“Aktualisht jam nën kontratë me Luzi 2008, madje jam rikonfirmuar nga presidenti Albert Lusha edhe për dy vite të tjera. Nuk e kam menduar largimin, edhe pse gjatë qershorit, jo zyrtarisht më kanë ardhur oferta nga Elbasani e Turbina. Gjithsesi kam menduar që ta respektoj kontratën me këtë klub dhe këtë vit ngjitja në Kategorinë e Parë do tentohet që nga fillimi”, theksoi tekniku Suta.

Luzi 2008 do përforcohet dhe trajneri deklaron: “Këtu ka trajtim shumë të mirë financiar për futbollistët dhe ky është një nga treguesit që e vlerësojnë këtë skuadër. Kemi nisur bisedat me 3-4 lojtarë nga Kategoria e Parë, të cilët do t’i bashkohen skuadrës në fundin e muajit korrik. Luzi do jetë skuadër pretendente”.

AGRON KAJA

Problematikat e krijuara, Alimehmeti i mendon të mbyllura vetëm pasi të zgjidhet ligjërisht gjithçka me kompaninë angleze, që po e mban në ajër skuadrën. Për SportEkspres.com, Alimehmeti deklaron se rrugëzgjidhja është në tryezë për Elbasanin. Ai nuk harron edhe skuadrën e tij të zemrës, Tiranën.

SITUATA E ELBASANIT – Tekniku tiranas beson se përmirësimi i financave do sjellë ndryshimin te kjo skuadër, që sipas tij po “lëngon” si inferiore. “Ka disa vite që Elbasani po mbetet peng i një gjyqi me anglezët, që e futën këtë skuadër elite në kanalet e thella si inferiore. Si ish-trajner i kësaj skuadre në Superiore, ndjej keqardhje për këtë transformim. Mendoj se rrugëzgjidhja është në tryezë: mbyllja e gjyqit që po bëhet telenovelë pa asnjë kuptim”.

RRUGËZGJIDHJA – Në 15 sezonet e fundit, Elbasanin e kanë drejtuar 15 trajnerë. Një shifër kjo që flet vetë. Gjithsesi Alimehmeti këtë nuk e quan si problemin kryesor të  situatës. “Tregu i trajnerëve ka qenë normal edhe te Elbasani, por unë besoj se nuk kanë qenë ata arsyeja pse skuadra ndodhet në inferiore. Sapo të zgjidhet gjyqi dhe financat të rregullohen, duhet një riorganizim i klubit e më pas të fillojë ngritja e një skuadre pretendente me lojtarë cilësorë” , u shpreh Alimehmeti.

SITUATA TE TIRANA  – Skuadra “mëmë” për Krenar Alimehmetin, Tirana, ka bërë merkato cilësore dhe ai e sheh si pretendente për sezonin e ri. “Tirana ka bërë lëvizje cilësore në merkaton e kësaj vere. Me përforcimet e reja unë e shoh si një skuadër pretendente për sezonin e ri. Kësaj skuadre i duhet që të përshtatet më mirë me filozofinë e trajnerit Ardian Mema. Lëvizjet e fundit të drejtuesve i shoh me optimizëm”, përfundon Alimehmeti.

AGRON KAJA

“Na janë afruar disa biznesmenë të fuqishëm shqiptarë, të cilët na kanë kërkuar të blejnë mbi 50% të aksioneve. Unë do ta mbaj një pjesë të tyre dhe këtë procedurë nuk duam ta zgjasim, me qëllim që skuadra të fillojë sa më parë përgatitjet për sezonin e ardhshëm.

Koha është e shkurtër dhe ne do shpejtojmë në maksimum. Jemi në kontakt dhe në pritje që ky gjyq të zhdukë hijen e rëndë që na lanë anglezët”, deklaratë kjo që presidenti Laze edhe sot e konfirmon dhe shpreson që gjithçka të zgjidhet sa më shpejt.

Zvarritja e gjyqit me anglezët i bën skeptikë në Elbasan, të paktën për rifillimin e sezonit të ri. Në Bashkinë e Elbasanit ngrejnë supet për një përgjigje, pasi  pushteti lokal i ka shitur të gjitha aksionet tek anglezët e Mançester Group dhe nuk kanë çfarë të thonë më shumë. Në zyrën e sporteve të tregojnë vetëm gjykatën, që ka vite që po e mban varur këtë klub.

AGRON KAJA

Zërat e merkatos e çojnë në Ballsh, një rikthim te skuadra me të cilën luajti dy sezone, por edhe te Flamurtari. Vetë Hoxhaj nuk konfirmon asnjë skuadër, por për SportEkspres.com ai e pranon që është kontaktuar nga dy skuadra të Superiores.

“Kam kaluar një sezon shumë të bukur me Elbasanin dhe nëse zgjidhet situata me anglezët ia vlen të qëndroj aty. Pritet të hyjnë biznesmenë të fuqishëm dhe pas zgjidhjes së gjyqit situata do ndryshojë për mirë. Gjithsesi, mua më kanë kontaktuar drejtues të dy skuadrave të Kategorisë Superiore, por nuk kam asnjë akord me ta. Menaxheri im po merret me këto oferta. Një projekt ambicioz në Kategorinë e Parë do ishte më i mundshmi”, u shpreh Hoxhaj.

Nëse është Bylisi skuadra që e ka kërkuar, apo Flamurtari, Hoxhaj as pohon e as mohon. “Besoj se para datës 15 qershor do përcaktohet skuadra ku do të luaj në sezonin tjetër. Sot për sot po stërvitem individualisht dhe javën e ardhshme pres që gjërat të marrin rrugë”.

AGRON KAJA

Gjyla ka vizituar ambientet e projektit social “Një tjetër jetë”, aty dhe ku është takuar me fëmijët dhe ka shpërndarë dhuratat, për t’iu bërë 1 qershorin edhe më të bukur. Një gjest shumë simbolik i futbollistit të Elbasanit.

Gjithsesi, Presidenti i klubit Arben Laze, për SportEkspres.com deklaroi se pritja kaq të gjatë do të marrë fund këtë verë. Kështu që sezoni i ri mund ta gjejë Elbasanin në situata më të përmirësuara, të paktën sa i përket financave.

GJYQI – “Kemi shpresën e mirë që këtë verë ti mbyllim të gjitha problemet ligjore me Kompaninë angleze që zotëronte aksionet e FK Elbasani. Gjyqi është drejt mbylljes, dhe në fund të këtij tuneli ne po shohim dritën e duhur. Ne nuk jemi dorëzuar në të drejtën tonë dhe së shpejti do rikthehemi në normalitetin e duhur”.

AKSIONET – “Na janë afruar disa biznesmenë të fuqishëm që kanë kërkuar të blejnë mbi 50% të aksioneve, ndërkohë që edhe unë do ta mbaj një pjesë të tyre. Këtë procedurë nuk duam ta zgjasim, me qëllim që skuadra të fillojë sa më parë përgatitjet për sezonin e ardhshëm. Koha është e shkurtër dhe ne do shpejtojmë në maksimum”.

AGRON KAJA

Ndeshja ishte shumë e luftuar dhe ndërhyrjet ishin të shumta. Gjyqtari kryesor i takimit pati shumë punë, pasi në këto 90 minuta, e tregoi kartonin e verdhë plot 7 herë. Pjesa e parë dukej se do të mbyllej pa gola, por në çastet e fundit, gjyqatri akordon një 11-metërsh për Elbasanin, që ekzekutohet me sukses nga  Mici.

Pjesa e dytë, nisi sërish me shumë faulle të ndëshkueshme, ndërsa në minutën e 65’, Mici shënon golin e dytë në këtë takim dhe më pas Ferhati shënon golin e nokautit në minutat e fundit të kohës shtesë duke i  siguruar fitoren Elbasanit, që merr një triumf tepër të rëndësishëm në këtë ndeshje finale.

Kategoria e Parë, Play-Off

Elbasani – Luzi 2008  3-0
Shënues: Mici 45’ (pen) 65’, Ferhati 90+1

Gjithsesi momentalisht mendohet për sfidën me skuadrën kavajase dhe trajneri Marsid Dushku për SportEkspres.com ka deklaruar: “Në ndeshjen e fundit me Turbinën skuadra bëri një lojë shumë të mirë dhe tregoi se ka mundësi të japë më shumë. Këtë duhet ta tregojë edhe të premten ndaj Luzit 2008. Luhet vetëm një ndeshje, që merr vlerat e një finale të sezonit për ne. Shpresoj që skuadra të bëjë më të mirën dhe nga Ballshi të dalim ne fitues”.

Kjo situatë e Elbasanit nuk e bën të ndjehet mirë Dushkun, sikurse edhe lojtarët e sportdashësit verdheblu. “Kur kujtoj historinë e Elbasanit protagonist e kampion në elitë, si trajner nuk ndjehem mirë që sot luajmë për mbijetesë. Ky është futbolli dhe sot ne kemi vetëm një alternativë, të mbijetojmë në Kategorinë e Parë. Besoj se do t’ia dalim”, përfundon trajneri Dushku.

AGRON KAJA

TOMORI DHE MBIJETESA – “Ne jemi të përgatitur që në transfertën me Tomorin në Berat të marrim fitoren. Ky është synimi ynë maksimal, ndërsa minimalisht duam që të mos dalim pa pikë nga kjo sfidë. Mundësitë për ne janë, pasi Tomori është më poshtë se ne në renditje, por edhe për faktin kryesor se ky është futboll dhe se çfarë prodhon fusha nuk i dihet”.

TURBINA – “Tashmë bëhen llogaritë për çdo sfidë. Ne luajmë në Berat këtë javë dhe pas pushimit javën tjetër, në fund presim Turbinën, por pasi ajo i ka zgjidhur punët me Tomorin në fushën e saj në ndeshjen e javës 27-të. Ne nuk na intereson se çfarë flasin drejtues të skuadrave në media, për ne rëndësi kanë pikët në fushën e lojës dhe për ato jemi të interesuar”, përfundoi kapiteni i Elbasanit.

AGRON KAJA

Në Berat u zhvillua ndeshja mes Tomorit vendas dhe Apolonisë. Ekipi fierak mposhti në çdo drejtim vendasit me rezultatin 1-4. Apolonia shënoi dy herë brenda 5 minutash me anë të Gjatës dhe Nakos, ndërsa Beci rindezi shpresat e Tomorit për të mos dalë pa pikë.

Megjithatë, Mihana shënoi dy herë në pjesën e dytë dhe vulosi fitoren e ekipit të Stojkut me “poker” golash. Kjo humbje e zhyt ekipin beratas në vendin e fundit me 10 pikë kur kanë mbetur për t’u zhvilluar edhe 3 ndeshje, pasi është parakaluar nga Elbasani. Po 10 pikë ka edhe Turbina e Cërrikut, që ka për të zhvilluar një ndeshje më shumë.

Një gol i Ferhatit në minutën e dhjetë të pjesës së dytë i ka dhuruar një fitore jetike Elbasanit. Verdheblutë ia dolën të triumfonin në Pogradec, duke u ngjitur në kuotën e 12 pikëve, ndërsa ekipi liqenor qëndron i qetë me 22 pikë.

Tomori-Apolonia 1-4
Shënues: Beci 33’ / Gjata 15’, Nako 20’, Mihana 57’, 89’

Pogradeci-Elbasani 0-1
Shënues: Ferhati 55’

Këtë nuk e pranon edhe trajneri Marsid Dushku, i cili për SportEkspres.com deklaron se në Cërrik do jetë një derbi mbijetese. “Ndeshje të tilla “derbi” janë të paparashikueshme, por ne shkojmë në këtë sfidë vetëm për të marrë tri pikët. E kemi të qartë vështirësinë që ka kjo përballje, por kjo është sfidë mbijetese dhe vetëm tri pikët do të jenë synimi final. E fitojmë ne, nuk është e pamundur”, theksoi Dushku.

Në Cërrik te skuadra e Elbasanit do të mungojnë kapiteni Duka, i cili është i dëmtuar. Të vështirë për t’u rikuperua e ka edhe Jaupi, por tekniku Dushku ka besimin e plotë te lojtarët e tjerë dhe beson se do ia dalin me sukses. “Elbasani nuk del pa tri pikë nga Cërriku, pavarësisht mungesave që kemi”.

AGRON KAJA

Ish-portieri e trajneri kampion me këtë skuadër, Muharrem Dosti, këtë situatë e konsideron të imponuar nga rrethana që nuk duhej të ndodhnin, por sipas tij, Elbasani do shpëtojë. Për SportEkspres.com, Dosti deklaroi se janë dy mundësi deri në mbyllje të kampionatit.

“Elbasani ka dy mundësi këtë javë në ndeshjen me Tomorin, ta fitojë dhe ta kalojë këtë situatë në renditje. Nëse nuk e fiton, rrezikon të luajë në Play-off me skuadrën e Kategorisë së Dytë. Ndeshja me Tomorin e vendos sezonin për Elbasanin dhe unë besoj se shpëton”.

Edhe pse nuk e mendonte që skuadra e Elbasanit do të ishte në këto situata në këtë sezon, Dosti thekson se po kalohet një tranzicion shumë i vështirë. “Elbasani provoi edhe më poshtë se kjo kategori (e Para).  Ngjitja u mendua si një ndryshim për mirë, por situatat financiare e mbajtën peng dhe nuk i lanë shumë mundësi për ndryshim.  Po e quaj një tranzicion të gjatë dhe besoj se zgjidhja do vijë shpejt, por të kalohet një herë sfida me beratasit”, përfundoi Dosti.

AGRON KAJA

Për SportEkspres.com, Presidenti Arben Laze deklaron se me Kompaninë “Mançester Group” gjithçka është drejt mbylljes ligjore. “Sipas kontratës, me “Mançester Group” e kemi mbyllur. I kemi dërguar një letër noteriale dhe nuk na kthyen përgjigje. Automatikisht gjyqi është i mbyllur dhe do t’i kërkojmë dëmshpërblim. 

Momentalisht jemi në bisedime me një kompani italiane, që është treguar e gatshme ta privatizojë klubin e Elbasanit”,  tregon Arben Laze, president i klubit verdheblu.

Sa i takon mbijetesës në Kategorinë e Parë,  ai thekson se po behet gjithçka për ta realizuar këtë objektiv. “Po përpiqemi ta sfidojmë këtë situatë që skuadra të mbijetojë në Kategorinë e Parë. Do luftojnë deri në fund”, përfundon numri një i klubit verdheblu.

AGRON KAJA

Ndërsa skuadra vuan këto pasoja, në javën e parafundit të fazës së dytë Elbasani pret në fushën e vet Pogradecin, në një sfidë të cilën trajneri Elvis Kotorri e quan si finale për objektivin që kanë verdheblutë.

Për SportEkspres.com, ish-portieri deklaroi se synimi i tyre i vetëm është marrja e tri pikëve. “Të gjitha ndeshjet janë të vështira për Elbasanin, edhe kjo me Pogradecin që do të luajmë nesër. Për ne do të jetë si një finale dhe vlerësimi është në maksimum, vetëm për të marrë tri pikët. Skuadra ka mungesë eksperience, sepse ka në përbërje shumë futbollistë të rinj. Të gjithë kanë dëshirë për të luajtur dhe për të fituar”.

Në ecurinë e Elbasanit për këtë sezon, trajneri Kotorri beson te mbijetesa, edhe pse ende skuadra vazhdon të “zvarritet” nga gjyqet e shumta me ish-pronarët anglezë dhe situata është ende e paqartë.

AGRON KAJA

Ka triumfuar Besa, që përballë sot kishte Shqipërinë U20. Një gol i shënuar në pjesën e parë nga Donald Mëllugja ka vendosur fatet e këtij takimi. Ndërkohë edhe Elbasani ka luajtur sot me Vllaznimin dhe është mposhtur me rezultatin 0-1.

Ishte parashikuar të luhej një miqësore me ekipin U19 të Vllaznisë, por sot Shënkolli ka luajtur brenda familjes. Përballë formacionit të Alket Krujës sot ishte skuadra e U17 të Akademisë së futbollit në Shënkoll. Trajneri Kruja deklaroi për SportEkspres.com se ka qenë një ndeshje e luftuar dhe skuadra e tij tregoi stabilitet në lojë. Mesjavën e ardhshme te Shënkolli kanë menduar të zhvillojnë një tjetër miqësore.

MIQESORE – E shtunë, më 12 janar

Shqipëri U20-Besa 0-1
Shënues: Mëllugja 35’

Apolonia-Dinamo 1-1
Shënues: Mehmeti 12’ / CCeliku 85’

Elbasani-Vllaznimi 0-1

Shënkolli-Shënkolli U17 3-0
Shënues: Gjinaj (2), Viktor Kale

“Lojtarët që mbyllën 14 ndeshjet në gjysmën e parë të këtij sezoni janë treguar të gatshëm, dhe stërvitjen e nisëm në datën 4 janar. Por nisur nga ky kontingjent, Elbasani e ka të kushtëzuar merkaton, me synimin që mbijetesa në Kategorinë e Parë të garantohet. Është bashkuar me skuadrën Xhulio Jaupi pas rikuperimet, ndërsa nga Pepa ka ardhur Gledis Hida, njëherësh edhe lojtar i Kombëtares sonë U-19”, kështu theksoi Kotorri në këtë deklarim.

Por trajneri i Elbasanit ka edhe një merak që synimet e këtij sezoni të realizohen. “Brenda këtij muaji na është deklaruar nga zyrtarët e klubit se do të mbyllet gjyqi me anglezët, dhe Bashkia së bashku me Presidentin Arben Laze do ta kenë rrugën ligjërisht të hapur për organizimin e mirë e drejtimin e klubit. Janari pritet si muaji i Elbasanit që duam të gjithë”. Skuadra e Elbasanit është pjesë e Grupit B në Kategorinë e Parë, dhe pas 14 ndeshjeve renditet në vendin e 9-të me 10 pikë.

AGRON KAJA

Nertil Hoxhaj ka shënuar golin e dytë të ndeshjes, në suksesin 0-2 të ekipit të tij, ndaj skuadrës fierake. 21-vjeçari ekzekutoi në mënyrë perfekte një goditje dënimi, duke e befasuar portierin vendas.

Ndonëse një mbrojtës, Hoxhaj ka treguar se ka nuhatje për portën dhe e ndihmon jo pak skuadrën në repartin ofensiv. Fieraku realizoi një gol mjaft të bukur në qytetin e tij të lindjes, por duhet thënë që në të shkuarën ka luajtur edhe me Partizanin, Flamurtarin e Bylisin.

Elvis Kotorri është një nga portierët më të mëdhenj që Elbasani ka patur në historinë e tij, pjesë e gjithë shkollës së portierëve cilësorë në Elbasan. Si futbollist ai e ka nisur me Elbasanin në vitin 1996, ndërsa kulmin e karrierës e ka patur në tre sezone me Dinamon. Në karrierën e tij ai ka fituar tre tituj kampionë me dy skuadra, 1 me Elbasanin dhe 2 me Dinamon, ndërsa ka luajtur edhe me fanelën e Shkumbinit në Kategorinë Superiore.

INTERVISTOI: AGRON KAJA

E kishit menduar bankinën e Elbasanit në këtë situatë të vështirë në Kategorinë e Parë?
-Si futbollist e nisa dhe e mbylla karrierën me Elbasanin, dhe më e bukur është që karrierën si trajner ta nis këtu. Momenti erdhi që në baniknë të ulem kur Elbasani ndodhet në situatë jo fort të mirë në renditje, por këtu kam ardhur që të ndryshojmë gjithçka te kjo skuadër.

Keni lënë fundin e renditjes në Grupin B, çfarë ka ndryshuar te Elbasani në tre ndeshjet e fundit?
-Besoj se ka ndryshuar shumë morali në skuadër, kryesisht pas ndeshjes që fituam me Orikun. Mendoj se pas kësaj fitoreje erdhi besimi te skuadra, sepse Elbasani ka një ekip me shumë futbollistë të rinj, të cilët kishin nevojë për më shumë besim në mundësitë e tyre.

Startin e këtij sezoni Elbasani e kishte shumë të dobët, ju si trajner i keni nxjerrë shkaqet?
-Natyrisht, dhe shkaku kryesor është se skuadra e Elbasanit u organizua me shumë vonesë për nisjen e sezonit. Arsyeja dihet, po vuajmë problematikat me kompaninë angleze që kishte presidencën dhe u përqendruam kryesisht tek elementë të rinj, që në Elbasan nuk mungojnë.

Në javën e 13-të fituat në transfertë me Apoloninë e cila shkarkoi trajnerin Miho, sportivisht ju si ndjeheni?
-Nuk ndjehem mirë që Apolonia ka shkarkuar trajnerin pas fitores sonë, por si trajner i Elbasanit nuk e fsheh të them se më vjen mirë që në Fier kemi arritur një fitore me shumë vlera, jo vetëm për tri pikët. Uroj që skuadra të ketë këtë vazhdimësi në ndeshjet e tjera.

Me këtë ecuri fitoresh, kanë ndryshuar objektivat e sezonit për Elbasanin?
-Objektivat e sezonit për ne ndoshta nuk kanë ndryshuar, dhe ende primar mbetet qëndrimi në Kategorinë e Parë. Por duke i parë ato ndeshje pas ndeshje, do të bëjmë maksimumin që rezultatet të jenë sa më pozitive. Mbijetesa në Kategorinë e Parë është në dorën tonë.

Të shtunën prisni në fushën tuaj Bylisin kryesues në Grupin B, e shikoni si një sfidë të vështirë?
-Realisht të gjitha ndeshjet janë të vështira, cilido që është kundërshtari. Natyrisht që me Bylisin kryesues vështirësitë janë edhe më të mëdha, kjo edhe për përbërjen që kjo skuadër ka aktualisht. Ne do bëjmë detyrën tonë në fushë, me synimin e vetëm për fitore.

Ndërprerja e Kampionatit, çfarë ju mundëson të ndryshoni në skuadër?
-Së pari ne shpresojmë të mbyllet sa më parë procesi gjyqësor që ka kompania angleze me ekipin e Elbasanit. Do të jetë një periudhë e ngarkuar me stërvitje dhe merkato, ndërsa ne do të jemi të përqendruar tek skuadra që aktualisht po mbyll gjysmën e parë të këtij sezoni.

23-vjeçari shënoi golin e vetëm të takimit në minutën e 58, duke i dhuruar tre pikë të arta ekipit të tij. Pavarësisht humbjes, Vllaznia vazhdon të kryesojë grupin A të kategorisë së parë me 22 pikë, ndjekur nga Erzeni me 18 pikë dhe Dinamo 17. Nga ana tjetër, kjo fitore e ngjit Ilirinë në vendin e tetë me 9 pikë të grumbulluara.

Një ndeshje tjetër është zhvilluar gjatë ditës së sotme në grupin B. Elbasani dhe Tomori u përballen mes tyre, por miqtë fituan me rezultatin 0-2. Të dy golat e beratasve u shënuan në pjesën e dytë me Geraldo Sharavollin, i cili zhbllokoi shifrat në minutën e 59, ndërsa boshnjaku Mujkiç shënoi golin e dytë në minutën e fundit, duke vulosur fitoren e Tomorit.

Elbasani vazhdon të qëndrojë në vendin e fundit me vetëm 1 pikë, ndërsa Tomori i Beratit ngjitet në vendin e gjashtë me 13 pikë.

Iliria – Vllaznia 1-0
(Zuna 58’)

Elbasani – Tomori 0-2
(Sharavolli 59’, Mujkiç 90’)

Ndeshja e sotme, e luajtur në Cërrik, u zhbllokua në minutën e 35-të, kur Duka shënoi golin e parë të takimit. Elbasani arriti ta ruajë avantazhin në 45 minutat e para të takimit dhe u bë maksimumi edhe më pas për të fituar, por pa sukses.

Alushi i Lushnjës ishte ai që shënoi në mesin e pjesës së dytë dhe shmangu humbjen për skuadrën e tij. Pas shtatë javësh kampionat, Lushnja renditet në vendin e tetë me po kaq pikë. Verdhejeshilët, të bazuar tek elementët vendas, nuk pa arrijnë të jenë në lartësinë e duhur për të pretenduar rikthimin në Superiore.

Kategoria e Parë – Java 7

E hënë, më 29 tetor 2018, ora 14:00
Stadiumi “Nexhip Trungu”, Cërrik

Elbasani-Lushnja 1-1
Shënues: Duka 35’ / Alushi 71’

Kjo shtyrje është bërë për shkak se “Elbasan Arena” nuk mund të presë tre ndeshje në tre ditë. Sot ishte Shqipëria U17 që zbriti në fushë ndaj 17-vjeçarëve të Norvegjisë, ndërsa të dielën Laçi do të presë Kukësin, sfidë kjo e vlefshme për javën e 10-të të Superiore.

Ndeshja mes Elbasanit dhe Lushnjes ishte programuar që të luhej të shtunën, por është njoftuar që takimi do të spostohet për 48 orë. Gjëra që ndodhin në Shqipëri, por të paktën të planifikoheshin pak më herët!

Pra te dyja ekipet kanë zero pikë në dy javët e para, duke u renditur respektivisht në vende te parafundit dhe të fundit. Ky derbi i prefekturës, do të quhet ndryshe dhe derbi i mbijetesës i grupit te jugut që do të luhet pa tifozë.

Kështu që për fat të keqe përballja e fundjavës, nuk do të ketë tifozë nga te dyja ekipet, pasi klubi i verdhë është dënuar me një ndeshje pa tifozë nga komisioni i disiplinës. Mos qenia e tifozëve në këtë derbi, do t’ia zbehi disi bukurinë e këtij takimi midis fqinjëve.

Mariglen Miraka

Mungesa e merkatos ka bërë që verdheblutë të humbasin dy ndeshjet e para me Orikun dhe Elbasanin. Kjo e bën situatën të vështirë dhe trajneri Eriol Merxha e ka parë të arsyeshme të japë dorëheqjen.

Elbasani prej vitesh “dergjet” në kategoritë inferiore dhe kjo më së shumti prej mungesës së financave. Klubi as që dihet se në duart e kujt është, ndërsa lojtarët prej kohësh luajnë pa u paguar.

Golin e vetëm të takimit e ka shënuar Ergys Kuçi në minutën e 47-të. Elbasanasit nuk mundën të shfytëzonin faktorin fushë, pasi luanin në “Elbasan Arena”. Në takimin e raundit të parë të Kupës së Shqipërisë ndaj Kukësit, Orikumi do të luajë fillimisht si pritës më datë 12 shtator, ndërsa ndeshja e dytë zhvillohet pas dy javësh.

ELBASANI – ORIKUMI 0 – 1

GOLI: /Kuçi 48′

ELBASANI: Hasfatija, Mici, Dishani, Duka, Hoxhaj, J. Lleshi, A. Lleshi (Çangu 65′, Ferhati 75′), Ukaj, Balla (Fejzaj 65′), Brahimaj, Ezike. Trajner: E. Merxha

ORIKUMI: Halilaj, Hoxhaj, Nurçe (Sadushi 79′), Kongjini (Dhrami 64′), Qejvanaj, Azizaj, Livanaj (Çapoj 57′), Çaushaj, Gjinaj, Kuqi, Kuçi. Trajner: A. Sakaj

GJYQTARË: R. Muska, E. Morina, E. Shehu (Tiranë)

Ndeshja tjetër e raundit eliminator midis Veleçikut dhe Klosit, pasi skuadra matjane nuk u paraqit dhe fitorja iu akordua në tavolinë ekipit nga Kopliku, që do ndeshet me kampionët në fuqi të Skënderbeut në raundin tjetër.

Vetëm tre ndeshje si zëvendësues me kuqezinjtë dhe më pas kali te Bylisi në janar të vitit 2017. Gjërat nuk i shkuan mirë për shkak të një dëmtimi që pësoi dhe lojtari i linjës së majtë u aktivizua vetëm në katër ndeshje si titullar.

Vjet luajti në 14 takime dhe u përpoq të jepte kontributin e tij që ballshiotët të riktheheshin në Superiore. Por në grup kishin Tiranën dhe nuk ia arritën dot. Hoxhaj vendosi të largohej dhe dëshira ishte të luante në Superiore.

Doli një ditë në stërvitje me Laçin, por për të është me rëndësi që të luajë dhe i është bashkuar skuadrës së Elbasanit. Me verdheblutë është projektuar si titullar dhe në miqësoren e djeshme kundër Besës arrit të shënonte një gol që nëse do ishte realizuar nga një lojtar i njohur, do bënte xhiron e botës.

Miqësore – E mërkurë, më 29 gusht

Elbasani-Besa 1-2
Shënues: Hoxhaj 55’ / Suvarija 41’ (aut.), Çekiçi

Fitore kanë arritur dhe Besa e Egnatia. Kavajasit e drejtuar nga Gentian Begeja fituan 1-2 ndaj vendasve të Elbasanit falë golit të pogradecarit të Albi Çekiçi dhe një autogoli të elbasanasve, ndërsa rrogozhinasit mundën në shtëpi Erzenin me rezultatin 3-2.

Rezulatet e miqësoreve të ditës së sotme

Shënkolli – Vllaznia                           1-1

Elbasani – Besa                                  1-2

Egnatia – Erzeni                                  3-2

Miqësorja e sotme u mbyll me rezultatin e barabartë 1-1. Golin për Vllazninë e shënoi Silvio Zogaj, sulmuesi anësor i marrë nga skuadra e Laçit së fundmi. I riu në të shkuarën ka qenë pjesë e Luftëtarit dhe vetë trajneri Hasan Lika e ka pasur nën urdhra lezhjanit, i cili gjithashtu ka luajtur edhe me Vllazninë U19.

Pjesa e parë u mbyll 1-0, kurse në të dytën Veleçiku barazoi me anë të Lamit në minutën e 72-të. Pavarësisht kohës në dispozicion, Vllaznia nuk arriti ta realizojë golin e fitores. Ky takim u mbyll me rezultatin 1-1.

Me të njëjtat shifra ka përfunduar edhe ndeshja miqësore mes Elbasanit dhe Lushnjës. Këto dy ekipe garojnë në grupin B të Kategorisë së Parë dhe do tentojnë të rikthehen në Superiore. Tjetër takim miqësor që është mbyllur në barazim është ai mes Pogradecit dhe Egnatias. Asnjëra skuadër nuk shënoi dot dhe gjithçka u mbyll 0-0.

Mariglen Miraka

ELBASANI 1 – 0 TURBINA

Shënues: Mici 70’

ELBASANI: Hasfatija, Selimaj, Duka, Dishani, Beqiri, Koçani, Allkja, Çangu, Bullari, S. Bajrami, Sadiku. (U aktivizuan: Harja, Asllani, Dervishi, Bogdani, Hanoli, Bella, Ukaj, Suvarija, Mici, Hoxhaj, A. Lleshi, J. Lleshi, Balla). Trajner: E. Merxha

TURBINA: Çollari, Zeneli, Daci, Dervishi, Gazheli, Taullah, Xhelili, Ejoh, Cara, Ugo, Doda. (Varfi, Cami, Qosja, Hysi, Bërdufi, Sina, Lleshi, Shkreta, Hasa, Beqiraj, Pula, Alillari, Vrapi, Mema, Gjika). Trajner: S. Bardhi.

GJYQTARË: A. Mahmuti, U. Korra, E. Gjoni (Elbasan)

Kjo duket si mundësia më e lehtë dhe më efikase për të bërë afrime, siç kanë qenë rastet e dy lojtarëve të Shkumbinit, Tafani dhe Bullari. Nuk pritet që këta lojtarë të jenë të vetmit, pasi gjatë javës në vazhdim të tjerë lojtarë janë gati për t’iu bashkuar elbasanasve. Por, edhe për këta futbollistë, fillimisht do të qëndrojnë në stërvitje dhe më pas do shihet nëse do të mbahen apo jo.

Fatmir Popja

Elbasani ka mundur Gramshin në miqësoren e djeshme në shifrat 5-3, në një përballe që prodhoi shumë emocione dhe gola pa fund. Përmbysje dhe ripërmbysje, ndërsa në fund fitojnë vendasit e drejtuar nga Merxha. Ndonëse sulmi ishte në top formë, e njëjta gjë nuk mund të thuhet për mbrojtjen, pasi tre gola janë shumë, edhe pse bëhej fjalë për një miqësore. Përsa i përket ndeshjes, të parët kaluan në avantazh miqtë me anë të Koçit, ndërsa sfida u barazua më pas nga Shabani. Është Zani më pas që rikthen në avantazh miqtë, por në fundin e pjesës së parë Hyshmeri barazon shifrat pasi shndërron në gol një penallti të fituar nga elbasanasit. Në të dytën ekipet pësojnë ndryshime, pasi aktivizojnë pothuajse të gjithë lojtarët që kanë në dispozicion. Elbasani kalon për herë të parë në avantazh në këtë ndeshje, teksa në minutën e 54’ është Halili që e ndal topin në rrjetë. Me një penallti tjetër verdheblutë shënojnë sërish me anë të Allkjas, duke e dërguar rezultatin në 4-2. Nuk ka mbaruar me kaq, pasi Gramshi ngushton diferencat me Shuklen pesë minuta nga fundit, por për të mbyllur ndeshjen mendon Krasniqi në fund. Kështu, Elbasani ia del të fitojë 5-3 sfidën miqësore me fqinjët e Gramshit në “Shefqet Lamçja”.

ELBASANI – GRAMSHI 5-3

Shënues: Shabani 32’, Hyshmeri 44’ (11-m), Halili 54’, Allkja 68’ (11-m), Krasniqi 87’/ Koçi 30’, Zani 34’, Shukle 85’

ELBASANI: Kotorri, Kaçuli, Dosti, Dishani, Suljoti, Gica, Lleshi, Duka, Mici, Hyshmeri, Shabani. (U aktivizuan: Halili, Dalipi, Allkja, Sakaj, Kamberaj, Dushku, Moli, Krasniqi). Trajner: E. Merxha

GRAMSHI: Miçja, Topalli, Goga, Metani, Zogu, Zaimi, Latifi, Ukaj, Hysa, Zani, Koçi. (U aktivizuan: Shukle, Duraku, Papri, Taçe, Qosja). Trajner: A. Suta

GJYQTARË: E. Gançi, E. Sinanaj, Xh. Muzhaqi (Elbasan)

Anglezët që kanë blerë aksionet e KF Elbasanit, do të vijnë ditën e sotme në Elbasan enkas për skuadrën. Burime të “Sport Ekspres” pranë klubit elbasanas konfirmojnë për gazetën se sot përfaqësues të kësaj kompanie do të vijnë në qytet për t’u njohur më nga afër me punët e klubit. Duke qenë se janë bërë pronarë në masën 100% të aksioneve dhe investimi është në dorë të tyre, tani të gjithë i kanë sytë nga të huajt që kanë marrë përsipër të rimëkëmbin klubin e futbollit. Deri më tani janë marrë me procedura dhe letra pa fund, por ardhja e tyre në Elbasan në këto momente duket sikur ka lidhje direkt me klubin. Dihet që një nga problemet më kryesore që ka pasur Elbasani sezonin e kaluar ka qenë ana financiare dhe vizita e tyre në qytet nënkupton garancinë që do t’u japin lojtarëve dhe stafit në këtë aspekt. Nuk dihet nëse në axhendë do të kenë edhe ndonjë vizitë në seancën stërvitore, apo thjesht do të vijnë për të mbyllur ndonjë detaj që u ka mbetur pezull me klubin e futbollit.

MERKATO – Elbasani është duke vijuar me merkaton gjatë kësaj periudhe, pasi në skuadër janë afruar disa futbollistë të rinj që fillimisht kanë kaluar periudhën e provës dhe pritet të jenë pjesë e Elbasanit për këtë sezon. Gjithsesi, është larguar mbrojtësi Aldo Bella që iu bashkua ekipit gjatë javës që sapo lamë pas në stërvitje, por gjithsesi nuk ka preferuar që të qëndrojë me verdheblutë për këtë sezon. Ndërkohë, një afrim i ri mund të konsiderohet edhe Renato Hyshmeri, i cili ka dalë në stërvitje me Elbasanin.

Fillimisht në skuadër është afruar mbrojtësi Aldo Bella, ndërkohë që mund të thuhet se tani sytë e elbasanasve janë hedhur për në sektorin ofensiv. Aktualisht asnjë lojtar nuk ka firmosur kontratën me klubin, por mësohet se brenda javës së ardhshme do të mbyllet gjithçka.

Bëhet fjalë thjesht për të zyrtarizuar marrëveshjet, pasi ata që dolën në stërvitje kanë vendosur që të qëndrojnë. Gjithashtu pritet që të bëhet një seleksionim se cilët nga futbollistët e rinj që i janë bashkuar ekipit në stërvitje do të vijojnë aventurën me verdheblutë. Fatmir Popja

Elbasani zhvilloi ditën e djeshme pranë kompleksit sportiv “Shefqet Lamçja” seancën e parë stërvitore. Për herë të parë nën drejtimin e dy ish futbollistëve të kësaj skuadre në rolin e trajnerit, Eriol Merxha dhe Endri Dalipi, të cilët do të kenë detyrën e vështirë për të ringritur skuadrën në Kategorinë e Parë. Të pranishëm në këtë seancë të parë stërvitore ishin afro 20 futbollistë, me një pjesë të madhe të përbërë nga lojtarë të rinj që vinin nga moshat, por edhe disa prej “senatorëve” të edicionit të kaluar, të cilët vendosën të mos e braktisin skuadrën. Kështu, lojtarë si: Kotorri, Duka, Lleshi, Dosti, Gjorga etj, pritet të përbëjnë boshtin e skuadrës për këtë edicion. Pa harruar as rikthimin e Aldo Bellas në mbrojtje, i cili i është bashkuar elbasanasve në stërvitje.

MERXHA – Trajneri i skuadrës së Elbasanit, Eriol Merxha, u shpreh në një prononcim për mediat se me këtë kontigjent lojtarësh, por edhe me afrime që mund të bëhen, skuadra do të synojë ngjitjen në Kategorinë e Parë. Edhe pse nuk tregohet euforik dhe ia lë gjithçka kohës, ai beson se të gjithë do të bëjnë maksimumin për arritjen e objektivave. “Edhe pse punën po e nisin gati nga zero, kemi arritur të mbledhim disa elementë të mirë për të na mundësuar arritjen e objektivave. Në lidhje me synimin tonë, normalisht që kërkohet ngjitja në Kategorinë e Parë, por gjithsesi duhet t’ia lëmë kohës dhe të shohim ndeshjet me radhë. Momentalisht do të punojmë për të arritur në formën më të mirë dhe për të krijuar një ekip simpatik”, përfundoi prononcimin e tij për mediat tekniku Eriol Merxha.

Fatmir Popja

Elbasani i ri po fillon të marrë “jetë”, pasi ditën e djeshme klubi ka zyrtarizuar trajnerin e ri të skuadrës. Pankina i është besuar ish-futbollistit të kësaj skuadre, Eriol Merxha, i cili ndihmës të tij do të ketë Endri Dalipin, edhe ky një ish i skuadrës së Elbasanit. Kështu, klubi ka vendosur që Muharrem Dostin ta pasojë Eriol Merxha, ndërkohë që ish-teknikut elbasanas do t’i besohet një tjetër pozicion në klub, për kontributin që ai ka në skuadrën e Elbasanit. Merxha dhe Dalipi do të nisin zyrtarisht punën më datën 11 shtator, kur edhe është programuar që verdheblutë të startojnë përgatitjet për edicionin e ri futbollistik. Klubi e kishte bërë të ditur me kohë që në krye të pankinës do të ishte një trajner nga Elbasani dhe pasi u panë CV-të e të gjithë trajnerëve, u vendos që në krye të jetë Merxha me ndihmës të tij Dalipin. Duhet thënë se këta dy trajnerë deri para dy vitesh kanë qenë pjesë e klubit të Elbasanit si futbollistë, por vijuan karrierën e tyre si trajnerë me moshat, duke e lënë futbollin e luajtur në fushë. Kjo dyshe do të ketë një detyrë të vështirë përpara, pasi do i duhet që të ngjisin Elbasanin me çdo kusht në Kategorinë e Parë.

MOSHAT – Gazeta mëson nga burime zyrtare në klub se ndryshime nuk ka pasur vetëm nën drejtimin e skuadrës së parë, por edhe tek U-17, pasi janë larguar Sabri Dalipi dhe Dhimitër Gjika. Vendin e tyre e kanë marrë Shkëlqim Lleshankau dhe Klajdi Hodaj. Ndërkohë, tek U-19 nuk ka pasur lëvizje në pankinë, pasi do të jetë sërish dyshja e viteve të fundit që do të drejtojë skuadrën. Bëhet fjalë për Arjan Kilën dhe Mikel Cenajn. Disa ndryshime të tjera ka pasur edhe tek moshat më të vogla që janë pjesë e klubit të Elbasanit.

Perlat e Komisionit të Etikës nuk kanë fund, mjafton të kujtojmë që më parë kanë dënuar portierin e Teutës Alfred Osmani për një estradë në Vlorë, apo dënuan Ilion Likën e Flamurtarit për një ndeshje ku portieri nuk kishte qenë as në fushë e as në stol.

Tani Etika vendos të pastrojë… Kategorinë e Parë, aty ku “është bërë m**i mullar” prej vitesh dhe shohim gallatë në muajt e fundit të çdo sezoni.

Këtë sezon gjysma e ndeshjeve (të paktën) në mars deri në maj ishin tragjikomike, me lojtarë që ecnin në fushë dhe i kërkonin ndonjë birrë arbitrit, por qenka Elbasani-Turbina “nëna e krimit”.

Që ajo ndeshje e luajtur në 30 mars dhe mbyllur 3-1 për Elbasanin ishte një stërvitore, këtë e pamë të gjithë në RTSH, por krejt papritur harrohen spektakli në shumë ndeshje të tjera, apo u harrua që vjet Këpuca e Artë nuk u dha fare nga Federata Shqiptare, me skena të turpshme si ato në Besëlidhja-Mamurrasi 6-7, ku serbi Kosta Bajiç shënonte 6 herë, duke u shpallur shënuesi më i mirë i Kategorisë së Parë. Ato supergola i vlejtën një transferim në kategorinë e dytë të Kazakistanit, elita e futbollit botëror!