Për presidentin e klubit të Kamzës, Naim Qarri, është dhënë masa e sigurisë arrest shtëpie, ndërsa për pesë të arrestuarit e tjerë është dhënë masa detyrim paraqitje.

Dënime të ashpra ka pasur dhe për zyrtarët e klubit kamzali duke filluar nga presidenti Naim Qarri e deri te drejtuesit e tjerë.

VENDIMET E KOMISIONIT TË DISIPLINËS

3. FK “Kamza”, për dështim në përmbushjen e përgjegjësive për organizimin e ndeshjeve, duke mos zbatuar rregullat e sigurisë, duke mos garantuar sigurinë e zyrtarëve të ndeshjes dhe zbatimin e ligjit, në bazë të nenit 64/1/b, 64/1/c), 64/1/e), 65/1 dhe 65/2 të KDS, dënohet me përjashtimin nga çdo aktivitet futbollistik për sezonin 2018-2019 si dhe gjobë në masën 1.000.000 (njëmilion) lek. Në bazë të nenit 29 të KDS, FK “Kamza”, dënohet me zbritjen në Kampionatin Kombëtar të Futbollit të Kategorisë së Dytë duke filluar nga sezoni futbollistik 2019-2020 .

4. Zyrtari i FK “Kamza”, Naim Qarri, për dhunë ndaj zyrtarit të ndeshjes duke e goditur me grusht, në bazë të nenit 49/2/b) dhe 49/3 të KDS, dënohet me 36 (tridhjetë e gjashtë) muaj pezullim nga çdo aktivitet futbollistik si dhe gjobë në masën 100.000 (njëqindmijë) lek. Në bazë të nenit 20 dhe 21 të KDS, zyrtarit i ndalohet hyrja në të gjitha stadiumet e Republikës së Shqipërisë si dhe hyrja në dhomat e zhveshjes dhe territoret përreth fushave të lojës apo stolat e rezervave.

5. Zyrtari i FK “Kamza”, Andi Matraxhiu për sjellje të gabuar ndaj zyrtarit të ndeshjes në mënyrë të përsëritur dhe nxitje të urrejtjes e akteve të dhunës, në bazë të nenit 49/2/b) dhe 52 të KDS, dënohet me 36 (tridhjetë e gjashtë) muaj pezullim nga çdo aktivitet futbollistik si dhe gjobë në masën 100.000 (njëqindmijë) lek. Në bazë të nenit 20 dhe 21 të KDS, zyrtarit i ndalohet hyrja në të gjitha stadiumet e Republikës së Shqipërisë si dhe hyrja në dhomat e zhveshjes dhe territoret përreth fushave të lojës apo stolat e rezervave.

6. Zyrtari i FK “Kamza”, Albert Bana, për sjellje të gabuar ndaj zyrtarit të ndeshjes, në bazë të nenit 49/2/b) dhe 49/3 të KDS, dënohet me 18 (tetëmbëdhjetë) muaj pezullim nga çdo aktivitet futbollistik si dhe gjobë në masën 100.000 (njëqindmijë) lek. Në bazë të nenit 20 dhe 21 të KDS, zyrtarit i ndalohet hyrja në të gjitha stadiumet e Republikës së Shqipërisë si dhe hyrja në dhomat e zhveshjes dhe territoret përreth fushave të lojës apo stolat e rezervave.

“Unë, atje, për ata isha i vdekur, në kuptimin e gjerë të fjalës. Policia private i thërriste me emra dhe dukej se njiheshin. Ata nuk reaguan, me përjashtim të një-dy personave. Më pas edhe Policia e Shtetit ishte e pa orientuar”, rrëfen Hamiti në “Top Channel”.

https://www.facebook.com/Digitalb/videos/923194891405624/

Ngjarja e rëndë është ndjekur nga televizioni nga bashkëshortja e tij dhe djali 5-vjeçar. Partnerja e Hamitit do donte që ai të tërhiqej. “Për mua do e kishte lënë karrierën, pavarësisht komenteve që dëgjojmë ‘jo u bëtë rehat’, apo akuza të ndryshme që bëjnë. Ju e shikoni që jetojmë normalisht, si gjithë të tjerët. Nuk është se po shoh të ardhura kushedi se çfarë dhe të gjej forca ta mbështes në këto situata në prezencë të djalit, siç ndodhi të dielën”, rrëfen bashkëshortja, dukshëm e pikëlluar.

Ajo zbulon momentet e vështirë dhe fjalët e të birit: “Çfarë po ndodh mam, çfarë po ndodh me babën? Kush po e gjuan babën’. Nuk e di, të paktën duhet të kenë mbështetje nga policia. Jam ndjerë shumë nën presion, jam ndjerë shumë keq. Nuk di çfarë të them”.

Hamiti më tej thekson se nuk do ta lërë arbitrimin, madje është gati të zbresë në fushë që këtë javë: “Djali më ka pritur zgjuar deri në 11 të natës, ngaqë jemi mësuar. Nuk flinte gjumë pa ardhur unë, pavarësisht se nuk e shpreh. Tërheqja? Unë në fushë e kam vendin, aty jam rritur. Nuk kam ardhur dje, e kam nisur sportin 7 vjeç dhe tani jam 36 vjeç. Unë jam i gatshëm të hyj në fushë që javën tjetër. Ka lënë shenjë, madje shumë. Por do ecim përpara”.

Në deklaratë bashkia solidarizohet me arbitrin dhe i bën thirrje organve të drejtësisë për solidarizim.

Deklarata Bashkisë së Lezhës

Bashkia Lezhë dënon dhunën ndaj arbitrit lezhjan Eldorian Hamiti, një specialist i certifikuar nga organet më të larta të botës së futbollit.

Hamiti është i njohur për arritjet dhe profesionalizimin e tij pasi është certifikuar edhe nga FIFA, ndaj dhuna e shfaqur një ditë më parë është e dënueshme,e patolerueshme dhe e papranueshme.

Bashkia Lezhë i shpreh solidaritetin arbitrit Hamiti dhe i kërkon organeve të drejtësisë të zbatojnë ligjin.

Faleminderit!

Për fat, kohët kanë ndryshuar, Laçi është qytetëruar dhe Peqini ka zbritur në “ferrin” e Kategorisë së Dytë, por herë pas here dalin kërpudha dhune që Federata Shqiptare e Futbollit i ka rritur vetë, si pa dashje.

Mjafton një rast: ajo që i bëri Këlcyra arbitrit pak kohë më parë ishte material për burg, jo për drejtësi sportive, sepse nga ana sportive Këlcyra duhej të ishte fshirë nga harta e futbollit.

Përfundimi? Asgjë, një përkëdhelje dhe kthim në kampionat. Humor tragjik. Po këtë sezon? Nuk po shkojmë në kategoritë e ulëta, por po qëndrojmë në Superiore. Pa polici është një katastrofë, po e shohim çdo javë, por katastrofa më e madhe janë vendimet e organeve të federatës.

Sinjalet janë dhënë me kohë, gur në Kamzë ndaj arbitrit në një ndeshje të Kukësit, topa bore mbi arbitrin në Korçë, pushtim fushe nga tifozët e Tiranës dhe po ashtu nga disa tifozë të Partizanit. Të gjitha janë kaluar butë, qetë e më dashuri. Nga një gjobë dhe ec, të lutem mos e bëj më.

Në Kamzë ishte vdekja e futbollit, kriminale të shihje arbitrin të dhunohej dhe siguria ishte qesharake, me disa të moshuar që bënin stjuardët dhe disa policë që më zor ngrinin barkun.

FSHF tashmë duhet ta ndajë mendjen, nëse vijojmë kështu, le t’i vendosë çmimin dhunës dhe t’u thotë të gjithëve: guri 2 milionë lek, dhuna 5 milionë, po vdiq njeri bëni kujdes se do u heqim pikë!

“Deri pak para isha në spital. Pati një frikë, por është mirë. Ka ikur në shtëpi dhe do jetë në vëzhgimin e mjekëve”, tha Jareci fillimisht. “Nuk kemi parë as në vitin 1997 situata të tilla”, shton ai.  “Policia duhet të jetë garant për jetën e arbitrave, jo stjuartët”. 

“Kukësi-Laçi? Nuk është kamufluar goditja e Rexhës. Nuk është gjë normale. Nuk është rast sporadik, ndodhi gjatë ndeshjes. U mjekua dhe nisi loja. Ka ndodhur edhe në Vjenë, nuk futem te Komisioni i Disiplinës. As atyre nuk ju dënua fusha”, tha Jareci.

“Ka gabime të arbitrave, është pjesë e punës. Nuk i mbroj. Nuk luhet futboll vetëm në Superiore, por edhe në Kategoritë e tjera. Delegati duhet të flasë me 112, pastaj ata të njoftojnë Policinë e qytetit ku luhet ndeshja”.

“Kur ishte policia nuk kishte persona të huaj në stadium. Rastet kanë qenë më të pakta. Arbitrat janë në tension të madh”, theksoi Jareci.

Ish-arbitri i njohur Sokol Çekaj ka reaguar nëpërmjet një postimi në “Facebook” në lidhje sulmin që iu bë arbitrit. Në postimin e tij Çekaj sensibilizohet me mikun e tij dhe cilëson arbitrimin e tij si të paanshëm në çdo moment, ndërsa sjelljen e agresorëve ish-gjyqtari e përshkon me një fjalë: Shtazareke.

Postimi i Çekajt –  E papranueshme, shtazarake ajo që ndodhi sot ne përfundim të ndeshjes Kamza-Laçi. Shumë persona do mendojnë që po flas si tifoz meqë unë jam nga Laçi, por jo të jeni të sigurt se po flas si një person që ka shumë vite në arbitrimin Shqiptar dhe po flas pa asnjë tifozllëk.

E kam ndjekur ndeshjen nga minuta e parë deri në minutën e fundit dhe nuk pashë në asnjë moment një dashje nga gjyqtari Hamiti për të mbajtur krahun e njërës skuadër apo të tjetrës skuadër. Dha një penallti neto, penallti në kohën e saktë të shtesës që nuk e përligj atë dhunë të bërë.

Miku im, kolegu im Leli, siç te thërras unë, mos u mërzit, se turpi është i atyre që të goditën jo i joti. Ti je një djalë i mirë, shok i mirë dhe një arbitër shumë i mirë. Të gjithë jemi me ty sot, të gjithë jemi goditur nga pak. Shërim të shpejtë Leli…

Zyrtarët e arrestuar nga policia janë  presidenti i klubit Naim Qarri, drejtori sportiv Andi Matraxhiu dhe shefi i klubi Albert Bana, si dhe një tifoz me iniciale E.Gj.

Në njoftimin e bërë nga forcat e rendit thuhet gjithashtu se janë shpallur në kërkim 4 tifozë të tjerë, ndërsa për ngjarjen janë shoqëruar 14 persona.

Komunikata e policisë

Tiranë

Policia arreston në flagrancë 4 shtetas për ngjarjen e ndodhur në ndeshjen e futbollit Kamza – Laçi.

Shërbimet e Policisë të Komisariatit të Policisë Nr 5, falë reagimit të shpejtë dhe në kohë bënë kapjen dhe arrestimin e shtetasve:

– N.Q., President i Klubit Kamëz;

– A.M., Drejtor Sportiv i Klubit Kamëz;

– A.B., Shefi i Klubit Sportiv Kamëz;

– E.Gj., tifoz.

Gjithashtu nga verifikimet e bëra rezulton se si autorë të dyshuar për dhunën e ushtruar ndaj gjyqtarit të ndeshjes, dyshohet se janë dhe shtetasit: B.Q., A.Q., A.Q. dhe K.Q., tifozë, të cilët janë shpallur në kërkim policor.

Arrestimi i 4 shtetasve si dhe shpallja në kërkim e 4 të tjerëve u bë për veprën penale “Goditje për shkak të detyrës” dhe “Prishje e qetësisë publike”.

Më datë 03.03.2019, rreth orës 14.00 është zhvilluar ndeshja e futbollit Kamza – Laçi.

Këtë ndeshje Komisariati i Policisë Nr. 5 Tiranë nuk e ka marrë përsipër, pasi nuk janë zbatuar detyrimet dhe përgjegjësitë sipas përcaktimeve të ligjit 79/2017 datë 27.04.2017 “Për Sportin”.

Megjithatë Komisariati i Policisë Nr. 5 Tiranë për sigurimin e rendit e sigurisë publike jashtë ambienteve të stadiumit, para, gjatë dhe pas zhvillimit të ndeshjes, hartoi plan masash.

Kjo ndeshje është marrë përsipër për sigurimin e nga SH.R.S.F.  “Oktapus 1 Security”, të cilët kanë qenë në stadium me 12 efektiv të saj.

Në përfundim të kësaj ndeshje një punonjës i SH.R.S.F., i cili ishte në hyrjen kryesore të stadiumit hapi portën dhe kërkoj ndihmën e policisë, pasi disa tifozë kishin hyrë në fushë dhe  kishin goditur arbitrin dhe punonjësit e SH.R.S.F-së.

Pas këtij njoftimi shërbimet e planizuara me shërbim sipas urdhrit të shërbimit, janë futur në ambientet e stadiumit, duke bërë të mundur marrjen në mbrojtje të gjyqtarëve dhe vendosjen e rendit e qetësisë, duke vazhduar me shoqërimin e personave të futur në fushë dhe ata të cilët kishin goditur gjyqtarin e ndeshjes.

Në lidhje me sqarim e kësaj ngjarje janë shoqëruar edhe 14 shtetas të tjerë.

Reagimi i Federatës mund të përshkallëzohet, pasi Telesport” raporton se të hënë do të ketë një konferencë të jashtëzakonshme për shtyp dhe pp mendohet pezullimi i kampionatit, në rast se policia nuk rikthehet në stadiume për të garantuar sigurinë.

Ndërkaq, në reagimin zyrtar, FSHF bën thirrje që instancat shtetërore të kryejnë detyrat që u ka caktuar ligji për autorët e dhunës. Goditja e Eldorian Hamitit sot në Kamëz, solli edhe reagimin e Federatës.

KOMUNIKATA E FSHF së – Federata Shqiptare e Futbollit dënon ashpërsisht dhunën e ndodhur sot në ndeshjen Kamza-Laçi, e vlefshme për javën e 24-të të Kategorisë Superiore. Kjo ngjarje e rëndë ka tronditur sigurinë e garës së futbollit në Shqipëri.

FSHF prej muajsh ka kërkuar reagimin e institucioneve të shtetit shqiptar për të zbatuar ligjin dhe për të nxjerrë përpara drejtësisë autorët e skenave të dhunës në stadiumet shqiptare. Ruajtja e rendit dhe sigurisë publike në mjediset sportive është detyrë institucionale e organeve të Policisë së Shtetit, detyrë e cila siç u evidentua edhe në ngjarjen e sotme vazhdon të mos kryhet.

Ne dënojmë dhunën, si një fenomen qe jo vetëm cënon rëndë vërtetësinë e garës por edhe imazhin e lojës. Federata Shqiptare e Futbollit, dënon ashpër çdo akt dhune, që vjen nga tifozët, zyrtarët, futbollistët apo kushdo tjetër. Ne presim që të gjithë aktorët të bëjnë punën e tyre ashtu siç i kërkojmë komisioneve që të jenë ekstremisht të ashpër me ata që prishin imazhin, jo vetëm të lojës por edhe të futbollit shqiptar.

Ne kërkojmë në mënyrë të përsëritur të rishikohet vendimi nxituar për të larguar përfundimisht Policinë nga stadiumet. Në kushtet ku Shqipëria ndodhet e gjykojmë të pavend. Ky vendim i nxituar cënon rëndë mbarëvajtjen e garës më të ndjekur sportive në Shqipëri.

“Të them të drejtën m’u duk penallti. Duke biseduar me gjyqtarin ma bëri të ditur se ishte simulim. I thashë që do e shohim pas ndeshjes”, deklaroi mbrojtësi i majtë i Partizanit. Pjesa e parë e derbit u mbyll në barazim pa gola.

Nuk përfundon me kaq, pasi ata kanë komentuar edhe golin e realizuar nga Danilo Alvesh. “Goli i komentuar si pozicion jashtë loje. Fotografia që vërteton rregullsinë e golit të shënuar nga Danilo Alvesh”, shkruan klubi vlonjat.

Asistentë të tij do të jenë Denis Rexha dhe Ilir Tartari, ndërsa i katërt është përzgjedhur Klajdi Kola. Ndeshje luhet më 5 korrik prej orës 19:00. UEFA pritet t’i japë ndeshje edhe Enea Jorgjit dhe Eldorian Hamitit, por ende nuk ka një zyrtarizim se në cilat ndeshje do të drejtojnë.

Xhaja do të duhet të menaxhojë në këtë ndeshje një lojtar të vështirë si Amadu Samb, i cili në të shkuarën ka luajtur në Superiore me Teutën dhe shquhet për kartonët e shumtë që merr. Sezonin e shkuar, edhe pse ka shënuar 21 gola dhe ka fituar “Këpucën e Artë” në Maltë, është ndëshkuar me 14 kartonë të verdhë në 22 ndeshje.