Corriere dello Sport raporton se Roma ofron 17 milionë euro për kartonin e 25-vjeçarit, ndërsa Napoli pretendon rreth 20 milionë. Diferenca është shumë e vogël dhe akordi mund të arrihet shumë shpejt.

Drejtori sportiv i Romës, Xhanluka Petraki po insiston për ta mbyllur këtë operacion dhe gjatë ditës së sotme do të kontaktojë sërish me homologët napolitanë për të transferuar lojtarin shkodran në kryeqytetin italian.

Roma është klubi më i interesuar për shërbimet e 25-vjeçarit për momentin. Gazzetta dello Sport raporton se verdhekuqtë kanë nisur negociatat me Napolin dhe agjentin e Hysajt.

Nënkampionët e Italisë kërkojnë 20 milionë euro për të lënë të lirë mbrojtësin e djathtë. Roma po pret të shesë Rik Karsdorp, holandezin që aktivizohet në të njëjtin rol me Hysajn.

Largimi i tij (mund të rikthehet te Fejnordi) pritet të lirojë vendin dhe të sigurojë një pjesë të mirë të parave për të nisur sulmin final drejt lojtarit të kombëtares shqiptare.

Mbrojtësi shkodran nuk largoi siç duhej një top të harkuar në zonë, por reflekset e portierit italian mbajtën të pandryshuar rezultatin.

Meret u ble një më parë nga Napoli 22 milionë euro për të zëvendësuar një emër të madh si Pepe Reina. Megjithatë, një frakturë e dorës bëri që sezonin i italianit të niste me vonesë, por te Napoli besojnë ende tek ai dhe mesa duket Ançeloti do t’ia besojë atij “çelësat” e portës për sezonin e ardhshëm.

Atletiko Madrid e kërkoi me insistim, por nuk gjeti akordin financiar me presidentin De Laurentis. Mario Xhufredi ka folur për Radio Kiss Kiss në lidhje me situatën e 25-vjeçarit.

Napoli bleu Di Lorencon (edhe ky ka agjent Xhufredin) nga Empoli për krahun e djathtë të mbrojtjes, pasi ishte rënë dakord për shitjen e Hysajt. Diçka e tillë nuk ka ndodhur akoma, por puna vazhdon për gjetjen e një skuadre të re për lojtarin shqiptar.

“Nuk mund të vë në garë dy lojtarët e mi (tjetri është Di Lorenco) në të njëjtin rol. Unë dhe klubi kishim si qëllim shitjen e Hysajt. Ai ka nevojë për një aventurë të re, të krijojë eksperiencë dhe të rikthehet në nivelin e tij. Po punojmë për transferimin.

Po shikojmë për pista në Itali dhe jashtë saj, nuk përjashtojmë asgjë. Rëndësi ka që të bëhet fjalë për një klub serioz. Hysaj ka zhvilluar tre sezone në nivele të larta me Napolin, ndërsa i pari me Ançelotin ishte më pak i mirë. Për fat të keq njerëzit e harrojnë se çfarë ka bërë më parë”, përfundon Mario Xhufredi.

Diçka të tillë e konfirmon Mario Xhufredi. Në një prononcim për “Radio Marte”, agjenti i 25-vjeçarit shpjegon situatën e Hysajt dhe i kërkon në mënyrë indirekte klubit që t’i ulë pretendimet për shqiptarin.

“Nuk besoj se Hysaj do të qëndrojë te Napoli, edhe pse do të flas në fillim me Ançelotin dhe Xhuntolin (drejtori sportiv). Do të punojmë deri në fund për t’i gjetur një klub tjetër, sepse Napoli ka 5 anësorë krahu. Koha e tij këtu ka mbaruar.

Ai vjen nga një sezon aspak brilant dhe disa shifra të tregut të sotëm duhen rishikuar. Nuk dua të flas për çmimin e kartonit të tij, ajo pjesë i takon Napolit. Klubi duhet ta ketë të qartë që lojtari dihet të largohet, për të mos patur më shumë probleme në të ardhmen.

Atletiko Madrid e pëlqente, negociuam rreth një muaj, por oferta e spanjollëve ishte më e ulët se kërkesa e Napolit dhe Atletiko vendosi të investonte te Tripier. Ka klube të tjera në valle, por po presim të bëjnë një hap para”, përfundon agjenti i Elseid Hysajt.

Shitja e lojtarit të kombëtares angleze detyron Totenhemin të kërkojë një mbrojtës të djathtë. Dy janë objektivat sipas Sportmediaset: Elseid Hysaj dhe Alesandro Florenci.

Shkodrani është drejt largimit nga Napoli, por nuk po arrin akordin me klubin e ri, pavarësisht interesimit të madh. Hysaj u përfol gjatë edhe për një kalim te Çelsi gjatë sezonit të kaluar, ndërsa tani mund të luajë me finalistët e Champions Ligës.

Nëse nuk arrihet akordi me Napolin, Poçetino do të niste sulmin për lojtarin romanist. Fonseka dëshiron ta mbajë Florencin në ekip, por një ofertë tunduese nga Totenhemi do ta transferonte atë në Premier Ligë.

Nëse bëjmë një analizë të shkurtër mbi ato skuadra që janë përmendur në medie si të interesuara për lojtarin do vëmë re se pjesa më e madhe e tyre kanë transferuar një mbrojtës të djathtë. Ndoshta 25-vjeçarit do i duhet të bëjë një hap mbrapa që më pas të bëjë dy hapa para.

MANÇESTER JUNAJTID – “Gjigandët” gjermanë janë përmendur jo pak herë nga mediet italiane dhe angleze. Megjithatë, kjo pistë është mbyllur njëherë e përgjithmonë, pasi “djajtë e kuq”  ia besuan rolin e mbrojtësit të djathtë të riut anglez Eron Uan-Bisaka, i cili u transferua në Mançester për 50 milionë euro.

INTER – Skuadra nga Milano filloi të përmendej si një palë e interesuar për mbrojtësin shqiptar, por në fund drejtori Marota dhe trajneri Konte vendosën të investonin 20 milionë euro për të riun austriak Valentin Lazaro.

ATLETIKO MADRID – Gjatë ditëve të fundit dukej se interesi i spanjollëve ishte më konkreti. Situata ndryshoi krejtësisht ditën e djeshme, ku mediet angleze njoftuan se madrilenët kanë gjetur akordin për kartoni e mbrojtësit të Totenhem Kieran Tripër.

ÇELSI –  Largimi i Mauricio Sarrit drejt Londrës një vit më parë bëri që të përflitej për një kalim të Hysajt në Angli. Një vitë më vonë situata ka ndryshuar, Sarri ndodhet në Torini te Juventusi, ndërsa sikur të mos mjaftonte kjo merkato e Çelsit është pezulluar nga FIFA

Tërheqja a Atletiko Madrid nga gara për shkodranin a sjellë një reaksion domino në Itali. Klubi i radhës që ka shfaqur interes për kartonin e mbrojtësit është Roma. Sipas “Sky Sport”, përfaqësues të skuadrës verdhekuqe kanë filluar kontaktet e para me Napolin.

Interesi i Romës për Hysajn është një lajm që ka habitur shumë vetë, pasi kryeqytetasit kanë lojtarë si Florenci, Karsdorp dhe Santon, por mesa duket një ose dy prej këtyre emrave mund të largohen nga verdhekuqtë gjatë këtyre javëve.

Lajmet që flasin për të ardhmen e 25-vjeçarit janë të shumta, por një fenomen i veçantë është ai  i uljes së çimimit të tij me kalimin e muajve. Në fillim të muajit qershor pati lajme që flisnin për transferim bombastik të mbrojtësit për një shumë që kapte 50 milionë eurot, por me kalimin e kohës zërat mediatik kanë vendosur këmbët në tokë. Tani po përflitet se Napoli nuk kërkon më shumë se 20 milionë euro për të lënë të lirë futbollistin shqiptar.

Atletiko ka paguar 30 milionë euro për transferimin e anglezit. Kjo marrëveshja mbyll dhe mundësinë e kalimit të futbollistit shqiptar Elseid Hysaj te skuadra e drejtuar nga Diego Simone. Tekniku argjentinas ka tani në dispozicion të tij dy mbrojtës të djathtë të një niveli të lartë si Santiago Arias dhe i porsaardhuri Tripiër.

Ofertat për lojtarin e linjës së djathtë kanë qenë disa dhe Atletika e Madridit duket më afër nga të gjitha klubet. Është përmendur edhe Zeniti e Shalke, sikurse edhe Juventusi që drejtohet nga Mauricio Sarri. Gjithsesi Hysaj mund të arrijë një marrëveshje të re javën e ardhshme.

Corriere del Mezzogiorno shkruan se kontaktet mes Napolit dhe Atletikos janë shpeshtuar dhe spanjollët kanë ofruar 15 milionë euro për kartonin e tij. Presidenti Aurelio De Laurentis duket i gatshëm të bjerë nën shumën e 20 milionë eurove. Sigurisht nuk do të dorëzohet për 15 milionë. Disa bonuse nga Atletiko do e bindnin atë për ta shitur Hysajn, i cili ka një kontratë të vlefshme deri në vitin 2021.

Kështu, Hysaj sezonin e ardhshëm do të jetë nën urdhërat e një trajneri si Simeone. Atletiko po zhvillon një projekt gjigant, duke investuar mjaft në merkato dhe ylli i kombëtares tonë pritet të jetë pjesë. Duhet të themi se ky është një hap gjigant në karrierën e Elseidit, pasi do ketë mundësinë të luajë në një nga kapionatet më të fortë në botë.

Duhet të themi se stili i Hysajt përshtatet mjaft me mënyrën agresive të lojës së Simeones. Vlera e operacionit nuk bëhet e ditur, por pritet të jetë pak mbi 25 milionë eurot. 25-vjeçari do të zyrtarizohet si lojtari më i ri i klubit madrilen në orët e ardhshme.

25-vjeçari pritet të largohet nga Napoli pas katër sezonesh. Të ardhmen nuk e ka përcaktuar akoma, ndërsa “BottleCapChallenge” e ka realizuar me sukses.

Hysaj ka zgjedhur ta kryejë sfidën e kthyer në modë në det. Ai është afruar me një motor uji dhe ka arritur të godasë tapën e shishes.

 

View this post on Instagram

 

#bottlecapchallenge ???

A post shared by Elsi ???? #23 ??? #4 (@elsihysaj) on Jul 9, 2019 at 8:35am PDT

Megjithëse për shkodranin nuk pasur asnjë koment e kundërta ka ndodhur për Xhovani Di Lorencon. Mbrojtësi 25-vjeçar u ble për 8 milionë euro nga Empoli dhe shikohet si zëvendësuesi i ideal i Hysajt. Ançeloti ka thënë se pret shumë prej dhe ne Napoli mund të jetë trampolina që mund ta dërgojë atë drejt kombëtares italiane.

DI LORENCO – “Është eksperienca e tij e parë në një klub me një presion kaq të fort. Megjithatë, ka bërë një hap gjigant për karrierën e tij. Është një djalë serioz e shumë profesionist. Ka cilësi të mira dhe sigurisht që do të na bëhet i dobishëm. Shpresoj që ta shohë në kombëtare, kjo do më gëzonte shumë.

RIVALËT – “Juve mbetet skuadra për t’u mundur, por Interi ka filluar të bëhet shumë konkurrues në vitet e fundit dhe mund të synojnë për të fituar kampionatin. Përsa i përket Sarrit. Askush nuk e priste që shkonte te Juventusi. I kuptoj pakënaqësitë e tifozëve, por i tillë është profesionalizmi”.

MANOLAS – “Na ka ardhur një ndër lojtarët më të mirë në atë pozicion. Është një lojtar i madh dhe me Kulibalinë formon një çift të përkryer që do ta na lejojë të luajmë në mënyrë agresive duke mbajtur një linjë më të lartë në mbrojtje”.

Trajneri ka shpallur listën e 25 lojtarëve, ndërsa bie në sy mungesa e Elseid Hysajt. Shkodrani është më larg sesa afër Napolit, por nuk është ky shkaku i kësaj mungese.

Të gjithë lojtarët që janë pjesë e kombëtareve janë lënë disa ditë më shumë pushim. Në listë mungojnë edhe emra si Insinje, Milik, Zielinski dhe të tjerë.

Fakti që ata luajtën në ndeshjet e eliminatoreve të Euro 2020 në ditët e para të qershorit ka ndikuar që Karlo Ançeloti t’ua zgjasë edhe pak pushimet atyre.

Gjithçka është në hapat e parë dhe në të dy klubet po i trajtojnë këto dy opsione, ndërkohë që mbetet për t’u parë nëse do t;i drejtohen klubit të Napolit me oferta zyrtare. Gjatë kësaj vere, por edhe në dritaret e tjera të transferimeve, zëra ka pasur shumë.

Atletiko Madrid vazhdon të flitet si kandidaturë për të blerë Hysajn, i cili momentalisht është me pushime dhe në fakt prej kohësh e ka shprehur se dëshiron një eksperiencë të re. Gjithsesi, 50 milionë eurot e klauzolës janë një pengesë. Më shumë se 25 milionë euro nuk paguan asnjë klub, duke parë sezonin e fundit të Hysajt.

Aurelio De Laurentis po pret ofertën më të mirë dhe shpreson që klube të tjera të futën në garë për të. Kështu ka ndodhur dhe garës për 25-vjeçarin i është bashkuar edhe Roma.

Sipas mediave italiane, verdhekuqtë e pëlqejnë Hysajn dhe kanë shfaqur interesin e tyre. Asnjë ofertë zyrtare për Napolin, por diçka e tillë pritet të formulohet në vijim. Dhe duhet bërë shpejt, pasi Atletiko është në avantazh dhe vetë lojtari preferon transferimin nën urdhrat e Simeones.

Sot mediet italiane raportojnë se Atletiko është kthyer me një ofertë shumë më të lartë. 20 milionë euro ka ofruar klubi bardhekuq për të bërë të tyrin shkodranin. Një ofertë tepër më e përmirësuar, që e tundon mjaft kryesinë e klubit napolitan për ta lënë të lirë Hysajn, i cili nuk bën më pjesë në planet e Karlo Ançelotit.

Lojtari nga ana e tij është dakort për të shkuar në La Liga, ku do të kishte nderin të luante ndaj yjeve si Mesi apo Hazard. Në ”Wanda Metropolitano” do të gjente vend të sigurt në formacion, duke parë “eksodin” që ka ndodhur këtë merkato, sidomos në krahun e majtë.

Sipas kësaj gazete, ai po pret lëvizjen e Sarrit në Torino për të kërkuar më pas largimin zyrtar nga Napoli. Trajneri italian e pëlqen shumë shkodranin. Zhoao Kanselo pritet të largohet drejt një skuadre tjetër dhe Hysaj do të ishte një kandidat potencial për zëvendësimin e tij. Juventusi do të siguronte krahun e djathtë pa shumë shpenzime. Napoli kërkon rreth 30 milionë për yllin e kombëtares sonë.

Shkodrani, në deklaratën e dhënë për mediat pas ndeshjes së djeshme, u shfaq i kënaqur me paraqitjen e bërë nga kombëtarja jonë: “Është shumë gjë e bukur të fitosh duke luajtur mirë. Patëm shumë raste, thjesht nuk patëm fat që ta shënonim golin në pjesë të parë. Do vazhdojmë kështu dhe do kemi shumë raste golash, siç e patë edhe ndaj Moldavisë”.

Hysaj flet edhe për pozicionin e ri, ndërkohë që u jep një mesazh edhe atyre që mendojnë se ai di vetëm të mbrojë. “Ndihem shumë mirë, pasi jam duke u gjendur shumë mirë në rolin e ri. Po më pëlqen mënyra se si po kërkoj të shënoj, është diçka e bukur të kërkosh portën. Thjesht më duhet ca kohë të mësohem me ambientin e zonës së portës dhe shpresoj që të realizoj.

Mund të më ndihmojë edhe në Itali ky rol, në lidhje me identitetin tim. Njerëzit mendojnë se jam vetëm mbrojtës, por po tregoj në këto dy ndeshje që kam edhe fazën e sulmit”, u shpreh mbrojtësi i Napolit, i cili këtë verë mund të ndryshojë skuadër. Oferta nuk i kanë munguar, por ka kontratë me klubin italian deri në qershorin e vitit 2021.

BATUTA – Në Islandë Hysaj kishte një mundësi shënimi, por këmba e majtë nuk është më e mira për mbrojtësin. I ndodhi e njëjta gjë edhe me Moldavinë dhe gjuajtja e tij u ndal nga një mbrojtës. I pyetur se si ka mundësi që në rastet më të mira topi i del në këmbën e majtë, Hysaj shton: “(Qesh) Do e stërvit të majtën më shumë, çdo ditë. Mos ndoshta prej fushatës që keni bërë për të majtën ju del në atë krah topi? Jo, jo, unë nuk kam fushatë (qesh)”.

“Los Colchoneros” bënë një ofertë zyrtare, që sipas medieve ishte 25 milionë euro dhe është refuzuar menjëherë nga napolitanët. Simeone e do me çdo kusht yllin e kombtëres sonë dhe në ditët në vijim mund të kemi një marrëveshje. 30 milionë euro kërkon De Laurentis për ta lënë Hysajn të shkojë drejt La Ligas sezonin e ardhshëm.
Mario Xhiufredi, agjenti i shkodranit ka folur sot rreth ofertës së Atletikos dhe mundësitë e tjera për Hysajn. Ai ka konfirmuar se tentativa e parë e spanjollëve ka qenë me një shifër prej rreth 25 milionësh. Më pas menaxheri i mbrojtësit ka dhënë një deklaratë të fortë, ku i hap derën transferimit të Hysajt drejt Juventusit.

“Oferta e Atletikos ishte e ulët dhe nuk reflekton vlerën reale të lojtarit. Ishte më pak se 25 milionë. Kur flasim për një klub si Atletiko nuk mund të themi jo. Ndoshta Elseidi dëshiron një eksperiencë jashtë Italisë. Djali u shpreh sinqerisht, nuk dëshiron të fyejë asnjeri me qëndrimin e tij. Ka ardhur koha për një eksperiecë të re, pa hequr vlerat e Napolit dhe mungesën e trofeve këtu. Ai është një djalë që kujdeset për qytetarët e Napolit, i detyrohet kësaj fanelle për atë çka është.”

“Një bashkim me Sarrin te Juventus? Përse nuk duhet të shkojë? Ai është profesionist. Nuk e pranoj fjalën tradhëtar në futboll, çdokush duhet të sillet si profesionist dhe të bëjë atë çka është më e mira për veten e tij.”

“Juve është një superfuqi në Itali. Sarri në atë kohë mbroi ngjyrat e Napolit. Kjo s’do të thotë që nuk duhet konsideruar një e ardhme në Torino. Dy vite më parë ata pyetën për Hysajn, por ai ishte mirënjohës, duke qëndruar në Napoli me shpresën se mund të fitonte Serie A këtu”, u shpreh Xhiufredi.

Shkodrani i Napolit do të jetë sërish kapiten në mungesë të Mërgim Mavrajt. Hysaj flet për rolin e ri, analizon kundërshtarin dhe tregon mënyrën e duhur se si shkohet te tre pikët.

POZICIONI – “Është një rol i ri, por nuk e kam problem. Duhet të bëj më të mirën. Nuk prisja ta bëja aq mirë.”

KUALIFIKIMI – “Duhet të luajmë për rritjen e kombëtares, trajneri është i ri. E nisim nga zero për të ndërtuar një skuadër si dikur. Duhet koha e duhur që të punojmë.”

SHIRITI – “Kjo është zgjedhje e trajnerit. Jam gjithmonë i kënaqur të mbaj shiritin. Nuk është gjëja më e rëndësishme. Është një ëndërr që po më realizohet. Kushdo dëshiron ta mbajë shiritin e kapitenit.”

FINALIZIMI – “Duhet të ishim më konkrete në konkretizimin e aksioneve. Nëse do ndodhte, atëherë mund të fitonim me Islandën. Nuk besoj se kemi luajtur me top të gjatë. Kemi dashur të shkojmë të porta kundërshtare për të shënuar”.

TIFOZËT – “Jemi një skuadër që luajmë për kombin tonë, ata na kanë dhënë zemër. Sa më shumë tifozë të kemi, aq më shumë marrim zemër. Tani do vazhdojnë të vijnë, pasi po rritemi në lojë gradualisht.”

MOLDAVIA – “Do e mendojë edhe trajneri se çfarë duhet të bëjmë më shumë. Pjesa e finalizimit duhet të rregullohet, si dhe t’u shërbejmë sulmuesve. Besoj se do t’ia dalim të fitojmë.”

Napoli kërkon 30 milionë euro për ta lënë të lirë Hysajn. Në drejtim të tij ka ardhur vetëm një ofertë zyrtare siç raporton Corriere dello Sport. Atletiko Madrid ka ofruar 25 milionë euro.

Vetëm pesë milionë ndajnë ofertën me kërkesën. Një shumë aspak e lartë dhe akordi duket pranë. Diego Simeone e kërkon me ngulm shqiptarin në ekip. Trajneri argjentinas pëlqen shumë faktin që Hysaj bën mirë fazën e mbrojtjes dhe atë sulmuese.

Palët janë afër dhe shkodrani mund të largohet pas pesë viteve nga Napoli për të nisur një aventurë të re në La Liga-n spanjolle.

“Goli i pësuar? Ishte gabim i joni, jemi 4 kundër 1, ose pesë. Është e pamundur që një të na kalojë pesë vetëve. Duhet ta korrigjojmë diçka tillë, ndryshe nuk ecët më përpara. Ata vetëm dy raste patën”.

“Sistemi? Jam ndjerë mirë në rolin ku isha. Besimin e kam për të shkuar përpara. Do shohim disa gjëra të vogla”, tha Hysaj, i cili më pas foli edhe për RTSH. “Na vjen shumë keq që e humbën ne ndeshjen, pasi luajtëm shumë mirë. Më vjen keq dhe për trajnerin, pasi ka punuar shumë këtë javë.

Më vjen shumë keq. Rasti më erdhi te këmba e gabuar, por dhe portieri pati merita. Po e kërkoj golin e parë, por nuk po vjen. Besoj se duhet të vazhdojmë me vetëdijen që jemi të fortë. Të vazhdojmë kështu dhe pastaj do të bëjmë llogaritë”, u shpreh shkodrani.

Mbrojtësi i djathtë prek disa tema gjatë prononcimit të tij, edhe pse fokusimi i madh mbetet tek arritja e një rezultati pozitiv në Rejkjavik.

GJENDJA – “Jemi të gjithë gati, pasi kemi pasur kohë për t’u përgatitur të gjithë së bashku. Në sistemin 3-5-2 do të jem në krah. Vendos trajneri, por unë jam gati të bëj më të mirën.”

E ARDHMJA – “Zërat e merkatos nuk më shqetësojnë, kam edhe dy vite kontratë. Tani po mendoj për kombëtaren dhe më pas do pushoj.”

KUNDËRSHTARI – “Islanda është ekip i fortë, kanë lojtarë të mirë dhe luajnë në ekipe të forta. Nuk duhet nënvlerësim dhe duhet shumë kujdes. Trajneri na ka treguar taktikat dhe besoj se do arrijmë të bëjmë ndonjë gjë të mirë në fushë.

Nuk është si në Europian, ku ata treguan potencialin e tyre. Tani u ka ardhur ajo faza e keqe, si ne. Ardhja e Rejës na ka sjellë entuziazëm, na ka bërë të ndihemi se jemi më të fortë se sa na bënte të besonim trajneri mëparshëm.”

Sipas raportimeve të Radio Kiss Kiss, klubi “colchoneros” ka bërë ofertën e parë zyrtare për mbrojtësin e djathtë. Shifra nuk bëhet e ditur, por presidenti De Laurentis e ka refuzuar ofertën. Ai e cilëson shumën e ofruar të vogël dhe kërkon më shumë para për kartonin e 25-vjeçarit.

Vetë Hysaj po pret zyrtarizimin e Sarrit në stolin e kampionëve të Italisë dhe një ofertë nga kampionët e Italisë. Edhe Atletiko e Simeones tundon, por spanjollët duhet të rrisin ofertën për të transferuar shqiptarin në kryeqytetin spanjoll.

Pista Çelis vazhdon të lakohet, ashtu sikurse edhe Mançester Junajtid. Sigurisht asnjë prej këtyre klubeve nuk paguan 50 milionë euro, aq sa shkodrani ka klauzolën. Aktualisht kartoni i mbrojtësit të djathtë vlerësohet në rreth 25 milionë euro. Presidenti Aurelio De Laurentis duhet të ndajë mendjen.

Një tjetër lojtar që pritet të ndryshojë ambient në verë është edhe portieri Etrit Berisha. Gardiani i Atalantës e ka humbur vendin e titullarit në skuadrën bergameske. Golini ka bindur Gasperinin dhe sipas asaj që raporton “Gazzetta dello Sport”, portieri i kombëtares mund të shitet këtë verë. Atalanta pret ofertën e duhur.

Në një intervistë të dhënë për “Supersport” me gazetarin Alban Xhihani, mbrojtësi i Kombëtares zbulon se koha e tij te Napoli ka përfunduar, teksa ka folur edhe për kombëtaren dhe për ndryshimet mes ish-trajnerit Panuçi dhe trajnerit Edi Reja.

FILLIMET E HYSAJT – “Kur ika në Itali, e bëra nga deti dhe shkova në një skuadër në bregdet. Mendoj se deti na ka dhënë fat si familje.”

PANUÇI – “Kishte faj trajneri, por edhe ne, pasi nuk luajtëm mirë dhe kishim probleme me formacionin. Nuk kishte besim te ne sa ka Edi Reja dhe tani duhet të tregojmë vlerat tona si ndaj Andorrës. Kam folur dhe flas hapur. Këtu kam ardhur për të luajtur dhe për të nderuar Kombëtaren. Unë flas me futbollistët dhe e di ku është problemi. Nuk dua të vijë dikush dhe të na prishë ambientin.

NDRYSHIMI MES REJAS DHE PANUÇIT – “Reja është më i qetë dhe më i kuptueshëm. Çunat rrinë me buzëqeshje, pasi duhet të jesh diktator. Ne e dimë kur duhet të jemi profesionistë dhe kur nuk duhet. Ndryshoi formacioni dhe kishte probleme në ekip. Nuk kishim lumturi, e tregoi edhe letra e Lenjanit. Që kur iku ai, kanë ndryshuar gjërat. Edhe ai ka bërë mirë, por nuk ishte për këtë Kombëtare”.

MUNGESA E REZULTATEVE – “Nuk e di si nuk e gjetëm rrugën e duhur. Fituam me Uellsin dhe humbëm me Turqinë. Nuk po kuptoheshim në fushë dhe këtë duhet ta dinte Panuçi. Nëse nuk i bëjmë dot mirë gjërat në fushë, duhet ndërhyrje. Kualitetet i kemi dhe në Islandë shkojmë për pikë. Mungojnë shumë ndeshje dhe jemi ende në lojë”.

ISLANDA –  “Islanda kishte momentin e vet, që i eci, mirë dhe tani do të tregojmë ne veten. U bë kohë që po humbim dhe nuk po ecim dot para. Besoj se unë jam gati ta marr skuadrën, pasi e ndjej me zemër dhe luaj me qejf. Kanë respekt për mua si unë për ta”.

ANÇELOTI – “Ançeloti është shumë i mirë dhe është një nga ata që rrinë në zemër. Ka lojën e vet dhe ndoshta nuk përshtatem shumë aty. Nëse nuk shkojnë gjërat mirë do të shihet dhe do të vendoset se çfarë do të bëhet”.

E ARDHMJA E HYSAJT –  “Janë shumë skuadra dhe po lexoj si ju. Po pres skuadrën e duhur dhe momentin e duhur. Po mendoj për Kombëtaren. Jam gati për aventurë të re dhe nuk dua të qëndroj gjithmonë te një skuadër. Dua një shtet të ri dhe njerëz të rinj. Koha ime te Napoli ka mbaruar”.

SARRI – “Ai është si babai im dhe e urova pasi e meriton të fitojë diçka në futboll dhe ka nisur nga zeroja e ka arritur në finale, por nuk ka fituar. Nuk e di a shkon te Juventusi dhe nëse ka oferta, e di që ka ambicie të lartë”.

TIFOZI MË I VEÇANTË – “Fëmija im ka qenë tifozi më i veçantë. Sa herë vjen në stadium, vjen në dhomat e zhveshjes. Duhet të luaj me të çerek ore pasi e pëlqen shumë futbollin dhe më vjen mirë. Shpresoj të ketë një Hysaj tjetër, por nuk i dihet, megjithëse më pëlqen të bëhet futbollist djali im”.

PUSHIMET – “Mendoj se do të shkoj në Spanjë, pasi kam shumë shokë skuadre, si Mario Rui dhe Kajehon. Nuk e di kur do të shënoj. Duhet të pres dhe të shohim. Një gol do ta bëj, do ta fitoj një penallti dhe do ta shënoj vetë”.

Spekulimet kanë qenë të shumta për sa i përket shkodranit, por mediat italiane së fundmi zbulojnë destinacionin më të mundshëm për Hysajn. Ka qenë “Calcio Mercato” që ka raportuar se Atletiko Madrid mund të jetë ekipi i ardhshëm i 25-vjeçarit.

In estate sarà separazione tra Elseid #Hysaj e il #Napoli: a oggi l’interessamento più caldo è quello dell’#AtleticoMadrid, alla ricerca di un laterale destro di difesa. Sponsor del terzino albanese il Cholo #Simeone. #calciomercato

— Nicolò Schira (@NicoSchira) May 30, 2019

Hysaj duket se është një preferencë e Diego Simeones, me këtë të fundit që e pëlqen shumë stilin e lojës së mbrojtësit të Kombëtares tonë. Në ditët në vijim pritet të mësohet më shumë rreth kontakteve që mund të ketë mes drejtuesve madrilenë dhe atyre të Napolit.

“Për tri vite Elseidi ka qenë mbrojtësi më i mirë i krahut të djathtë. Në  vitin e fundit të Sarrit te Napoli atë e kërkoi Juventusi, por ai i refuzoi sepse kërkonte të fitonte kampionatin me Napolin”.

“E pranoj se është e vërtetë se ka pësuar një rënie në formë gjatë viteve të fundit, duhet të pranojmë gjithashtu se kjo gjë u ndodhi një grupi të madh lojtarësh. Nuk po them se fajin e ka Ançeloti, pasi kjo është normale kur fillon të provosh një stil tjetër futbolli. Vras mendjen pse kritikohen vetëm Hysaj dhe Rui, nuk më duket e drejtë të veçohen vetëm atë të dy”.

HYSAJ – “Kemi pasur interes nga skuadra të ndryshme. Të dy djemtë dëshirojnë të largohen. Kontrata e Hysajt mbaron vitin tjetër, prandaj them se tani është momenti i duhur për të ndryshuar ambient. Atletiko më ka pyetur për të, por ata nuk janë i vetmi klub, Paratiçi i Juventusit e pëlqen gjithashtu. Është e sigurt se ky djalosh do të jetë pjesë e një klubi të madh”.

RUI – “Për mendimin tim Rui bëri një sezon të mirë. Do të doja që të shikoja dhe për një sezon, pasi nuk besoj se Napoli do të gjejë një opsion më të mirë për krahun e majtë. Sido që të shkojë puna interesi për të nuk është i paktë. Po flas për klube si Torino, Milan dhe Benfika, transferimi te këta të fundit në vendlindje do të ishte një ëndërr e bërë realitet për të”, përfundoi Xhufredi”.

Në dyshim është e ardhmja bardhezi e Dagllas Kostës dhe Kedirës, ndërsa ka dilema edhe për Mario Manxhukiç, sipas raportimeve të mediave italiane.

Më pas dhe emrat e preferuar. Corriere dello Sport zgjedh tre prej tyre, ndërsa nuk mungon edhe një shqiptar. Ata janë Federiko Kieza i Fiorentinës, Sergej Milinkoviç-Saviç dhe Elseid Hysaj.

Shkodrani mbetet një nga të preferuarit e Sarrit dhe ky i fundit do ishte gati t’i kërkonte drejtuesve që të siguronin transferimin e mbrojtësit të djathtë në Torinon bardhezi.

Së fundmi një tjetër hipotezë ka dalë për Hysajn dhe e mban në Serie A. Si zakonisht lidhja bëhet me trajnerin Maurisio Sarri. Ky i fundit është pranë mbylljes së bashkëpunimit me Çelsin. Ai e deshi Hysajn edhe në Angli, por londinezët sigurisht nuk mund ta paguanin klauzolën prej 50 milionë eurosh që shkodrani ka për t’u larguar jashtë Italisë.

Së fundmi Sarri lidhet më një kalim te Roma, klub ku mund të transferohet edhe Hysaj. Gjithçka është në kuadrin e fjalëve. Gjithashtu lakohet edhe emri i Gonzalo Higuain, i cili kampionatin italian e njeh mjaft mirë dhe te Çelsi nuk janë të gatshëm ta blejnë atë nga Juventusi.

Së fundmi mediet italiane kanë zbuluar se drejtuesit e klubit zikaltër kanë arritur akordin personal me brazilianin e Mançester Sitit, Danilo, por negociatat me klubin në pronësi të sheikëve nga Emiratet e Bashkuara Arabe janë ende pezull.

Sipas televizionit “Sportitalia”, plani B  në rast se transferimi i Danilos dështon është Elseid Hysaj. Mbrojtësi shqiptar nuk është më një lojtar i padiskutueshëm në formacionin e Napolit dhe është e sigurt se në muajt e verës ai do të jetë një ndër lojtarët më të lakuar në lajmet e merkatos.

Hirving Lozano është dëshira e madhe për repartin ofensiv. Napoli ka nisur negociata me PSV-në dhe shpreson të arrijë sa më shpejt akordin e transferimit të 23-vjeçarit meksikan nën urdhrat e Ançelotit.

Drejtori sportiv, Kristiano Xhuntoli ka dy objektiva të tjerë për repartin e mbrojtjes. Ferland Mendi luan në rolin e mbrojtësit të majtë, është 24 vjeç dhe luan me Lionin. Për të interesohet edhe Reali i Madridit, ndërsa klubi francez kërkon 40 milionë euro për kartonin e tij.

Një tjetër emër që pëlqehet shumë është Kieran Tripier, i cili luan në të njëjtin rol me Elseid Hysajn. 28-vjeçari e shikon me sy të mirë transferimin në Serie A, ndërsa Napoli ka bërë ofertën e parë prej 15 milionë eurosh. “Spurs” nuk janë dakord dhe kërkojnë të paktën 35 milionë euro.

Problem mbetet interesimi i Mançester Junajtid, që është gati t’i ofrojë një rrogë shumë te lartë lojtarit të kombëtares angleze.

Sipas “Il Mattino”, Hysaj do ta mbyllë në verë me Napolin dhe me shumë mundësi presidenti Aurelio De Laurentis do të dorëzohet dhe ta shesë për më pak se klauzola prej 50 milionë eurosh që shkodrani ka në kontratë. Momentalisht Hysaj vlerësohet me 25 milionë euro.

Por nuk është vetëm mbrojtësi i kombëtares sonë që nuk po i bind napoletanët, pasi edhe Mario Rui dhe Malkuit me shumë mundësi do e mbyllin gjithashtu me Napolin. Drejtori sportiv, Kristiano Xhiuntoli, po vëzhgon me kujdes tregun.

Manuel Lazari, 25-vjeçari i SPAL, është një nga lojtarët e “piketuar”. Në të njëjtin ekip pëlqehet edhe Mohamed Fares, algjeriani 23-vjeçar që po luan të dytin sezon radhazi në Serie A. Vjet ishte pjesë e Hellas Verona dhe tashmë po e vëzhgon Napoli.

Spanjolli Aleks Grimaldo i Benfikës gjithashtu është në fokus dhe emri i tij ka dalë në skenë prej kohësh. Sytë janë edhe nga Anglia, ku lakohet Kieran Tripier i Totenhemit, si dhe Ben Çiluell i Lester. Vera pritet të sjellë ndryshime te Napoli, që kërkon të rimodelojë krahët e mbrojtjes.

Të dyja këto lëvizje ishin të pritshme, pasi për Hysajn e Mario Ruin pati kritika të shumta pas humbjes 2-0 në ndeshjen e parë.  Në sulm këtë herë luan Milik krah Insinjes dhe jo Mertens, kurse mesfusha është e njëjta që zbriti në fushë edhe në Londër në ndeshjen e parë. Nga ana tjetër për Arsenalin gati është edhe Granit Xhaka, i cili e nis nga minuta e parë

NAPOLI: Meret; Maksimoviç, Kirikesh, Kulibali, Gulam; Kajehon, Alan, Zielinski, Fabian Ruzi; Milik, Insinje.

ARSENALI: Çeh, Papastathopoulos, Koshielni, Monreal,  Kolashinaç, Majtland-Niles, Ramsei, Xhaka, Torreira, Lakazet, Obamejang

Pjesa e parë e ekipit italian ishte shumë e dobët. Në të dytin pati pak reagim, por Napoli nuk arriti të gjente golin. Elseid Hysaj u aktivizua gjatë gjithë ndeshjes. Kapiteni i kombëtares tonë zhvilloi një nga ndeshjet e tij më të dobëta.

Vështirësi për të përballuar e frenuar sulmet e “topçinjve” dhe zero rendiment pozitiv në aspektin ofensiv. Mediat e vendit fqinj nuk janë kursyer aspak me mbrojtësin e djathtë shkodran.

EUROSPORT: Hysaj 4.5 – Shpesh herë jashtë pozicionit të tij, pothuajse gjithmonë i ngathët me topin në këmbë. Në thelb, Mario Rui i krahut të djathtë. I vetmi lojtar i ndeshjes i ndëshkuar me karton të verdhë.

NAPOLISTA: Hysaj 3 – Horror Hysaj Show. Nuk ka gjë tjetër për të shtuar.

TUTTONAPOLI: Hysaj 5 – Në vështirësi të mëdha. Nuk i përballon shpërthimet ofensive të Arsenalit. Në pjesën e dytë arrin të marrë frymë, por vuan në daljet përpara.

GOAL: Hysaj 4.5 – Rrallë arrin të markojë lojtatin e vet dhe humbet topa vazhdimisht kur del përpara.

CALCIOMERCATO.COM: Hysaj 5 – Befasohet nga manovra e pandalshme e Arsenalit dhe bën shumë gaime në fazën e ndërtimit të lojës. Napoli sulmoi në pjesën e dytë, por ai nuk duket fare në lojë.

CORRIERE DELLA SERA: Hysaj 5 – Shtyn pak përpara, në mbrojtje edhe më i dobët. Niveli i kundërshtarëve ishte shumë i lartë.

ONEFOOTBALL: Hysaj 5 – I zbehtë, nuk e kalon kurrë mesin e fushës.

FOXSPORTS.IT: Hysaj 4.5 – Nuk bën asnjë gjë të saktë. Gjithnjë në vështirësi, ndeshje për t’u harruar.

CALCIONAPOLI24: Hysaj 4.5 – Humbet një top të rrezikshëm dhe bën të shpërthejë aksioni i vendasve. Fajtor te goli i dytë, sepse i jep një pasim të rrezikshëm Fabian Ruizit, i cili më pas humbet topin. Karton i verdhë pak hapa larg arbitrit.

Mediat në Itali raportojnë se trajneri Karlo Ançeloti ka ndryshuar mendim në lidhje me Hysajn. Më parë tekniku i njohur ka qenë skeptik dhe drejtuesit ishin hedhur në sulm për të gjetur një zëvendësues për mbrojtësin e kombëtares shqiptare.

Ançeloti duket se është dorëzuar. Ai e ka kuptuar se nuk është e lehtë të gjesh një mbrojtës që të të japë garancitë e shkodranit. Kështu, ai do të ishte i lumtur që ta kishte nën urdhra Hysajn edhe për sezonin e ardhshëm.

Në fakt mbrojtësi ka kontratë deri në vitin 2021 dhe palët shpesh kanë biseduar për zgjatjen e marrëveshjes deri në verën e vitit 2023. Paga dhe klauzola kanë qenë pikat ku ka mbetur gjithçka. Me shumë mundësi gjatë verës do të vijë edhe rinovimi.

Megjithatë, ka dhe raste kur një klub nuk dëshiron të heqë dorë kurrë nga një lojtar, por dikush tjetër vendos të paguajë klauzolën e largimit dhe “ylli” i ekipit tënd fillon të shkëlqejë tjetërkund.

“Corriere dello Sport” ka bërë një renditje të 10-të futbollistëve me klauzolat më të shtrenjta, por vetëm në ato për jashtë Serie A. Në krye gjendet Napoli me plot 6 lojtarë. Më pas renditen me radhë Interi me dy dhe Milani e Torino me nga një.

Bie në sy dhe renditja e Elseid Hysajt, kapitenit të kombëtares kuqezi, i cili ka një klauzolë prej 50 milionë eurosh, nëse vendos të transferohet jashtë Italisë.

Suso (Milan) – 40 milionë euro
Vlad Kirikesh (Napoli) – 50 milionë euro
Elseid Hysaj (Napoli) – 50 milionë euro
Marselo Brozoviç (Inter) – 50 milionë euro
Nikola Maksimoviç (Napoli) – 55 milionë euro
Marko Rog (Napoli) – 60 milionë euro
Piotr Zielinski (Napoli) – 65 milionë euro
Andrea Beloti (Torino) – 100 milionë euro
Mauro Ikardi (Inter) – 110 milionë euro
Kalidu Kulibali (Napoli) – 150 milionë euro

Gjatë takimit thuhet se është folur për shifra konkrete dhe palët janë shumë pranë njeh marrëveshje. Diferencat janë të vogla dhe pritet që të ketë sërish bisedime për të mbyllur marrëveshjen e plotë.

Sikurse dihet, Hysaj ka një kontratë me Napolin që vlen deri në verën e vitit 2021. Largimi i mbrojtësit bëhet vetëm për shumën e 50 milionë eurove, që korrespondon me klauzolën e largimit. Momentalisht kartoni i shkodranit vlerësohet në rreth 35 milionë euro.

Trajneri Karlo Ançeloti nuk e ka preferuar në shumë ndeshje dhe e ardhmja e tij te napoletanët është vënë në diskutim. Tani në “modë” është Interi, që nuk ka ndërmend të paguajë për blerjen e Vërsaljko nga Atletiko e Madridit. E njëjta gjë vlen edhe për Sedrik Soaresh.

Alfredo Pedulla, eksperti i merkatos në Itali, raporton se Elseid Hysaj është opsion për Interin, së bashku me Kristiano Biragin. Gjithsesi te Napoli do të ketë një takim të menaxherit të shkodranit me presidentin De Laurentis dhe mbetet për t’u parë se çfarë rezultati do të sjellë. Kujtojmë se Interi është edhe skuadra e preferuar e Hysajt.