Eljif Elmas

Napoli siguron firmën e Elmas, meritë absolute e Ançelotit

Sport Ekspres — Mon, 22 Jul 2019 18:44:45 +0000

Napoli po punon prej kohësh për të sjellë Hames Rodriges në “San Paolo”, por duket se nuk po mendojnë vetëm për të blerë kolumbianin. “Calciomercato” raporton se të kaltrit kanë arritur marrëveshjen me Fenerbaçen për të tranferuar Eljif Elmas.
19-vjeçari aktivizohet si mesfushor dhe shihet si një lojtar me potencial të madh. Arrin të luajë në qendër, por edhe në krah. Sezonin e kaluar, maqedonasi arriti të luajë 29 ndeshje në Superligën turke, duke shënuar edhe katër gola. Është pjesë e kombëtares së Maqedonisë së Veriut.

Talenti ballkanas do i kushtojë Napolit rreth 15 milionë euro. Blerjen e konfirmoi edhe agjenti i lojtarit, Xhorxh Gardi. “Ky është një operacion historik në Turqi. Ishin negociata mjaft të lodhshme sepse Elmas kërkohej nga shumë klube. Prezenca e Ançelotit te Napoli ishte vendimtare”, përfundoi agjenti.

“Jo vetëm Hames Rodrigez, ju tregoj dy goditjet e Napolit”

Sport Ekspres — Tue, 09 Jul 2019 15:09:29 +0000

Hames Rodrigez mbetet objektivi kryesor i Napolit. Për të interesohet edhe Atletiko Madrid, por në Itali janë të bindur që fantazisti kolumbian do të luajë në San Paolo sezonin e ardhshëm.

Gazetari i Sky, Karlo Alvino, raporton se tratativa do të zgjasë edhe ca dhe bën thirrje për durim. Megjithatë, ai është i sigurt që i preferuari i Karlo Ançelotit do të transferohet në Serie A.

Vetë Reali nuk dëshiron t’ia dhurojë 28-vjeçarin Atletikos dhe preferon ta shesë te nënkampionët e Italisë. Për shërbimet e tij, Florentino Perez kërkon 40 milionë euro. Por, jo vetëm Hames Rodrigez.

Alvino zbulon edhe një tjetër operacion të Napolit. De Laurentis ka arritur akordin me Eljif Elmas, 19-vjeçarin nga Shkupi që është pjesë e Fenerbahçes.

Mesfushori ofensiv, i cili bën mirë të gjitha rolet e mesfushës, cilësohet si Fabian Ruiz i ri dhe Napoli ka arritur marrëveshjen përfundimtare me të dhe klubin turk.

15 milionë euro ka paguar De Laurentis në arkat e Fenerbahçes dhe Elmas është gati për të nisur aventurën e re. Për të interesoheshin edhe Interi e Fiorentina, por Napoli u tregua më i shpejtë dhe “rrëmbeu” lojtarin e talentuar.

Napoli-James. Si fa. Ma resto sulla mia linea. Non credo proprio che ci sia una conclusione a breve. È una trattativa lunga e complessa. Il Napoli alla fine porterà il colombiano in maglia azzurra. Ma i tempi, al contrario di quanto sento e leggo, saranno lunghi. Keep calm!

— Carlo Alvino (@Carloalvino) July 9, 2019

+++Mercato Napoli. Vicinissima la chiusura di Elif Elmas. Attenzione: questo ragazzo è un fenomeno, un nuovo Fabian Ruiz… #ForzaNapoliSempre

— Carlo Alvino (@Carloalvino) July 9, 2019

Interi bën goditjen e parë, një fantazist 19-vjeçar për Konten

Sport Ekspres — Sat, 01 Jun 2019 09:19:26 +0000

Është vetëm 19 vjeç, me kombëtaren e vendit të tij ka zhvilluar 5 ndeshje dhe aktivizohet në rolin e qendër mesfushorit e mesfushorit të avancuar. Interi ka arritur ta veshë zikaltër dhe zyrtarizimi i tij është çështje orësh.

Flasim për Eljif Elmas, lojtarin maqedonas të Fenerbahçes. Sipas turkes “Boxer”, zikaltrit kanë arritur akordin me gjigantin turk për shërbimet e lojtarit të talentuar, i cili ka shënuar 5 gola sezonin që sapo u mbyll.

Akordi është arritur për shumën e 11 milionë eurove, ndërsa firma në kontratë dhe vizitat mjekësore do të kryhen në ditët në vijim. Një goditje interesante e Interit, që ka fituar rivalitetin me disa klube të ndryshme europiane që ishin vënë pas Elmas.