“Nuk mendoj për atë që kam bërë me klubin, tani mendoj për kombëtaren. S’ka rëndësi nëse jap unë asiste, apo ndonjë tjetër”, u shpreh Memushaj fillimisht në konferencë, ndërkohë që më pas flet edhe për faktin që lojtarët po luajnë.

“Është pozitive kjo, por kemi edhe mungesa. Nuk duhet të mendojmë për këto gjëra, por për ndeshjen me Turqinë. Për të bërë diçka speciale duhet fituar këto përballje. Fakti që luajmë të gjithë është diçka pozitive”.

“Kemi bërë paraqitje të mira dhe jo të mirë. Nations League duhet harruar sa ma parë. Le të mendojmë pozitivisht”, shtoi vlonjati. “Andorrën nuk e njoh si ekip, Turqia është një ekip i fortë, ka një lojtar si Çalhanoglu. E dimë çfarë na pret me ta”.

“Nuk është problem, marr dy kartonë vetëm të fitojmë”, thotë Memushaj me shaka. “Jam i kënaqur që kthehet Armando. E kam kaluar edhe unë atë lloj dëmtimi. I dimë kualitetet e Sadikut, është i rëndësishëm për ne. Edhe Balaj ka bërë mirë kur është aktivizuar”.

“Kemi humbur edhe kur kemi luajtur në mbrojtje, edhe kur kemi luajtur në sulm. Duhet të mendojmë pozitivisht dhe të fitojmë. Këto janë ato lloj ndeshjesh që e ndryshojnë grupin dhe ecurinë në kualifikuese. Me Turqinë është e vështirë, ndryshe nga miqësorja kur fituam”.

TURQIA – “Përgatitjet janë si çdo herë. Po mundohemi të përqendrohemi. Ndeshja e parë është e rëndësishme. Herën e fundit fituam në Portugali dhe shkoi pastaj mirë. Duhet një fitore patjetër. Kemi një ekip të vështirë përballë. Luhet për tre pikët.”

ECURIA – “Sa i takon Ligës së Kombeve, fituam me Izraelin dhe u mposhtëm në Skoci. Në Izrael nuk merituan të humbnim. Me Skocinë e mbyllëm keq, por kartoni i kuq ndryshoi çdo gjë dhe njerëzit nisin kritikat për të gjithë. E mbyllëm keq dhe tani duam të ndryshojmë diçka.”

KUALIFIKIMI – “Shanset i kanë të gjithë, futbolli ka ndryshuar. Duhet fat dhe mos të nënvlerësojmë askënd. Nuk mundemi të bëjmë më keq sa i takon rezultateve.”

OPINIONI – “Lenjani ka marrë vendimin e vet. Strakosha është një çështje disiplinore.”

KONKURRENCA – “Kemi mendim pozitiv, Abrashi luan në Frajburg, Kaçe po luan. Jemi edhe ne pleqtë, unë e Lediani. Konkurrenca të rrit edhe në stërvitje. Jemi stërvitur dhe nuk jemi ankuar asnjëherë nëse jemi titullar. Nuk ka rëndësi sa minuta luajmë, duhet të dimë se po mbrojmë ngjyrat kuqezi. Kombëtarja duhet të ecë përpara, nuk ka rëndësi kush luan. Kombëtarja të ndihmon, por nuk të çon te Reali i Madridit.”

GRUPI – “Duhet të ndihmojmë çdo lojtar, i ri apo i vjetër. Duhet t’i flasim pozitivisht. Duhet me fol pozitivisht me çdo lojtar, pavarësisht raportit. Duhet t’u tregosh disiplinën dhe rëndësinë e këtyre ngjyrave.”