polemika, teksa ka shumë reagime. Gjithsesi, një reagim i papritur ka ardhur nga Elton Kale. Braziliani i Flamurtarit ka postuar një story në Instagramin e tij ditën e sotme, ku shprehet i habitur që Jasir Asani nuk është në Kombëatare.

“Çfarë? Ti nuk je në Kombëtare? Okej, do të flas me Titen (trajneri i Brazilit). Me siguri ai do të të ftojë”, mbyllte postimin e tij Elton Kale.

Tanimë nuk i përmend më, por vetëm tregon dita-ditës se mezi pret fundin e muajit. Përfundimi i kontratës me vlonjatët e liron atë dhe më pas pritet të kthehet në atdhe, ndoshta për të mos u kthyer sërish në Shqipëri.

Në fakt me cilësitë e tij ai mund të luajë në skuadra të rëndësishme në Superiore dhe të bëjë mirë. Në Vlorë ai është përpjekur shumë, por në një situatë të tillë ku lojtarët nuk paguhen prej muajsh, është e vështirë të kuptosh se sa është kapaciteti i lojtarëve.

“Fillimisht shpresoj të marrim tre pikët, pasi na duhen. Askush nuk duhet të vijë në shtëpinë time dhe të marrë tre pikët. Mendoj se janë në dorën tonë dhe nuk duhet t’i lëmë të na ikin”, u shpreh braziliani, i cili kishte probleme me klubin e Kukësit dhe vetëm pak kohë më parë mori “OK”-in për të luajtur me vlonjatët.

Tashmë Kale mendon se e ka kapur formën e tij maksimale dhe do të japë kontributin e tij në realizmin e objektivave të Flamurtarit.  “Të gjithë lojtarët duan të luajnë. Tani ndihem 100%, jam gati për lojë dhe më në formë se në ndeshjet e shkuara”, përfundoi Kale.

Kjo periudhë nuk ka qenë e lehtë për sulmuesin anësor: “Pas katër muajsh pritje jam gati për këtë moment. E di se është e vështirë, por kam qenë i fokusuar në çdo stërvitje. E kam pritur këtë moment dhe tani erdhi. Jam gati”.

“Ishte e vështirë. Hera ime e parë gjatë gjithë karrierës time të gjatë. Kam 10 vjet që luaj si profesionist. Ishte hera ime e parë dhe për një çështje shumë të thjeshtë. Për mua ishte shumë e thjeshtë, pasi Disiplina mund të dilte me vendimin nëse isha nën kontratë me Kukësin, apo jo. Aty mbaronte gjithçka. Nëse do të isha me Kukësin, atëherë kthehesha atje dhe mbaronte”, shton braziliani.

Normalisht dëshira e tij është që të luajë kundër Partizanit, por do të jetë trajneri Ilir Daja ai që do të vendosë. .“Nuk e di a do të jem në formacion. Atë e di trajneri. Jam gati, dua të ndihmoj ekipin të pozicionohet në një vend të mirë. Të presim. Nëse jam në fushë shpresoj të fitojmë. Nëse luaj dhe shënoj, atëherë është akoma më mirë. Të fitosh dhe ta festosh me gol është mirë, është perfekte”, tha Kale para mediave.

Gjithsesi nuk është se gjërat u ndanë nga FIFA apo Dhoma Kombëtare e Zgjidhjes. Mes klubeve është gjetur marrëveshja dhe tashmë Kale mund të luajë me kuqezinjtë. Menaxheri Florin Biba ishte ai që e dërgoi anësorin te Flamurtari, ndërkohë që në të shkuarën ka pasur bashkëpunime të shumta me presidentin e Kukësit, Safet Gjicin.

Kjo marrëdhënie e mirë është shfrytëzuar, por nga ana tjetër Flamurtari edhe ka paguar për kartonin e Kale. Më në fund sulmuesi mund të luajë me ekipin e tij të ri dhe kështu merr fund pritja për të.

Tashmë Kale po tenton të marrë “OK” nga FIFA, teksa sipas asaj që raporton “RTSH Sport” kërkohet që të miratohet federimi provizor, që do t’i jepte mundësinë sulmuesi të majtë që të luante. Kjo procedurë nuk vonon, por ka edhe një risk.

Nëse Kale humbet gjyqin me Kukësin, atëherë do të pezullohet për faktin se ka nënshkruar dy kontratë njëkohësisht. FIFA është ajo që vendos.

“Kemi shkuar në një kohë jo të përshtatshme, pasi kemi pritur formatimin e grupit. Kemi arritur ato që janë të rëndësishme, frymën e grupit si dhe për të rritur kondicionin fizik. Ndeshjet miqësorë janë i vetmi drejtim që nuk e arritëm qëllimin, pasi nuk patëm përballë ndonjë ekip të fortë”, shprehet Daja për “RTSH Sport”.

Më tej ai flet edhe në lidhje me lëvizjet e tjera në hyrje: “Fokusi është te merkato, paralelisht edhe me përgatitjen e fillimit të kampionatit. Do tentojmë të plotësojmë grupin e lojtarëve deri në fund të merkatos. Kemi përcaktuar se ku janë repartet dhe rolet ku kemi më shumë nevojë. Bashkë me drejtuesit po shohim alternativat që mund të vijnë te Flamurtari, jo në numër, por në cilësi”.

Sa i takon brazilianit Elton Kale, Daja shkurtimisht thotë: “Nuk mund të jap asnjë koment për sa kohë ai është në Dhomën e Zgjidhjes së Konflikteve”. Në fund trajneri i Flamurtarit flet edhe për ndeshjen e së dielës kundër Teutës.

“Nisemi të dyja skuadrat në nivel paragjykimi, pasi nuk e njohim kundërshtarin, as ata nuk na njohin. E respektojmë Teutën për vetë përforcimet që kanë bërë, por më shumë respektojmë veten tonë”, përfundon Daja. Takimi Teuta-Flamurtari luhet prej orës 19:45.

ALBI ALLA DHE ENEA KOLIÇI – Qendërmbrojtësi dhe portieri patën probleme gjithashtu me klubin e Kukësit. I pari nuk u prononcua në asnjë moment. Asokohe për “Sport Ekspres” menaxheri i lojtarit sqaroi gjithçka dhe bëri me dije se kontrata është e parregullt. Alla nënshkroi dhe u prezantua në Greqi, por bëri prapakthehu.

Kontratë e re me Kukësin dhe përfitime dyfish: rreth 5 mijë euro në muaj. Beteja në distancë u fitua nga mbrojtësi. Për Enea Koliçin u tha se kishte rinovuar kontratën dhe më vonë klubi hodhi fotot duke nënshkruar kontratën e re. Kishte rinovuar më parë, apo jo, ky është një mister. Pogradecari, i cili tanimë është pjesë e Flamurtarit, gjithashtu përfitoi rritje të ndjeshme page. Pse duhet të ndodhte, kur kishte rinovuar më parë?

ÇËSHTJA KALE – Braziliani pretendon se kontrata i është rinovuar pa dijeninë e tij. Pretendohet se data në kontratën e depozituar në FSHF nuk është shkruar prej vetë lojtarit. Nëse shikon me kujdes numrin tetë që shkruar në kontratë nga Kale, ka dallim me atë të shënuar te viti 2018. Gjithsesi janë specialistët që dalin në përfundime për këtë pjesë. Kjo çështje zgjidhet vetëm në gjyq, pasi nëse vërtetohen pretendimet e sulmuesit, atëherë kemi të bëjmë me një shkelje të rëndë.

Pavarësisht pretendimeve të Kale, te Kukësi shfaqen të qetë dhe mendojnë se gjithçka është e rregullt. Mbetet për t’u parë se si do të zgjidhet kjo çështje: do ketë rikthim të tij te verilindorët me rritje të ndjeshme page, apo FIFA do të vërë drejtësi. /VLADIMIR PRENGA/

Pas Idriz Bathës dhe Blerim Kotobellit, vlonjatët kanë prezantuar edhe portierin Enea Koliçi. Kuqezinjtë kanë nevojë edhe për të tjera afrime dhe së fundmi janë arritur marrëveshjet edhe me dy lojtarë të tjerë që luajnë në krahët e sulmit.

“Sport Ekspres” mëson se ditën e hënë së bashku me pjesën tjetër të ekipit do të udhëtojnë drejt Greqisë edhe Agustin Torasa dhe Elton Kale. Të dy anësorët kanë spikatur në Superiore dhe pritet të mbajnë peshë në formacionin e Flamurtarit.

Argjentinasi ka qenë një nga idhujt e tifozëve të Partizani, ndërkohë që edhe braziliani Kale me Kukësin është paraqitur mjaft mirë. Të dy janë lojtarë me vlera dhe janë lëvizje mjaft të zgjuara nga vlonjatët, që këtë sezon kanë si objektiv të renditen në tre vendet e para.