Në një situatë akoma më të keqe ndodhet Kristi Qose, i cili ndeshet në Sofie ndaj skuadrës së Levskit që mundi Ruzomberokun në Sllovaki rezultatin 2 – 0. Transferta më e lehtë në letër është ajo e Elis Bakajt. Shahter Soligorsk, ekipi sulmuesit kryeqytetas udhëton drejt Maltës, ku do ndeshjet me Hibernian të cilët i mundi 1 – 0 në ndeshjen e parë në Bjellorusi.

Egzon Binaku nuk aktivizohet prej më shumë se dy muajsh te Norkoping për shkak dëmtimi. Mbrojtësi është rikthyer në stolin e skuadrës suedeze dhe ndoshta sot mund të marrë në fushë, teksa presin në tokën nordike irlandezët e Seint Patriks, të cilët i mundën 2 – 0 në transfertë.

Fitore mori dhe Norrkopingu i Egzon Binaku. Skuadra suedeze mposhti me rezultatin 2 – 0 në transfertë irlandezët e Seint Patriks. Mëngjarashu u rikthye në fushë pas thuajse 2 muajsh, kjo për shkak të një dëmtimi të pësuar në muajin maj.

Në ndryshim nga Binaku e Bakaj, Kristi Qose dhe Endri Çekiçi kanë dalë nga fusha me kokën ulur. Ruzemberoku i Qoses u mund 2 – 0 nga vizitorët e Levski Sofies. Të njëjtin fat ka pasur dhe Çekiçi me Olimpian  e Lubjanës, ku në fund të 90 minutave skuadra sllovaku u mund si pritëse nga letonezët e RFS-së.

Bakaj luajti rol kyç në çdo gol të skuadrës së tij, duke qenë autori i një dopiete dhe duke shërbyer një asist. Loja e mirë e shqiptarit është vlerësuar dhe nga sportdashësit në Bjellorusi, të cilët e kanë votuar si lojtari më i mirë i javës së 14-të.

Në sondazhin e bërë në një prej faqeve më të mëdha rreth futbollit bjellorus, Bakaj ka marrë vendin e parë me 46.21% të votave. Në 13 aktivizime në sezonin aktual Bakaj ka shënuar 6 gola e regjistruar 6 asiste. Pas dy ditësh futbollisti kryeqytetas do përfaqësojë bjellorusët në arenën evropiane, teksa Soligorsk do të ndeshet me maltezët e Hibernian në raundin e parë të kualifikueseve të “Europa League”.

Bakaj fillimisht barazon rezultatin në 1-1 në minutën e 13-të me anë të një goditje dënimi. Pak minuta më vonë  një harkim në zonë i tij shfrytëzohet nga lojtarët e Shaktarit që përmbysin rezultatin. Kundërshtarët rikthejnë baraspeshën, por në minutat e kohës shtesë një ndërhyrje e gabuar e portierit të Minks sjell një penallti për Shaktarin, të cilën 32-vjeçari e ekzekuton me sukses.

Falë kësaj fitoreje skuadra e futbollistit kryeqytetas mbetet në garë për titull kampion me Bate Borisov dhe Dinamon Brest.

Ky trepikësh e ngjiti Shaktjorin në vendin e tretë me 24, po aq sa Bate Borisov e vendit të dytë dhe dy pikë më pak se Bresti kryesues. Ky ishte goli i katërt në kampionat për Bakajn, paraqitje pozitive e të cilit është vlerësuar.

Sulmuesi kryeqytetas është zgjedhur pjesë e formacionit të javës në kampionatin bjellorus, diçka që konfirmon formën shumë të mirë që po kalon.

 

View this post on Instagram

 

??????? ????? #???2019 10 ???. #???????????????????????2019 #??????????????

A post shared by ??????????? – ???????? ???? (@bvliga) on Jun 4, 2019 at 4:43am PDT

Mosha relativisht e madhe nuk po ndikon aspak te Bakaj. Ai shënon vazhdimisht dhe është një element tepër i rëndësishëm i ekipit, që lufotn për të dalë kampion. Ata regjistrojnë pesë fitore në gjashtë ndeshjet e fundit. Ky është goli i katërt për Bakaj në këtë sezon. Të kaluarin Elisi e mbylli në kuotën e 9 golave. Ky vit pritet të jetë edhe më i suksesshëm me këtë start të mirë pas 10 ndeshjesh.

Cikalleshi nuk ia doli të triumfonte në finalen e Kupës së Turqisë. As sulmuesi tjetër kuqezi, Jahmir Hyka, nuk ia doli të ishte i suksesshëm në finalen e Kupës së Izraelit. As Llullaku nuk ia doli të triumfojë në finalen e Kupës së Rumanisë dhe dukej sikur Kupa ishte kthyer në një makth për futbollistët shqiptarë.

Por me skuadrën e Shaktjor Soligorskit, Elis Bakaj ka qenë i suksesshëm. Sulmuesi shqiptar nuk ishte i gatshëm për skuadrën e tij në finalen e luajtur sot kundër Vitebsk, por ekipi i Soligorskit ia doli të triumfojë me rezultatin 2-0 dhe të ngrejë trofeun e Kupës, si dhe t’i bëjë një “dhuratë” Bakajt, duke i dhënë medaljen e fituesit.

Sulmuesi i njohur shënoi golin e dytë të ndeshjes në minutën e 74-ët, dy minuta pasi Enis Gavazaj ishte hedhur në fushën e lojës.

Goli i tretë në këtë sezon për 31-vjeçarin, i cili ndodhet në një formë shumë të mirë. Reagim i mirë për Shaktjorin, që u rikthye te fitorja pas humbjes së javës së kaluar në fushën e Vitebsk.

Nga ana tjetër, ekipi i Gavazajt renditet në vendin e shtatë me 13 pikë, pesë më pak se tre ekipet kryesuese.

Paraqitjet e mira të Bakajt i kanë bërë që sulmuesi shqiptar të shpallet lojtari i muajit prill nga Federata Bjelloruse e Futbollit.

Mirëpo, krahas talentit të pamasë të 31-vjeçarit në Bjellorusi kanë filluar të zbulojnë një tjetër anë të Bakajt: gjaknxehtësinë.

Në takimin e Kupës ndaj Isloç Minsk, sulmuesi i Soligorskut u bë protagonist i një përplasje fizike me lojtarët e ekipit kundërshtar. Rastësia solli që dy skuadrat të ndesheshin sërish në kampionat pas pesë ditësh. Kësaj radhe Bakaj qëndroi në stol përgjatë të gjithë takimit.

Trajneri e justifikoi mungesën duke thënë se kishte pësuar një dëmtim të lehtë, por ndoshta ky episod në videon e mëposhtme mund të ketë qenë një arsye më shumë për ta lënë Bakajn pushim në këtë ndeshje ku lojtarët e skuadrës kundërshtare do të kishin motivim ekstra kundër tij.

https://www.instagram.com/p/Bw7huowgKfk/?utm_source=ig_web_copy_link

RIKTHIMI – “Nuk e kam menduar rikthimin. Dua të vazhdoj sa më shumë të jetë e mundur jashtë Shqipërisë. Sigurisht mosha nuk është në favorin tim. Këtu ndihem shumë mirë. Tirana? E kam pasur nder që të jem pjesë e Tiranës”.

FINANCIMI – “Këtu ka më shumë të ardhura. Skuadrat kanë buxhete nga 7-8 milionë euro, ndërsa Bate Borisov i kalon 10 milionë eurot. Gjithsesi unë e kam përmendur në një intervistë ne Bjellorusi se kampionati shqiptar ka futbollistë shumë të mirë. Çdo vit 2-3 lojtarë kapërcejnë lojtarë në liga të tjera evropiane”.

PRESIDENTI HALILI – “Ai ka një eksperiencë shumë të madhe në futbollin shqiptar, pasi ai e di shumë mirë si të karikojë ekipin. Partizani do ta fitojë kampionatin, në mos këtë javë, javën tjetër. Mendoj se do ishte mirë që të fitojë Tirana dhe të dilte nga kjo situatë. Kështu i gjithë futbollit shqiptar fiton”.

KRAHASIMI I KAMPIONATEVE – “Mendoj se kampionati këtu është më i fortë. Në Shqipëri luhet futboll më teknik, si në gjithë gadishullin e Ballkanit. Këtu luhet një futboll më fizik. Në futbollin shqiptar ndryshuan shumë gjera që kur kombëtarja u kualifikua në Euro 2016. Tani kemi ekipe të mira, mjaftueshëm lojtarë të rinj që po ikin në liga më të mira, si Itali, Belgjikë dhe Holandë. Dhjetë vite më parë nuk ndodhte kjo. Tani çdo vit 3-4 lojtarë transferohen në Perëndim. Vit pas viti futbolli shqiptar bëhet më i mirë. Gjithçka lidhet me lojën po merr zhvillim. Për shembull, tani të gjitha ndeshjet e Superiores transmetohen në TV”, u tregon bjellorusëve Bakaj përmes intervistës së dhënë për “Tribuna”.

ANA FINANCIARE – Pagat janë një tjetër temë diskutimi: “Lojtarët e mirë janë në gjendje të marrin deri në 10 mijë euro. Kushte të mira të ofrojnë Skënderbeu, Partizani dhe Kukësi. Në klubet që kanë synime të larta, gjithmonë paguhesh në kohë. Në klubet e tjera mund të ketë vonesa. Ky problem nuk është vetëm në Shqipëri, në shtete të tjera të Ballkanit ekziston një problem i tillë, edhe në Rumani e Serbi”.

JETESA NË SHQIPËRI –  A jetohet mirë në vendin tonë nëse je futbollist? Bakaj nuk ka dyshime: “Në Shqipëri, si në gjithë botën, investohen para në futboll. Në sportet e tjera më pak. Duke luajtur futboll në Shqipëri nuk do të merrni shumë para, por do merrni mjaftueshëm për të jetuar mirë. Ka një diferencë të madhe në paga mes futbollistëve dhe njerëzve që bëjnë punë të tjera. Kështu që shumë prindër duan që fëmijët e tyre të luajnë futboll. Paga mesatare atje për momentin është 400-500 euro në muaj”.

PARTIZANI – Bakaj për pesë vite ka qenë pjesë e moshave të Partizanit. Ai tregon edhe se si kaloi në ekipin e parë, teksa gazetari e pyet se si ka mundësi që i është ofruar një kontratë që në moshën 15-vjeçare. “Xhani më pëlqente shumë. Më lini t’ju shpjegoj se çfarë ndodhi. Ekipi i parë përballej shpesh me më të mirët e akademisë. Sigurisht Partizani fitonte me ne 10-1, 10-2 dhe nëse ne shënonim, atëherë isha unë autori i golit. Njëherë, para se të niste sezoni, Partizani luante një miqësore me Apoloninë. Edhe ata luanin në Superiore. Presidenti kërkoi që disa nga djemtë e akademisë të merreshin për atë ndeshje. U morëm direkt nga stërvitja. Më kujtohet kur u futa në fushë, pasova djathtas, më pas erdhi një kros dhe unë shënova.

Isha shumë i ri atëherë. E imagjinoni se çfarë do të ndodhë nëse një 15-vjeçar dërgohet për t’u stërvitur me ekipin e parë? Natyrisht për të nuk do të jetë e lehtë. Pas stërvitjes së vështirë nuk haja, shkoja direkt në shtrat. Gjatë kësaj kohe jam stërvitur njëlloj sikurse pjesa tjetër e ekipit. Isha një i çmendur dhe doja t’i tregoj trajnerit se unë vlej diçka. Gjashtë muaj më pas nisa të luaj me ekipin e parë. Debutova me Partizanin në kupën Intertoto kundër Makabi Netanja (2003) dhe u bëra futbollisti më i ri shqiptar që luante në kupat e Europës”, tregon mesfushori i avancuar.

VLLAZNIA E KUKËSI – Pasi u largua nga RNK Split, kur Bakaj pati probleme me pagesat, gjeti marrëveshjen për të kaluar te Tirana. Bardheblutë u dënuan nga FIFA dhe në ditën që do të prezantohej u bë publik edhe bllokimi i merkatos. I gjendur në këto kushte, ai pranoi ofertën e Vllaznisë. Në fakt ishte një dhuratë nga Lutfi Nuri për klubin shkodran. Gjithashtu ai flet edhe për klauzolën e golave te Kukësi.

“Nuk kisha shumë mundësi të mira, transferimi te Tirana dështoi. Zëvendëspresidenti i Federatës Shqiptare të Futbollit më ofroi të luaja për Vllazninë për disa muaj. Një ekip i mirë, por ata nuk kishin para dhe më paguante ai nga xhepi. Në Verë pata ofertë nga Malajzia, 20 mijë euro në muaj. Më besoni, nuk janë shuam para për Malajzinë. Kështu që refuzova. Më pas firmosa me Kukësin dhe kisha një bonus interesant: për çdo gol që do të shënoja do të merrja shpërblim 2 mijë euro. Shënova shumë gola (12) dhe presidenti duhet të paguante për çdo gol.

PRAPASKENAT E MERKATOS – Bakaj ka pasur mundësinë të dalë jashtë vendit që herët: “Në vitin 2006 kisha mundësinë të shkoja në Greqi. Luanim në Kupën Intertoto kundër qipriotëve të Etnikos dhe shënova në ndeshjen në transfertë. Pas kësaj m’u ofrua një kontratë 5-vjeçare nga grekët e Pas Janinës, që ishin në ligën e dytë. Presidenti Xhani më tha të shkoja. Kishte marrëdhënie shoqërore me pronarin e klubit grek. Shkova atje, por vetëm u stërvita. Nuk luajta kurrë për ta. Hanoveri? Shkova atje në vitin 2010 dhe më panë për një javë, pasi u stërvita me ekipin. Në fund, trajneri Mirko Slomka tha: “Më pëlqen Bakaj, duhet të qëndrojë”. Drejtori sportiv ishte kundër. Nuk gjeti gjuhën e përbashkët me menaxherin tim”.

“Në vitin 2009 Dinamo më bleu nga Partizani për 100 mijë euro. Ishte transferimi i parë brenda kampionatit shqiptar. Luajta shumë ndeshje me Dinamon, isha pjesë e kombëtares dhe një vit më vonë kam pasur shansin për të nënshkruar një kontratë me Borusian e Dortmundit. Por presidenti im, një njeri i çmendur, donte që Dortmundi të paguante 3 milionë euro. Kjo është një histori e vërtetë. Nga Gjermania erdhën njerëz për të më parë dhe për të regjistruar një video për Klop.

Në mediat gjermane dolën lajme që raportonin se Klop nuk ishte kundër blerjes sime, por presidenti i Dinamos nisi të fliste për 2-3 milionë euro… E kuptoj shumë mirë që nuk do luaja në formacion në Dortmund, do isha rezervë, por gjermanët dëshironin vërtet të më blinin dhe nëse do kisha shkuar në Bundesligë, karriera ime do kishte qenë ndryshe”, rrëfen Bakaj.

Së fundmi Bakaj ka dhënë edhe një intervistë për “Tribuna” dhe vë në dukje diçka që i pëlqen nga Bjellorusia. “Më pëlqejnë njerëzit këtu. Bjellorusët nuk janë si ballkanasit. Këtu njerëzit nuk më afrohen dhe më pyesin: Pse nuk shënove! Këtu njerëzit janë të qetë dhe më pëlqen kjo gjë. Janë të ngjashëm me ukrainasit”, shprehet fillimisht trekuartisti.

Ai veçon edhe të tjera gjëra që i kanë bërë përshtypje: “Diçka tjetër që kam vënë re është se këtu nuk krijon dot lehtë miqësi me njerëzit, por kur i krijon është një raport i mrekullueshëm. Një tjetër gjë që më pëlqen është edukata e shoferëve. Këtu sillen sipas rregullave dhe nuk krijohen sherre. Bjellorusia është një vend i sigurt. Bëj një jetë normale këtu, nuk pi duhan ose alkool dhe kurrë nuk kam pasur probleme me policinë”.

I ftohti bjellorus duhet përballuar në njëfarë mënyre dhe shumë njerëz zgjedhin alkoolin për t’u “ngrohur”. Konsumimin e alkoolit, si një problem social në Bjellorusi e ka kuptua edhe Bakaj, i cili jep edhe komentin e tij në lidhje me këtë çështje.

“Po e kam kuptuar këtë gjë. Shoh shumë njerëz të dehur rrugëve. Megjithatë, edhe në Shqipëri mund të takosh shumë njerëz të alkoolizuar. Bjellorusët që dehen nuk krijojnë probleme të mëdha. Në Shqipëri një njeri i pirë mund të krijojë probleme për të gjithë qytetin”, përfundoi Bakaj.

Goli dhe loja e mirë bën që 26-vjeçari të vlerësohet me një vend në formacionin e javës. Përgjatë këtij sezoni Xhejms ka qenë një ndër lojtarët më të aktivizuar tek ekipi i tij, ku 23 ndeshje ka arritur të shënojë 9 gola në kampionat.

https://www.facebook.com/1514155852227941/videos/vb.1514155852227941/2340955062893912/?type=2&theater

Zhvendosemi në Bjellorusi ku një tjetër “ish” i Superiores po kalon një formë të shkëlqyer. Elis Bakaj shënoi golin e vetëm për skuadrën e Shaktar Soligorks në ndeshjen kundër Slutskit. Teksa janë luajtur 3 javë kampionat, skuadra e shqiptarit kryeson renditjen e tabelës me pikë të barabarta me Dinamo Brest.

Për Bakajn ky është goli i dytë në kampionat dhe i pesti në total, pasi ka gjetur tre herë rrugë e rrjetës në Kupë. Sulmuesi 31-vjeçar është një nga futbollistët më të rëndësishëm të Shaktar Soligorsk, që synon të fitojë titullin kampion.

CIKALLESHI – Kavajasi i Akhisarspor është rikuperuar dhe sot skuadra e tij humbi një finale për mbijetesën. Edhe pse shënuan të parët me Manu (61’) kundër Erzurumspor, gjithçka u përmbys nga dy gola të shpejtë të realizuar për katër minuta.

Gol i parë i falur, ndërkohë që ai hutim i shërbeu Erzurumspor që shënoi edhe golin e dytë.  Sokol Cikalleshi u aktivizua në minutën e 82-të me synimin që të shmangej të paktën humbja, por kjo nuk ndodhi. Akhisarspori, kur kanë mbetur edhe gjashtë ndeshje, renditet në vendin e fundit në klasifikim dhe tashmë misioni mbijetesë është vështirësuar ndjeshëm.

Futbollisti kryeqytetas ishte protagonist, pasi shënoi dhe asistoi në këtë përballje. Bakaj realizoi golin e qetësisë, në minutën e 60-të. Sulmuesi mori një pasim të bukur dhe me një goditje brenda zonës arriti të mposhte portierin kundërshtar. Më pas festë me ultrasit.

Shtatë minuta më pas Bakaj asistoi për Bodul, i cili mbylli ndeshjen. Për t’u veçuar goli i parë i ndeshjes, realizuar nga Antiç nga një distancë e largët.

Bakaj ashtu si sezonin e kaluar vazhdon të mbetet një lojtar i padiskuteshëm në formacionin e nënkampionëve të Bjellorusisë.

31-vjeçari u përzgjodh në formacioni më të mirë të javës të publikuar nga sajti Federatës Bjelloruse të Futbollit. Përzgjedhja e lojtarëve bëhet në bazë të statistikave të mbledhura nga kompania e të dhënave “Instat”.

Bakaj iu bashkua skuadrës së Shaktar Soligorskut në janar të vitit të kaluar. Këta të fundit shpenzuan mbi 100 mijë euro për të blerë kartonin e tij nga Kukësi. Sezoni i parë i sulmuesit në Bjellorusi rezultoi një sukses, me Bakajn që ishte një ndër më të mirët në skuadër, duke regjistruar 9 gola dhe numrin më të lartë të asisteve në skuadër.

Bakaj ishte protagonist në këtë sfidë me një dopietë, ku fillimisht shënoi në fundin e pjesës së parë, golin e dytë të ndeshjes, ndërsa më pas shënoi edhe golin e tretë të sfidës dhe të dytin personal në minutën e 59-të. Ai gjithashtu edhe asistoi te goli i katërt i Shaktar Soligorsk.

Kështu, 31-vjeçari vijon të konfirmohet një pikë kyçe e ekipit të tij, teksa kujtojmë në sezonin e shkuar shënoi 9 gola, duke ndihmuar Shaktjor Soligrosk të renditej e dyta në kampionat pas BATE Borisov.

“Për një sportist, që të votohet si lojtari më i mirë i vitit i ekipit të tij, nga tifozët, është diçka shumë e bukur dhe një sodisfaksion shumë i madh për mua, për të vazhduar më tej, që të jap maksimumin me këtë ekip”, thotë Bakaj në një intervistë për Supersport.

PËRSHTATJA – “Gjërat shkuan ashtu siç klubi e priste nga unë, sepse ata bënë një investim të madh për mua dhe prisnin t’u shpërblehej. Jam ambientuar shumë mirë, ndihem shumë mirë këtu, ashtu si edhe familja ime, kështu që jo më kot rinovova edhe kontratën. Kam pasur edhe oferta të tjera, por ndihem mirë dhe i respektuar nga të gjithë këtu. Ndaj bashkë me familjen time vendosëm të qëndrojmë”, shton Bakaj.

OBJEKTIVI – Shaktar Soligorski e mbylli në vendin e dytë këtë vit, ndërkohë që sezonin e ardhshëm synohet titulli. “Këtu çdo sezon synohet titulli, pavarësisht se është e vështirë, sepse dihet që Bate Borisov ka një ekip shumë të mirë. Megjithatë ne kemi luajtur dy herë me ta këtë sezon dhe një herë kemi humbur e një herë kemi fituar, por kemi parë që nuk kanë asnjë diferencë me ne, në fushën e lojës”, deklaron sulmuesi.

SUPERIORJA – Fillimisht flet për Tiranën, klub që është kthyer si në një shtëpi për Bakajn: “Normalisht që nuk më vjen mirë që një ekip si Tirana të jetë në një gjendje të tillë, të vështirë, megjithatë futbolli i njeh edhe këto situata, ndaj njerëzit duhet të mësohen me faktin se tashmë nuk luhet më me fanellë, por në fushë dhe çdo skuadër ka të drejtë të pretendojë. Sot në futboll fiton ai që investon më shumë para, por unë si ish-futbollist i Tiranës uroj vetëm që skuadra të rikthehet sa më shpejt në nivelet që ka qenë për vite me radhë”.

“Partizani është një nga pretendentët kryesorë për të marrë titullin, bashkë me Kukësin. Të kuqtë kanë lojtarë cilësorë në ekip dhe ky mund të jetë viti i duhur për t’u rikthyer te titulli kampion”, përfundon Elis Bakaj prononcimin e tij.

Në faqen zyrtare dhe në rrjetet sociale të klubit bjellorus u bë një votim për lojtarin më të mirë dhe Bakaj mori 27% të votave. Julius Szoka u rendit i dyti me 20% të votave, kurse Juri Kovalev mbyll podiumin me 17% të votave të dhëna nga tifozët.  Andrei Klimoviç dhe sulmuesi Denis Laptev mbyllin pesëshen e lojtarëve më të votuar.

ECURIA E BAKAJT – Sezoni i parë i Elisit në Bjellorusi ka qenë mjaft i mirë, duke qenë një nga lojtarët e huaj më aktivë te skuadra e Shaktar Soligorskit. Bakaj është aktivizuar në 32 ndeshje në të gjitha kompeticionet.

Sulmuesi 31-vjeçar ishte autor i nëntë golave në kampionat, ndërkohë që shënoi edhe tre gola në ndeshjet e Europa League.Bakaj gjithashtu asistoi edhe në tetë gola të shokëve të skuadrës së tij, duke bërë që edhe tifozët ta vlerësojnë si më të mirin te Shaktar Soligorski. Më parë ai ishte përzgjedhur edhe lojtari më i mirë i muajit nëntor në kampionatin bjellorus.

????? – ?????? ????? ????????? ??????! ?
?
???? ??????? 32 ????? ?? ???? ????????, ????? 12 ?????, ????? ?????? ??????? ??????? ? ????????? ?????? ???????????????? ????? ???? ?????????? ? ??????? «???????». ? pic.twitter.com/YQfblsCxcL

— FC Shakhtyor Soligorsk (@fcshakhterby) December 21, 2018

Nga ajo që mëson “SportEkspres.com”, kjo është e katërta herë që Demollari ngarkon një studio ligjore për t’i shkuar deri në fund kësaj çështjeje. Në tri rastet e mëparshme gjykatësit e kanë pushuar çështjen dhe tanimë legjenda e Dinamos dhe kombëtares ka nisur sërish betejën.

Më datë 17 dhjetor është zhvilluar edhe seanca e parë e gjyqit dhe mbetet për t’u parë se çfarë do të ndodhë. Përplasja, nëse mund të quhet e tillë, ka nisur që pas transferimit të Bakajt te Dinamo e Bukureshtit në Rumani dhe Demollari ka vënë në dispozicion të juristëve që po merren më këtë çështje marrëveshjen e tij me 31-vjeçarin.

Në vitin 2014 pretendimet e Demollarit kapnin shumën e 20 mijë eurove, teksa Gazeta Shqiptare në shtator të atij vitit shkruante se Gjykata e Shkallës së Parë Tiranë kishte paraqitur këtë objekt: “Detyrimin e të paditurit të paguajë shumën prej 20.000 (Njëzetmijë) euro si më poshtë: Shumën e detyrimeve kontraktuale të papaguara që lidhen me detyrimet e lindura nga kontrata e bashkëpunimit e datës 4.2.2011, të hartuar nga notere Majlinda E. Demollari, me nr 961 rep. Dhe 330 kol., të firmosura nga palët, në shumën 20.000 (Njëzetmijë) euro, që përfaqëson 12% të pagës së përfituar për periudhën mars 2011-korrik 2014”.

Trepikësh europe për vendasit, të cilët sigurojnë kualifikimin në Europa League dhe e mbyllin sezonin si nënkampionë të Bjellorusisë. Vendi i parë në vendin lindor është prenotuar prej vitesh nga Bate Borisov, ndërsa vendi i dytë është një rezultat shumë i mirë për Shakjtorin dhe Elis Bakajn.

Në ndeshjen e sotme, 31-vjeçari shqiptar shënoi golin e dytë të ekipit në minutën e 68, ndërsa dhjetë minuta më pas u zëvendësua nga loja nga trajneri i tij.

Shaktjor Soligorski arriti një fitore në transfertë përballë Smoleviçit me rezultatin 0-2. Bakaj ishte pjesë e formacionit mik, ndërsa u zëvendësua në minutën e 78. Trepikësh shumë i rëndësishëm për ekipin e sulmuesit, që ngjitet në vendin e dytë dhe është një hap larg kualifikimit në Europë. Ka mbetur dhe një javë për t’u mbyllur kampionati bjellorus, ndërsa Shaktjori pret në fushën e vet ekipin e FC Minskut. Mjafton dhe një fitore dhe ekipi i Bakajt kualifikohet në kompeticionet europiane.

Mariupoli i Besir Demirit arriti një fitore minimale në shtëpi përballë Vorskla Poltavës. Goli i Zubkov në pjesën e dytë i dha tre pikë ekipit të lojtarit shqiptar, i cili u aktivizua në formacion. Mbrojtësi i majtë u ndëshkua me karton të verdhë një minutë pas golit të avantazhit, ndërsa Mariupoli ngjitet në vendin e gjashtë në Premier Ligën e Ukrainës.

Më në fund Jenisei! Ekipi i Enis Gavazajt arriti një fitore të madhe përballë Dinamo Moskës në transfertë, duke rikthyer shpresat e mbijetesës. Jenisei fitoi 1-2, duke arritur fitoren e dytë në kampionat. Trepikëshi mungonte për ekipin e Gavazajt që nga 27 gushti, ndërsa 23-vjeçari e ndoqi gjithë ndeshjen nga stoli.

Paraqitjet e mirë të 31-vjeçarit kanë bindur drejtuesit e skuadrës për të vazhduar bashkëpunimin me Bakajn. Ditën e sotme klubi zyrtarizoi rinovimin me futbollistin shqiptar dhe disa kolegë të tij. Statistikat e Bakajt në kampionatin Bjellorus janë shumë të mira. Në 24 paraqitje, ai ka shënuar 7 gola dhe ka regjistruar po kaq asiste.

?????? ?????, ????????? ??????, ????? ????? ? ?????? ????????? ???????? ????????? ? ????? ?????? ? ????? ?????????? ???????? ????? «???????». ? pic.twitter.com/PgA8rO8Jgv

— FC Shakhtyor Soligorsk (@fcshakhterby) November 5, 2018

Rybak ishte ai që zhbllokoi shifrat në pjesën e parë, kurse Bakaj ter minuta nga nisja e pjesës së dytë arriti që të dyfishonte shifrat. Në fund Vitebsk shënoi një gol sa për statistika. Një minutë më parë, në të 88-ën, Bakaj ishte zëvendësuar.

Tanimë Shaktar Soligorski, me këtë ditore, ka marrë vendin e dytë në klasifikim. Pas 26 javësh kampionat kanë grumbulluar plot 54 pikë, një më shumë se Vitebski me të cilin u përballën sot.

Një vërshëllimë nga shkallët e stadiumit ndaloi sulmuesin shkodran, i cili e ndali topin me gjoks dhe e la në tokë. U mendua se u sinjalizua për pozicion jashtë loje, por nuk ishte arbitri Andi Koçi ai që kishte vërshëllyer.

Beqiri shtyu pak topin me idenë për ta shkelmuar më pas, por duke parë arbitrin Guri pasoi për Bakajn. Ky i fundit nuk hezitoi dhe shënoi. Gjithçka e rregull, edhe pse lojtarët e Luftëtarit protestuan. Padyshim një nga golat më të çuditshëm të pësuar në Superiore.

Ish-lojtari i Tiranës, Dinamos, Partizanit dhe Kukësit, ka realizuar në minutën e 48-të golin e dytë për skuadrën e tij. Bakaj është treguar i saktë nga pika e bardhë e 11-metërshit. Për të është goli i gjashtë sezonal.

Shaktjar Soligorsk shënoi edhe një gol tjetër në fund të takimit dhe me rezultatin 3-0 doli nga fusha, duke marrë pikët e plota. Skuadra e Bakajt ngjitet në vendin e dytë, por shanset për titull janë të vogla. BATE Borisov, që ka edhe një ndeshje më pak, numëron 9 pikë më shumë në renditje.

Për ish-lojtarin e Kukësit, që u transferua vjet në Bjellorusi, ky është goli i katërt i shënuar. Ndërkohë që ndeshja ende nuk ka përfunduar dhe rezultati ka shkuar në 2-3 për skuadrën e Bakajt. Sulmuesi arriti të asistonte për Laptev, i cili me kokë pas krosit nga këndi u tregua i saktë.

– Katër gola në harkun e pak ditëve, je kthyer në lojtarin lider në Soligorsk. Çfarë mund të na thuash për këtë ecuri fantastike?

– Jam shumë i lumtur që kam arritur të gjej rrugën e rrjetës. Përveç kësaj, jam i lumtur që gjërat po shkojnë ashtu siç i kisha parashikuar në Bjellorusi.

– Si është futbolli aty, krahasuar me Shqipërinë?

– Këtu është më fizik, në Shqipëri është më teknik. Realisht është futboll i vështirë, nuk e prisja kaq të vështirë.

– E megjithatë klasi yt ka bere diferencën. E prisje të ishe kaq vendimtar në këtë periudhe, pas fillimit pa gola dhe ambientimit disi të vështirë?

– Çdo ekip i ri do kohën e vet për t’u ambientuar. Tani jam ambientuar shumë mirë dhe jo më kot po shënoj rregullisht.

– Tre gola në tre ndeshje në Europë, me Bakajn në Soligorsk ëndërrojnë të shkojnë larg në arenën ndërkombëtare?

– Ne shpresojmë që në ndeshjen e kthimit në Poloni të fitojmë, por do jetë një ndeshje shumë e vështirë, na duhet të bëjmë një ndeshje perfekte atje, duke qenë se barazuam 1-1 në Bjellorusi, me Leh Poznanin që shënoi në fund të ndeshjes.

– Ke shënuar edhe ne kampionat, i prishe festën Maradonës, çfarë ndjesie ishte?

Maradona është Maradona, legjendë. Askush nuk mund t’ia prishë festen atij. E kam thënë që ishte një kënaqësi të takoja një legjendë të vërtetë si ai.

– Si ishte takimi me të, je nga shqiptaret e paktë që i ka shtrënguar dorën. A pate mundësi te shkëmbeje ndonjë fjalë para apo pas ndeshjes?

– Jo, thjesht u takuam para ndeshjes dhe kaq, por ishte një kënaqësi e veçantë.

– Elis, ke luajtur në Ukrainë, Rumani apo Izrael. Ku do e kategorizoje Bjellorusinë si ligë, për sa i takon konkurrencës?

– Kam qenë në disa kampionate në Europë, po e thashë edhe më sipër që këtu futbolli është shumë fizik dhe ka 4-5 ekipe që kanë buxhete te larta dhe kanë lojtarë cilësorë.

– Synimi për këtë sezon mbetet titulli, edhe pse BATE duket larg? Besoj një objektiv i ekipit dhe i Elisit vetë?

– Normal që po, ai është synimi kryesor, edhe pse rivaliteti është i egër.

– Deri kur është kontrata në Soligorks dhe a do të të pëlqente të qëndroje sa më gjatë?

Kontrata me përfundon në 31 dhjetor 2018 dhe e kam thënë që ndihem shumë mirë këtu, pse jo mund te rinovoj. Le t’ia lëmë kohës.

– Luan vetë në Europë, shqiptarët i ke ndjekur? Kukësi mendon se ka shanse ndaj Karabakut?

– Po, Kukësin e kam ndjekur. Unë them qe ka shanse, pavarësisht se do jetë një ndeshje shumë e vështirë në Azerbajxhan.

– Gara për titull në Shqipëri: Kukësi, Skënderbeu, Partizani, Tirana apo Flamurtari. Kush mendon se e fiton dhe Elisi kë do preferonte, duke qenë se një pjese të madhe të këtyre ekipeve i njeh mire?

– Unë them se do jetë një gare midis këtyre ekipeve që po bëjnë investime të rëndësishme. E kam te vështirë ta them, sepse nga 5 ekipe kam luajtur me 3 prej tyre (qesh). E rëndësishme është të bëhet një kampionat i bukur dhe në fund ta fitojë më i miri.

Por jo gjithçka ka shkuar perfekt dhe Bakaj e pranon se nuk e nisën mirë ndeshjen. Kjo ka edhe disa arsye, që sulmuesi i shpjegon: “Jam dakord që nuk e nisëm mirë ndeshjen. Një nga arsyet është se kemi luajtur në Uells tre ditë më parë. Dhe, sigurisht që është e vështirë: avion, autobus… Pastaj mos të harrojmë se na kundërvihej një ekip i mirë dhe që luante në shtëpinë e vet. Por ne e menaxhuam situatën dhe ristrukturuam veten”.

Bakaj shënoi gol dhe asistoi dhe normalisht kjo ka rëndësinë e vet: “Normalisht që për një lojtar në pozicionin tim statistikat janë të rëndësishme. Dhe nuk e fsheh se dua të shënoj dhe të jap asiste sa më shumë. Por gjëja më e rëndësishme është që ekipi ka bërë një hap të mirë në kampionat. Jam i kënaqur që në njëfarë mënyrë jam përfshirë në këtë”.

Në fund Bakaj falënderon edhe tifozët: “Normalisht që u ndje mbështetja e tifozëve. Ishte shumë bukur t’i shihja ata dhe në një numër të tillë dhe në një ndeshje kaq të vështirë. Ata gjithmonë na ndihmojnë ne dhe i falënderojmë shumë”.