Merkato në Turqi, Napolit i bashkohet talenti maqedonas

Sport Ekspres — Tue, 23 Jul 2019 07:19:09 +0000

Blerja e radhës e Napolit vjen nga kampionati turk. Klubi i Fenerbahçes ka konfirmuar me anë të një komunikate arritjen e një akordi për transferimin e talentit 19-vjeçar Elif Elmas. Ditën e sotme futbollisti do të udhëtojë drejt Italisë për të kryer vizitat mjekësore.

Elmas është lindur dhe rritur në Shkup në një familje te minoritet turk në Maqedoninë e Veriut dhe është formuar në akademinë e klubit të Vardarit.

Adoleshenti është një ndër talentet më të mëdha të futbollit maqedonas në vitet e fundit. Mesfushori me tipare sulmuese ka debutuar në moshën 17-vjeçare për përfaqësuesen e shtetit fqinj.

Gitti?in yerde de par?l par?l parlaman dile?iyle! ??

? https://t.co/0YyRqhOsV4 pic.twitter.com/OWDYujLOKu

— Fenerbahçe SK (@Fenerbahce) July 22, 2019

Mediet turke raportojnë se nga ky transferim Fenerbahçe do të përfitojë 15 milionë euro.

Skuadrat “big” të çmendur për talentin maqedonas, Tare i mposht të gjithë

Sport Ekspres — Sun, 06 Jan 2019 22:09:53 +0000

Real Madridit, Totenhami dhe Lacio janë në garë më njëri-tjetrin për të marrë shërbimet e talentit maqedonas, Elif Elmas. 19-vjeçari po shkëlqen me Fenerbaçen në Turqi, duke tërhequr vëmendjen e shumë skuadrave të mëdha në Evropë.

Edhe pse Reali i Madridit dhe Totenhami e duan në ekip, 19-vjeçarit nuk i premtohet një vend titullari, prandaj Lacio shihet në “pole position” për shërbimet e tij.

Igli Tare ka nisur bisedimet prej disa kohësh tashmë me agjentin e lojtarit dhe me shumë gjasa, Lacio do të nënshkruajë me Elmas gjatë muajit janar, një transferim që do të nxirrte dhe njëherë tjetër në pah të gjitha aftësitë e drejtorit shqiptar të Lacios.