Trajneri Elidon Demiraj ende mbetet i habitur për formulën që zgjodhi FSHF-ja. Tekniku fierak, për SportEkspres.com ka deklaruar: “U shpik një formulë e çuditshme nga FSHF-ja dhe u hoqi një mundësi vendeve të treta të luanin në Play-off për Kategorinë e Parë. Kjo situatë sikur na e zhbëri gjithë rrugën tonë.

Tashmë duhet të mendojmë se çfarë do të ndryshojmë që në sezonin tjetër të mos renditemi përsëri në vendin e 3-të. Skuadra është me pushime, ndërkohë që jemi në pritje të rifillimit të përgatitje”. Demiraj flet edhe në lidhje me riorganizimin për sezonin e ardhshëm.

“Në këto momente nuk mund të bëhet fjalë për merkato, edhe pse skuadra e ka të domosdoshme. Albpetroli është nën administrimin e Bashkisë së Patosit dhe kjo situatë politike nuk është e favorshme për futbollin. Jemi si në ajër. Vetëm zgjidhja politike i jep drejtim vazhdimësisë së Albpetrolit”, u shpreh Demiraj.

AGRON KAJA

“Shpresojmë në një zgjidhjeje, pasi mundësia ekziston. Konkretisht, ne mendojmë se vendet e treta në të dy grupet duhet të bëjnë një ndeshje shtesë mes tyre, për t’u ngjitur një skuadër në Kategorinë e Parë. Kjo është një zgjidhje pa e prishur garën, nisur nga rasti i zbritjes së Kamzës nga Superiorja në Kategorinë e Dytë”, theksoi Demiraj.

Më tej ai foli edhe për ndeshjen e radhës në transfertë me Naftëtarin: “Siç e thashë edhe më lart, ne shpresojmë që nga vendi i tretë në grup të luajmë një sfidë finale për në Kategorinë e Parë. Duke qenë se këtë pozicion e kemi objektiv, në Kuçovë do të luajmë vetëm për fitore. Kemi dy mungesa titullarësh në këtë sfidë, por kemi lojtarë të tjerë që mund t’i zëvendësojnë”.

AGRON KAJA

“Në Ersekë ishte një ndeshje e luftuar dhe ne e kërkuam fitoren deri në fundin e saj. Rreth minutës së 40-të u dëmtua një lojtar i Gramozit (Mydini), të cilit ne si ekip i urojmë të rikthehet sa më shpejt në fushë”, shprehet fillimisht Demiraj, i cili në të shkuarën ka qenë edhe në krye të Apolonisë.

“Epërsia jonë tregoi se kemi ende nivelin e një pretendenti në grup, edhe pse dy kryesuesit ndodhen 10 pikë para. Ne do luajmë deri në fund të kampionatit, pasi matematikisht janë edhe 24 pikë në lojë dhe kjo na lejon të shpresojmë”, përfundoi trajneri i Albpetrolit, Elidon Demiraj.

AGRON KAJA

Këtë fakt, trajneri Elidon Demiraj i Albpetrolit e shpreh me pakënaqësi teknike të tij, edhe pse në këtë miqësore ka provuar tre futbollistë të rinj. “Në miqësoren me Selenicën aktivizova tre lojtarë të rinj që i mendoj për vazhdimësinë. Por nuk kam mbetur i pakënaqur, sepse prisja më shumë dëshirë e impenjim në lojë, si në fazën mbrojtëse, ashtu edhe në sulm”.

Deri më 17 shkurt që rinis kampionati i Kategorisë së Dytë, Demiraj thekson se ka kohë për të provuar edhe të tjerë të rinj, ndërsa Albpetroli renditet në vendin 4-t në Grupin B, 7 pikë pas Shkumbinit të vendit të parë.

AGRON KAJA

Në deklaratën për SportEkspres.com, trajneri i Albpetrolit, Elidon Demiraj, tregon se në fundin e ndeshjes Shkumbini-Albpetrol 0-0, tifozët peqinas kanë zbritur në fushë dhe kanë dhunuar lojtarët patosarakë. “Pas ndeshjes, kolegu im i Shkumbinit krijoi një polemikë pa vend me një futbollist të Albpetrolit. Në këtë moment, shumë tifozë zbritën nga shkallët dhe hynë në fushë, duke na dhunuar në bankinën tonë”.

Sipas Demirajt, dy janë shkaqet e asaj ndodhie në Peqin. “Së pari ishte trajneri Bano që inicoi një debat të paqenë, e së dyti: nga ai debat u prodhua dhuna e tifozëve. Zoti na ruajt! Një lojtar yni vetëm 17 vjeç, rrezikon shumë dëmtimin e syrit. Siguria nuk reagoi fare në këtë rast, e këtu nuk bëhet fjalë për futboll”, përfundoi tekniku fierak i Albpetrolit.

“Në Këlcyrë nuk u luajt futboll. Atje ishte një bandë jo skuadër, që nuk kishte lidhje me futbollin e luajtur, dhe një arbitër i paaftë për ta frenuar atë skandal. Nuk ka ndryshuar asgjë në futbollin tonë, luajmë si 20 vite më parë”, ishte kjo deklarata e Demirajt, i cili këtë ndeshje kërkon që skuadra ta ketë harruar, por si një kujtim që nuk duhet përsëritur.

“Skuadra duhet të shikojë përpara, nuk do të jemi me mendjen te Këlcyra. Me të le të merret FSHF-ja, që e ka futur në garë. Ne po përgatitemi për ndeshjen e radhës me Naftëtarin. Nuk do jetë ndeshje e lehtë, por synimi ynë i vetëm është fitorja”, përfundoi Demiraj fjalën e tij për “SportEkspres.com”. Albpetroli renditet në vendin e 4-t në Grupin B të Kategorisë së Dytë, 7 pikë më pak nga Maliqi kryesues.

Tashmë e kanë gjetur atë dhe ai është Elidon Demiraj, i cili më parë ka drejtuar skuadrën e Apolonisë, madje edhe në Superiore. Albetroli ka konfirmuar marrëveshjen me trajnerin e ri dhe pritet që të ketë edhe zhvillime të tjera.

Brenda pak ditëve do të ketë afrime cilësore te patosarakët, të cilët do kërkojnë që sivjet të rikthehen në Kategorinë e Parë. Vjet nuk ia dolën dot, pasi u renditën në vendin e tretë. Ishin Elbasani dhe Oriku klubet që u ngjitën një kategori më lart.